Baebele 3:1 - Le Nouveau Testament in Kele (Lokele) 1958

¹ Eokao to, Bitungani ebasüchomo, ino ebasotomo lioi elisosekwa nda use end’ino yaatotina, enyakelaka Botomomu la Kanga Eyeti oyasoaolelomo ko lasu, ako Yesu,

Baebele 3:1 Iomraidhean Croise

Yoane 17:3

Loiko loa layalaya lole ko ndoluwa Aɛ, Mungu Ɔmwitoto wa Wewe la oyatomomu laɛ ako Yesu Masiya.

Yoane 20:21

Limɔ Yesu loonga lau liasi mbo— Lilatemi liyaleke lanu! Kwa atomaka Sango otoma’mi, kwani Imi nd’asotom’ino.

Yoane 20:27

Limɔ Inde loonga la Tomasa mbo— Eshaka to isangakala shaɛ eyamaya, ɛnɛkɛ bangasa bami, eshaka lingasa liaɛ la taka liao nda likuka liami, oyalëke la fee, kangä boto wa liimeli.

Tomo Ya Batomomu 1:15

Lise limɔi nda bacho bana, Petelo loemala sisi ya beoto (ekuke ya bato loengana loketi loa mia la kama imbale), inde mbo—

Baloma 11:17

Ango beta bimɔi beunakomo nda isandu, limɔ aɛ ako bota w’isandu sha lokonda kɔtɛsɔmɔ nda lifa lia yao ya bokuma, limɔ beta bitotina koyala la wili ɔmwito, kokaana bofoka wa bülu w’isandu, otakemëke loasɔ loa beta.

Baloma 15:27

basokela to ongoma la limɛngɔ la bende lau la bolima eoka ango eba tukela yasi bɛɔlɔ likaɔ lia lifaefi lia bolimo elisoesha BaYuda, ongoma lole loau ndosunga imɔ ko BaYuda la yeka eyele la bindo yau la boeno.

Baloma 15:8

Imi mbo Masiya ayaka to ende BaYuda eba iongo sha itombe nda boyaeli wa bosungi ndokɔkɔmɛsɛ wewe wa Mungu la ndokɔkɔmɛsɛ imɔ basakä ebafomoko batata,

Baloma 9:24

bako iso angɛnɛ ebatomoko lioi, inga BaYuda kongo kangä imɔ eba yese yasi?

1 Bakolinto 1:2

tosotoma liseeli liasu end’eba Etanda ya Mungu eyayali nda Kolinto end’ebasüchomo ko ende Masiya Yesu, ebatomu lioi lioyalaka ebatanu amamwito la batotina ebatosingwaka lina lia Ngɛnɛ wasu ako Yesu Masiya nda bilela bitotina, Ngɛnɛ wau la ewasu lisanga;

1 Bakolinto 10:17

Kwa ayali lituma ko limɔi, ko ongoma iso ebale ko wike, twende kwa bindo imwito, eoka iso yatotina totokaa ko lituma limɔi.

1 Bakolinto 9:23

Itokelaka ongoma ko l’eoka ya Mboli Ilau mbo yɔlɛkɛ likaɔ lia Mboli Ilau la liuwesi lia yao amamwito lau.

2 Bakolinto 1:7

Iyɛli shasu eoka yanu sitieyaeye, eoka tosoluwa mbo kwa asowatema ino lasu nda bemusi, ko ongoma otowatema ino ko lasu nda liɔngɛsi lia yao.

2 Bakolinto 9:13

Atoluw’iyo oluwa lisungi lianu, limɔ batoinakela Mungu eoka ya lilitesi lianu liolitesa bikela ya Mboli Ilau ya Masiya la eoka ya likaɔ lianu end’iyo la ende batotina;

Baefeso 3:6

Ebisoɛnɛsɔmɔ biko mbo bato ba biese yasi bende imɔ l’isosha shosangola botiko ko ɔmɔi la mbo bende ba bofindi ko ɔmɔi, la batofomo imɔ ko lisakä lia liuwesi lia liwatemi la Masiya Yesu ko l’eoka ya Mboli Ilau,

Baefeso 4:1

Eokao, imi Paulo, oyakandomu bɔnyɔlɔlɔ eoka ya likuwa lia Ngɛnɛ, isolɔmbɔkɔl’ino ndokɛndɛkɛndɛ la boyaeli wengani l’ebatomu lioi ndotutak’Inde,

Baefeso 4:4

Bindo yende ngo ko ɛmwito la Bolimo ngo ko Ɔmwito, kwa ani atomoko ino lioi la iɛli ko simɔi,

Bafilipoi 3:14

isoengaka nda elongelo, mbo yɔlɛkɛ bosömbo ebokafomoko bolongi boko ndotomo lioi omao likolo, ko ende Mungu ko l’eoka ya Masiya Yesu.

