ରୋମୀୟ 1:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ଇଦିନ୍‍ ନାଡ଼୍‍ମ୍‍ ଜାଗେ ଆଦୁତଣ୍ଡ୍‍, ଇଶ୍ୱର୍‌ତେ ମାର୍‍, ମାନ୍‍ ପ୍ରବୁ ଜିସୁ କ୍ରିଷ୍ଟ । ମାନେୟ୍‍ ରକମ୍‍ ଅଣ୍ଡ୍‌‍ ଦାଉଦ୍‍ନ୍ ବଂଶତଣ୍ଡ୍,

ରୋମୀୟ 1:3 Iomraidhean Croise

ମାତିଉ 1:1

ଇଦ୍ ଆଦୁତ୍‍ତେ ଜିସୁ କ୍ରିଷ୍ଟନ୍ ଆନିଦାଦିଡ଼୍‍ତେ ପେଦେର୍ । ଅଣ୍ଡ୍‌ ଦାଉଦ୍‍ତେ ବଂଶତଣ୍ଡ୍ ନୁ ଦାଉଦ୍ ଅବ୍ରାହାମ୍‍ତେ ବଂଶତଣ୍ଡ୍ ମାତ୍‍ତଣ୍ଡ୍ ।

ମାତିଉ 1:16

ହି ଜସେପ୍ ମରିୟମ୍‍ତିଙ୍କ୍ ପେଣ୍ଡୁଲ୍ ମାଡ଼ିମାତ୍‍ତଣ୍ଡ୍ । ମରୀୟମ୍‍ ତେ ଡଙ୍କେତାଗାଙ୍କ୍ ଜିସୁ ଜନମ୍ ମାଡ଼ିମାତ୍‍ତଣ୍ଡ୍ । ଜିସୁ କ୍ରିଷ୍ଟ ମସିହ ପେଦେର୍‍ତେ ମିକା ପୁତ୍‍ତଣ୍ଡ୍ ।

ମାତିଉ 1:6

ଯେଶୀତେ ମାର୍‍ ଦାଉଦ୍ ରାଜା । ଦାଉଦ୍‍ତେ ମାର୍‍ ଶଲୋମନ୍; ଶଲୋମନ୍‍ତେ ୟାୟ୍‍ ମୁନେନ୍ ଉରିୟତେ ମୁତ୍‍ତେ ମାତ୍‍ତେ;

ମାତିଉ 12:23

ଜିସୁନ୍ ଆଦ୍ ପାଡ଼୍‍ୟି ଉଡ଼ି ନାରୁଡ଼୍ ବାକ୍‍ୱା ଆସ୍ ଅଂକିଙ୍କ୍‌ କେତ୍‍ତଡ଼୍, “ଇଣ୍ଡ୍ ବାତେଏ ଆ ଦାଉଦ୍‍ ତେ ବଂଶତଣ୍ଡ୍ ?”

ମାତିଉ 15:22

ଆଗେ ମାନ୍ଦାନ୍ ୱେର୍‍ଡ଼୍ କିନାନିୟ ନାଟାଡ଼୍ ୱାସ୍ ଗାଟିଲେଙ୍କ୍ ଦେ କେତାଙ୍କ୍ ପସ୍ପ୍‍ତେ, “ହୋ ପ୍ରବୁ, ଦାଉଦ୍‍ତେ ମାର୍‍, ନାକିଂଙ୍କ୍ ଦୟାମାଡ଼େ, ନା ପିକ୍‍ତିଙ୍କ୍ ବୟଙ୍କାର୍ ବୁତ୍‍ ପଇତେ ।”

ମାତିଉ 26:63

ବାତେଙ୍କ୍ ଇତ୍‍କେ ଜିସୁ କଟ ମାତ୍‍ତଣ୍ଡ୍ । ବେଡ଼୍‍ୟାଦ୍‍ ଜାଜକ୍ କେତ୍ତଣ୍ଡ୍, ଜିୱୁନ୍‍ମାନ୍ଦାନ୍‍ ଇଶ୍ୱର୍‌ତେ ପେଦେର୍ ତେ ନାନ୍‍ନେ ନିକିଂଙ୍କ୍ ପାଚ୍ରା ମାଡ଼ୁତାନ୍, ସତ୍‍ତେ କେଲ୍‍ମ୍, ନିମ୍‍ ବାତେଏ ଇଶ୍ୱର୍‌ତେ ମାର୍‍ କ୍ରିଷ୍ଟ ନି ?

