ରୋମୀୟ 1:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ପାଉଲ୍, କ୍ରିଷ୍ଟ ଜିସୁନ୍ ଦାସ ନୁ କାର୍‍ଙ୍ଗି ୱାତ୍‍ତେନଣ୍ଡ୍ ୱେରଣ୍ଡ୍ ପ୍ରେରିତ୍, ମେଣ୍ଡେ ଇଶ୍ୱର୍ ତାନ୍ ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ନିଜେତାଦ୍ ଆଦ୍ ସୁସମାଚାର୍ ମାୟ୍‍ଦିଙ୍କ୍ ଲେକ୍‍ତାଦ୍ ପାଉଲ୍‍ତେ ଚିଟି,

ରୋମୀୟ 1:1 Iomraidhean Croise

ମାର୍କ 1:14

ଯୋହନ୍‌‌ତିଙ୍କ୍ ବନ୍ଦି ଆତ୍‍ତେ ପେର୍‍କେ ଜିସୁ ଗାଲିଲୀତାଗ୍ ଆଞ୍ଜ୍ ଇଶ୍ୱର୍‌ତେ ରାଜ୍ୟତେ ଲେକାମ୍ ଗଟ୍ ପ୍ରଚାର୍ ମାଡ଼୍‍ତଣ୍ଡ୍ ।

ଯୋହନ୍‌‌ 12:26

ବେନ ନା ଦାସ ଆତ୍‍ଦାଙ୍କ୍ ଇଚ୍ଛା ମାଡ଼ିତନ୍, ଆଲେକେ ଅଣ୍ଡ୍‌ ନା ପେର୍‍କେ ୱାଡ଼ିଣ୍ଡ୍; ମେଣ୍ଡେ, ନାନ୍ ବେଗା ମାନ୍‍ତାନ୍, ଆଗେ ଅଣ୍ଡ୍‌ ଆନ୍‌‍ତେ ମାନ୍‍ତନ୍; ବେନ ନା ସେବା ମାଡ଼ିତନ୍, ଆଲେକେ ବାବାଲ୍ ଅଂକିଙ୍କ୍‌ ସମ୍ମାନ୍ ହିଦ୍‍ତଣ୍ଡ୍ ।

ଯୋହନ୍‌‌ 15:15

ନାନ୍ ମିକିଂଙ୍କ୍ ଚାକର୍ ଇଞ୍ଜ ମେଣ୍ଡେ କେଲନ୍, ବାତେଙ୍କ୍ ଇତ୍‍କେ ମାଲିକ୍ ବାତେଏ ମାଡ଼ିତନ୍, ଚାକର୍ ଆଦ୍ ପୁନଣ୍ଡ୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ସାଙ୍ଗ ଇଞ୍ଜ କେସ୍‍ମିନ୍ଦେନ୍, ବାତେଙ୍କ୍ ଇତ୍‍କେ ନାନ୍ ନା ବାବାନ୍ କନ୍‍ସ୍ ବାତେଏ କେଞ୍ଜିମିନ୍ଦେନ୍, ଆୱ୍‍ଚାରେ ମିକିଂଙ୍କ୍ କେତ୍‍ତାନ୍ ।

ଯୋହନ୍‌‌ 15:20

‘ଚାକର୍ ତାନ୍ ମାଲିକ୍ ତାଗାଙ୍କ୍ ବାଡ଼୍‍ୟଣ୍ଡ୍ ଆୟ୍‍ୟଣ୍ଡ୍,’ ନାନ୍ ମିକିଂଙ୍କ୍ ଇଦ୍ ବେନ୍ ବାକ୍ୟ କେସ୍‍ମିନ୍ଦେନ୍, ଆଦିଙ୍କ୍ ହେର୍କା ମାଡ଼ାଟ୍ । ଯଦି ଅଡ଼୍‌ ନାକିଂଙ୍କ୍ ତାଡ଼ନା ମାଡ଼ିମିନ୍ଦେଡ଼୍, ଆଲାଇତ୍‍କେ ମିକିଂଙ୍କ୍ ମିକା ତାଡ଼ନା ମାଡ଼ିତଡ଼୍; ଯଦି ଅଡ଼୍‌ ନାୱାଦ୍ ବାକ୍ୟ ପାଲନ୍ ମାଡ଼ିମିନ୍ଦେଡ଼୍, ଆଲାଇତ୍‍କେ ମିୱାଦ୍ ବାକ୍ୟ ମିକା ପାଲନ୍ ମାଡ଼ିତଡ଼୍ ।

ପ୍ରେରିତ 13:9

ଇତ୍‍କେ ଶାଉଲ୍‍ ବେନନ୍ ମେଣ୍ଡେଅନ୍‌ ପେଦେର୍ ପାଉଲ୍ ପବିତ୍ର ଆତ୍ମାତେ ବର୍ତ୍ତି ଆସ୍ ୱାଡ଼େନାକ୍ କପାମ୍‍ତେ ଉଡ଼୍‍ତଣ୍ଡ୍ ନୁ କେତ୍‍ତଣ୍ଡ୍,

