Baefeso 2:2 - Le Nouveau Testament in Kele (Lokele) 1958

² ani akɛndɛkɛndɛk’ino ndotutaka Bɔkɔta wa isosha sha bofolalu, Bolimo Obe oyatofumbaka ko kwani sisi ya bana ba totefola.

Baefeso 2:2 Iomraidhean Croise

Matayo 11:19

Wana wa boto asoya, ani atola la atomwa limɔ basoonga mbo— Tɛnɛ ngo, ende afofa la bowi bänä, lisaɔ lia basɔnji ba bɛsɔmbi la bato abe. Nde Wɛlï bosoluwana olau ko la bekeeli ya wao.

Matayo 13:22

Inde imɔ oyalɔɔmɔkɔ nda kɛ̈kɛ̈, atooka Lioi, bifembi ya wenda la lilimbi lia bieto, bitoyanyɛɛlɛ Lioi, angota tuma.

Matayo 13:38

elanga ende ewenda-bo, koto bilau bende bana ba Bɔkɔta wa Use; nde baoköoko bende bana ba Ewa obe;

Malako 4:19

nde bifembi ya wenda la lilimbi lia bieto la yɛmɛ ya yeka yasi, bitoyanyɛɛlɛ Lioi, liao angota tuma.

Luka 16:8

Ngɛnɛ loinela Bonyafala wande oyatienganaka eoka akeliki nde la eläläka; eoka nda fɛtɔ yau, bana ba wenda-bo balongeli nde bana ba löwa la eläläka.

Luka 22:31

Simona, Simona, toka, Satana asofelak’ino mbo afɛfɛk’ino kwa atofɛfɔmɔkɔ bofonga,

Yoane 12:31

Ko kwani eba wenda batoatomo njasɔ, ko kwani Bɔkɔta wa wenda-bo atoumbolomo lousa,

Yoane 13:2

Alak’iyo bieka ya ocho, ani Satana asosila ndofɔɔlɔ botema wa Yudasi wa Keliote, wana wa Simona, mbo awambeke Yesu,

Yoane 13:27

Mbisa ya yaki, Satana lɔɔtɛlɛ Yudasi. Yesu loonga to lande mbo— Elotokel’aɛ, kelaka oko lisasaya.

Yoane 14:30

Itiaong’imɔ lanu baoi wike, eoka Bokakalesi wa wenda-bo atoya, nde ati lami la loasɔ ango lɔmɔi;

Yoane 15:19

eya mbo wayala eba wenda, ani eba wenda basosama ko ewau angɛnɛ, nde eoka mbo oti ba wenda-bo la mbo isoaa ino nda wenda-bo, ongoma to eba wenda basoiyana lanu.

Yoane 16:11

loasɔ loa likomyi mbo bokakalesi wa wenda-bo asofomo se.

Yoane 7:7

Bato ba wenda batikɔkɔlɛ ndoiyana lanu, batoiya nde Imi eoka Imi nd’atokambes’iyo wewe mbo bekeeli yau bende ibe.

Yoane 8:23

Yesu loonga lau mbo— Ino wende ba ono se, Imi yende w’olikolo; ino wende wa ewenda-bo, Im’iti wa ewenda-bo.

Yoane 8:44

Ino wende bana ba sango wanu ako Satana, la ino ososanga ko ndokelaka yɛmɛ yande. Ona ayaläkä ko booli w’ato konda liakoli, inde atiyale fii nda wewe, eoka angwɛnɛ wewe end’inde ango sinyo. Atotak’inde nanga, wende ko boyaeli wande, eoka inde ende boti wa nanga la ende ko sango wa lolanga.

Tomo Ya Batomomu 19:35

Asilaka ikomya la botikasa wa okenge ndoyalesa ekuke ya bato tau, inde mbo— ¿Ino bato ba Efeso, boni oto atiluwe mbo bokenge wa Efeso wende botingani wa mungu ofi ako Diana oyakwakwa se nda use?

Tomo Ya Batomomu 5:3

Nde Petelo loonga mbo— ¿Anania, monito Satana asotumesa botema waɛ mbo olimbeke Bolimo Botanu la lolanga la ndoisa botüku wa bolïli wa elanga?

