1 Bakolinto 3:10 - Le Nouveau Testament in Kele (Lokele) 1958

¹⁰ Kwa bonyafala wa elalaka oyasoakola ndoswa lionda lia ndakɔ, imi imɔ isoswa lionda lia ndakɔ ya Etanda ko la isosha esifomu’mi la Mungu, la wasi nd’atoswa likolo lia liao. Oto la oto asweke likolo lia liao la wɛlï la wɛlï to!

1 Bakolinto 3:10 Iomraidhean Croise

Matayo 24:45

Ndai to atoyala bɔkɔwa wa likɔchi la wa wɛli ani ngɛnɛ wande oyasotalia inde bonyafala wa bato bande mbo akaelek’iyo bieka yau la lisho lioengana?

Matayo 7:24

Eokao oyatooka baoi-ba bami, inde kokɔcha bao, atokweelomo la boto wa wɛlï wotaenyela loasɔ loa liswi lia ndakɔ yande nda batälɛ,

Luka 11:35

Tichaka to mbo liamela elile laɛ litayala ko lilima.

Luka 21:8

Inde loonga to mbo— Lambaka la wɛlï mbo botalimbomo, eoka bato wike batoya nda lina liami, ani batoonga mbo— Imi yende Inde; la mbo— Mbile esamboya. Otutëke to iyo!

Tomo Ya Batomomu 18:27

Asangak’inde okaleka nda Akaiya, beoto lokulia finɛ, iyo lɔsɔnɔ lokasa ende baeki nda Akaiya mbo banyangelek’inde; iyak’inde omao, inde losungaka finɛ ebimelaka ko la booto wa Mungu,

Baloma 1:5

ko l’eoka yande tosɔɔlɔ elame la isosha sha Botomomu shɔɔlɛsɛ bato ba wenda bototina lilendelu eoka ya lina liande,

Baloma 12:3

Isoonga to lanu batotina ebale eyanu, ko la isosha sha booto esifomu nde’mi, mbo oyalëke la bɔmɛtɔ la ifääla shoetela, kongo ko ndoenyakelaka liikami se kwa asokaela Mungu okaela oto la oto ikwelo sha lilendelu.

Baloma 15:15

Isosɔnɛl’ino la lotendela nda botüku ɔmɔi ko ndoenyakeles’ino njasɔ bimɔi ko la booto ebosofomo’mi ko la Mungu,

Baloma 15:20

ongoma to yasamaka sumbu finɛ fofe yonangola Mboli Ilau olo atianangoelomoko lina lia Masiya oso, mbo itaswa likolo lia lionda lia oto wasi,

1 Bakolinto 3:11

Eoka lionda elisoswomo nda nyɛlɛ, oto wasi atikɔkɔlɛ ndoswa liasi, sakolo ko elisoswomo oso liko Yesu Masiya.

1 Bakolinto 9:2

Ambo bamɔi basi beenyela mbo imi iti Botomomu nde yende ewanu Botomomu; ino wende ndembe ya chapa ya lotomomo loami la Ngɛnɛ end’ino.

2 Bakolinto 10:15

Toitofaala finɛ loasɔ loa bonui wa likuwa lia bato basi, kongo ko tosɔkɛsɛ iɛli mbo, akaulweke liimeli lianu, ko ongoma tukela olo atokuwel’iso kosɛngɛ;

Baefeso 2:20

Ino ososwomo nda lionda lia Batomomu la Batɔndɔli, ani Masiya Yesu angɛnɛ ale litalɛ lia ikululu sha ndakɔ etotina;

Bakolose 1:29

Ko la litina-li itokelaka likuwa la bonui ani itofumbaka ko la bofoka ona ebotofumbekes’Inde ofumbesa’mi.

Bakolose 4:17

La ongaka la Alikipo mbo— Tichaka to likuwa elisofomo aɛ eoka ya Ngɛnɛ wasu, mbo ɔlɔlɛkɛ liao la wɛlï.

1 Batesalonika 3:2

la iso lotoma Timoteo, etungani yasu la bokuwi wa Mungu nda Mboli Ilau ya Masiya, litina mbo akɔkɔmɛsɛk’ino la mbo afumbesek’ino nda lilendelu lianu,

1 Timoteo 4:16

Tinganaka la botema waɛ angɛnɛ la liekesi imɔ, kɔkɔmɔkɔ nda yao; bokelaka ongoma, otouwesa l’aɛ angɛnɛ la ebatokak’aɛ lisanga.

2 Timoteo 2:15

Fumbaka la bofiili ndoɛnɛlɛ oso wa Mungu kwa bokuwi oyatoomalesa ngɛnɛ wande, angoka sɔni nda bokalala wa lioi lia wewe eoka atosanoela lioi la liengani.

Yakobo 3:1

Bitungani yami, bato wike banu batayalaka baekesi, eoka kwa aluw’ino mbo iso baekesi totoatelomo njasɔ la likomyi lioeta elia basi l’owau.

1 Petelo 4:11

Boto enangola, ambo ko baölo ba Mungu; boto eyala bosungi nda likuwa, ambo ko la bofoka ebotɔɔlɛsɛ Mungu end’inde, litina mbo nda bitoti-bi Mungu ataliomoko tala ko la Yesu Masiya. Tala la isosha shokakalesa bile yande ko layalaya. Ongoma.

2 Petelo 3:15

Tangaka mbo liumbakeli lia Ngɛnɛ wasu, liende ko liuwesi, kwani asɔnɔkɔ etungani oyasamomu lasu ako Paulo ɛsɔnɛl’ino ko la wɛlï ewafaefomoko inde,

Liɛnɛsu 21:14

La likula lia bokenge liaswomoko nda batalɛ ba lionda liu la bambale la baina liu la ambale batomu nda bao, bako baina ba Batomomu ba Wana wa bɔkɔkɔ.

Liɛnɛsu 21:19

la batalɛ ba lionda bakomyomoko la bɛfɛkɔ ya basasɛ ba loketi ba bɔfɔnɔ wike; elia oso ko jaspe, elia ambale ko saphir, elia asatɔ ko calcédoine, elia anɛi ko émeraude,