ପ୍ରେରିତ 20:24

ଇତ୍‍କେ ନା ସେଙ୍ଗେ ନାନ୍ ନାୟାଦ୍ ଜିୱୁଣ୍ଡ୍‍ତିଙ୍କ୍ ସୁଦୁର୍ ହେର୍କା ମାଡ଼ିତାନ୍ । ଇଶ୍ୱର୍‌ତେ ଅନୁଗ୍ରହ ବିଷୟ୍ ପ୍ରବୁ ଜିସୁ ବେନ୍ କବର୍ ସୁସମାଚାର୍ କେତ୍‍ତାନଙ୍କ୍ ନାକିଂଙ୍କ୍ ହିତ୍‍ତଣ୍ଡ୍, ଆଦ୍ ପୁରନ୍ ମାଡ଼ି ନାୟାଦ୍ ପ୍ରଚାର୍ ପାଡ଼୍‍ୟି ସାରେ ମାଡ଼ିତାନ୍; ଇସରେ ନାୟାଦ୍ ଇଚ୍ଛା ।”

ପ୍ରେରିତ 21:40

ସେନାପତି ଅଂକିଙ୍କ୍‌ ଆନୁମତି ହିତ୍‍ତାଙ୍କ୍ ପାଉଲ୍ ପାହାଚତେ ପର୍‍ର ନିଶ୍‍ମିକା ନାରୁଡ଼୍‍କିଂଙ୍କ୍ କଟ ମାନ୍ଦାନଙ୍କ୍ କାୟ୍‍ତେଇସ୍ କେତ୍‍ତଣ୍ଡ୍ । ଅଡ଼୍‌ କଟ ଆତ୍‍ତେ ପେର୍‍କେ ପାଉଲ୍‍ ହୀବ୍ରୁ ଗଟ୍‍ତେ କେତ୍‍ତଣ୍ଡ୍ ।”

ପ୍ରେରିତ 22:21

ପ୍ରବୁ ନାକିଂଙ୍କ୍ କେତ୍‍ତଣ୍ଡ୍, ‘ଅନ୍‌, ନାନ୍ ନିକିଂଙ୍କ୍ ଗାଟି ଜେକେ ଅଣଇହୁଦୀଡ଼୍ ବକେତ୍ ରହତିତାନ୍ ।’”

ପ୍ରେରିତ 22:7

ନାନ୍ ବୂମ୍‌ତାଗା କାପ୍‍ମୁଡ଼୍‍ନ୍ଦି ରାୟ୍‍ତାନ୍ ନୁ ନା ମାଇଦିଙ୍କ୍ ଇଦ୍ ଗଟ୍ କେଞ୍ଜ୍‍ତାନ୍, ‘ଶାଉଲ୍, ଶାଉଲ୍ ! ନିମ୍‍ ବାତେଙ୍କ୍ ନାକିଂଙ୍କ୍ ଗାଟିତିପାଲ୍ ମାଡ଼ୁତିନ୍ ?’

ପ୍ରେରିତ 26:1

ଆଗ୍ରୀପା ପାଉଲ୍‍ତିଙ୍କ୍ କେତ୍‍ତଣ୍ଡ୍, “ନିକିଂଙ୍କ୍ ନି ବିଷୟ୍‍ତେ ବାତ୍ କେତାନଙ୍କ୍ ଆଦେଶ୍‍ ହିତ୍‍ତଡ଼୍ ପାଉଲ୍ କାୟ୍ ହାଆସ୍ ନିଜେ ସମର୍ତନ୍ ମାଡ଼ି କେତ୍‍ତଣ୍ଡ୍ ।”

ପ୍ରେରିତ 26:14

ମାମ୍‍ମେ ସାରେତମ୍ ବୂମ୍‌ତାଗ୍‌ ରାୟ୍‍ତମ୍ ନୁ ହୀବ୍ରୁ ଗଟ୍‍ତେ ନା ସେଙ୍ଗେ ଅଣ୍ଡୟ୍‌ ଗଟ୍ କେଞ୍ଜ୍‍ତାନ୍, ‘ଶାଉଲ୍, ଶାଉଲ୍ ! ନିମ୍‍ ବାତେଙ୍କ୍ ନାକିଂଙ୍କ୍ ତାଡ଼ନା ମାଡ଼ୁତିନ୍ ? ଉଡ଼୍‍ଦାନଣ୍ଡ୍ ମାନେୟ୍‍ତେ କୟେଡୁଡ୍‍ତିଙ୍କ୍ ଲାତ୍ ରେହେତାନ୍ କନ୍ଦ୍ ଲେକାମ୍ ନିମ୍‍ ନିଜେ ଦେବ୍‍ ତିନ୍‍ତି ।’

ପ୍ରେରିତ 27:23

ନାନ୍ ବେନ୍ ଇଶ୍ୱର୍‌ତିଙ୍କ୍ ଉପାସନା ମାଡ଼ୁତାନ୍, ନିନେ ନାର୍‍କେ ଅନାଦ୍‌ ସ୍ୱର୍ଗ ଦୂତ ନା ବକେତ୍ ୱାସ୍ କେତ୍‍ତଣ୍ଡ୍,

ପ୍ରେରିତ 9:15

ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ଅନ୍‌, ଇସ୍ରାଏଲ୍‍ ନାରୁଡ଼୍ ନୁ ଅଣଇହୁଦୀ ନୁ ରାଜାଲଡ଼୍ ମୁନ୍‍ନେ, ନା ପେଦେର୍ କେତାନଙ୍କ୍ ନୁ ନାୱାଦ୍ ସେବା ମାଡ଼ାନଙ୍କ୍ ନାନ୍ ଅଂକିଙ୍କ୍‌ ହେଞ୍ଚ୍‍ତାନ୍ ।

