ରୋମୀୟ 1:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ପ୍ରାର୍ତନା ମାଡ଼ାନ୍‍ୱେଲେ ନାନ୍‍ ସାରେଦାମ୍‍ ମିକିଂଙ୍କ୍‍ ଏର୍କେ ମାଡ଼ିତାନ୍‍ ନୁ ମି ବକେତ୍‍ ୱାଦାନ୍‍ ସେଙ୍ଗେ ନାକିଙ୍କ୍‍ ସୁଯୋଗ୍‍ ଇଦାନ୍‍ ମାୟ୍‍ଦିଙ୍କ୍‍ ଇଶ୍ୱର୍‌ତାଗ୍‍ ନିମେଦନ୍‍ ମାଡ଼ି ୱାଦୁତାନ୍‍ ।

ରୋମୀୟ 1:10 Iomraidhean Croise

ପ୍ରେରିତ 18:21

ଆଦ୍‍ଦାନ୍ ୱେଲେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଯଦି ଇଶ୍ୱର୍‌ତାଦ୍ ଇଚ୍ଛା ମାନ୍‍ତେ, ନାନ୍ ମିଇ ବକେତ୍ ମାଲ୍‍ସ୍ ୱାଦ୍‍ତାନ୍ ।” ତାନ୍‍ପେର୍କେ ଅଣ୍ଡ୍‌ ଏର୍‍ଜାହାଜ୍ ତଡ଼୍ ଏଫିସସ୍‌ ୱିଡ଼୍‍ସି ଦବ୍‍ଆତ୍‍ତଣ୍ଡ୍ ।

ପ୍ରେରିତ 19:21

ଇୱୁସାରେ ଗଟନା ଆତ୍‍ତେ ପେର୍‍କେ ପାଉଲ୍ ଆତ୍ମାତଡ଼୍‍ ମାସିଦୋନିଆ ନୁ ଆକାୟା ନାଡ଼୍‍ମେଙ୍କ୍ ଇସ୍‌ ଯିରୁଶାଲେମ୍‍ ଆଦାନଙ୍କ୍ ତିଆର୍ ଆତ୍‍ତଣ୍ଡ୍ । ଅଣ୍ଡ୍‌ କେତ୍‍ତଣ୍ଡ୍, “ଆଗେ ଆତ୍‍ତେ ପେର୍‍କେ ନାନ୍ ନିଜାମ୍ ରୋମ୍‍ତାଗ୍ ମିକା ଆଦ୍‍ତାନ୍ ।”

ପ୍ରେରିତ 21:14

ମାମ୍‍ମେ ଅଂକିଙ୍କ୍‌ ବୁଜା ମାଡ଼ାନଙ୍କ୍ ପାର୍‍ୱମ୍ ଗାଲା କଟ ଆସ୍ ମାତ୍‍ତମ୍ ନୁ କେତ୍‍ତମ୍‍, “ପ୍ରବୁନାଦ୍ ଇଚ୍ଛା ସାରେ ପୁରା ଆୟି ।”

ରୋମୀୟ 15:29

ନାନ୍ ପୁତ୍‍ତାନ୍, କ୍ରିଷ୍ଟନାଗାଙ୍କ୍ ସାରେ ଆର୍ଶିବାଦ୍ ପୟ୍‍ସ୍ ନାନ୍ ମିଇ ବକେତ୍ ୱାଦ୍‍ତାନ୍ ।

୧ କରନ୍ତିୟ 1:1

ନାନ୍ ପାଉଲ୍ ନୁ ମାନ୍‍ ବିଶ୍ୱାସୀ ସୋସ୍ଥିନା ମିକିଂଙ୍କ୍ ନମସ୍କାର୍ ମାଡ଼ୁତମ୍ । ଇଶ୍ୱର୍‌ତେ ମାନ୍‌ତାଦ୍‌ ଇସାବ୍‌ତେ କ୍ରିଷ୍ଟ ଜିସୁନ୍ କାବୁର୍ ପ୍ରେରିତ ଶିଷ୍ୟ ଲେକେତ୍‍ ଏଞ୍ଚ୍‌ତେନଣ୍ଡ୍ ପାଉଲ୍‌ ନୁ ମାନ୍‍ ଦାଦାଲ୍ ସୋସ୍ଥିନା ।