ମାତିଉ 27:43

ଅଣ୍ଡ୍‌ ନିଜ୍‍ତିଙ୍କ୍ ଇଶ୍ୱର୍‌ତେ ମାର୍‍ ଇଞ୍ଜ କେସ୍ ଇଶ୍ୱର୍‌ତେ ପର୍‍ର ଆସ୍ ନେହେସ୍ ମିନ୍ଦେଣ୍ଡ୍ । ହାଲେକ୍ ଉଡାଙ୍କ୍ ଆଦ୍‍ତେ, ଇଶ୍ୱର୍ ଅଂକିଙ୍କ୍‌ ଗେଲ୍‍ସ୍ପାଙ୍କ୍ ଇଚ୍ଛା ମାଡ଼ୁତଣ୍ଡ୍ କି ଇଲେ ।”

ମାତିଉ 3:17

ତାନ୍ ପେର୍କେ ସ୍ୱର୍ଗକନ୍‍ସ ଇଦ୍ ବାଣି ଆତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”

ମାତିଉ 9:27

ଜିସୁ ଆଗାଙ୍କ୍ ୱାଦାନ୍ ୱେଲେ ଇର୍‍ୱୁଡ଼୍ କାନାଲଡ଼୍‍କ୍ ଅଣ୍ଡ୍‌ ସୁସ୍ଥ ମାଡ଼୍‍ତଡ଼୍ । ଅଡ଼୍‌ ଗାଟି ଲେଙ୍ଗ୍‍ଦେ କେତ୍‍ତଡ଼୍, “ହୋ ଦାଉଦ୍‍ ବଂଶତଣ୍ଡ୍, ମାକିଂଙ୍କ୍ ଦୟା ମାଡ଼େ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:35

ଦୂତ ଆଦିଙ୍କ୍ କେତ୍‍ତେ, “ପବିତ୍ର ଆତ୍ମା ନି ପରୁ ଡିଗିତେ ନୁ ସତ୍‍ଇଶ୍ୱର୍‍ତେ ଶକ୍ତିତେ ନିକିଂଙ୍କ୍ ମିସିତେ, ନୁ ବେନ ଜନମ୍ ଆଦ୍‍ତଣ୍ଡ୍, ଅଣ୍ଡ୍‌ ପବିତ୍ର ନୁ ଇଶ୍ୱର୍‌ତେ ମାର୍‍ ହିଞ୍ଜ ନାରୁଡ଼୍ ପୁନ୍‍ତଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:69

ଅଣ୍ଡ୍‌ ତାମ୍ ଦାସ୍ ଦାଉଦ୍‍ ତେ ବଂଶତ୍ ୱେର୍‍ଣ୍ଡ୍ ଶକ୍ତିନଡ଼୍ ପରିତ୍ରାଣ୍‍କର୍ତ୍ତାଙ୍କ୍ ମା ସେଙ୍ଗ୍ ରହ୍‍ତଣ୍ଡ୍

ଯୋହନ୍‌‌ 1:14

ମେଣ୍ଡେ, ଆଦ୍ ବାକ୍ୟ ମେନ୍ଦୁଲ୍ ପଇତେ, ମେଣ୍ଡେ ଅନୁଗ୍ରହ ନୁ ସତ୍‍ତେ ନିଣ୍ଡି ମାନ୍‍ ଲୋପେ ବାସେ ମାଡ଼୍‍ତଣ୍ଡ୍, ମେଣ୍ଡେ ବାବାନାଗାଙ୍କ୍ ୱାତ୍ ୱେରଡ଼୍ ଇଞ୍ଜ ମାର୍‍ଦେ ମହିମା ଲେକାମ୍ ମାମ୍‍ମେ ଅନ୍‌ ମହିମାତିଙ୍କ୍ ଉଡ଼୍‍ତମ୍ ।