ରୋମୀୟ 1:16

ବାତେଙ୍କ୍ଇତ୍‍କେ ନାନ୍ ସୁସମାଚାର୍‍ତିଙ୍କ୍ ସିଗ୍ ମାଡ଼ନ୍, ଆଦ୍ ସାର୍‍ରେ ବିଶ୍ୱାସିଡ଼୍‍କିଂଙ୍କ୍ ପରିତ୍ରାଣ୍ ସେଙ୍ଗେ ଶାତ୍‍ୱାମ୍‍, ମୁନେନ୍ ଯିହୁଦୀଡ଼ାଗ୍, ମେଣ୍ଡେ ଗ୍ରୀକ୍‍ ନାରୁଡ଼ାଗ୍ ।

ରୋମୀୟ 1:5

କ୍ରିଷ୍ଟନ୍‍ ସେଙ୍ଗେ ଇଶ୍ୱର୍ ନାକିଙ୍କ୍‍ ପ୍ରେରିତ୍‍ ଶିଷ୍‍ ଲେକାମ୍‍ ଏଞ୍ଚି ସାର୍ରେ ଅଣଯିହୁଦୀଡ଼୍‍ ନାରୁଡ଼୍‍ ଲୋପେ ପ୍ରଚାର୍‍ ମାଡ଼ାନଷଙ୍କ୍‍ ସୁଯୋଗ୍‍ ଇତ୍‌ତଣ୍ଡ୍‌‍; ବେଲାକି ଅଡ଼୍‌‍ କ୍ରିଷ୍ଟ ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନ୍‌‍ ଗଟି ମାନେମ୍‍ ଆଦ୍‍ତଡ଼୍‍ ।

ରୋମୀୟ 1:9

ସାରେଦାମ୍‍ ନାନ୍‍ ବେନ୍‍ ଇଶ୍ୱର୍‌ତିଙ୍କ୍‍ ସେବା ମାଡ଼ୁତାନ୍‍ ନୁ ବେନ୍‍ ଇଶ୍ୱର୍‌ତେ ମାରିନ୍‍ ସାୟେତ୍‍ କାବୁର୍‍ ନାନ୍‍ ପ୍ରଚାର୍‍ ମାଡ଼ୁତାନ୍‍, ଆ ଇଶ୍ୱର୍ ନା ସାକ୍ଷି ।

ରୋମୀୟ 11:13

ଅଣଇହୁଦୀ ନାରୁଡ଼୍‍କିଂଙ୍କ୍ ନାନ୍ କେତୁତାନ୍, ମିଇ ସେଙ୍ଗେ ପ୍ରେରିତ ଶିଷ୍ୟ ଇନା ପାଡ଼୍‍ୟି ମାଡ଼ାନଙ୍କ୍ ନାନ୍ ଗର୍ବ ଏର୍କା ମାଡ଼ୁତାନ୍ ।

ରୋମୀୟ 15:16

ବାତେଙ୍କ୍ଇତ୍‍କେ କ୍ରିଷ୍ଟ ଜିସୁନ୍ ଦାସ୍ ଇସାପ୍‍ତେ ଅଣଇହୁଦୀଡ଼୍ ସେଙ୍ଗେ ପାଡ଼୍‍ୟି ମାଡ଼ାନ୍ ମାୟ୍‍ଦିଙ୍କ୍ ଇଶ୍ୱର୍ ନାକିଂଙ୍କ୍ ସୁଯୋଗ୍ ଇତ୍‍ତନ୍ । ଇଶ୍ୱର୍‌ତାଦ୍ ସାୟେତ୍ କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ନାନ୍ ୱେରଣ୍ଡ୍ ଦର୍ମଗୁରୁ ଲେକାମ୍ ପାଡ଼୍‍ୟି ମାଡ଼ୁତାନ୍ । ଅଣଇହୁଦିଡ଼୍ ପବିତ୍ର ଆତ୍ମା ତଡ଼୍ ଇତ୍‍ତାୱୁ ଜିନିଷ୍ ଲେକାମ୍ ଇଶ୍ୱର୍‌ତେ ବକେତ୍ ଗ୍ରହନ୍ ଆୟିଡ଼୍, ଇଦ୍ ନାୟାଦ୍ ଉଦେଶ୍ୟ ।

ରୋମୀୟ 15:29

ନାନ୍ ପୁତ୍‍ତାନ୍, କ୍ରିଷ୍ଟନାଗାଙ୍କ୍ ସାରେ ଆର୍ଶିବାଦ୍ ପୟ୍‍ସ୍ ନାନ୍ ମିଇ ବକେତ୍ ୱାଦ୍‍ତାନ୍ ।

ରୋମୀୟ 16:18

ବେନଡ଼୍ ଇଦ୍ ରକମ୍ ପାଡ଼୍‍ୟିତାଗ୍ ଦାନ୍ଦେ ମାନ୍‍ତଡ଼୍, ଅଡ଼୍‌ ପ୍ରବୁ ଜିସୁ କ୍ରିଷ୍ଟନ୍ ସେବା ମାଡ଼ଡ଼୍‍, ଅଡ଼୍‌ ତାମ୍ ନିଜେତ୍ ଲାଲସା ମେନ୍ଦୁଲ୍ ଲେକାମ୍ ମାଡ଼ାନଙ୍କ୍ ମାନ୍‍ତଡ଼୍ । ଚାଲାକ୍ ଗଟ୍‍ତଡ଼୍ ନୁ ମିଚ୍ ଗଟ୍‍ତଡ଼୍ ଅଡ଼୍‌ ନିରୀହ ନାରୁଡ଼୍‍କିଂଙ୍କ୍ ତିପାଲ୍ ମାଡ଼ିତଡ଼୍ ।