Bakolose 1:12

ani otofaka kelekele ende Mungu Sango oyasof’iso isosha shosangola botiko w’ebüchomu la Masiya nda eyaelo ya löwa.

Bakolose 1:22

kongo ko kwani asootwanes’ino ko la bindo ya boto nda liwa liande ndoemes’ino oso wande ani osüchomo, l’ani ososaesomo, angwɛnɛ ango litwanelo,

Bakolose 3:12

Eokao, ino ebasoaomo, ebüchomu, ebasamomu ba Mungu, wataka botema wa shota la ngandi la liikami se, la botema sambo, la limɛsɛkɛlɛni,

1 Batesalonika 2:12

twaɔnjɔnjak’ino, twaimak’ino mbo oyalakeke la boyaeli woengana bato ba Mungu oyasot’ino lioi mbo ɔɔtɛkɛ nda Bɔkɔta la nda tala yande angɛnɛ.

1 Batesalonika 5:27

Isotel’ino ekano ko la lina lia Ngɛnɛ mbo e-lokasa-lo lotangomoko ende bitungani bitotina y’Etanda.

2 Batesalonika 1:11

Ko l’eoka-ye totosombokoel’ino mbile la mbile, mbo Mungu wasu atangeke ino mbo wengani nde wotomo lande lioi la mbo aɔlɔlɛkɛ basangi batotina banu balau la bekeeli ya lilendelu ebisokelak’ino ko la bofoka wande,

2 Batesalonika 2:14

La Mungu asot’ino lioi ko la Mboli Ilau ebisonangoel’iso end’ino, mbo ino ɔɔlɛkɛ tala ebiomani la Ngɛnɛ wasu ako Yesu Masiya.

1 Timoteo 6:12

Fumbaka nda liangɔ lilau lia lilendelu; kusamelaka loiko loa layalaya elosotomelomo aɛ lioi la eloaolelak’aɛ nda baiso ba batangeli wike.

1 Timoteo 6:2

Ango ebale la bangɛnɛ ebayali b’Etanda baolyëke bangɛnɛ bau eoka mbo bende beoto b’Etanda; kongo ko bakuwekelek’iyo la lilitesi lioeta eoka ebatokuwelomo la wɛlï bende b’Etanda la ebasamomu lau. Ekesaka la fumbesaka ongoma.

2 Timoteo 1:9

oyasouwes’iso, oyasot’iso lioi lia lotanesomo, inga eoka ya bekeeli yasu, kangä eoka ya lisangi liande angɛnɛ la booto wande ewafomoko iso ende Masiya Yesu ko oso wa lotango loa mbile,

2 Timoteo 2:7

Enyakelaka elotoonga’mi la Ngɛnɛ wasu atolembeeles’aɛ litina litotina.

Baebele 10:19

Bitungani, kwa ayali iso la lotendela ndɔɔtɔ nda Eüchelo ya Botanu, ko l’eoka ya bakila ba Yesu,

Baebele 10:21

la eoka mbo twende la Kanga-Eyeti Oyalongeli ndokɔmɔnya bofindi wa Mungu,

Baebele 10:23

Tokɔkɔmɛkɛ to kɔkɛ nda liaoleli lia iɛli shasu, angomelaimela, eoka oyatikelak’iso lisakä ale wolendelomu.

Baebele 13:22

Nde isoomb’ino, Bitungani, ndoka lioi lia liɛngɔ lia lokasa loami, eoka isosɔnɛl’ino ko baoi bamyɔ.

Baebele 2:11

Eoka Oyasücha bato la bato ebasüchomo, batotina bende ngo ko la Sango ɔmwito; ko la litina-li, Yesu atioke sɔni yot’iyo lina liko bitungani.

Baebele 2:17

Eokao loaenganaka lande mbo akweke la liluku lia bitungani yande, mbo ayaleke Kanga Eyeti ya booto la eyolendelomo nda likuwa lia Mungu, litina mbo amɛsɛlɛkɛ batwanelo ba bato.

Baebele 3:12

Bitungani, tichaka, eluwa ɔmɔi wanu atayala la botema obe wotaka fee, la wosɛnyanes’ino la Mungu wa liwawi.

Baebele 3:14

Eoka, eya to mbo tounda lilendelu ko ngwi konda liakoli konda liko, anyo iso kootwana la Masiya,

Baebele 6:20

olo asoeteel’iso Botoli oso wasu ako Yesu, Oyasoyala Kanga-Eyeti ko l’eoka yasu, layalaya la liluku lia Mɛlɛkisɛdɛkɛ.

Baebele 7:26

Loondu nde lasu ndoyala la Kanga-Eyeti ya bɔfɔnɔ wande, la botanu, ati la bolimbake, ati la loasɔ, asosɛnyana la bato ba batwanelo la asotaliomo tala olikolo lia use.

Baebele 7:28

Eoka Bikela nd’afaka balomboki isosha shoyala kanga-bieti, kongo ko liölo lia ekanɔ eyayaka mbisa ya Bikela, lisoücha Wana Oyasɔɔlɔlɔmɔ konda layalaya.

Baebele 9:11

Nde ayaka Masiya ndoyayala Kanga-Eyeti ya ebilau ebikayeke, Inde lɔɔtɔ ko la litenya lia Eüchelo ya Botanu eyesolongela la eyesɔɔlwa, eyetikelomo la besamba la eyeti ya balomboki kongo,

Baebele 9:15

Masiya ale to Bokumi wa Ngɛla Eyai ko la litina-li, mbo ebasotomo lioi baɔlɛkɛ botiko wa layalaya ewatikelomoko iyo lisakä, eoka liwa lina lisoesha liendolomu lia batɔngwi nda ngɛla ya oso.

1 Petelo 2:9

Nde ino wende balomboki ebasoaomo, botükä wa Kanga ya Bɔkɔta, tukela ya bato ebüchomu, la bato ebasoomana la Mungu kongo, mbo oteke boekï wa tolombo etwakelak’Inde oyatak’ino lioi liosekwa nda lilima oyaɔtɔkɔ nda eloande löwa lomwaalomo.

1 Petelo 3:5

Eoka batomali ba kwaala lokɛsɛkɛlɛ iɛli shau ko ende Mungu, bawataka bɔfɛkɔ ongoma la balitesaka batolome bau,

1 Petelo 5:1

Ino biange ya Etanda, imi oyale imɔ ko wange la ɔmɔi oyɛnɛkɛ biale ya Masiya la oyatosangana lanu imɔ nda tala eyekɛnɛsɔmɔkɔ, isolɔmbɔkɔl’ino mbo—

1 Petelo 5:10

Mungu, Ngɛnɛ wa booto bototina, oyasot’ino lioi mbo ɔɔtɛkɛ nda tala yande ko la Masiya konda layalaka, mbisa ani asokaka biale ko mbile sinyo, Inde angɛnɛ eɔlɔl’ino, ekɔkɔmɛsek’ino, ewangemesak’ino, efaefak’ino bofoka!

1 Yoane 1:3

Lona elwɛnɛkɛ nd’iso la eloaokak’iso, tosonangoela imɔ ko ino, mbo ino imɔ osukaneke lasu lisaɔ; la lisukani-li liasu lile to amamwito la Sango la amamwito la Wana wande ako Yesu Masiya.

Yuda 1:1

Yuda ako bɔkɔwa wa Yesu Masiya, la etungani ya Yakobo, asotoma lokasa-lo ende bato ebatomokö lioi, ebasosamomo la Mungu Sango l’ebasokukyiomo la Yesu Masiya.

Liɛnɛsu 17:14

benanaka nde bita la Wana wa bɔkɔkɔ, la Wana wa bɔkɔkɔ belongaka nde iyo, eoka Inde nd’ale Ngɛnɛ wa bangɛnɛ la Bɔkɔta wa bɛkɔta la ebasɔkɛsɛnɛ lande bende ebasotomo lioi, la ebasoaomo, la ebasokɔkɔmɛlɛ.

Liɛnɛsu 18:20

Aɛ Use, omakalaka loasɔ loande, la ino ebatanu, la batomomu, la batɔndɔli, eoka Mungu nd’asokundel’ino ko end’inde ako Babilona!