2 Bakolinto 11:3 - Le Nouveau Testament in Kele (Lokele) 1958

³ Nde isowanga mbo otalimbomo kwa alimbomoko Ewa ko la bɔlɔwanɛ wa Njɔ, la mbo betema yanu imɔ bitaengolomo ndomacha losamɔ loanu losamaka Masiya la momongo la lilendelu.

2 Bakolinto 11:3 Iomraidhean Croise

Matayo 24:24

Eoka BaMasiya ba nanga la bɛtɔndɔli ba nanga beyaka nde la tokesa la ndembe ya isosha mbo bekɔkɔlɔ ndolimbaka ango ebasoaaomo angɛnɛ.

Yoane 8:44

Ino wende bana ba sango wanu ako Satana, la ino ososanga ko ndokelaka yɛmɛ yande. Ona ayaläkä ko booli w’ato konda liakoli, inde atiyale fii nda wewe, eoka angwɛnɛ wewe end’inde ango sinyo. Atotak’inde nanga, wende ko boyaeli wande, eoka inde ende boti wa nanga la ende ko sango wa lolanga.

Baloma 12:8

oyasofomo lifumbesi, aongeleke bato la lifumbesi; bokusokoli wa lifaefi, ambo ko la bofäfä; oyasofomo botoli oso, ambo ko la itinjo; oyatɔkɛkɛ fɛtɛti ya booto, akɛkɛ la bɔfɔɔmu la limɛngɔ.

2 Bakolinto 1:12

Eoka loomalo loasu lole mbo botema bosoenyeles’iso wewe mbo beyaeli yasu ende eba wenda-bo, simbi to end’ino, biengani nde la botanu la liengani lia Mungu angɛnɛ, inga nda wɛlï wa balomboki, kangä la booto wa Mungu.

2 Bakolinto 11:20

Ino otolaila to iyo ani batosɛl’ino bɛkɔwa yau, ani batolaka yeka yanu, ani batolimbak’ino la shɔngɔlɔ, ani batotambak’ino lɔfɔlɔ, la ani batotefwesa biɔmbɔ yanu.

2 Bakolinto 11:29

¿Ndai to ale la bɔlɛmbu, ani imi angok’imɔ ko bɔlɛmbu? ¿Ndai to atokwesomo ilango, ani imi angosoma eoka yande?

2 Bakolinto 2:17

Toti to kwa ayali wike, ebatokɛndɛkɛndɛ bokalala wa Lioi lia Mungu, kongo ko twende ebatonangola amamwito la Masiya ko la momongo kwa ebatoyala oso wa baiso ba Mungu.

2 Bakolinto 4:2

nde tosomachaka njasɔ ya wisakumbo ebile la sɔni, tosofeka ndotimbana la bolimbake, la ndofenyaka wɛndi wa Mungu, kongo ko ani atoisokol’iso wɛndi wa wewe, tosolembeelesa batotina nda betema yau mbo toengani nde la likuwa-li nda baiso ba Mungu.

Bagalatia 1:6

Isoomwala mbo osoumama ndosɛnyana la Inde oyasot’ino lioi ko la booto wa Masiya okawatema la mboli ilau ya bɔfɔnɔ wasi,

Bagalatia 2:4

loaka nde loasɔ loa balimbakeli bamɔi ebaowaowaka nda ikumbɛ wisakumbo mbo baläeke esaela eyele lasu eba Yesu Masiya mbo bakandakek’iso liasi nda bekili ya oso.

Bagalatia 3:1

He! Ino BaGalatia wende bibebe! ¿Ndai asosinj’ino, ani oso wa baiso banu Yesu Masiya ɛnɛlɛkɛ fololo nda liwa lia lieka?

Bagalatia 4:11

Isowanga to loasɔ loanu kwa mbo isookel’ino bonui wa likuwa ko liokela.

Baefeso 4:14

Mbo totayala imɔ kwa bana’oli bofalimana la boeyaeyaesomoko la fofo bitotina ya liekesi lia bato ba bolimbakeli, ko la shɔngɔlɔ sha iɔlɛ shau sholimbaka basi.

Baefeso 4:22

Sokolaka to boyaeli wanu wa oso kwa atosokolomo esinda eyesoya ɛkwɛlɛ, boyaeli ebosɔɔlɔ eoka ya yɛmɛ ya bolimbake,

Baefeso 6:24

Booto boyaleke la batotina ebatosamaka Ngɛnɛ wasu ako Yesu Masiya la losamɔ elotilasaek’imɔ.