ରୋମୀୟ 16:25

ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ ।

୧ କରନ୍ତିୟ 1:1

ନାନ୍ ପାଉଲ୍ ନୁ ମାନ୍‍ ବିଶ୍ୱାସୀ ସୋସ୍ଥିନା ମିକିଂଙ୍କ୍ ନମସ୍କାର୍ ମାଡ଼ୁତମ୍ । ଇଶ୍ୱର୍‌ତେ ମାନ୍‌ତାଦ୍‌ ଇସାବ୍‌ତେ କ୍ରିଷ୍ଟ ଜିସୁନ୍ କାବୁର୍ ପ୍ରେରିତ ଶିଷ୍ୟ ଲେକେତ୍‍ ଏଞ୍ଚ୍‌ତେନଣ୍ଡ୍ ପାଉଲ୍‌ ନୁ ମାନ୍‍ ଦାଦାଲ୍ ସୋସ୍ଥିନା ।

୧ କରନ୍ତିୟ 9:1

ନାନ୍‌ ବାତା ସ୍ୱାଦିନତା ଆୟନ୍‌ ? ନାନ୍‌ ବାତା ଅରନ୍‌ ପ୍ରେରିତ ଆୟନ୍‌ ? ନାନ୍‌ ବାତା ମାନ୍‍ ପ୍ରବୁଙ୍କ୍ ଉଡ଼ିଲେନ୍‌ ? ମିଡ଼୍ ବାତା ପ୍ରବୁନାଗା ମାଡ଼୍‍ତେ ପାଡିୟ୍‌ ଆୟ୍‍ୟ ?

୨ କରନ୍ତିୟ 1:1

ନାନ୍ ପାଉଲ୍, ଇଶ୍ୱର୍‌ତେ ଇଚ୍ଛା ଲେକାମ୍ ଜିସୁ କ୍ରିଷ୍ଟନ୍ ପ୍ରେରିତ୍ ନୁ ମାନ୍‍ ଦାଦାଲ୍‌ ତୀମତି, କରିନ୍ଥ ମଣ୍ଡଲିତାଗ୍ ଲେକୁତାନ୍ ନୁ ଆଖାୟା ଦେଶ୍‍ତେ ସାରେ ବିଶ୍ୱାସୀ ପାକେ ଇଦ୍ ଚିଟି ଲେକମିନ୍ତେନ୍ ।

୨ କରନ୍ତିୟ 11:5

ମିୟାଦ୍ ଆଦ୍ ବିଶିଷ୍ଟ ପ୍ରେରିତ ଶିଷ୍ୟଡ଼ାଗାଙ୍କ୍ ନାନ୍‍ନେ ବେନ୍ ବା ଗୁଣତେ ନିକୃଷ୍ଟ ଇଞ୍ଜ ଆଲ୍‍ସନ୍ ।

୨ କରନ୍ତିୟ 11:7

ଇଶ୍ୱର୍‌ତେ ସୁସମାଚାର୍‌ ପ୍ରଚାର୍ ମାଡ଼ାନ୍ ୱେଲେ ନାନ୍ ମିଇୟାଗାଙ୍କ୍ ଇଦିନ୍ ମୁଲ୍ୟ ଦାବୀ ମାଡ଼ନ୍ । ମୀଇୟାଦ୍ ଉନ୍ନତି ସେଙ୍ଗେ ନାନ୍ ନିଜେତିଙ୍ଗ୍ ଅବନତ୍ ମାଡ଼୍‍ତାନ୍ । ଇଦ୍ ବାତେଏ ନାୟାଦ୍ ପାପ୍‌ ?

୨ କରନ୍ତିୟ 12:11

ନାନ୍‍ନେ ମଣ୍ଡିନ୍‍ ଲେକାମ୍ ଆଚରନ୍ ମାଡ଼୍‍ତାନ୍ । ଇଦ୍ ମାଡ଼ାନ୍ ସେଙ୍ଗେ ମିଡ଼୍ ନାକିଂଙ୍କ୍ ଦାନ୍ଦେ ମାଡ଼୍‍ତିଡ଼୍, ବାତେଙ୍କ୍‍ଇତ୍‍କେ ନାୟାଦ୍ ପ୍ରସଂଶା ମାଡ଼ାନାଦ୍ ମିୟାଦ୍ ନିୟମ୍ ମାତ୍‍ତେ । ନାନ୍‍ନେ ବାତେଏ ଆୟକ୍‍ ମିକା ମିୟାଦ୍ ଆଦ୍ ମାନ୍ଦାନ୍ “ପ୍ରେରିତ୍ ଶିଷ୍ୟନଡ଼ାଗାଙ୍କ୍,” ବାତେଏ ବା ଗୁନତେ ନିକୃଷ୍ଟ ଆୟ୍‍ୟ ।

