1 Bakolinto 13:2 - Le Nouveau Testament in Kele (Lokele) 1958

² Ango yefomo isosha shota loka, yeluwa njasɔ bitotina ebiisami la wɛlï bototina, yeyala la liimeli lioeta elioumbola föngo angɛnɛ, nde angwɛnɛ losamɔ, ongoma yende ko wawa.

1 Bakolinto 13:2 Iomraidhean Croise

Matayo 13:11

Inde lomutola lau mbo— End’ino kongo, njasɔ ebisoisomo ya Bɔkɔta wa Use, yao koisolomo, kongo ko ende iyo bitiisolomo.

Matayo 17:20

Yesu loonga lau mbo— Ko l’eoka ya liimeli lianu likɛkɛ, eoka itoonga lanu wewe mbo— Eya ngo mbo ino boyala la liimeli kwa lokoto lɔmɔi loa mbasɛ, ani ino koonga la e-löngo-lo mbo— Sokwa eya, etak’onamona, la loao kosokwa; angwɛnɛ imɔ loasɔ ango lɔmɔi eloitokɔkɔl’ino okela.

Matayo 21:19

ɛnɛ̈k’Inde bokumo la mboka, Inde lɔkɛ tina la wao nde atiosheke yeka nda wao ko kasa ko kasa, Inde loongela wao mbo— Tuma totiangɔ̈tɔ̈ imɔ ina layalaya.

Matayo 21:21

Yesu lomutola lau mbo— Isoonga lanu wewe mbo eyambo boyala la liimeli, angota fee ani ino kokelaka ani asokelomo nda bokumo la liasi imɔ, boonga nde la e-longo-lo mbo— Ilomoko la umbolomoko tubu nda balia, ambo lokelomoko nde.

Tomo Ya Batomomu 13:1

Baaka nde nda Etanda omao nda Antiokia, la batɔndɔli la baekesi, bako Balanaba, la Simona Windo, la Lukio wa Kulene, la Manae oyaaka wana wa nungesa wa Helodi Antipas, la Saulo.

Baloma 11:25

Kongo ko, bitungani, itilɛmbɛ mbo oyaleke botutuku nda loasɔ-lo eloisami sumbu litina, mbo otayala la bɔmɛtɔ, eoka boseno wa betema bosounda sumbu BaIsalaele ko nda akɔtɛkɛ eba tukela yasi ndɔɔlɔlɛsɛ lisangi lia Mungu,

Baloma 15:14

Bitungani yami, iluwi to ndoluwa imi angɛnɛ loasɔ loanu mbo ino angɛnɛ osotuma fuu la bolau, la liluwani la wɛli la mbo otokɔkɔlɔ imɔ ndoekesa basi.

Baloma 16:25

Tala end’Inde to oyasokɔkɔlɔ ndokɔkɔmɛsɛ ino kɔkɛ ko la lilendelu lia Mboli Ilau ebisonangola’mi, biko wɛndi wa Yesu Masiya, wao bole lɔɛnɛsɔ loa njasɔ eyaisamaka la ebitiaongomökö kwalakwala,

1 Bakolinto 11:4

Botolome ewata yeka yolinjaka botö wande ani atosombola, ango ani atonangola, ambo asotefwesa botö wande la sɔni;

1 Bakolinto 12:28

Nda Etanda Mungu asotaka bilengo biko, eba oso Batomomu, limɔ Batɔndɔli, limɔ Baekesi, limɔ ebatokela bisisho, limɔ ebasofomo bofoka wouwekesa eba ngwo, ebasofomo isosha shosungaka basi, isosha sha bekumi, la wɛlï woonga baoi ebatiluane la batotina.

1 Bakolinto 13:1

Ango yelonga ndoonga la baoi batotina ba bato, angoko eba Bakitomo, nde angwɛnɛ losamɔ, ambo yende kwa elundi ya liuti, kwa tonjinjei kongo.

1 Bakolinto 13:3

Ango yefaefaka bato likaɔ lia yeka bitotina ebisoomana lami, yefaka ango bindo yami mbo bifechomoko, nde angwɛnɛ losamɔ, ongoma itiafote ango shaya.