ଯୋହନ୍‌‌ 1:34

ମେଣ୍ଡେ ନାନ୍ ଆଦ୍ ଉଡ଼ିମିନ୍ଦେନ୍ ନୁ ଅଣ୍ଡ୍‌ ଇଶ୍ୱର୍‌ତେ ମାର୍‍ ଇଞ୍ଜ ସାକ୍ଷ୍ୟ ଇସ୍‌‍ମିନ୍ଦେନ୍ ।”

ଯୋହନ୍‌‌ 1:49

ନିତନିୟେଲ୍ ଅଂକିଙ୍କ୍‌ ଉତ୍ତର୍ ହିତ୍‍ତଣ୍ଡ୍, “ହୋ ଗୁରୁ, ନିମ୍‍ ଇଶ୍ୱର୍‌ତେ ମାର୍‍, ନିମ୍‍ ଇସ୍ରାଏଲ୍‍ତେ ରାଜାନି ।”

ଯୋହନ୍‌‌ 10:30

ବାବାଲ୍ ନୁ ନାନ୍ ୱେରଣ୍ଡ୍‌ ।”

ଯୋହନ୍‌‌ 10:36

ଆଲେକେ ବେନଙ୍କ୍ ଇଶ୍ୱର୍ ପବିତ୍ର ମାଡ଼ି ଜଗତ୍‍ତାଗ୍ ରହସିତ୍‍ତଣ୍ଡ୍, ଆଦିଙ୍କ୍ ବାତେଏ ମିଡ଼୍, ନାନ୍ ଇଶ୍ୱର୍‌ତେ ମାର୍‍, ଇଦ୍ ନାନ୍ କେଲ୍‍ନାଙ୍କ୍, ନିମ୍‍ ଇଶ୍ୱର୍‌ତିଙ୍ଗ୍ ନିନ୍ଦ୍ ମାଡ଼ୁତିନ୍ ଇଞ୍ଜ କେସମିନ୍ଦେନି ?

ଯୋହନ୍‌‌ 20:28

ତୋମା ଜିସୁଙ୍କ୍ କେତ୍‍ତଣ୍ଡ୍, “ନା ପ୍ରବୁ ନା ଇଶ୍ୱର୍ !”

ଯୋହନ୍‌‌ 20:31

ବାତେଙ୍କ୍ ଇତ୍‍କେ ମିଡ଼୍ ବିଶ୍ୱାସ୍ ମାଡ଼ିତିଡ଼୍ ଯେ, ଜିସୁ ଆଦୁତନ୍ ଇଶ୍ୱର୍‌ତେ ମାର୍‍ ମସିହ, ମେଣ୍ଡେ ଅନାଗ୍ ବିଶ୍ୱାସ୍ ମାଡ଼ି ମିଡ଼୍ ବେଲା ଜିୱୁଣ୍ଡ୍ ଦର୍‍କିତ୍, ଇଦିନ୍ ସେଙ୍ଗେ ଇୱୁସାରେ ଲେକ୍‍ତାଦ୍ ଆସ୍‍ମିନ୍ଦେ ।

ଯୋହନ୍‌‌ 5:25

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ହିସତ୍ ଦିନାମ୍ ୱାସମିନ୍ଦେ, ମେଣ୍ଡେ ଇଞ୍ଜେକ୍ ମିକା ହେୱ୍‍ସ୍‍ ମିନ୍ଦେ, ବେନ୍ ଦିନାମ୍ ତେ ଡଲ୍‍ତେନଡ଼୍ ଇଶ୍ୱର୍‌ତେ ମାର୍‍ଦେ ଲେଙ୍ଗ୍ କେଞ୍ଜିତଡ଼୍ ନୁ ବେନଡ଼୍ କେଞ୍ଜିତଡ଼୍, ଅଡ଼୍‌ ଜିୱୁନ୍‍ ଆଦ୍‍ତଡ଼୍ ।

