2 Bakolinto 4:7 - Le Nouveau Testament in Kele (Lokele) 1958

⁷ Kongo ko tososɛlɛ bondanda-bo wa loketi nda tei ya tɔlɔngɔ mbo bato baluweke mbo bofoka bofi wa wɛndi-bo boti wasu, kangä ewa Mungu.

2 Bakolinto 4:7 Iomraidhean Croise

Matayo 13:44

Bɔkɔta wa Use bole kwa bieto ya mbiso ebisoisomo nda elanga; aisoläkä oto oisola yao, inde loisa yao liasi, limɔ eoka ya limɛngɔ, inde lɔkɛ okaungesa biengo yande bitotina, inde kosomba elanga ena.

Matayo 13:52

Lamao Yesu loonga lau mbo— Eokao luwaka mbo Botikasa oyale boeki wa Bɔkɔta wa Use, ende kwa ngɛnɛ wa ndakɔ oyatokusokola boindä wa oso la biɛngɔ biyai imɔ, nda bondanda ebole lande.

Yoane 16:33

Isokambes’ino njasɔ-bi mbo ino bɔɔlɛkɛ lilatemi ko lami, nde nda wenda-bo bɔɔlɛkɛ to bemusi, nde sambokolaka betema yanu eoka Imi nd’asolonga wenda.

1 Bakolinto 1:28

Mungu asoaa mbuwa ya wenda-bo la twao etoti ango la litina, etoti ango yeka mbo asɛlɛkɛ yao ko wawa ko lau ebayali,

2 Bakolinto 10:10

Eoka bamɔi mbo— Kasa ebitosɔnɔk’inde yende biwaü la bofoka finɛ, kongo ko atɔɛnɛ iso wɛnɛ boyaeli wande, bole ko la bɔlɛmbu la boongeli wande bɔlɛlɛmu imɔ.

2 Bakolinto 13:4

Nde awaka nda lieka ko la bɔlɛmbu, kongo ko kwani ale la loiko ko la bofoka wa Mungu angɛnɛ. Iso imɔ ko ongoma, twende lande la bɔlɛmbu, kongo ko tosoyala la loiko amamwito lande ko la bofoka wa Mungu angɛnɛ nda likomyi lia loasɔ loanu.

2 Bakolinto 4:1

Eokao ani ayalak’iso la isosha-si ko l’eoka ya booto, toitowa esole;

2 Bakolinto 5:1

Eingo, toluwi nde mbo ango kumbo eyesoyael’iso nda wenda-bo, eukwaka, limɔ iso koyalaka la ndakɔ angɛnɛ eyesoswomo la Mungu, eyetiswomo la besamba, nde ndakɔ eyetoyalaka layalaya nda Use.

2 Bakolinto 6:10

tosowa ikɛnɛnɛ, nde mbile la mbile tosoomala la limɛngɔ; twende touwe nde totofotekesa bato wike; toti ango la shaya, nde tososɛlɛ yeka bitotina.

Baefeso 2:5

eyayaelak’iso ko belyo nda batongwi basu, Inde lof’iso liwawi liyai ko la Masiya angɛnɛ, (osouwesomo ngo ko la booto)

Baefeso 3:8

Booto-bo wafomoko ende’mi, ambo imi oyatiangoengana la itungangɔlɔ sha ebüchomu batotina ba Masiya, mbo inangokoeleke bato ba wenda-bo Mboli Ilau ya bondanda wa Masiya ebotiango woluwana loketi,

Bakolose 1:27

Mungu losanga ndoluwes’iyo wike wa tala ya njasɔ-bi ebisoisolomo ende bato ba wenda, la lioi lina lile mbo— Masiya kowatema lanu, ambo ende tuka ya iɛli sha tala ena.

Bakolose 2:12

waombomoko lande nda lolufiomo loanu, la nda loao imɔ watɛmɔlɔmɔkɔ amamwito lande ko la lilendelu nda bofoka wa Mungu oyatɛmɔlɔkɔ Inde nda liwa.

Bakolose 2:3

Bendanda bitotina ya wɛlï la liluwani biisamani nde ko ende Inde.

1 Batesalonika 1:5

eoka Mboli Ilau ebitonangol’iso, bitiayak’end’ino ko la lioi lia bɔnɔkɔ kongo, kangä imɔ la bofoka la isosha sha Bolimo Botanu la yao lokuliomo lanu finɛ, ongoma to oluwi nde bɔfɔnɔ wa bato ewayalak’iso sisi yanu ko l’eoka yanu;

1 Batesalonika 4:4

la mbo boto la boto wanu aluweke ndɔɔlɔ wali wande angɛnɛ ewüchomu la lolitesomo,

2 Timoteo 2:20

Nda ndakɔ ya likama, biɛngɔ ina biti ko eya mbela la bieto ya pata kongo, kangä imɔ ko eya tosandu la tɔlɔngɔ, la bimɔi bile yotaliomo nda likuwa, la ebimɔi biti yotaliomo.