1 Bakolinto 13:8

Losamɔ lotilasɛɛsɛlɛkɛ; kongo ko linangoli nd’atomachomo, liongi lia baoi ebatiluwane litina nd’atosila, liluwani nd’atomachomo.

1 Bakolinto 14:29

Ebatotɔndɔlɔ baongeke kwa ambale, kwa asatɔ, limɔ ebamɔi balembeeleke litina kwa ayali liao.

1 Bakolinto 14:39

Ongoma to, Bitungani yami, lolaka finɛ ndotɔndɔlɔ la okufesëke boto ndoonga baoi ebatiluwane;

1 Bakolinto 14:4

Oyatoonga la baoi ebatiluwane atokɔkɔmɛsɛ botema wande angɛnɛ, nde oyatotɔndɔlɔ atokɔkɔmɛsɛ Etanda.

1 Bakolinto 15:51

Tɛnɛ ngo, isokambes’ino loasɔ elosotaisama loko mbo— Iso toitoingala tɔlɔ twa liwa iso yaatotina, kongo ko iso yaatotina tolakindolomoko la bɔfɔnɔ wasi,

1 Bakolinto 16:22

Eya to boto atisame Ngɛnɛ, oyo asendomoko! Ngɛnɛ wasu atoya!

1 Bakolinto 4:1

Tɛnɛngo, taenyelaka mbo iso twende ko basali ba Masiya la ebatoisokoela bato njasɔ ya Mungu ebiisomu ko mbiso;

1 Bakolinto 7:19

Itombe sitiyale loasɔ; losunga imɔ lotiyale loasɔ. Kongo ko lilitesi lia Bikela ya Mungu lile nde loasɔ loeta.

1 Bakolinto 8:4

Nda loasɔ loa bieka ebisotambomo nda lisemoli lia bɛfɔnɔ ya mungu, toluwi to mbo angwɛnɛ mungu ya bɛfɔnɔ ya wewe nda wenda-bo, la angwɛnɛ Mungu sakolo ngo ko Ɔmwito.

2 Bakolinto 12:11

Isokinjwa kwa ebebe, nde ino nd’asotinjaka’mi. Loengani nde lanu ndoongela’mi ende basi eoka im’iti mbisa ya batomomu ana ba lokuku, ango sinyo; ambo iti yeka wewe.

Bagalatia 5:16

Isoonga lanu mbo— Kɛndɛkɛndɛkɛ ko la wɛlï wa Bolimo, limɔ otiangɔɔlɔlɛsɛ yɛmɛ ibe ya bindo.

Bagalatia 5:22

Nde tuma twa eula ya Bolimo twende losamɔ, limɛngɔ, lilatemi, limɛsɛkɛlɛni, booto, boyaeli bolau, liengani, botema wolendelomo,

Bagalatia 6:3

Boto nde koenyela mbo ende boto wolitesomo, ani wewe ati yeka, ongoma asolimba botema wande angɛnɛ.

Baefeso 3:4

akatangek’ino bao, ino kokɔkɔlɔ olembeela liluwani liami lioluwa njasɔ ya mbiso ya Masiya,

Baefeso 6:19

Sombokolaka imɔ loasɔ loami mbo lioi lioengana lifomoko’mi ani akalioleke’mi bɔnɔkɔ wami inangokoleke la lotendela njasɔ ebisoisolomo ya Mboli Ilau;

Bakolose 1:26

liko lioi eliaisomökö oso ende bato ko miaka wike la fɛtɔ wike, nde kwani nda mbile-ye, lisoisoelomo ebüchomu lande.

1 Timoteo 3:16

Toisoaola nde mbo njasɔ ya lisemoli lia Mungu ebisoisoelomo iso bile ngo ko likama fafo, mbo— Masiya ɛnɛsɔmɔkɔ̈ nda boyaeli wasu balomboki, enganesomokö ko la Bolimo, ɛnɔmɔkɔ̈ fololo la bakitomo. Anangoelomokö ende tukela ya wenda-bo, akuliomokö la bato ba wenda; ilomokö nda Use okataliomo tala omao.

1 Yoane 4:8

Boto oyatiyaleke la losamɔ, atiluwe Mungu; eoka Mungu ende Losamɔ.