୨ କରନ୍ତିୟ 2:12

କ୍ରିଷ୍ଟନ୍ ସୁସମାଚାର୍‌ ପ୍ରଚାର୍ ମାଡ଼ାନଙ୍କ୍ ତ୍ରୋୟା ଦୀପ୍‍ତାଗ୍ ହେଉସ୍ ନାନ୍ ଉଡ଼୍‍ତାନ୍, ଇଦ୍ ପାଡ଼ିୟିଦେ ସେଙ୍ଗେ ପ୍ରବୁ ଆର୍ ଟେଣ୍ଡିତ୍‍ତନ୍ ।

୨ କରନ୍ତିୟ 4:5

ମାମ୍‍ମେ ମା ବିଷୟ୍‍ତେ ପ୍ରଚାର୍ ମାଡ଼ମ୍, ବାତେଙ୍କ୍ ଇତ୍‍କେ ମାମ୍‍ମେ ଜିସୁ କ୍ରିଷ୍ଟଙ୍କ୍ ପ୍ରବୁ ଇଞ୍ଜ ପ୍ରଚାର୍ ମାଡ଼ୁତମ୍ ନୁ ଜିସୁନ୍ ସେଙ୍ଗେ ମାମ୍‍ମେ ନି ଦାସ ଆତ୍‍ତମ୍,

ଗାଲାତୀୟ 1:1

ନାନ୍ ପାଉଲ୍ ପ୍ରେରିତ୍‍ ଶିଷ୍ୟ ଆଦାନ୍ ସେଙ୍ଗେ ନାନ୍ ନାରୁଡ଼ାଗାଙ୍କ୍ କି ନାରୁଡ଼୍‍କିନ୍ ଲୋପେଙ୍କ୍ କାର୍ଙ୍ଗାନାଦ୍ କେଞ୍ଜି ୱାଡ଼ନ୍‍, ଇଦ୍ କାର୍ଙ୍ଗାନାଦ୍ ନିଜେ ଇଶ୍ୱର୍‌ତାଗାଙ୍କ୍ ନୁ ଅଣ୍ଡ୍‌ ବେନଙ୍କ୍ ଡଲ୍‍ତାଗାଙ୍କ୍ ତେଏତ୍‍ତଣ୍ଡ୍, ଆ ଜିସୁ କ୍ରିଷ୍ଟ ନାଗାଙ୍କ୍ ପାଏମ୍‍ ଆତ୍‍ତାନ୍‍ ।

ଏଫିସିୟ 1:1

ଇଶ୍ୱର୍‌ତେ ଇଚ୍ଛା ଲେକାମ୍ କ୍ରିଷ୍ଟ ଜିସୁନ୍ ୱେରଣ୍ଡ୍ ପ୍ରେରିତ୍ ଶିଷ୍ୟ ଲେକାମ୍ ନିଯୁକ୍ତି ଆସ୍‍ମାନ୍ଦାନ୍ ପାଉଲ୍, ଜିସୁ କ୍ରିଷ୍ଟନ୍ ତଡ଼୍ କାଇଲି ମିକା ବିଶ୍ୱାସ୍‍ତେ ବାଦ୍‍କମାନ୍ଦାନ୍ ଏଫିସିତେ ଇଶ୍ୱର୍‌ତେ ନାରୁଡ଼୍ ପାକେ ଲେକିମାନ୍ଦାନ୍ ଇଦ୍ ଚିଟି,

ଏଫିସିୟ 1:13

ମିଡ଼୍ ଆନ୍‌‍ତେ ବେସୁଙ୍କ୍‍ ପରିତ୍ରାଣ୍ ଦର୍ସିକି ଆତ୍‍କେ ଇଦ୍ ସୁସମାଚାର୍‍ତେ ସତ୍‍ଗଟ୍ କେଞ୍ଜ୍‍ତିଡ଼୍, ଆଦ୍ ସମୟ୍‍ତେ ଇଶ୍ୱର୍‍ତଡ଼ି ଆଦ୍‍ତିଡ଼୍ । ମିଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ନାଙ୍କ୍, ଇଶ୍ୱର୍ ତାନ୍ ପ୍ରତିଜ୍ଞା ଲେକାମ୍ ପବିତ୍ରଆତ୍ମାନ୍ ଦାନ ମାଡ଼ି ମିଇ ପରୁ ଅନାଦ୍‌ ସତ୍‍ ଚିଃନେ ମାଡ଼ି ନିଜର୍‍ ମାଡ଼୍‍ତଣ୍ଡ୍ ।

ଏଫିସିୟ 4:11

ଅଣ୍ଡେ ନାରୁନ୍ ଜାତିତିଙ୍କ୍ ନାର୍‍ଗେ ବରଦାନ ମାଡ଼ି ଆଞ୍ଜ୍‍ମିନ୍ଦେଣ୍ଡ୍ । ବେସ୍କ୍‌ତୁଡ଼୍‍କିଙ୍କ୍ ପ୍ରେରିତ୍ ଶିଷ୍ୟ, ମେଣ୍ଡେ ବାଗାତଡ଼୍‍କିଙ୍କ୍ ବାବବାଦି, ବେସ୍କ୍‌ତୁଡ଼୍‍କିଙ୍କ୍ ସୁସମାଚାର୍ ପ୍ରଚାର୍ ମାଡ଼ାଙ୍କ୍, ପାଷ୍ଟେର୍ ନୁ ମେସ୍ତେରିନ୍‍ ମକମ୍‌ତେ ଏଞ୍ଚିମିନ୍ଦେଣ୍ଡ୍ ।

