ରୋମୀୟ 8:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ଆଦିଙ୍କ୍ ମେନ୍ଦୁଲ୍ ମାୟ୍‍ଦିଙ୍କ୍ ରୋଗାମ୍ ଆତ୍‍ତାଙ୍କ୍ ନିୟମ୍ ବାତ୍ ମାଡ଼ାନଙ୍କ୍ ପାର୍‍ୱ, ଆଦ୍ ଇଶ୍ୱର୍ ତାନ୍ ମାରିଙ୍କ୍ ପାପ୍‌ତାଦ୍ ମେନ୍ଦୁଲ୍ ଇସାପ୍‍ତେ ପାପାମ୍ ଦଂସ ମାଡ଼ାନଙ୍କ୍ ରହସ୍ ମେନ୍ଦୁଲ୍‍ତାଗ୍ ପାପାମ୍‍ତିଙ୍କ୍ ଦଣ୍ଡ୍ ଇଦାନ୍ ନିୟମ୍ ମାଡ଼୍‍ତଣ୍ଡ୍,

ରୋମୀୟ 8:3 Iomraidhean Croise

ମାର୍କ 15:27

ଅଡ଼୍‌ ଆଦ୍‍ନାଣ୍ଡ୍ ଇରିଉଡ଼୍ ଦସିଡ଼୍‍କ୍‍ ବା କ୍ରୁଶତାଗ୍‍ ତାସ୍ପ୍‍ତଡ଼୍ ଅର୍‌ତୁଙ୍କ୍‌ ଜିସୁନ୍‍ ଡ଼େବ୍‍ ପାକେ ନୁ ମେଣ୍ଡ୍ ଅର୍ତୁଣ୍ଡ୍ ଅନ୍‌‍ ତିନ୍‍ପାକେ କ୍ରୁଶବିଦ୍ଦ୍‌ ମାଡ଼୍‍ତଡ଼୍‍ ।

ଯୋହନ୍‌‌ 1:14

ମେଣ୍ଡେ, ଆଦ୍ ବାକ୍ୟ ମେନ୍ଦୁଲ୍ ପଇତେ, ମେଣ୍ଡେ ଅନୁଗ୍ରହ ନୁ ସତ୍‍ତେ ନିଣ୍ଡି ମାନ୍‍ ଲୋପେ ବାସେ ମାଡ଼୍‍ତଣ୍ଡ୍, ମେଣ୍ଡେ ବାବାନାଗାଙ୍କ୍ ୱାତ୍ ୱେରଡ଼୍ ଇଞ୍ଜ ମାର୍‍ଦେ ମହିମା ଲେକାମ୍ ମାମ୍‍ମେ ଅନ୍‌ ମହିମାତିଙ୍କ୍ ଉଡ଼୍‍ତମ୍ ।

ଯୋହନ୍‌‌ 9:24

ଆଗାଙ୍କ୍ ମୁନେଙ୍କ୍ କଞ୍ଜ୍ କାନାଲ୍ ଆସ୍ ମାନ୍ଦାନ୍ ନାରୁଙ୍କ୍ ଅଡ଼୍‌ ଦ୍ୱିତିୟ ଦାମ୍ କେତ୍‍ତଡ଼୍, “ଇଶ୍ୱତିଙ୍କ୍ ସମ୍ମାନ୍ ଇସ୍ କେତ୍‍ତଣ୍ଡ୍, ଅଣ୍ଡ୍‌ ଯେ ପାପି, ଇଦ୍‍ମାମେ ପୁତ୍‍ତମ୍ ।”

ପ୍ରେରିତ 13:39

ମୋଶାନ୍‌‌ ନିୟମ୍‍ତଡ଼୍ ପାପ୍‍ କ୍ଷମା ପାଏମ୍ ଆୟ୍‍ୱେନଡ଼୍ ସାରେତଡ଼୍ ଆ ଜିସୁଙ୍କ୍ ବିଶ୍ୱାସ୍ ମାଡ଼୍‍କେନେ ପରିତ୍ରାଣ୍ ଦର୍‍କିତ୍, ଇଦ୍ ମିଡ଼୍‍ ବୁଜେମ୍ ଆଦାନ୍ ଦର୍‍କାର୍ ।

