ତୀତସ୍‌ 3:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ବାତେଙ୍କ୍ ଇତ୍‍କେ ମୁନେଙ୍କ୍ ମାନାଡ଼୍ ବା ମୁର୍କ, ବାକ୍‍ୱା ମେଣ୍ଡେ ନାର୍‍ଗେ ରକମ୍ କାରାପ୍ ଚିନ୍ତେ ନୁ ସୁକାମ୍‍ତେ ଦାସ ମାତ୍‍ତମ୍, ଇଂସା ନୁ ଇର୍ଷାତଡ଼୍ ବାଦ୍‍କ ମାତ୍‍ତମ୍, ମେଣ୍ଡେ ପାସ୍‍କାନ୍ ନାରୁଡ଼୍ ଆସ୍ ନିଜେତ୍ ନିଜେତ୍ ଲୋପେ ପାସ୍‍କ ମାତ୍‍ତମ୍ ।

ତୀତସ୍‌ 3:3 Iomraidhean Croise

ମାତିଉ 21:29

ଇଲା ନାନ୍ ମାଡ଼ନ୍, ଇଞ୍ଜ୍ ବେଡ଼ିଇ ପେକାଲ୍ କେତ୍‍ତାନ୍ । ବାତେଙ୍କ୍ ଇତ୍‍କେ ତାନ୍ ପେର୍କେ ମନ୍‍ଦାଗ୍ ଏର୍କା ମାଡ଼ି ପାଡ଼୍‍ୟି ମାଡ଼ାଙ୍କ୍ ଆତ୍‍ତନ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:8

ଆଗାଙ୍କ୍ ଜିସୁ କେତ୍‍ତଣ୍ଡ୍, “ସାବ୍‍ଦାନ୍, ମିଡ଼୍ ବେଲା ବୁଲ୍‍କା ଆୟମାଟ୍; ବାତେଙ୍କ୍ ଇତ୍କେ ନାର୍ଗେ ନାରୁଡ଼୍ ନା ପେଦେର୍‍ତେ ୱାସ୍, ନାନ୍ କ୍ରିଷ୍ଟ ନୁ ଟିକ୍ ସମୟ୍ ୱାସ୍ ହେୱୁତେ ଇଞ୍ଜ କେତିତଡ଼୍; ଅଡ଼୍‌‍ ପେର୍‍କେ ଆନ୍‌‍ମାଟ୍ ।

ଯୋହନ୍‌‌ 8:34

ଜିସୁ ଅଡ଼୍‌‍କ୍ ଉତ୍ତର୍ କେତ୍‍ତଣ୍ଡ୍, “ସତ୍ ନାନ୍ ମିକିଂଙ୍କ୍ କେତୁତାନ୍, ବେନବା ପାପ୍ ମାଡ଼ିତନ୍, ଅଣ୍ଡ୍‌ ପାପ୍ ତେ ଦାସ ।

ରୋମୀୟ 11:30

ଆଦିଙ୍କ୍‍ ଅଣଇହୁଦୀଡ଼୍ ମୁନେନ୍ ମୁର୍କ ମାତ୍‍ତଡ଼୍; ଇତ୍‍କେ ଇଞ୍ଜେ ଇହୁଦୀଡ଼୍ ମୁର୍କତ୍ ସେଙ୍ଗେ ଅଣଇହୁଦୀଡ଼୍ ଇଶ୍ୱର୍‌ତେ ଅନୁଗ୍ରହ୍ ପାଏମ୍ ଆତ୍‍ତଡ଼୍ ।

ରୋମୀୟ 6:12

ଆଦିନ୍‌ମାୟ୍‍ଦିଙ୍କ୍‍ ମିୟାଦ୍ ଡଲ୍‍ତେ ମେନ୍ଦୁଲ୍ ପର୍‍ର ପାପ୍‍ ମେଣ୍ଡେ ରାଜ୍ ମାଡ଼୍‍ମାକି; ମେଣ୍ଡେ ମିଡ଼୍ ବାତ୍‍ବା ମେନ୍ଦୁଲ୍ ଲାଲ୍‍ସା ମାଡ଼୍‍ମାଟ୍ ।