ଯୋହନ୍‌‌ 7:42

ଶାସ୍ତ୍ରତାଗ୍ ଲେକାମିନ୍ଦେ, ମସିହ ଯେ ଦାଉଦ୍‍ତେ ବଂଶତାଗାଙ୍କ୍ ନୁ ଦାଉଦ୍ ବେଗ୍‍ମାତ୍‍ତଣ୍ଡ୍, ଆଦ୍ ବେତ୍‍ଲିହିମ୍‍ ନାର୍‍ତାଗାଙ୍କ୍ ୱାଦ୍‍ତଣ୍ଡ୍ ।”

ପ୍ରେରିତ 2:30

ଅଣ୍ଡ୍‌ ୱେରଣ୍ଡ୍ ବାବବାଦୀ ମାତ୍‍ତଣ୍ଡ୍, ଆଦିଙ୍କ୍ ଇଶ୍ୱର୍ ଅଂକିଙ୍କ୍‌ ପ୍ରାମାଣ୍‍ ମାଡ଼୍‍ତାଦ୍ ଅଣ୍ଡ୍‌ ପୁଞ୍ଜ୍‍ମାତ୍‍ତଣ୍ଡ୍ । ଦାଉଦ୍ ବଂଶତଡ଼୍‍ ଲୋପେଙ୍କ୍ ଅର୍‍ତୁଙ୍କ୍ ରାଜାଲ୍ ସିଂହାସନ୍‍ ମାଡ଼ିତନ୍ ଇଞ୍ଜ ଇଶ୍ୱର୍ ପ୍ରାମାଣ୍‍ ମାଡ଼ିମାତ୍‍ତଣ୍ଡ୍ ।

ପ୍ରେରିତ 3:13

ଅବ୍ରାହାମ୍, ଇସ୍‍ହାକ୍ ନୁ ଯାକୁବ୍‍ତେ ଇଶ୍ୱର୍, ମାନ୍‍ ଆନିଦାଦିଡ଼୍‍ତେ ଇଶ୍ୱର୍, ତାମ୍ ଦାସ ଜିସୁଙ୍କ୍ ସ୍ୱର୍ଗୀୟ ଗୌରବ୍‍ ମାଡ଼୍‍ତଣ୍ଡ୍ । ଇତ୍‍କେ ମିଡ଼୍ ଅଂକିଙ୍କ୍‌ ପେଦାନ୍ କାଇଦେ ସମର୍‍ପନ୍ ମାଡ଼୍‍ତିଡ଼୍ । ଇଦ୍ ଲେକାମ୍ ପିଲାତ ଅଂକିଙ୍କ୍‌ ମୁକ୍ତି ମାଡ଼ାଙ୍କ୍ ବିଚାର୍ ମାଡ଼ିମାତ୍‍କେ ମିକା, ଅଂକିଙ୍କ୍‌ ପିଲାତନ୍ ମୁନେ ମନା ମାଡ଼୍‍ତିଡ଼୍ ।

ପ୍ରେରିତ 8:36

ଅଡ଼୍‌ ହାର୍‍ଦାଗ୍ ଆଦାନ୍ ୱେଲେ ଅଣ୍ଡୟ୍‌ ଏର୍‍ୱେତାଗ୍ ଏୱୁତ୍‍ତଡ଼୍ । ୱାଞ୍ଜାଲ୍‍ କର୍ମଚାରୀ କେତ୍‍ତଣ୍ଡ୍,

ପ୍ରେରିତ 9:20

ଅଣ୍ଡ୍‌ ସିଦା ଉପାସନା ଲୋକିନାଗ୍ ଆଞ୍ଜ୍ ଜିସୁ ଇଶ୍ୱର୍‌ତେ ମାର୍‍, ଇଦ୍ ଗଟ୍ ପ୍ରଚାର୍ ମାଡ଼ାଙ୍କ୍ ପସ୍‍ପ୍‍ତଣ୍ଡ୍ ।

ରୋମୀୟ 1:9

ସାରେଦାମ୍‍ ନାନ୍‍ ବେନ୍‍ ଇଶ୍ୱର୍‌ତିଙ୍କ୍‍ ସେବା ମାଡ଼ୁତାନ୍‍ ନୁ ବେନ୍‍ ଇଶ୍ୱର୍‌ତେ ମାରିନ୍‍ ସାୟେତ୍‍ କାବୁର୍‍ ନାନ୍‍ ପ୍ରଚାର୍‍ ମାଡ଼ୁତାନ୍‍, ଆ ଇଶ୍ୱର୍ ନା ସାକ୍ଷି ।

ରୋମୀୟ 4:1

ଆଲେକେ ମେନ୍ଦୁଲ୍ ଲେକାମ୍ ମାନ୍‍ ଆନିଦାଦି ଅବ୍ରାହାମ୍‌ ବାତ୍ ପାଏମ୍ ଆତ୍‍ତଣ୍ଡ୍ ଇଞ୍ଜ ମାନାଡ଼୍ କେତିତାଡ଼୍‍ ?

ରୋମୀୟ 9:3

ନା ନିଜେତ୍ ଜାତିଡ଼୍ ଦାଦାଲଡ଼୍ ନୁ ଏଲାସ୍କ୍‍କିନ୍‍ ସେଙ୍ଗେ ନାନ୍ ନିଜେ କ୍ରିଷ୍ଟନାଗାଙ୍କ୍ ୱେରେ ଆସ୍ ଇଶ୍ୱର୍ ତଡ଼୍ ଅବିଶାପ୍‌ ପାଏମ୍‍ ଆଦାନଙ୍କ୍ ନାନ୍ ରାଜି,

ରୋମୀୟ 9:5

ଅଡ଼୍‌ ମାନ୍‍ ମୁନେତ୍‍ତେ ଇହୁଦୀ ଆନିଦାଦିଡ଼୍ ବଂଶତଡ଼୍ ନୁ ମାନେୟ୍‍ତେ ଲେକାମ୍ କ୍ରିଷ୍ଟ ଆଦ୍ ବଂଶତାଗ୍ ପୁଟ୍‍ତଣ୍ଡ୍ । ସାର୍ରେତିଙ୍କ୍ ବେଡ଼୍‍ୟେ ଶାସନ୍‍ କର୍ତାଲ୍ ଇଶ୍ୱର୍ ଯୁଗ୍‍ଯୁଗ୍ ଦନ୍ୟ ଆୟିଣ୍ଡ୍ । ଆମେନ୍‍ ।

୧ କରନ୍ତିୟ 1:9

ବେନ୍‍ ଇଶ୍ୱର୍ ତାନା ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍‌ ବପୁ ଦର୍କାନ୍ ମାଇଦିଙ୍କ୍ ମିକିନ୍‌ କାର୍ଙ୍ଗିମିନ୍ଦେଣ୍ଡ୍, ଅଣ୍ଡ୍‌ ସାରେଦାମ୍‌ ବିଶ୍ୱାସ୍‌ତଣ୍ଡ୍‌ ।

୧ କରନ୍ତିୟ 10:18

ଇସ୍ରାୟେଲ୍ ନାରୁଡ଼୍‍ତେ ଗଟ୍ ଆଲ୍‍ସାଟ୍ । ଅଡ଼୍‌ ଲୋପେଙ୍କ୍ ବେନଡ଼୍ ପୁଜ୍‍ତାୱୁ ଆଉଙ୍ଗ୍ ତିନ୍‍ତଡ଼୍, ଅଡ଼୍‌ ବାତ୍ ବେଦିତ୍ ଉପାସନାତାଗ୍ ପାଲ୍‍କ୍ ଆୟଡ଼୍ କି ?