ଫିଲିପିୟ 1:1

ଫିଲିପୀ ମଣ୍ଡଲିତେ ଦର୍ମଗୁରୁ, ସେବକିଡ଼୍ ନୁ କ୍ରିଷ୍ଟ ବିଶ୍ୱାସି ସାରେତଡ଼୍‍କ୍, କ୍ରିଷ୍ଟ ଜିସୁନ୍ ଦାସ ପାଉଲ୍ ନୁ ତିମତିନ୍ ଚିଟି,

ଫିଲିପିୟ 2:11

ମେଣ୍ଡେ ସାରେ ଜିୱାକ୍ ଜିସୁ କ୍ରିଷ୍ଟକେ ପ୍ରବୁ ଇଞ୍ଜ କେସ୍ ମିକା ବାବାଲ୍ ଇଶ୍ୱର୍‌ତିଙ୍ଗ୍ ଗୌରବ୍ ମାଡ଼ିତିଡ଼୍ ।

କଲସୀୟ 1:1

ପାଉଲ୍, ଇଶ୍ୱର୍‌ତେ ଇଚ୍ଛା ଲେକାମ୍‍ କ୍ରିଷ୍ଟ ଜିସୁନ୍‍ ୱେରଣ୍ଡ୍ ପ୍ରେରିତ, ମେଣ୍ଡେ ମାନ୍‍ ଦାଦାଲ୍ ତିମତି

କଲସୀୟ 1:25

ମୀଇ ସାୟେତ୍ ସେଙ୍ଗେ ଇଦ୍ କାମ୍ ମାଡ଼ାନ୍ ସେଙ୍ଗେ ନାନ୍‍ ଇଶ୍ୱର୍‌ତଡ଼୍ ମଣ୍ଡଲିତେ ୱେରନ୍ ଦାସ ଲେକାମ୍ ହେଞ୍ଚି ମିନ୍ଦେନ୍ । ଅନାଦ୍‌ ସୁସମାଚାର୍ ପୁରାପୁରି କେତାନାଦ୍ ନାୟାଦ୍ କାମ୍ ।

୧ ଥେସଲନିୟ 2:2

ଥେସଲନିତାଗ୍ ମିଇ ପାକେ ୱାଦାନ୍ ମୁନେ ଫିଲିପୀତାଗ୍ ମା ସେଙ୍ଗେ ବେଦ୍‍ଲେକାମ୍ ତିପାଲ୍ ନୁ କାରାପ୍ ପାଡ଼୍‍ୟି ମାଡ଼ମାତ୍‍ତଡ଼୍, ଆଦ୍ ମିଡ଼୍ ପୁତ୍‍ତିଡ଼୍ । ଇଶ୍ୱର୍‌ତାଗାଙ୍କ୍ ଦର୍କିମାନ୍ଦାନ୍ ସୁସମାଚାର୍ ମିକିଂଙ୍କ୍ କେଞ୍ଜ୍‍ପାଙ୍କ୍ ସେଙ୍ଗେ ଅଣ୍ଡ୍‌ ମାନ୍‍ନାଙ୍କ୍‍ ଶକ୍ତି ଇସ୍‍ମାତ୍‍ତନ୍ ।

୧ ଥେସଲନିୟ 2:8

ମିଇ ସେଙ୍ଗେ ମାୟାଦ୍‌ ପ୍ରେମ ମାନ୍‍ନାଙ୍କ୍ ମାମ୍‍ମେ ଆଦ୍‍ଲେକାମ୍ ମିକିଂଙ୍କ୍ ଇଶ୍ୱର୍‌ତେ ସୁସମାଚାର୍ କାଲ୍‍ପ୍‍ୱେ ମାତ୍‍ତମ୍, ନିଜେତ୍ ନିଜେତ୍ ଜିୱୁନ୍ ହିଦାଙ୍କ୍ ତିୟାର୍ ମାତ୍‍ତମ୍ । ମିଡ଼୍ ମା ଲେକେତ୍‍ ସାଙ୍ଗ ମାତ୍‍ତିଡ଼୍ ।

୧ ଥେସଲନିୟ 2:9

ହୋ ଦାଦାନଡ଼ି ନୁ ଏଲାସ୍କ୍‍, ମିୟାଦ୍ ନିଜାମ୍ ହେର୍କା ମାନ୍‍ତେ; ମାନାଡ଼୍ ବେଲାନ୍ ଗାଟି ତିପାଲ୍‍ତେ ସ୍ୱୀକାର୍ ମାଡ଼ି ପାଡ଼୍‍ୟି ମାଡ଼ମାତ୍‍ତମ୍; ବେଲାନ୍ ମିଇ ପାକେ ଇଶ୍ୱର୍‌ତେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ ମିଇ ପର୍‍ର ବୋଜ୍ ଆୟ୍‍ମାକି ହିଞ୍ଜ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୧ ତୀମତି 1:1