Baloma 12:2

Boyaeli wanu boyalëke kwa ewa bato ba e-mbile-ye, kangä boyaeli ebosokikolomo ko boyaeli boyai wa betema yanu mbo oluwakeke lisangi lia Mungu la njasɔ yande ebile bilau, eyakuliomoko lande, ebisoɔlɔlɔ hɔlɔhɔlɔ.

1 Bakolinto 5:10

nde inga to loasɔ loa eba wenda angɛnɛ ebati b’Etanda, kwa eba bolole, l’eba booni, kwa ebatosemola bɛfɔnɔ ya mungu, eoka ongoma engani nde ko ndosokwa nda wenda-bo.

1 Bakolinto 6:11

Wayalaka nde bamɔi banu, ko l’ebɔfɔnɔ-bo, kongo ko ososoolomo batwanelo, osüchomo nda Etanda, osoenganesomo eoka ya lina lia Ngɛnɛ Yesu Masiya la eoka ya Bolimo wa Mungu wasu.

2 Bakolinto 4:4

Limɔ mungu wa wenda wa mbile-ye asolinjaka betema ya ebatiimele Ngɛnɛ mbo bataɛnɛ bonyanya wa Mboli Ilau ya tala ya Masiya, Oyayali la liluku lia Mungu angɛnɛ.

Bagalatia 1:4

Masiya nd’afaka liwawi liande angɛnɛ eoka ya batwanelo basu mbo auwesek’iso nda mbile-ye ya obe, ko la lisangi lia Mungu Sango wasu;

Baefeso 1:21

omao likolo lia kanda bitotina ya likomyi la isosha la bofoka la likakalesi la likolo lia baina batotina ebatosingwakomo, inga to nda mbile-ye kongo, kangä imɔ nda mbile eyekayeke.

Baefeso 2:11

Eokao enyelaka to mbo ino ebayalaka koso ba tukela ya wenda-bo, nda loasɔ loa lokomba ebatangomu nde mbo Eba sunga ko la bato ebatangomu Eba totombe, loasɔ loa lokomba ko la besamba ya bato,

Baefeso 2:13

Nde kwani ko l’eoka ya Masiya Yesu, ino ebasiamaka esika, ososishanesomo tinatina ko la bakila ba Masiya.

Baefeso 2:3

La iso batotina imɔ twakɛndɛkɛ sisi ya bato ba bɔfɔnɔ-bo nda yɛmɛ ya bindo la twalitesaka ko yao eyalɛmbɛkɛ bindo la baenyeli angɛnɛ, la ongoma twayalaka balomboki ebenganaka la efango ya Mungu kwa ebamɔi batotina.

Baefeso 4:17

Eokao isoonga lanu liasi la isokambes’ino nda lina lia Ngɛnɛ wasu, mbo otayal’imɔ kwa akoyali eba tukela ya wenda, la liyaëlä nda betema yau;

Baefeso 4:22

Sokolaka to boyaeli wanu wa oso kwa atosokolomo esinda eyesoya ɛkwɛlɛ, boyaeli ebosɔɔlɔ eoka ya yɛmɛ ya bolimbake,

Baefeso 5:6

Boto angɔmɔi ataimbak’ino la baoi ebati la litina, eoka efango ya Mungu esoyela bana ba totefola ko loasɔ loa e-njasɔ-bi.

Baefeso 5:8

wayalaka nde oso ko lilima, kongo ko kwani wende löwa ani awatemani ino la Ngɛnɛ. Kɛndɛnɛkɛ to la boyaeli wa bana ba löwa,

Baefeso 6:12

Eoka nda bita-bi, toitonana la binyo la bakila, kangä la bekumi la tososha la bakakalesi ba wenda wa botutuku la ngendi ya belimo ibe ya use.

Bakolose 1:21

La ino, wasiamaka sia la Mungu, wiyanaka lande nda baenyeli banu ko la bekeeli ibe,

2 Timoteo 4:10

eoka Dema, oyasami nde njasɔ ya wenda-bo, asomacha’mi okakɛ nda Tesalonika; Kelesekene asɔkɛ nda Galatia la Tito nda Dalamatia.