ରୋମୀୟ 6:17

ଇତ୍‍କେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ଯଦି ମିଡ଼୍ ଅଣ୍ଡ୍‌‍ଦିନ୍ ପାପ୍‌ତେ ଦାସ ମାତ୍‍ତିଡ଼୍, ମିଡ଼୍ ଇଞ୍ଜେ ସୁସମାଚାର୍‍ତାଗାଙ୍କ୍ ନାଡ଼୍‍ସି ମାନ୍ଦାନ୍ ସତ୍‍ତିଙ୍କ୍ ହୃଦୟ୍‍ତଡ଼୍‍ ପାଲନ୍ ମାଡ଼ୁତିଡ଼୍ ।

ରୋମୀୟ 6:22

ଇତ୍‍କେ ଇଞ୍ଜେ ମିଡ଼୍ ପାପ୍‌ତାଗାଙ୍କ୍ ମୁକ୍ତି ଆସ୍ ଇଶ୍ୱର୍‌ତେ ଦାସ ଆତ୍‍ତିଡ଼୍ । ଇଦିନାଦ୍ ଲାବ୍ ଆଦୁତ୍‍ତେ, ଇଶ୍ୱର୍‌ତାଗ୍ ପୁରାପୁରି ଆତ୍ମାତଡ଼୍ ସର୍ପା ଆଦାନାଦ୍ ନୁ ଇଦିନାଦ୍ ପରିଣାମ୍ ପବିତ୍ର ଜିୱା ପାଏମ୍ ଆଦାନାଦ୍ ।

ରୋମୀୟ 6:6

ମାନାଡ଼୍ ପୁତ୍‍ତାଡ଼୍, କ୍ରିଷ୍ଟନ୍ ତଡ଼୍ କ୍ରୁଶତ୍ ପର୍‍ର ମାନ୍‍ୱାଦ୍ ପାଃନ୍ତେ ଅବ୍ୟାସ୍‍ ଡଲିଆତ୍‍ତେ । ଆଦିଙ୍କ୍ ମାନ୍‍ ପାପ୍‍ ନଷ୍ଟ ଆତ୍‍ତେ ନୁ ମାନାଡ଼୍ ପାପାମ୍‍ ଦାସତାଗାଙ୍କ୍ ମୁକ୍ତି ପାଏମ୍ ଆତ୍‍ତାଡ଼୍,

୨ କରନ୍ତିୟ 12:20

ବାତେଙ୍କ୍‍ଇତ୍କେ ନାୟାଦ୍ ୱେରେ ଆଦୁତ୍‍ତେ, ନାନ୍ ମି ପାକେ ଆଞ୍ଜ୍ ମିକିଂଙ୍କ୍ ବେଲାନ୍ ଉଡାଙ୍କ୍ ଇଚ୍ଛା ମାଡ଼ୁତାନ୍, ଆଦ୍ ଲେକାମ୍ ଉଡ଼ାନଙ୍କ୍ ଦର୍‍କ ନୁ ମିଇଡ଼୍ ନାକିଂଙ୍କ୍ ବେଲା ଉଡ଼ାନଙ୍କ୍ ଇଚ୍ଛା ମାଡ଼୍‍ୱିଡ଼୍, ଆଦ୍‍ଲେକାମ୍ ଆଦ୍ ଉଡ଼ାନଙ୍କ୍ ଆଦ୍‍ତେ । ଆଲେନ୍ ତ ଆଗେଆଞ୍ଜ୍ ନାନ୍ ବେସ୍‍ ବେସତାଉ ବିବାଦ୍, ଇର୍ଷା, କପାମ୍, ସ୍ୱାର୍ତପରତା, ଅପବାଦ୍‌, ଗର୍ବ, ନୁ ବିଶୃକଲା ଉଡ଼ାନଙ୍କ୍ ପାଏମ୍ ଆଦ୍‍ତାନ୍ ।

ଗାଲାତୀୟ 6:3

ଯଦି ବେନ ଆୟି ସୁଦୁନଣ୍ଡ୍ ଆସ୍‍ ଗାଲା ନିଜେତିଙ୍କ୍ ବାଡ଼୍‍ୟଣ୍ଡ୍ ଇଞ୍ଜ ଆଲ୍‍ସିତଣ୍ଡ୍, ଆଲେକେ ଅଣ୍ଡ୍‌ ନିଜେତିଙ୍କ୍ ବୁସାମାଡ଼ିତଣ୍ଡ୍ ।