ନାନ୍‍ ପାଉଲ୍‍, ମାନ୍‍ ମୁକ୍ତିଦାତାଲ୍‍ ନିଜେ ଇଶ୍ୱର ନୁ ମାନାଙ୍କ୍ ଆଶେତେ କ୍ରିଷ୍ଟ ଜିସୁନ୍‍ ଗଟ୍‍ ଲେକାମ୍‌ ଏଞ୍ଚ୍‍ତଣ୍ଡ୍ ପ୍ରେରିତ ପାଉଲ୍‍ ।

୧ ତୀମତି 2:7

ଆଦ୍ ସତ୍ୟ ନୁ ବିଶ୍ୱାସ୍‍ ଗଟ୍ ଅଣଯିହୁଦୀଡ଼୍‍ ପାକେ ଗୋଷନା ମାଡ଼ାନ୍ ସେଙ୍ଗେ ନାନେ ୱେରନ୍ ପ୍ରେରିତଶିଷ୍ୟ ନୁ ଗୁରୁ ଲେକାମ୍ ୱାସ୍‍ମିନ୍ଦେନ୍, ନାନେ ମିତ୍ୟା କେଲନ୍ ବାତ୍‍ କେତୁତାନ୍, ଆଦ୍‍ ସାରେ ସତ୍ ।

୨ ତୀମତି 1:11

ଇଦ୍ ସୁସମାଚାର୍ ତେ ନାନେ ୱେରନ୍ ପ୍ରଚାର୍‍ତନ୍, ପ୍ରେରିତ ଶିଷ୍ୟ ନୁ ମେସ୍ତେରିନ୍ ଲେକାମ୍ ନିଯୁକ୍ତି ମାଡ଼ିମିନ୍ଦେନ୍ ।

ତୀତସ୍‌ 1:1

ନାନ୍ ପାଉଲ୍, ଇଶ୍ୱର୍‌ତେ ଦାସ ନୁ ଜିସୁ କ୍ରିଷ୍ଟନ୍ ରହତେନଣ୍ଡ୍ ପ୍ରେରିତଶିଷ୍ୟ, ତୀତସ୍‍ତେ ବକେତ୍ ଲେକୁତାନ୍ । ଇଶ୍ୱର୍ ଏଞ୍ଚ୍‍ତେ ନାରୁଡ଼ାଦ୍ ବିଶ୍ୱାସ୍‍ତିଙ୍କ୍ ନାର୍ଗ୍ ମାଡ଼ାନଙ୍କ୍ ନୁ ମାନ୍‍ ଦର୍ମବିଶ୍ୱାସ୍‍ତାଦ୍ ସତ୍‍ତିଙ୍କ୍ ଅଡ଼୍‌‍କିଂଙ୍କ୍ ସଚେତନ୍ ମାଡ଼ାନଙ୍କ୍ ନାନ୍ ହେଞ୍ଚିମାନ୍ଦାନ୍ ଆସ୍‍ମିନ୍ଦେନ୍ ।

ଏବ୍ରୀ 5:4

ବେନ ତାମ୍‌ ମାନ୍‌ତେ ବାଡ଼୍‍ୟେ ପୁଜାରି ଆୟେପାର୍‍ୱଡ଼୍‍, ହାରୋଣତିଙ୍କ୍‍ ବେଲା ପରମେଶ୍ୱର ନିତାକିତ୍‌ତଣ୍ଡ୍‍; ଅଣ୍ଡ୍‌‌ ପୁଜାରି ଆତ୍‌ତଣ୍ଡ୍‌ ।

ଏବ୍ରୀ 7:26

ଆଦିନ୍ ମାନାଙ୍କ୍ ବାତେ କାୱାଲ୍‌ ଆଦ୍ ସାର୍ରେ ଇଦାନଙ୍କ୍ ବାଡ଼ିୟା ପୁଜାରି ଜିସୁ ଆରଣ୍ଡେ ମିନ୍ଦେଣ୍ଡ୍‌ । ଅଣ୍ଡ୍‌‌ ପବିତ୍ର, ପାପ୍‌ କିୱେନଣ୍ଡ୍‌, ପାପି ନାରୁଡୁଞ୍ଚ୍‌ ୱେରେ ମାନ୍ଦାନଣ୍ଡ୍‌, ପର୍ର ସ୍ୱର୍ଗତାଗ୍‌ ଆତଣ୍ଡ୍‌ ।

ଯାକୁବ 1:1

ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ଦାସ ଯାକୁବନ୍ ୱେଏକ୍‍ ୱେଏକ୍ ଆତ୍‍ତେ ଇଶ୍ୱର୍‌ତେ ନାରୁଡ଼୍‍କିଙ୍କ୍ ନମସ୍କାର୍ ।

୧ ପିତର୍‍ 4:17

ଇଞ୍ଜେ ବିଚାର୍ ଦିନାମ୍ ଏୱୁତ୍‍ତେ ନୁ ଇଶ୍ୱର୍‌ତେ ନାରୁଡ଼୍ ମୁନେଙ୍କ୍ ବିଚାର୍‍ ଆଦ୍‍ତଡ଼୍ । ଯଦି ମାନାଗାଙ୍କ୍ ଆଦ୍ ଆରାମ୍ ଆତ୍‍କେ, ଆଲେକ୍ ବେନଡ଼୍ ଇଶ୍ୱର୍‌ତେ ସୁସମାଚାର୍‍ତାଗ୍‍ ବିଶ୍ୱାସ୍‍ ମାଡ଼ଡ଼୍, ଅଡ଼ାଦ୍‌ ମାଡ଼େଙ୍କ୍‌ତାଦ୍‍ ଦଶା ବାଆତେ ଆଦ୍‍ତେ ?

