ପ୍ରକାଶିତ୍‌ ବାକ୍ୟ 8:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ସମୁଦ୍ର ପଶୁନାଗାଙ୍କ୍ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ଡଲିଆତ୍‍ତା ନୁ ସମୁଦ୍ରତାଗ୍ ମାନ୍ଦାନ୍ ଜାହାଜ୍‍କିନାୱୁ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ଦ୍ୱଂସ ଆତ୍‍ତା ।

ପ୍ରକାଶିତ୍‌ ବାକ୍ୟ 8:9 Iomraidhean Croise

ପ୍ରକାଶିତ୍‌ ବାକ୍ୟ 12:4

ଆଦ୍ ତାନ୍ ତକେତେ ମାବ୍‍ତାଗାଙ୍କ୍ ୱେରଡ଼୍ ତୃତିୟାଂଶ ଉକାମ୍‍ ଲାଗିତାସ୍ ପୃତିବିତେ ପରୁ ଏସ୍‍ତେ । ପିଲେ ଜନମ୍ ଆଦାନ୍ ସାଙ୍ଗେ ସାଙ୍ଗେ ଆଦିଙ୍କ୍ ତିଞ୍ଜୀନ୍ଦାନ୍ ଲେକାମ୍ ତାଡ଼ାମ୍ ଉକ୍ତ ନାଟାଡ଼୍‍ତେ ଗାରେ ୱାସ୍ ନିତ୍‍ତେ ।

ପ୍ରକାଶିତ୍‌ ବାକ୍ୟ 16:3

ତାନ୍‍ପେର୍କେ ଦ୍ୱିତିୟ ଦୂତ ତାନ୍ ପାତ୍ରତିଙ୍କ୍ ସମୁଦ୍ର ପରୁ ତସ୍‍ସିତେ । ସମୁଦ୍ରତେ ଏର୍ ଡଲ୍‍ତେ ନାରିନ୍ ନେତୁର୍ ଲେକାମ୍ ଆତ୍‍ତେ ନୁ ସମୁଦ୍ର ସାରେ ଜନ୍ତୁ ଡଲ୍‍ତା ।

ପ୍ରକାଶିତ୍‌ ବାକ୍ୟ 8:10

ତାନ୍‍ପେର୍କେ ତୃତିୟ ