2 Bakolinto 7:8 - Le Nouveau Testament in Kele (Lokele) 1958

⁸ Ango yeokesak’ino botema wale nda lokasa lona loami, nde kwani itiok’imɔ ikɛnɛnɛ ani yokaka ikɛnɛnɛ nda loao oso, eoka isɔɛnɛ mbo lokasa lona loafak’ino botema wale finɛ, ambo ko mbile sinyo kongo.

2 Bakolinto 7:8 Iomraidhean Croise

Yoane 16:6

Nde ko l’eoka mbo isokambes’ino njasɔ-bi, ikɛnɛnɛ sisotumesa betema yanu.

Yoane 21:17

Yesu loonga lande lionga lia asatɔ mbo— ¿Simona wana wa Yona, osami nde’mi? Petelo looka ikɛnɛnɛ sifi eoka mbo aongi nde elia asatɔ mbo— ¿Osami nde’mi? Limɔ inde loonga la Yesu mbo— Ngɛnɛ, oluwi nde bitotina, Aɛ nd’aluwi la wɛli mbo isami nd’Aɛ. Yesu loonga lande mbo— Lesaka bɛkɔkɔ yami.

2 Bakolinto 7:11

Tɛnɛ to botema wale ebosoeshel’ino Mungu, mbo bosɔɔlɛs’ino bofiili, aina yɛmɛ yosokola loasɔ nda lokomba, aina lisomi liosoma la bobe, aina bɔwa ndowanga Mungu, aina yɛmɛ ya booto, aina bafumba bokucha bɔfɔɔli wa obe! Nda loasɔ lototina osɔɛnɛsɛ mbo ot’imɔ se nda loao mbo otikulye bɔfɔɔli.

2 Bakolinto 7:12

Nde ambo yasɔnɔkɔ lokasa end’ino, inga mbo boto ona w’obe akuchomoko, inga loasɔ loa boto ona oyakelomoko obe, kangä mbo yɛmɛ yanu yokɔkɔmɔ nda likuwa liasu liɛnɛlɛkɛ fololo, yasɔnɔkɔ ongoma ko nda baiso ba Mungu.

2 Bakolinto 7:6

Kongo ko Inde oyatɔɔngɛsɛ eba betema ya bolito, ako Mungu, Inde nd’aɔngɛsɛkɛ betema yasu eoka ya loyo loa Tito end’iso;

2 Bakolinto 7:7

inga loasɔ loa loyo kongo, kangä imɔ loasɔ loa liɔngɛsi la limɛngɔ elisok’inde end’ino la asoluwes’inde oluwesa iso eniya yanu, la ngandi eyokak’ino la yɛmɛ yanu yosungak’mi, eokao im’isooka limɛngɔ finɛ.

2 Bakolinto 7:9

Kwani isoka limɛngɔ, inga to eoka ya wale ewokak’ino, kangä eoka mbo wakalanganaka eoka ya wale wa betema yanu; wokaka nde wale ewaeshaka Mungu la ongoma otibebesomo ko loasɔ loasu.

Liɛnɛsu 3:19

Imi isoimaka la isokucha ebatosamaka’mi osam’iyo; eokao yalaka la bofiili la kalanganaka.