ତୀତସ୍‌ 1:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ନାନ୍ ପାଉଲ୍, ଇଶ୍ୱର୍‌ତେ ଦାସ ନୁ ଜିସୁ କ୍ରିଷ୍ଟନ୍ ରହତେନଣ୍ଡ୍ ପ୍ରେରିତଶିଷ୍ୟ, ତୀତସ୍‍ତେ ବକେତ୍ ଲେକୁତାନ୍ । ଇଶ୍ୱର୍ ଏଞ୍ଚ୍‍ତେ ନାରୁଡ଼ାଦ୍ ବିଶ୍ୱାସ୍‍ତିଙ୍କ୍ ନାର୍ଗ୍ ମାଡ଼ାନଙ୍କ୍ ନୁ ମାନ୍‍ ଦର୍ମବିଶ୍ୱାସ୍‍ତାଦ୍ ସତ୍‍ତିଙ୍କ୍ ଅଡ଼୍‌‍କିଂଙ୍କ୍ ସଚେତନ୍ ମାଡ଼ାନଙ୍କ୍ ନାନ୍ ହେଞ୍ଚିମାନ୍ଦାନ୍ ଆସ୍‍ମିନ୍ଦେନ୍ ।

ତୀତସ୍‌ 1:1 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:7

ଇଶ୍ୱର୍‌ ହେଞ୍ଚତେ ନାରୁଡ଼୍ ନାର୍କାପାୟାଲ୍ ଅଂକିଙ୍କ୍ କାର୍‍ଙ୍ଗମାନ୍ତଡ଼୍, ଅଣ୍ଡ୍‌ କି ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତେ ବିଚାର୍ ମାଡ଼ଣ୍ଡ୍, ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଅଣ୍ଡ୍‌ ଲେଟ୍ ମାଡ଼ିତନ୍ କି ?

ପ୍ରେରିତ 13:48

ଅଣଇହୁଦୀଡ଼୍ ଇଦ୍ କେଞ୍ଜି ୱେଡ଼୍‍କେ ଆତ୍‍ତଡ଼୍ ନୁ ପ୍ରବୁନ୍ ବାକ୍ୟ ସେଙ୍ଗେ ଦନ୍ୟବାଦ୍ ହିତ୍‍ତଡ଼୍ । ବେନଡ଼୍ ଅନନ୍ତ ଜିୱୁଣ୍ଡ୍ ମାଇଦିଙ୍କ୍ ହେଞ୍ଚିମାତ୍‍ତଡ଼୍, ଅଡ଼୍‌ ଆଦ୍ ଗଟ୍‍ତାଗ୍ ବିଶ୍ୱାସ୍ ମାଡ଼୍‍ତଡ଼୍ ।

ରୋମୀୟ 1:1

ପାଉଲ୍, କ୍ରିଷ୍ଟ ଜିସୁନ୍ ଦାସ ନୁ କାର୍‍ଙ୍ଗି ୱାତ୍‍ତେନଣ୍ଡ୍ ୱେରଣ୍ଡ୍ ପ୍ରେରିତ୍, ମେଣ୍ଡେ ଇଶ୍ୱର୍ ତାନ୍ ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ନିଜେତାଦ୍ ଆଦ୍ ସୁସମାଚାର୍ ମାୟ୍‍ଦିଙ୍କ୍ ଲେକ୍‍ତାଦ୍ ପାଉଲ୍‍ତେ ଚିଟି,

୨ କରନ୍ତିୟ 1:1

ନାନ୍ ପାଉଲ୍, ଇଶ୍ୱର୍‌ତେ ଇଚ୍ଛା ଲେକାମ୍ ଜିସୁ କ୍ରିଷ୍ଟନ୍ ପ୍ରେରିତ୍ ନୁ ମାନ୍‍ ଦାଦାଲ୍‌ ତୀମତି, କରିନ୍ଥ ମଣ୍ଡଲିତାଗ୍ ଲେକୁତାନ୍ ନୁ ଆଖାୟା ଦେଶ୍‍ତେ ସାରେ ବିଶ୍ୱାସୀ ପାକେ ଇଦ୍ ଚିଟି ଲେକମିନ୍ତେନ୍ ।

ଏଫିସିୟ 2:8

ବାତେଙ୍କ୍‍ଇତ୍କେ ଅନୁଗ୍ରହତେ ବିଶ୍ୱାସ୍ ତଡ଼୍ ମିଡ଼୍ ପରିତ୍ରାଣ୍ ଦର୍ସିକି ଆସ୍ ମିନ୍ଦେଡ଼ି; ଆଦ୍ ମିୟାଗାଙ୍କ୍ ନିଜେତ୍ ଲୋପେଙ୍କ୍ ଆୟ୍‍ୟ, ଆଦ୍ ଇଶ୍ୱର୍‌ତେ ଦାନ ।

ଫିଲିପିୟ 1:1

ଫିଲିପୀ ମଣ୍ଡଲିତେ ଦର୍ମଗୁରୁ, ସେବକିଡ଼୍ ନୁ କ୍ରିଷ୍ଟ ବିଶ୍ୱାସି ସାରେତଡ଼୍‍କ୍, କ୍ରିଷ୍ଟ ଜିସୁନ୍ ଦାସ ପାଉଲ୍ ନୁ ତିମତିନ୍ ଚିଟି,

