2 Bakolinto 10:2 - Le Nouveau Testament in Kele (Lokele) 1958

² imi to nd’asolɔmbɔkɔl’ino mbo otatinjaka’mi ndoyatamb’ino lotendela loami ani akayaleke’mi lanu, ko lotendela lona elototamba’mi otamba bato ana ebatoenyela mbo twende ebatokɛndɛsɔmɔ ko la yɛmɛ ya bindo.

2 Bakolinto 10:2 Iomraidhean Croise

Baloma 8:1

Eokao ebasowatemaka la Yesu Masiya baitofomo imɔ se,

Baloma 8:4

mbo bakakanelo ba Bikela bakɔchɔmɔkɔ lasu ebatikɛndɛsɔmɔkɔ la yɛmɛ ya bindo, kangä ko la Bolimo.

Baloma 8:5

Ebatolitesa yɛmɛ ya bindo, batoenyakela ko njasɔ ya bindo, ebatolitesa eya bolimo, batoenyakela ko eya bolimo.

2 Bakolinto 1:17

Asangaka to imi ani, ¿mbo isoeyaeyaka? ¿Mbo itotika lisakä la Eingo ee, la Mbayo, kwa atokelaka basenji kongo?

2 Bakolinto 11:21

Isoaola loasɔ-lo la sɔni, kwa mbo twende bilɛli ya bato. Kongo ko ango betendela ndoomala l’ifaala nda loasɔ lɔmɔi, ambo imɔ ko imi nd’atotendela ongoma. Nde atoonga’mi wa, yende ko ebebe!

2 Bakolinto 13:10

Isosɔnɛl’ino la baoi-ba ani akoyali’mi esika lanu, mbo eyekayeke’mi end’ino, itakomia ino la litulungi ko la isosha esisofomo’mi la Ngɛnɛ, eoka shao sisofomo ndokɔkɔmɛsɛ Etanda, inga to ndomelekesa yao.

2 Bakolinto 13:2

Isotakambes’ebayalaka la njasɔ la isokambes’iyo kwani ko liasi ani iti lanu, kwa aongaka’mi nda lɔkɛndɔ loa imbale ani yayalaka lanu, mbo yeya liasi imi angomacha njasɔ ina la njasɔ ebimɔi imɔ;