୧ କରନ୍ତିୟ 4:19

ଇଶ୍ୱର୍ ଇଚ୍ଛା ମାଡ଼୍‍କେ, ନାନ୍ ସିଟ୍‍ପାଟ୍ ମିଇ ଗାର୍ରେ ଆଦ୍‍ତାନ୍ । ଆସୁଟେ ଇଡ଼୍ ଗର୍ବି ନାରୁଡ଼ାଦ୍ ଗଟି ମାତର୍ କେଞ୍ଜନ୍ ନିଜାମ୍ ଅଡ଼ାଦ୍‌ ବେସର୍ ଶାତ୍‍ୱାମ୍‍ ମିନ୍ଦେ, ଆଦ୍ ନାନ୍ ଉଡ଼ିତାନ୍ ।

ଫିଲିପିୟ 4:6

ବାତେବା ବିଷୟ୍‍ତେ ଚିନ୍ତେ ଆୟ୍‍ମାଟ୍ ! ବାତେଙ୍କ୍‍ଇତ୍କେ ମିକିଂଙ୍କ୍‍ ବାତ୍ ଦର୍‍କାଡ଼୍, ଆଦ୍ ପ୍ରାର୍ତନାତାଗ୍ ଇଶ୍ୱର୍‌ତିଙ୍କ୍ ତାଲ୍‍କାଟ୍ । ମେଣ୍ଡେ ପ୍ରାର୍ତନା ମାଡ଼ାନ୍ ୱେଲେ ସାରେଦାମ୍ ହୃଦୟ୍‍ତେ ଦନ୍ୟବାଦ୍ ତଡ଼୍‍ ମିୟାଦ୍‍ ସାର୍ରେ ନିବେଦନ୍‍ ଇଶ୍ୱର୍‌ତିଙ୍କ୍‍ କେଲାଟ୍‍;

୧ ଥେସଲନିୟ 2:18

ଆଦିଙ୍କ୍ ମିୟାଗାଙ୍କ୍ ମାଲ୍‍ସ୍ ଆଦାନ୍ ସେଙ୍ଗେ ଅଣ୍ଡୟ୍‌‍ଦାମ୍ ଆଲ୍‍ସି ମାଡ଼୍‍ତାନ୍, ନାନ୍ ନିଜେ ପାଉଲ୍ ମାଲ୍‍ସ୍ ଆଦାନ୍ ସେଙ୍ଗେ ନାର୍ଗେଦାମ୍ ଆଲ୍‍ସି ମାଡ଼ମାତ୍‍ତାନ୍, ବାତେଙ୍କ୍ ଇତ୍‍କେ ଶୟ୍‍ତାନ୍‍ ମାନ୍‍ ଇଗାଙ୍କ୍ ଆଡ଼ାମ୍ ଆତ୍‍ତେ ।

ଫିଲିମୋନ୍‌ 1:22

ଇଦିନ୍ ତଡ଼୍ ନାୟାଦ୍ ମେଣ୍ଡେ ଅଣ୍ଡୟ୍‌ ଅନୁରଦ୍‌, ଆଗେ ନା ମାୟ୍‍ଦିଙ୍କ୍ ଅଣ୍ଡୟ୍‌ ବାକ୍‍ଡ଼େ ତିଆର୍ ମାଡ଼ି ନେଃମ୍ । ନାୟାଦ୍ ଆଶେ ମିନ୍ଦେ, ମିଡ଼୍ ପ୍ରାର୍ତନା ମାଡ଼୍‍କେ ନାନ୍ ମିଇ ବକେତ୍ ମାଲ୍‍ସ୍ ୱାଦ୍‍ତାନ୍ ।

ଏବ୍ରୀ 13:19

ମେଣ୍ଡେ ଇଶ୍ୱର୍ ନାକିଙ୍କ୍ ମି ଗାର୍ରେ ଯାପେ ରହସିଦ୍‍ତଣ୍ଡ୍, ମିଡ଼୍ ନା ମାୟ୍‍ଦିଙ୍କ୍ ଇଦ୍ ପ୍ରାର୍ତନା ମାଡ଼ମାନୁଟ୍ । ଇଦ୍ ମି ଗାର୍ରେ ନାୟାଦ୍ ଲୋପେକସ୍ ନିବେଦନ୍ ମାଡ଼ୁତାନ୍‍ ।

ଯାକୁବ 4:15

ଆଦିଙ୍କ୍ ପ୍ରବୁନ୍ ମାନ୍‍ ଆତ୍‍କେ ମାନାଡ଼୍ ଜିୱେ ମାଞ୍ଜ୍ ଇଦ୍ ମାଡ଼ିତାଡ଼୍ ବା ଆଦ୍ ମାଡ଼ିତାଡ଼୍, ଇଦ୍ ରକମ୍ କେତାନାଦ୍ ମିକିଂଙ୍କ୍ ସାୟ୍‍ ।