କଲସୀୟ 1:21

ଅଣ୍ଡୟ୍‌‍ ସମୟତେ କାରାପ୍ ଚିନ୍ତା ନୁ କାରାପ୍ କାମ୍ ମାଡ଼ମାନ୍‍ନାକ୍ ମିଡ଼୍ ଇଶ୍ୱର୍‌ତାଗାଙ୍କ୍ ଯେକା ମାତ୍‍ତିଡ଼୍ ନୁ ଅନ୍‌ ଶତ୍ରୁ ମାତ୍‍ତିଡ଼୍ ।

କଲସୀୟ 3:7

ଅଣ୍ଡ୍‌‍ଦିନେ ମିଇଡ଼୍ ଇୱୁ ସାରେ କାରାପ୍‍ ପାଙ୍ଗାନାଗ୍ ମାଞ୍ଜ୍ ଜିୱୁଣ୍ଡ୍ ବାଦ୍‍କ ମାତ୍‍ତିଡ଼୍ ।

୨ ତୀମତି 3:13

କିନ୍ତୁ କପଟି ନୁ ପ୍ରବଞ୍ଚକନଡ଼୍ ପେର୍କେ ସର୍ବନାଶ ପାକେ ଅଡ଼୍‌ ବାଗାତଡ଼କ୍ ଟକାମାଡ଼ି ପେର୍କେ ନିଜେ ଟକେମ୍ ଆଦ୍‍ତଡ଼୍ ।

୨ ତୀମତି 3:6

ଇଡ଼ାଗାଙ୍କ୍‍ ବେସ୍‍ତୁଡ଼୍ ଜିଦ୍‍ଲେକାମ୍ ନାରିଡ଼୍ ମିନ୍ଦେଡ଼୍, ବେନଡ଼୍ ଲକ୍ ଲକ୍ ନେଙ୍ଗି ପାପତେ ବାରାକ୍ରାନ୍ତ ନୁ ବାତ୍‍ବାତା କାରାପ୍‍ ଅବ୍ୟାସ୍‍ତେ ଚାଲିତ୍ ମୁର୍କ ନାଟାକିଙ୍କ୍ ନିଜେତ୍ ବଶୀଭୁତ ମାଡ଼ିତଡ଼୍ ।

ତୀତସ୍‌ 1:16

ଅଡ଼୍‌ ଇଶ୍ୱର୍‌ତିଙ୍କ୍ ପୁତ୍‍ତଡ଼୍ ଇଞ୍ଜ ସ୍ୱୀକାର୍ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ପାଡ଼୍‍ୟିତଡ଼୍ ଅଂକିଙ୍କ୍‌ ଅସ୍ୱୀକାର୍ ମାଡ଼ିତଡ଼୍; ଅଡ଼୍‌ ପାସ୍କାନଡ଼୍ ନୁ ମୁର୍କ ମେଣ୍ଡେ ସାର୍‍ରେ ସାୟେ ପାଡ଼୍‍ୟିତିଙ୍କ୍ ଯୋଗ୍ୟ ଆୟ୍‍ୟଡ଼୍ ।

ତୀତସ୍‌ 2:12

ମେଣ୍ଡେ, ମାମ୍‍ମେ ବେଲା ଅଦର୍‌ମ ନୁ ସଂସାର୍ ଆଶେ ୱିଡ଼୍‍ସି ଇଦ୍ ଇଞ୍ଜେତ୍ ଯୁଗ୍‍ତେ ଆତ୍ମ ସଂଯମ, ଦାର୍ମାମ୍ ନୁ ଇଶ୍ୱର୍ ପରାୟଣ ଲେକାମ୍ ଜିୱୁଣ୍ଡ୍ ବାଦ୍‍କିକାଡ଼୍,

