2 Bakolinto 7:1 - Le Nouveau Testament in Kele (Lokele) 1958

¹ Ino ebasamomu lami, ani afomoko iso e-basakä-ba, totaneseke to betema yasu ndosokokola bɔwɛwɛ bototina wa bindo l’ewa botema lisanga, la tükameseke betema yasu uka ende Mungu la lilitesi la bɔwa.

2 Bakolinto 7:1 Iomraidhean Croise

Matayo 12:33

Takuliaka lɔmɔi—kwa mbo isandu shende silau la tuma twa shao tole tolau; kwa mbo isandu shende sibe la tuma tole tobe lisanga, eoka isandu silembeelomu la tuma twa shao.

Matayo 5:48

Ɔlɔlɔkɔ to nde liengani kwani ayali Sango wanu oyale nda Use, Inde nd’asɔɔlwa hɔlɔ.

Matayo 5:8

Limɛngɔ lile l’eba betema betanu, eoka batɔɛnɛ Mungu.

Tomo Ya Batomomu 9:31

Ongoma Etanda nda Yudea la Ngalilai, la nda Samalia, nda biese bitotina-bi, yao loyala la lilatɛmi, yao lokɔkɔmɔ kɔkɛ, yao lɔkɛ la oso yowanga Mungu nda lilitesi la ko la lisungi lia Bolimo Botanu yao loulwaka.

Baloma 5:20

Nde Bikela bisoyatuta ko mbisa ko ndokondesa litwanelo, kongo ko akondaka litwanelo, ongoma booto imɔ akondakondaka likama,

1 Bakolinto 6:20

Otiomane lanu angɛnɛ, wasombomoko la bolïli. Eokao omalesaka Mungu ko la bindo yanu.

2 Bakolinto 1:20

Inde nd’atokɔchaka basakä batotina ba Mungu mbo Eingo. Eokao ko la Yesu, iso mbo— Ongoma ende Mungu la lotaliomo tala yande.

Baefeso 2:3

La iso batotina imɔ twakɛndɛkɛ sisi ya bato ba bɔfɔnɔ-bo nda yɛmɛ ya bindo la twalitesaka ko yao eyalɛmbɛkɛ bindo la baenyeli angɛnɛ, la ongoma twayalaka balomboki ebenganaka la efango ya Mungu kwa ebamɔi batotina.

1 Batesalonika 3:13

litina mbo Inde akɔkɔmɛsɛkɛ betema yanu mbo biyaleke bitanu l’angwɛnɛ ango litwanelo, kangä liengani nda baiso ba Mungu Sango wasu nda bayelo ba Ngɛnɛ wasu ako Yesu, amamwito la ebüchomu bande batotina!

1 Batesalonika 4:7

Eoka Mungu atit’iso lioi mbo toyaleke la bɔlɛlɔ kangä mbo tüchomoko la botanu.

1 Batesalonika 5:23

Mungu wa lilatemi, Inde angɛnɛ aukamesek’ino hukaa, la belimo la betema la bindo yanu bitekakemeke teka, angwɛnɛ ango litwanelo, nda bayelo ba Ngɛnɛ wasu ako Yesu Masiya!

Baebele 12:23

la ende Etanda y’ebaotomoko ko oso ebasotomo baina nda Use, la ende Mungu Wataki wa yaatotina, la ende belimo ya bato ba liengani ebasɔɔlɔlɔkɔ hɔlɔɔ,

Baebele 12:28

Eokao, asoaelak’iso Yakakaelo ya Bɔkɔta wasu eyetilalɛlɛlɛlɛ, toyaleke la bootaota ebotosung’iso ndoomalesa Mungu la lisemoli la lilitesi la bɔwa;

Baebele 4:1

Eokao, kwa asotikomo lisakä liɔɔtɔ nda baɛumɛlɔ bande, towangeke mbo boto ɔmɔi wanu atatangomo mbo asoomelo bao.

Baebele 6:9

Ango toonga ngo ko ano, ino ebasamomu, tosoenyela wewe mbo njasɔ yolongela bina, bitoyel’ino, biko ebisoomana la liuwesi lianu.

Yakobo 4:8

Sishanaka tina la Mungu, limɔ Inde atosishana tina lanu. Solaka besamba yanu, ino bato ba batwanelo la tanesaka betema yanu, ino ba betema imbale!

1 Petelo 1:15

kongo ko kwa eyalak’Inde oyatak’ino lioi ko Botanu, ino imɔ yalaka batanu nda beyaeli yanu bitotina,

1 Petelo 1:17

Eya to mbo ososingwakel’Inde kwa Sango, ako Inde oyatoataka boto la boto eloande loasɔ ko la liengani, ino koyalaka la lilitesi lia bɔwa ko la mbile ebisolimel’ino ono;

1 Petelo 1:22

Ani asotanes’ino belimo yanu ko la lilitesi lia wewe ko mbo osamanakeke la losamɔ loa bitungani elole la momongo, ongoma samakanaka to la botema bototi.

1 Petelo 2:11

Basamomu, isoombak’ino ebayali kwa bato ebasolimela la bɛɛnda nda wenda-bo, mbo ofekeke yɛmɛ ya bindo ebitonana bita la belimo yanu.

1 Petelo 5:10

Mungu, Ngɛnɛ wa booto bototina, oyasot’ino lioi mbo ɔɔtɛkɛ nda tala yande ko la Masiya konda layalaka, mbisa ani asokaka biale ko mbile sinyo, Inde angɛnɛ eɔlɔl’ino, ekɔkɔmɛsek’ino, ewangemesak’ino, efaefak’ino bofoka!

1 Yoane 1:7

nde eya mbo tokɛndɛ nda löwa kwa ayali Inde nda löwa, ani tososukana boto la boto lisaɔ, la bakila ba Yesu Wana wande basotanekes’iso batwanelo batotina.

1 Yoane 1:9

nde toaola batwanelo basu, Inde nd’ayali wolendelomo la ewa liengani mbo amɛsɛlɛk’iso batwanelo basu la atanekes’iso bitotina ebitiengane.

1 Yoane 3:3

Boto la boto oyale la iɛli-si eoka ya Masiya, atotanesa botema wande angɛnɛ, ani ayal’Inde angɛnɛ botanu.