ରୋମୀୟ 3:20

ବାତେଙ୍କ୍ଇତ୍‍କେ ନିୟମ୍‍ତାଦ୍ ପାଡ଼୍‍ୟି ତଡ଼୍ ବେନବା ଅନ୍‌ ମୁନ୍‍ନେ ଦାର୍ମାମ୍ ଆୟ୍‍ୟଣ୍ଡ୍, ଇତ୍‍କେ ନିୟମ୍ ତଡ଼୍ ପାପ୍‍ତାଦ୍ ବୁଦ୍‍ ପୁଟିତ୍ ।

ରୋମୀୟ 6:6

ମାନାଡ଼୍ ପୁତ୍‍ତାଡ଼୍, କ୍ରିଷ୍ଟନ୍ ତଡ଼୍ କ୍ରୁଶତ୍ ପର୍‍ର ମାନ୍‍ୱାଦ୍ ପାଃନ୍ତେ ଅବ୍ୟାସ୍‍ ଡଲିଆତ୍‍ତେ । ଆଦିଙ୍କ୍ ମାନ୍‍ ପାପ୍‍ ନଷ୍ଟ ଆତ୍‍ତେ ନୁ ମାନାଡ଼୍ ପାପାମ୍‍ ଦାସତାଗାଙ୍କ୍ ମୁକ୍ତି ପାଏମ୍ ଆତ୍‍ତାଡ଼୍,

ରୋମୀୟ 7:18

ବାତେଙ୍କ୍ଇତ୍‍କେ ନାୟାଗ୍, ଇତ୍‍କେ ନା ମେନ୍ଦୁଲ୍‍ତାଗ୍ ବାତ୍ ଆୟି ସାୟେତ୍ ଜିନିଷ୍ ମାନ, ଇଦ୍ ନାନ୍ ପୁତ୍‍ତାନ୍, ଆଦିଙ୍କ୍ ନାନ୍ ଇଚ୍ଛା ମାଡ଼େ ପାର୍‍ଦୁତାନ୍, ଇତ୍‍କେ ବାତ୍ ସାୟେ, ଆଦ୍ ମାଡ଼ାନଙ୍କ୍ ନାୟାଗ୍ ଶକ୍ତି ଇଲ୍‍ଲେ ।

ରୋମୀୟ 8:32

ଇଶ୍ୱର୍ ବେସୁଟ୍‍ବା ମାନ୍‍ ବିରୁଦ୍ ଆୟ୍‍ୟଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ନିଜେତ୍ ମାରିଙ୍କ୍ ମିକା ରକ୍ଷା ମାଡ଼କଟ୍ ମାନ୍‍ ସେଙ୍ଗେ ଦାନ ମାଡ଼୍‍ତଣ୍ଡ୍ । ଆଲାଇତ୍‍କେ, ଅଣ୍ଡ୍‌ ବାତ୍ ମାନାଙ୍କ୍‍ ସାର୍‍ରେ ବିଷୟ୍ ଦାନ ମାଡ଼ଣ୍ଡ୍ ?

ରୋମୀୟ 9:3

ନା ନିଜେତ୍ ଜାତିଡ଼୍ ଦାଦାଲଡ଼୍ ନୁ ଏଲାସ୍କ୍‍କିନ୍‍ ସେଙ୍ଗେ ନାନ୍ ନିଜେ କ୍ରିଷ୍ଟନାଗାଙ୍କ୍ ୱେରେ ଆସ୍ ଇଶ୍ୱର୍ ତଡ଼୍ ଅବିଶାପ୍‌ ପାଏମ୍‍ ଆଦାନଙ୍କ୍ ନାନ୍ ରାଜି,

୨ କରନ୍ତିୟ 5:21

ବାତେଙ୍କ୍ ଇତ୍‍କେ ବେନନାଗେ ପାପ୍‌ ଇସୁର୍‍ ମିକା ଇଲ୍‍ୱେ ମାତ୍‍କେ, ଅଂକିଙ୍କ୍‌ ଅଣ୍ଡ୍‌ ମାନ୍‍ ସେଙ୍ଗେ ପାପ୍‌ ବଲି ଲେକାମ୍ ମାଡ଼୍‍ତଣ୍ଡ୍, ବେଲାନ୍ ମାନାଡ଼୍ ଅନ୍‌‍ତଡ଼୍ ଇଶ୍ୱର୍‌ତେ ଦାର୍ମାମ୍ ଲେକାମ୍ ଆଦିକାଡ଼୍‍ ।