ଯାକୁବ 1:26

ଯଦି ବେନ ନିଜେତିଙ୍କ୍ ଦାର୍ମାମ୍ ନାରୁଡ଼୍ ଇଞ୍ଜ ଏର୍କା ମାଡ଼ି, ମେଣ୍ଡେ ନିଜେତ୍ ୱାଞ୍ଜେର୍‍ତିଙ୍କ୍ ଆୟତ୍ ମାଡ଼ାନଙ୍କ୍ ପାର୍‍ୱ କନ୍‍ସ୍ ନିଜେତ୍ ଜିୱୁଣ୍ଡ୍‍ତିଙ୍କ୍ ଦଷ୍ ମାଡ଼ିତନ୍, ଅନ୍‌‍ୱାଦ୍ ଦାର୍ମାମ୍ ସାରେ ଆସାମ୍ ।

୧ ପିତର୍‍ 1:14

ଇଶ୍ୱର୍‌ତେ ଗଟି ପାଲନ୍ ମାଡ଼ାଟ୍ । ପୁନ୍‍ୱେ ୱେଲେ ମୁନେଙ୍କ୍ ବେନ୍ କାରାପ୍ ଅବ୍ୟାସ୍ ତଡ଼୍ ମାତ୍‍ତିଡ଼୍, ଆୱୁସାରେ ତଡ଼୍ ମୀଇ ଜିୱେତାଗ୍ ମେଣ୍ଡେ ଚାଲେମ୍‍ ଆୟମାକି ।

ପ୍ରକାଶିତ୍‌ ବାକ୍ୟ 12:9

ଆଦ୍ ତାଡ଼ାମ୍ ଆଦୁତ୍, ସାରେ ଜଗତ୍‍ତିଙ୍କ୍ ତିପାଲ୍‌ ମାଡ଼ିମାନ୍ଦାନ୍ ଗାଟି ସାତ୍‍ୱାମ୍‍ ମାନ୍ଦାନ୍‍ ପାଃନ୍ତେ ତାଡ଼ାମ୍, ଶୟତାନ୍‍; ତାନ୍ ଦୂତନ୍‍ତଡ଼୍ ସ୍ୱର୍ଗତାଗାଙ୍କ୍ ରାଲି ପୃତିବିତାଗ୍ ୱାସ୍ ରାଲ୍‍ତେ ।

ପ୍ରକାଶିତ୍‌ ବାକ୍ୟ 13:14

ପ୍ରତମ୍ ଜନ୍ତୁତ୍‍ ଗାରେ ଇଦ୍‍ଲେକାମ୍ ନାର୍ଗେ ଆଶର୍ଯ୍ୟ କାମ୍ ମାଡ଼ି ପୃତିବିତେ ସାରେତଡ଼୍‍ ନାରୁଡ଼୍‍କ୍‍ ପ୍ରତାରନ୍ ମାଡ଼୍‍ତେ । କଡ଼୍‍ଗତଡ଼୍ ଆଗାତ୍ ଆସ୍ ଆରୋଗ୍ୟ ଆସ୍‍ ମାନ୍ଦାନ୍ ପ୍ରତମ୍ ଜନ୍ତୁ ସମ୍ମାନ ସେଙ୍ଗେ ତାନ୍ ଲେକାତ୍ ୱେରଡ଼୍ ମୁର୍ତି ତିଆର୍‍ ମାଡ଼ାନ୍ ସେଙ୍ଗେ ଦ୍ୱିତିୟ ଜନ୍ତୁ ନାରୁଡ଼୍‍କିଙ୍କ୍ ଆଦେଶ୍‍ ଇତ୍‍ତେ ।

ପ୍ରକାଶିତ୍‌ ବାକ୍ୟ 18:2

ଆଦ୍ ଗାଟି ଲେଙ୍ଗ୍‍ଦେ କେତ୍‍ତେ, “ତାନାଦ୍‌ ପତନ୍‍ ଗଟେମ୍‍ ଆତ୍‍ତେ । ମହାନ୍ ବାବିଲନ୍ ଦଂସ ଆସ୍‍ମିନ୍ଦେ ! ଆଦ୍ ଇଞ୍ଜେ ଅଶୁଚି ପ୍ରେତାତ୍ମାକି ମାନ୍ଦାନ୍ ପଡ଼ିୟେ ଆସ୍‍ମିନ୍ଦେ । ସାରେଲେକାମ୍ ଅଶୁଚି ନୁ ପିଟେ ତୁଉକା ମାଡ଼ି ଆଗ୍‍ଗେ ମିନ୍ଦେ ।