ଗାଲାତୀୟ 4:4

ପେର୍କେ ବେସୁଟ୍‌ ଆଦ୍ ସମୟ୍ ୱାତ୍‍ତେ, ଇଶ୍ୱର୍ ତାନ୍ ନିଜର୍ ମାରିଙ୍କ୍ ରଅତଣ୍ଡ୍ । ଅଣ୍ଡୟ୍‌ ନାଟାଡ଼୍‍ତାଗାଙ୍କ୍ ଅଣ୍ଡ୍‌ ଜନମ୍ ଆସ୍ ଇହୁଦୀଡ଼୍ ନିୟମ୍ ଅଦିନ୍‌ତାଗ୍ ବାଦ୍‍କ୍‍ତଣ୍ଡ୍ ।

୧ ଥେସଲନିୟ 1:10

ମେଣ୍ଡେ ବେଲାନ୍ ଇଶ୍ୱର୍‌ତେ କପାମ୍‍ତାଗାଙ୍କ୍ ମାନ୍‍ନାଅଙ୍କ୍‌ ଗେଲ୍‍ସ୍ପା ସେଙ୍ଗେ, ଡଲ୍‍ତାଗାଙ୍କ୍ ପୁନରୁତ୍‍ତାନ୍ ଅନାଦ୍‌ ମାର୍‍ ଜିସୁ ସ୍ୱର୍ଗତାଗାଙ୍କ୍ ୱାଦାନ୍ ୱେଲେ କେପି ମାନୁଟ୍, ଇୱୁସାରେ ବିଷୟ୍‍ତେ ଆଗେତ୍‍ ନାରୁଡ଼୍ ଗଟି ତିର୍‍ୟମିନ୍ଦେଡ଼୍ ।

୧ ତୀମତି 2:5

ୱେରନ୍ ମାତର୍ ଇଶ୍ୱର୍ ମିନ୍ତେନ୍, ମେଣ୍ଡେ ଇଶ୍ୱର୍ ନୁ ନାରିଡ଼ାଗ୍‍ ୱେରନ୍ ନାଡ଼୍‍ମେ ମିନ୍ଦେନ୍, ଅଣ୍ଡ୍‌‍ ଆଦୁତନ୍ କ୍ରିଷ୍ଟ ଜିସୁ, ୱେରନ୍ ନାରୁନ୍ ।

୧ ତୀମତି 3:16

ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।

୨ ତୀମତି 2:8

ନାନେ ପ୍ରଚାର୍ ମାଡ଼ମାନ୍ଦାନ୍ ସୁସମାଚାର୍ ଲେକାମ୍ ବେନ୍ ଡଲିମାନ୍ଦାନ୍ ଜିସୁ କ୍ରିଷ୍ଟ ଦାଉଦ୍‍ ରାଜାନ୍ ବଂଶତେ, ଅଙ୍କ୍‌ ହେର୍କା ମାଡ଼ାଟ୍ ।

୧ ଯୋହନ୍‌‌ 1:3

ବାତେ ମାନାଡ଼୍ ନିଜାମ୍‍ତେ ଉଡ଼ୁତାଡ଼୍ ନୁ କେଞ୍ଜୁତାଡ଼୍, ମାତର୍ ଆଦ୍ ଗଟ୍ ମିଇ ଗାରେ କେତୁତମ୍ । ଇଦ୍ କେଞ୍ଜି ବାବାଲ୍ ଇଶ୍ୱର୍ ନୁ ତାନ୍ ମାର୍‍ ଜିସୁ କ୍ରିଷ୍ଟନ୍ ତଡ଼୍ ମାମେ ବେନ୍ ସାରେ ବିଷୟ ମିନ୍ଦେ, ଆଗେ ମିଡ଼୍ ବାଗିଦାର୍‍ ଆଦ୍‍ତିଡ଼୍ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।

୧ ଯୋହନ୍‌‌ 3:8

ବେନ ପାପାମ୍‍ ମାଡ଼ିତଣ୍ଡ୍, ଅଣ୍ଡ୍‌ ସୃଷ୍ଟିତେ ମୁନେଙ୍କ୍ କଞ୍ଜ୍ ପାପାମ୍‍ ମାଡ଼ଡ଼୍‍ ୱାସମାନ୍ଦାନ୍ ଶୟତାନ୍‍ତେ ପେର୍କେ ଆଦାନଣ୍ଡ୍‍ । ଆ ଶୟତାନ୍‍ତେ କାମ୍‍ତିଙ୍ଗ୍ ଦ୍ୱଂସ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ମାର୍‍ ୱାସ୍‍ ମାତ୍‍ତଣ୍ଡ୍‍ ।