ଗାଲାତୀୟ 3:13

ମାତର୍‌ କ୍ରିଷ୍ଟ ମାନ୍‍ ସେଙ୍ଗେ ଆବିସାପ୍ ପାଏମ୍ ଆସ୍ ନିୟମ୍‍ତାଗ୍ ଲେକା ମାନ୍ଦାନ୍ ଅବିସାପ୍‍ ତାଗାଙ୍କ୍ ମାକିଙ୍କ୍ ମୁକ୍ତି ମାଡ଼୍‍ତଣ୍ଡ୍ । ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବେନ୍ ମାଡ଼େତାଗ୍ ଗୁସ୍କ୍‍ୱିଡ଼ି ଡଲିତଣ୍ଡ୍, ଅଣ୍ଡ୍‌‍ ଇଶ୍ୱର୍ ତଡ଼୍‍ ଅବିସାପ୍ ପାଏମ୍‍ ଆତ୍‍ତଣ୍ଡ୍ !”

ଗାଲାତୀୟ 3:21

ନିୟମ୍ ବାତ୍ ଇଶ୍ୱର୍‌ତେ ପ୍ରତିଜ୍ଞାତିଙ୍କ୍ ବିରୁଦ୍‍ ମାଡ଼ୁତେ ? ଇଲ୍‍ଲେ, ବେସୁଟ୍‌ ଆୟ୍‍ୟ ! ବାତେଙ୍କ୍‍ଇତ୍‍କେ ନାରୁଣ୍ଡ୍‍ତିଙ୍କ୍ ଜିୱୁଣ୍ଡ୍ ଇଦାନ୍ ରକମ୍ ଯଦି ଅଣ୍ଡୟ୍‌ ନିୟମ୍ ତିଆର୍ ଆସ୍‍ମାନେଡ଼୍, ଆଲେକେ ଆଦ୍ ପାଲନ୍ ମାଡ଼ି ନାରୁଡ଼୍ ଇଶ୍ୱର୍‌ତେ କଣ୍ଡେତାଗାଙ୍କ୍ ନିର୍ଦୋଷ୍ ଆୟେଡ଼୍ ।

ଫିଲିପିୟ 2:7

ଆଲେକେ ନିଜେତ୍ ଇଚ୍ଛାତେ ଅନାଦ୍‌ ସାରେ ୱିଡ଼୍‍ସି ମିକା ଦାସଲେକାମ୍ ଆତ୍‍କେ । ନାରୁନ୍ ଲେକାମ୍ ଆସ୍ ନାରୁନ୍ ଲେକାମ୍ ତିଆର୍ ଆତ୍‍ତେ ।

ଏବ୍ରୀ 10:12

କିନ୍ତୁ କ୍ରିଷ୍ଟ ପାପ୍‌ ତେରି ଇଞ୍ଜ ସାର୍ରେଦିନା ମାଇଦିଙ୍କ୍‌ ଆଣ୍ଡୟେ ପୁଜ୍‌ତଣ୍ଡ୍‌ । ଆ ପେର୍କେ ଅଣ୍ଡ୍‌‌ ଆଞ୍ଜମାଞ୍ଜ ଇଶ୍ୱରନ୍‌ ତିନ୍ଦେ ପାକେ କୁଦି ମିନ୍ଦେଣ୍ଡ୍‌ ।

ଏବ୍ରୀ 10:14

ବେନଡ଼୍ ପାପ୍ ୱିଡ଼୍‍ସି ସାୟେ ଆସ୍‌ ମିନ୍ଦେଡ଼୍, ଆଦ୍‌ ଅଣ୍ଡୟ୍‌‍ଦାମ୍ ପୁଜାନ୍ ଦ୍ୱାରା ଅଡ଼୍‌କିଂଙ୍କ୍‍ ଅଣ୍ଡ୍‌ ସାର୍ରେଦିନା ମାଇଦିଙ୍କ୍‌ ପବିତ୍ର ମାଡ଼ି ମିନ୍ଦେଣ୍ଡ୍ ।