Bakolose 2:18

Boto angɔmɔi atakomy’ino ndotinjak’ino ndoikamela bakitomo se la liɔndwi se oso wau, boto wa bɔfɔnɔ-bo atolitesa saki ebisɔɛn’inde, atowaka bɔmɛtɔ finɛ angwɛnɛ litina ko l’eoka ya baenyeli ba bindo kongo,

Bakolose 2:4

Isoonga lanu ongoma mbo boto atalimbak’ino ndoimela efinole ko la baoi ba bɔlɛtɛlɛtɛ,

Bakolose 2:8

Lambaka la wɛlï mbo boto atalimbak’ino ndoind’ino ko la baoi ba wɛli wa bato, ebale ko lilimbi eliti la litina; liekesi-li lisotutaka ko toongo twa bato angɛnɛ, la etwa belimo ya oso ya wenda-bo, la liti liekesi lia Masiya.

1 Batesalonika 3:5

Eoka ya litina-li, ani itikɔkɔlɛ ndoumwak’imɔ, yatomaka wɛndi ndoluwa ani ayali lilendelu lianu, eoka mbo Bokotakeli atakotel’ino la mbo bonui wa likuwa liasu litayala ko wawa.

1 Timoteo 1:3

Kwa alɔmbɔkɔlɔkɔ’mi aɛ ani aɛkɛ’mi okakɛ nda Makedonia, ongoma tikalaka kɔni nda Efeso mbo oteke eb’asisa ndola mbo bataekekesa liekesi lia bɔfɔnɔ wasi,

1 Timoteo 2:14

la Adamu atialimbomoko, kangä otomali nd’alimbomoko mbo akweke nda bobe.

2 Timoteo 3:13

kongo ko bato babe la balimbakeli batokaetama nda obe, batolimbaka la batolimbokomo imɔ.

Tito 1:10

Eoka eba totefola la beongaonga la belimbake bende wike, asa kɔni ebasoimela liteni lia totombe.

Baebele 13:9

Oeyaeyesomoko ko la liekesi lia kanda la kanda la elia bɔfɔnɔ ebotiluwane lasu, eoka bolau mbo botema bokɔkɔmɛsɔmɔkɔ ko la booto wa Mungu, inga la yeka yola ebiitosungaka ebatotutaka boyaeli wa yao.

2 Petelo 3:17

Eokao to ino ebasamomu, kwa asotaluw’ino njasɔ-bi, lambaka mbo otaengolesomo ko la litwanelo lia bato babe la mbo ino otasekwa nda likɔkɔmɛlɛ lianu angɛnɛ.

2 Petelo 3:3

Taluwaka to loasɔ-lo, mbo nda bacho ba liko, ebatolimbokola beyaka la batolitekesa ko yɛmɛ yau angɛnɛ,

1 Yoane 2:18

Bana’mi, mbile ya liko esoya to; kwa okak’ino mbo Bofekwani la Masiya atoya, ongoma kwani bafekwani ba Masiya basoyala; ko ongoma tosoluwa mbo mbile ya liko esoya.

1 Yoane 4:1

Basamomu, wimelëke balimo batoti, kɔtɔlɔkɔ bao oluweke kwa mbo basoyala ba Mungu; eoka batɔndɔli ba nanga wike basokakɛndɛlɛ wenda-bo.

Yuda 1:4

Eoka bato bamɔi basɔɔtɔ nda Etanda wisisa ebafomoko se la likuchi-li ko kwaala; bende bato ebatiluwe Mungu, batokikokola booto wa Mungu mbo fofe yokelaka bolëfë la yoanganya Bɔkɔta la Ngɛnɛ wasu ɔmwito, ako Yesu Masiya.

Liɛnɛsu 12:15

Limɔ Likilɔ lowɛlɛkɛ botomali balia kwa liande angɛnɛ nda bɔnɔkɔ wande, ombisa ya botomali, mbo balia balindesek’inde kwa fela.

Liɛnɛsu 12:9

Limɔ Likilɔ lifi, eko njɔ ya kwalakwala oyasotomo lina liko Bowanjeli la Satana, oyatolimbaka wenda bototi, inde lokushakomo ko nda nyɛlɛ amamwito la bakitomo bande.

Liɛnɛsu 20:2

la inde lotukumela Likilɔ liko njɔ ya kwalakwala, eko Bowanjeli la Satana, la inde lokanda inde ngwi ko miaka ɛlɛfu.