Imi yende Lituma lia liwawi elisosokwa nda Use; eyambo boto elaka e-lituma-li, eyalaka nde la liwawi konda layalaya; la lituma elitofa’mi of’inde, liende bindo yami ebitofa’mi loasɔ loa loiko loa wenda.
Isowa to la liwa eliawaka Yesu nda lieka, nde ati to’mi oyale la liwawi, Masiya nd’ayali too ende’mi; la liwawi elisoyala lami nda bindo kwani, lisowawa ko la lilendelu lia Wana wa Mungu oyasamaka’mi la oyafaka liwawi liande angɛnɛ ko l’eoka yami.
Kɛndɛkɛndɛkɛ la boyaeli wa losamɔ, kwa Masiya asamak’imo ko iso la afaefaka liwawi liande angɛnɛ eoka yasu, lifaefi la litambi ende Mungu, eliaka la liɛsɛ lilau.
Eokao loaenganaka lande mbo akweke la liluku lia bitungani yande, mbo ayaleke Kanga Eyeti ya booto la eyolendelomo nda likuwa lia Mungu, litina mbo amɛsɛlɛkɛ batwanelo ba bato.
Eokao to, Bitungani ebasüchomo, ino ebasotomo lioi elisosekwa nda use end’ino yaatotina, enyakelaka Botomomu la Kanga Eyeti oyasoaolelomo ko lasu, ako Yesu,
Eoka kanga-eyeti oyasoaomo ende bato asofomo isosha shoongela bato nda njasɔ ya Mungu, mbo atambeke Mungu bafaefi la nyama yofechomo eoka ya batwanelo.
Ati ango la boeno botambaka lise la lise litambi loasɔ loa batwanelo bande angɛnɛ oso, limɔ loasɔ loa batwanelo ba bato kwa akelakaka Kanga-Ebieti ina; akelaka nde ano likela limwitoto ani atambaka Inde liwawi liande angɛnɛ.
nde simbi to bakila ba Masiya kotanekesa baenyelo ba betema yanu ebisoowana la bekeeli ya liwa mbo bokuweleke Mungu wa Loiko. Ko la Bolimo wa layalaya Inde angɛnɛ lotamba Mungu botema wande ebotiaaka la loasɔ ango lɔmɔi.