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

୧ ତୀମତି 2:4

ସାରେତଡ଼୍ ପାପତାଗାଙ୍କ୍ ଉଦ୍ଦାର୍ ଆସ୍ ସତ୍‍ତିଙ୍କ୍‍ ପୁନିଡ଼୍‍, ଇଦ୍ ଅନ୍‌ ଇଚ୍ଛା ।

୧ ତୀମତି 3:16

ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।

୧ ତୀମତି 6:3

ବେନଡ଼୍ ପ୍ରବୁ ଜିସୁକ୍ରିଷ୍ଟଙ୍କ୍ ଶିକ୍ଷାତଡ଼୍ ସାନଞ୍ଜସ୍ୟ ମାନକଟ ନୁ ମାନ୍‍ ଦର୍ମ ଶିକ୍ଷାତେ ବିରୋଦ୍ ମାଡ଼ମାନ୍ଦା‍ନ୍ ମେଣ୍ଡନ୍ ଲେକାମ୍ ପ୍ରଚାର୍ ମାଡ଼ିତଡ଼୍,

୨ ତୀମତି 2:10

ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରିଡ଼୍ କ୍ରିଷ୍ଟ ଜିସୁନାଗେ ନାର୍ଗେ ପରିତ୍ରାଣ ନୁ ଅନନ୍ତ ଗୌରବ୍ ଲାବ୍ ମାଡ଼ାଟ୍, ଇଦ୍ ଲେକାମ୍ ନାନେ ସାରେ କଷ୍ଟ ମାଡ଼ୁତାନ୍ ।

୨ ତୀମତି 2:23

ମୁର୍କ ନୁ ବୁଦ୍‌ଇଲ୍‍ୱେ ଯୁକ୍ତିତର୍କ ନାରୁଡ଼ାଙ୍କ୍‍ ଯେକା ମାନୁଟ୍ । ମିଡ଼୍‍ ପୁତ୍‍ତିଡ଼୍, ଇୱୁସାରେତେ ପରିଣତି ସାରେ ଗଲ୍‍କ୍‍ ।

୨ ତୀମତି 2:25

ଅଙ୍କ୍‌ ବିରଦ୍ ମାଡ଼ମାନ୍ଦାନ୍ ନାରୁଡ଼୍‍କିଙ୍କ୍‍ ଦୋଷତୃଟି ଅଣ୍ଡ୍‌ ମୃଦୁ ଲେକାମ୍ ଦର୍ଶାମାଡ଼ମାନ୍ଦନ୍, ଅନୁତାପ୍ ମାଡ଼ି ସତ୍ ଉପଲବ୍ଦ ମାଡ଼ାନଙ୍କ୍ ଆୟି ତ ଅଣ୍ଡ୍‌‍ଦିନେ ଇଶ୍ୱର୍ ଅଡ଼୍‌‍କିଂଙ୍କ୍ ସୁଜଗ୍‍ ଇଦ୍‍ତନ୍ ।

ଯାକୁବ 1:1

ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ଦାସ ଯାକୁବନ୍ ୱେଏକ୍‍ ୱେଏକ୍ ଆତ୍‍ତେ ଇଶ୍ୱର୍‌ତେ ନାରୁଡ଼୍‍କିଙ୍କ୍ ନମସ୍କାର୍ ।

୨ ପିତର୍‌ 1:3

ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ ।

୨ ପିତର୍‌ 3:11

ଯଦି ଇଦ୍‍ଲେକାମ୍ ସାରେ ବିଷୟ ଦସଂ ଆଦ୍‍ତା, ଆଲେକ୍ ଆଲ୍‍ସୁଡ଼ାଟ୍, ମିୟାଦ୍ ବେସତ୍‍ ଜିୱୁଣ୍ଡ୍ ଆଦାନ୍‍ ଦର୍‍କାର୍‍ । ଆଦ୍ ପବିତ୍ର ନୁ ଇଶ୍ୱର୍‌ତେ ମୁନେ ଉତ୍ସର୍ଗ ଆଦାନାଦ୍ ନିୟାତି ଦର୍‍କାର୍‍ ।

୧ ଯୋହନ୍‌‌ 2:23

ମାତର୍‌ ବେନ ମାରିଙ୍କ୍ ଗୃନା ମାଡ଼ିତନ୍, ଅଣ୍ଡ୍‌ ବାବାଙ୍କ୍ ମିକା ଗୃନା ମାଡ଼ିତନ୍; ବେନ ମାରିଙ୍କ୍ ଗ୍ରହନ୍‌ ମାଡ଼ିତନ୍, ଅଣ୍ଡ୍‌ ତାନ୍ ଜିୱେତେ ବାବାନ୍ ସତ୍ତା ମିକା ଏର୍କେ ମାଡ଼ିତନ୍ ।

ପ୍ରକାଶିତ୍‌ ବାକ୍ୟ 1:1

ବାତ୍‍ସାରେ ଯାପେ ଗଟେମ୍‍ ଆଦାଙ୍କ୍ ଅଦୁତ୍, ଇଶ୍ୱର୍ ଜିସୁ କ୍ରିଷ୍ଟନ୍ ପାକେ କେସ୍‍ମାନ୍ଦାନ୍ ଅନାଦ୍‌ ୱେରଡ଼୍ ବିବରଣି ଇଦ୍ ବଇତାଗ୍ ଲେକାଆତ୍‍ତେ । ଆଦ୍‍ ସାରେ ବିଷୟ ତାନ୍ ଦାସନଡ଼୍‍କ୍ କେତାନ୍ ସେଙ୍ଗେ କ୍ରିଷ୍ଟ ୱେରଣ୍ଡ୍ ସ୍ୱର୍ଗଦୂତଙ୍କ୍ ରସ୍‍ମିକା ତାନ୍ ଦାସ ଯୋହନ୍‌‌ତିଙ୍କ୍‌ ଆଦ୍ କେତ୍‍ତଡ଼୍‍ ।