1 Bakolinto 15:1 - Le Nouveau Testament in Kele (Lokele) 1958

¹ Bitungani yami, ikoenyeles’ino Mboli Ilau ebisonangoela’mi ino, la ebisoael’ino, la ebisokɔkɔmɛlɛ imɔ lanu;

1 Bakolinto 15:1 Iomraidhean Croise

1 Petelo 5:12

Isosɔnɛl’ino lokasa sumbu lɔkɛkɛ ko la bosamba wa Silwano, etungani yolendelomo (kwa atangi nde’mi), isofumbes’ino la isoekekes’ino mbo njasɔ-bi yende ya booto wa wewe wa Mungu; kɔkɔmɔkɔ nda wao kɔkɛ!

1 Batesalonika 1:6

la ino lokweekel’iso la Ngɛnɛ wasu ani aimelak’ino wɛndi ko la bifembi wike, amamwito La bootaota wa Bolimo Botanu;

2 Bakolinto 1:24

Loti to mbo tosolɛmbɛ ndoyala ngɛnɛ wa liimeli lianu, kongo ko tosolɛmbɛ ndosungana lanu loasɔ loa bootaota wanu eoka ino osokɔkɔmɔ nda liimeli lianu.

2 Batesalonika 3:6

Tosotel’ino ndola, Bitungani, ko la lina lia Ngɛnɛ wasu ako Yesu Masiya, mbo ɔsɛnyanɛkɛ l’ebaitokɛsɛnɛ l’ebamɔi nda likuwa la ebaitolitesa liekesi elisɔɔl’ino end’iso.

1 Batesalonika 4:1

TUU ya loasɔ, Bitungani, tosoomba la tosolɔmbɔkɔl’ino nda lina lia Ngɛnɛ wasu ako Yesu, mbo kwa okak’ino end’iso loasɔ loa boyaeli wanu wa bɔkɛndɛli wanu, la boomaleseli woomalesa Mungu, la kwa atokelaka ino ko kwani, mbo takɛndɛlɛkɛ to oso nda wao.

1 Batesalonika 2:13

Ko l’eoka ya litina-li, iso imɔ totimache ndofaefa Mungu kelekele eoka mbo imelak’ino wɛndi wa Mungu ewokak’ino end’iso, otiaaelaka wao kwa mbo wɛndi wa bato kongo, kangä mbo wende wɛndi wa Mungu wewe la mbo wao bokokelaka likuwa nda betema yanu ebasoimela.

Baloma 2:16

nda lise lina elitokomya Mungu okomyela njasɔ ebiisami nda betema ya bato ko la Yesu Masiya-kwa atoekesomo ko la Mboli Ilau ebisonangola’mi.

Tomo Ya Batomomu 11:1

Okakä to Batomomu la beoto ebayalaka nda Yudea mbo bato ebati BaYuda imɔ basoimela wɛndi wa Mungu,

Yoane 12:48

Oyatotefokola’mi la atikulie baoi bami, ale la ɔmɔi oyatoatakel’inde njasɔ, ako lioi angɛnɛ elisoonga’mi, liao kongo litoatakel’inde nda lise lia liko.

1 Bakolinto 3:6

Imi isolɔɔ koto; Apolo asowɛlɛ yao balia, kongo ko Mungu nd’atokondesa yao.

Baloma 5:2

ko lande tosɔɔtɛsɔmɔ nda eyaelo ya lilendelu ko nda elame ya Mungu olo asokɔkɔmɔ iso la tosoomalaka eoka ya iyɛli shoyala nda tala ya Mungu.

Tomo Ya Batomomu 2:41

Ongoma ebimelaka inango shande, iyo lolufiomo, la nda lise lina bato bilɛfu isatɔ lowatema lau,

Baloma 11:20

Bolau to, nde yao lounakomo eoka basolengela lilendelu, aɛ angɛnɛ osokɔkɔmɔ ko l’eoka ya lilendelu. Eokao oyalëke la bɔmɛtɔ, kangä la bɔwa.

1 Bakolinto 4:15

eoka ambo boyala la ambɔlɛ wa baekesi ba Masiya, kongo ko boti to la basango wike; imi nd’asokinjwa oyaot’ino ko la Mboli Ilau nda lina lia Yesu Masiya.

1 Bakolinto 16:13

Lambaka bitungani, kɔkɔmɔkɔ nda liimeli, wangemaka la bofoka kwa batolome baoku!