Yakobo 1:27

Lilitesi lia njasɔ ya Mungu elile litanu, angwɛnɛ litwanelo ango limɔi nda baiso ba Mungu Sango lile ngo ko ano, mbo ndotingakanaka l’eba tika ya sango l’eba tika ya batolome nda mbile ya bifembi yau la ndoyala la botanu, angwɛnɛ ango liälö lia wenda-bo.

Yakobo 1:7

Boto wa bɔfɔnɔ-bo atatanga nde mbo ɛɔlɔkɔ nde yeka ango ɛmɔi ende Ngɛnɛ,

Yakobo 4:4

Wende bato ba nyongo! ¿Otiluwe mbo lisaɔ lia eba wenda lile wiyani la Mungu? Eokao oyakasangeke osukana lisaɔ lia eba wenda-bo ambo asokwa wiyani la Mungu.

1 Petelo 1:14

Yalaka kwa bana ba lilitesi, otutelëk’imɔ yɛmɛ ya bindo kwa akelak’ino nda mbile ya botutuku wanu;

1 Petelo 4:3

Mbile eyesoeta yaɔlɛsɛk’ino fofe yokelaka kwa ebilɛmbi bato ba wenda, biko ndokwa nda mboka ya bolëfë la yɛmɛ ya obe, liwa lia bänä, bisha ibe, limwi lia bänä la lisemoli lia bɛfɔnɔ ya mungu elisofekomo la bikela.

2 Petelo 2:14

Baiso bau basobalyana l’eba batomali ba nyongo, angotatɛkwa batwanelo, batɔɔngɔlɔ betema ya bato ebatikɔkɔmɛ, eoka betema yau bisoekekesomo ko ndolola yao ebiti eyau.

1 Yoane 3:10

Ko la e-litina-li losoɛnɛlɛ fololo l’ebale bana ba Mungu, l’ebale bana ba Satana; boto oyaitokelaka liengani, ambo ona ati wana wa Mungu, la oyatisame etungani yande imɔ ko ongoma.

1 Yoane 3:8

Oyatokelaka batwanelo ambo inde ale wa Satana eoka Satana asotwanekelo ko nda liakoli; Wana wa Mungu nd’ɛnɛlɛkɛ ko la litina-li liko ndosɛɛsɛlɛsɛ ebisokelaka Satana.

1 Yoane 4:4

Nde ino, bana bami, wende ba Mungu la osolongela iyo, eoka Inde oyale nda betema yanu, ale ofi wolonga inde oyale nda wenda.

1 Yoane 5:19

Toluwi nde mbo tole bana ba Mungu la wenda-bo bototina bosoundomo ko la Ewa Bobe.

1 Yoane 5:4

Eoka ebisootomo la Mungu, yao nd’atolongela wenda-bo, la lilongeli elitolongela wenda-bo lile ngo ko liimeli liasu.

Liɛnɛsu 12:9

Limɔ Likilɔ lifi, eko njɔ ya kwalakwala oyasotomo lina liko Bowanjeli la Satana, oyatolimbaka wenda bototi, inde lokushakomo ko nda nyɛlɛ amamwito la bakitomo bande.

Liɛnɛsu 13:14

la atolimbaka ebayali nda wenda-bo ko la bisisho ebitokel’inde ko la isosha esifomu inde nda baiso ba nyama ya oso, la atoongaka la bato ebayali nda wenda-bo mbo bakeleke bɔfɔnɔ wa nyama ena oyaswomoko lifwa la ambɔtɛ la oyakoyali la liwawi.

Liɛnɛsu 13:8

Batotina ebayali nda wenda-bo batosemol’inde, bako boto la boto oyatitomo lina ko nda baakowelo nda lokasa loa loiko loa Wana wa bɔkɔkɔ Oyaolomoko.

Liɛnɛsu 16:17

Limɔ ewa bosambale lowɛlɛ eengo yande nda bofalu wa use, limɔ limiki lifi lokuswa nda kɛka efi omolo nda Einelo ya Mungu, liao loonga mbo— Lososila to!

Liɛnɛsu 20:2

la inde lotukumela Likilɔ liko njɔ ya kwalakwala, eko Bowanjeli la Satana, la inde lokanda inde ngwi ko miaka ɛlɛfu.