୨ ପିତର୍‌ 1:1

ଶିମୋନ୍‍ ପିତର୍‍ତେ ଚିଟି; ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ଦାସ ନୁ ପ୍ରେରିତ, ବେନଡ଼୍ ମାନ୍‍ ଇଶ୍ୱର୍‍ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଦାର୍ମାମ୍‌ତେ ସେଙ୍ଗେ ବିଶ୍ୱାସ୍ ଲେକାମ୍ ନାର୍ଗେ ଦାନାମ୍ ଦାନ ପାଏମ୍‍ ଆତ୍‍ତଡ଼୍, ଅଡ଼୍‌ ଗାରେ ଇଦ୍‍ ଚିଟି ଲେକୁତଣ୍ଡ୍‍ ।

ଯିହୁଦା 1:1

ନାନ୍‍ ଯିହୁଦା, ଜିସୁ କ୍ରିଷ୍ଟଟନ୍ ଦାସ ନୁ ଜାକୁବନ୍ ଦାଦାଲ୍, ବେନଡ଼୍‍କିଂଙ୍କ୍ ବାବାଲ୍‍ ଇଶ୍ୱର୍ କାର୍‍ଙ୍ଗ୍‍ତଣ୍ଡ୍ ନୁ ଅନ୍‌ ପ୍ରେମତଡ଼୍ ବାଦ୍‍କୁତଡ଼୍ ମେଣ୍ଡେ ଜିସୁ କ୍ରିଷ୍ଟଟନ୍ ସେଙ୍ଗେ ସାୟେ ମିନ୍ଦେ, ଅଡ଼୍‌ ବକେତ୍ ଚିଟି ଲେକୁତାନ୍ ।

ପ୍ରକାଶିତ୍‌ ବାକ୍ୟ 1:1

ବାତ୍‍ସାରେ ଯାପେ ଗଟେମ୍‍ ଆଦାଙ୍କ୍ ଅଦୁତ୍, ଇଶ୍ୱର୍ ଜିସୁ କ୍ରିଷ୍ଟନ୍ ପାକେ କେସ୍‍ମାନ୍ଦାନ୍ ଅନାଦ୍‌ ୱେରଡ଼୍ ବିବରଣି ଇଦ୍ ବଇତାଗ୍ ଲେକାଆତ୍‍ତେ । ଆଦ୍‍ ସାରେ ବିଷୟ ତାନ୍ ଦାସନଡ଼୍‍କ୍ କେତାନ୍ ସେଙ୍ଗେ କ୍ରିଷ୍ଟ ୱେରଣ୍ଡ୍ ସ୍ୱର୍ଗଦୂତଙ୍କ୍ ରସ୍‍ମିକା ତାନ୍ ଦାସ ଯୋହନ୍‌‌ତିଙ୍କ୍‌ ଆଦ୍ କେତ୍‍ତଡ଼୍‍ ।

ପ୍ରକାଶିତ୍‌ ବାକ୍ୟ 22:6

ଦୂତ ନାକିଙ୍କ୍ କେତ୍‍ତେ, “ଇୱୁସାରେ ଗଟି ନିଜାମ୍ ନୁ ନିର୍ବରଯୋଗ୍ୟ । ବାତା ଚିଟ୍‍ପାଟ୍ ଗଟେମ୍ ଆଦ୍‍ତେ, ଆଦ୍ ତାନ୍ ସେବକ୍‍ନଡ଼୍‍କ୍ କେତାନ୍ ସେଙ୍ଗେ ବାବବାଦିଡ଼୍‍ ଆତ୍ମାତେ ଜ୍ଞାନ୍ ଇସମାନ୍ଦାନ୍ ଇଶ୍ୱର ତାନ୍ ଦୂତଙ୍କ୍ ରସ୍‍ମିନ୍ତେଣ୍ଡ୍ ।”

ପ୍ରକାଶିତ୍‌ ବାକ୍ୟ 22:9

କିନ୍ତୁ ଆଦ୍ ନାକିଙ୍କ୍ କେତ୍‍ତେ, “ଆଦ୍‍ ଲେକାମ୍ ମାଡ଼ାମାଟ୍, ବାତେଙ୍କ୍‍ଇତ୍‍କେ ନାନେ ମିକା ମିଇ ଲେକାମ୍ ୱେରନ୍ । ମିୟାଦ୍ ବେନ୍ ବାବବାଦି ଦାଦାନଡ଼୍ ନୁ ବେନ୍‍ ସାରେତଡ଼୍ ଇଦ୍‍ ବଇ ଲେକାମ୍ ପାଲନ୍ ମାଡ଼ିତନ୍, ଅଡ଼୍‌‍ଲେକାମ୍ ନାନେ ମିକା ୱେରନ୍ ସେବକ୍‍ ଲେକାମ୍ । ଇଶ୍ୱର୍‌ତେ ଆରାଦାନା ମାଡ଼ାଟ୍ ।”