ଏବ୍ରୀ 2:14

ଅଣ୍ଡ୍‌‌ ବେନଡ଼୍‍କ୍‌ ମାର୍‌କ୍‌ ଇଞ୍ଜ କେସ୍‌ମିନ୍ଦେଣ୍ଡ୍‍, ଅଡ଼୍‌‍ ନେତୁର୍‌ ମେନ୍ଦୁଲ୍‌ ପୟ୍‍ତେ ନାରୁଡ଼୍‍ ଆସ୍‌ମାନ୍ଦାନ୍‌ ମାଇଦିଙ୍କ୍‌ ଜିସୁ ମେଣ୍ଡେ ନିଜେ ଅଡ଼୍‌‍ ଲେକାମ୍ ନାରୁଣ୍ଡ୍‌ ଆସ୍‌ ଜନମ୍‌ ଆସ୍‍ମାତ୍‌ତଣ୍ଡ୍‌ । ଅଣ୍ଡ୍‌‌ ଇଲା କେତାନାଦ୍‍ ଉଦେଶ୍ୟ ଆଦୁତ୍‍, ଅଣ୍ଡ୍‌‌ ବେଲାକି ନିଜେ ଡଲିମାଞ୍ଜ୍‌ ଶଇତାନ୍‌ତିନ୍‌ ଆୱ୍‌କା ପାର୍ଦିତଣ୍ଡ୍‌, ଡଲାନାଦ୍‌ ପର୍ର୍‌ ଶଇତାନ୍‌ତାଦ୍‌ ଅଦିକାର୍‌‌ ମାତ୍‌ତା ।

ଏବ୍ରୀ 2:17

ଆଦିଙ୍କ୍‍, ସାରେ ବିଷୟତେ ତାନ୍‌ ଏଲାଡ଼୍‍ତାମୁଣ୍ଡ୍‍ ଲେକେମ୍‍ ଆଦାନଙ୍କ୍‌ ଅଙ୍କ୍‌ ଦାର୍‌କାର୍‌ ମାତ୍‌ତା, ବେଲାକି ଅଣ୍ଡ୍‌‌ ଅଡ଼ାଦ୍‌‌ ବିଶ୍ୱସ୍ତ ନୁ ଦୟାବାନ୍ ମାଡ଼ାନଣ୍ଡ୍‍ ବେଡ଼୍‍ୟା ପୁଜାରି ଆସ୍‌ ଇଶ୍ୱରନ୍‌ ସେବା ମାଡ଼େପାର୍ଦିତଡ଼୍‍ ମେଣ୍ଡେ ନାରୁଡ଼୍‍ ପାପାମ୍‌ନୁଞ୍ଚ୍‌ କ୍ଷମା ଆଦ୍‌ତଡ଼୍‍ ।

ଏବ୍ରୀ 4:15

ବେନ ମାନାଦ୍‌ ଦୋଷ୍‌ତିଙ୍କ୍‍ ଉଡ଼ାନଙ୍କ୍‍ ପାର୍ୱଣ୍ଡ୍, ଇଦ୍‌ଲେକାମ୍‌ ବେଡ଼୍‍ୟେ ପୁଜାରି ଅଣ୍ଡ୍‌‌ ଆୟଣ୍ଡ୍‌ । ଅଣ୍ଡ୍‌‌ ତ ମାନ୍‍ ବେଡ଼୍‍ୟେ ପୁଜାରି, ମାନ୍‍ ଲେକାମ୍ ସାର୍ରେ ପରିକ୍ୟା ଆସ୍‌ମାତ୍‌କେ ମିକା ଅଣ୍ଡ୍‌‌ ପାପାମ୍‍ କିୱେ ମାତ୍‌ତଣ୍ଡ୍‌;

୧ ପିତର୍‍ 2:24

ମାମେ ବେଲା ପାପାମ୍‍ ସେଙ୍ଗେ ଡଲିତାଡ଼୍‍ ନୁ ଦାର୍ମାମ୍‌ ଜିୱୁଣ୍ଡ୍‍ ବାଦ୍‍କିତାଡ଼୍‍, ଆଦିନ୍ ସେଙ୍ଗେ କ୍ରିଷ୍ଟ କ୍ରୁଶ ପରୁ ନିଜେତ୍ ମେନ୍ଦୁଲ୍‍ତେ ମା ପାପାମ୍‍ତେ ବୋଜ୍‍ କାଞ୍ଜ୍‍ତନ୍ । ଅନ୍‌ ମେନ୍ଦୁଲ୍‍ତାଗେ ଆଦ୍ ପୁଣ୍ଡ୍‍ତଡ଼୍‍ ମିଡ଼୍ ସୁସ୍ଥ ଆତ୍‍ତିଡ଼୍ ।