୧ ଯୋହନ୍‌‌ 4:15

ବେନାୟି ଜିସୁଙ୍କ୍ ଇଶ୍ୱର୍‌ତେ ମାର୍‍ ଇଞ୍ଜ ବେନ ସ୍ୱୀକାର୍ ମାଡ଼ିତନ୍, ଇଶ୍ୱର୍ ଅନ୍‌ ହୃଦୟତାଗ୍ ମାନ୍‍ତନ୍ ନୁ ଅଣ୍ଡ୍‌ ଇଶ୍ୱର୍‌ତାଗ୍‍ ମିନ୍ଦେଣ୍ଡ୍‍ ।

୧ ଯୋହନ୍‌‌ 5:1

ବେନ ଜିସୁଙ୍କ୍ କ୍ରିଷ୍ଟ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ମାର୍‍ । ବେନ ଆୟି ୱେରନ୍ ବାବାଙ୍କ୍ ପ୍ରେମ୍‌ ମାଡ଼ିତନ୍, ଆ ବାବାନ୍ ମାରିଙ୍କ୍ ମିକା ଅଣ୍ଡ୍‌ ସ୍ନେହ ମାଡ଼ିତନ୍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।

୧ ଯୋହନ୍‌‌ 5:5

ଇଦ୍ ଜଗତିଙ୍କ୍‍ ବେନ ଆରା ମାଡ଼େ ପାର୍‍ତଣ୍ଡ୍‍ ? ଜିସୁ ଇଶ୍ୱର୍‌ତେ ମାର୍‍ ଇଞ୍ଜ ବେନ ବିଶ୍ୱାସ୍ ମାଡ଼ିତନ୍, ଅଣ୍ଡେକେ ଜଗତ୍‍ତିଙ୍କ୍‍ ଜିଡ଼େ ପାର୍‍ଦ୍‍ତଣ୍ଡ୍‍ ।

୨ ଯୋହନ୍‌‌ 1:7

ନାନ୍‍ ଇଦ୍‍ କେତୁତାନ୍‍ ବାତେଙ୍କ୍‍ଇତ୍‍କେ ନାର୍ଗେ ବୁସାକେତାନଡ଼୍‍ ଇଞ୍ଜେ ଜଗତ୍‍ତାଗ୍ ଉଡୁତଡ଼୍‍ । ଜିସୁ କ୍ରିଷ୍ଟ ନାରୁନ୍ ମେନ୍ଦୁଲ୍‍ ପୟସ୍‍ ୱାସ୍‍ମାତ୍‍ତନ୍ ଇଞ୍ଜ ଅଡ଼୍‌ ସ୍ୱୀକାର୍ ମାଡ଼ଡ଼୍ । ଇଦ୍‍ଲେକେତ୍ ନାରୁଣ୍ଡ୍‍ ନିଜାମ୍ ବୁସାକେତାନଣ୍ଡ୍‍, ଅଣ୍ଡ୍‌‍ ନିଜାମ୍ କ୍ରିଷ୍ଟନ୍ ଶତ୍ରୁ !

ପ୍ରକାଶିତ୍‌ ବାକ୍ୟ 2:18

“ତୁୟଟୀରାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍; ଇଦ୍ ଗଟ୍ ଇଶ୍ୱର୍‌ତେ ମାର୍‍ଦାଗାଙ୍କ୍ ୱାସ୍‍ମିନ୍ଦେ । ଅନ୍‌ କଣ୍ଡା ନିଡ଼୍‍ତାନ୍ କିସ୍ ଇନା ନୁ ତାନ୍ ରେଣ୍ଡ୍‍ ପାଦାକ୍ ନିଇମ୍‍ ପିତଲ୍ ଇନା ୱେସ୍ ।”