2 Bakolinto 4:6 - Le Nouveau Testament in Kele (Lokele) 1958

⁶ Eoka ale ko Mungu oyaongaka mbo— Bonyanya wa löwa botosɔswa nda lilima. Inde angɛnɛ asoanesa betema yasu ndoangangesa liluwani lia tala ya Mungu eyesoanganga nda bɔmbɔ wa Masiya.

2 Bakolinto 4:6 Iomraidhean Croise

Luka 10:22

Bitotina bisofomo’mi ko la Sango wami; angwɛnɛ ango ɔmwito oyatolüwa Wana sakolo ngo ko Sango la angwɛnɛ oyatolüwa Sango, sakolo ngo ko Wana, la inde imɔ oyatosanga Wana ndoɛnɛsɛ inde Sango.

Yoane 1:14

La Lioi lokinjwa bindo, la Inde loyalana lasu; twɛnɛ̈kɛ tala yande tala kwa eya wana ɔmwitoto wa Sango; atumäkä la booto la wewe.

Yoane 11:40

Yesu loonga lande mbo— ¿Itionge laɛ mbo wimela ani wɛnɛkɛ nde tala ya Mungu?

Yoane 12:41

Yesaya loonga baoi-ba eoka ɛnɛkɛ̈ nde tala yande la aongaka loasɔ loande.

Tomo Ya Batomomu 26:18

mbo olioleke baiso bau, la mbo basokweke nda lilima ndokɛnɛ liangangi lia löwa, mbo basokweke nda bofoka wa Satana ndokakwa nda bofoka wa Mungu mbo bamɛsɛlɔmɔkɔ batwanelo, bafomoko botiko amamwito l’ebasotanesomo ko la liimeli lioimela’mi.

1 Bakolinto 12:8

Ende boto ɔmɔi Bolimo asofa lioi lia wɛlï; ende wasi ko lioi lia liluwani ko la Bolimo-ao;

2 Bakolinto 2:10

Bomɛsɛlɛ asisa loasɔ, imi imɔ komɛsɛlɛ inde; la oyasomɛsɛlɔmɔ lanu, asomɛsɛlɔmɔ imɔ ko lami ko l’eoka yanu nda baiso ba Masiya,

2 Bakolinto 3:18

Nde iso yaatotina ani biɔmbɔ yasu bitilinjakomo imɔ, limɔ tosɔɛnɛ bɔfɛkɔ wa Ngɛnɛ wasu kwa mbo wɛ̈li wa talatala la tosokindolomo nda bɔfɔnɔ wande wa bɔfɛkɔ ko ndomacha bɔfɛkɔ wa oso, eoka wao bosoyael’iso ko la Ngɛnɛ Bolimo angɛnɛ.

2 Bakolinto 4:4

Limɔ mungu wa wenda wa mbile-ye asolinjaka betema ya ebatiimele Ngɛnɛ mbo bataɛnɛ bonyanya wa Mboli Ilau ya tala ya Masiya, Oyayali la liluku lia Mungu angɛnɛ.

Baefeso 1:17

mbo Mungu wa Ngɛnɛ wasu ako Yesu Masiya, Sango wa tala, afek’ino bolimo wa wɛlï la ewoisola litina lia njasɔ yande;

Baefeso 1:18

la imɔ ko mbo aaneseke baiso ba betema yanu swaa mbo ino oluweke kwa ayali iɛli esiafomoko ino ani atomoko ino lioi la kwa ayali imɔ lilya lia tala-ye eyesosangol’ino ebüchelomu Masiya,

Baefeso 5:8

wayalaka nde oso ko lilima, kongo ko kwani wende löwa ani awatemani ino la Ngɛnɛ. Kɛndɛnɛkɛ to la boyaeli wa bana ba löwa,

Bafilipoi 2:6

kwa ani ayalak’Inde la liluku lia Mungu angɛnɛ, atiatangaka mbo ndoyala la liluku lia Mungu lole loasɔ lotuchomo,

Bakolose 1:15

Ale bɔfɔnɔ ebosɔɛnɛlɛ wa Mungu oyaitɔɛnɛlɛ, Oyaotomu oso wa wenda bototina ewakelomoko;

1 Batesalonika 2:12

twaɔnjɔnjak’ino, twaimak’ino mbo oyalakeke la boyaeli woengana bato ba Mungu oyasot’ino lioi mbo ɔɔtɛkɛ nda Bɔkɔta la nda tala yande angɛnɛ.

Baebele 1:3

Ayalaka bongalikimi wa tala ya Mungu la boyaeli wa liluku eliengani chaa la elia Mungu; ayalaka Bosukamesi wa wenda bototina ko la Lioi liande lia bofoka. Asilak’Inde ndotanekes’iso batwanelo la bobe, Inde loyala se nda bosamba w’olome wa Oyaeti ako Mungu olikolo nda use,

Baebele 6:4

Eoka nda loasɔ loa ebasoeshomo nda löwa, ebasofomo bɔtɔ̈mɔ wa lifi lia Use la ebasokaana Bolimo Botanu la beoto,

1 Petelo 1:12

Lɔɛnɛsɔmɔkɔ end’iyo mbo bakelaka ongoma, inga ndosung’iyo angɛnɛ, kangä ko ino, nda njasɔ ebisokambesomo ino kwani ko l’ebasonangoel’ino Mboli Ilau ko la Bolimo Botanu oyatomomu konda Use oya end’ino; la bakitomo bende la yɛmɛ yotichaka imɔ ko njasɔ-ao.

1 Petelo 2:9

Nde ino wende balomboki ebasoaomo, botükä wa Kanga ya Bɔkɔta, tukela ya bato ebüchomu, la bato ebasoomana la Mungu kongo, mbo oteke boekï wa tolombo etwakelak’Inde oyatak’ino lioi liosekwa nda lilima oyaɔtɔkɔ nda eloande löwa lomwaalomo.

2 Petelo 1:19

Tole imɔ ko la liolo lia litɔndɔli elisokɔkɔmɛsɔmɔ kɔkɛ, eokao bolau ngo ko mbo botinganeke la liao kwa faka eyesoanganga nda elela ya botufɛlɛ ko nd’akasɔsweke buse, ani üonge sha lisɔi sisotɛmwa nda betema yanu.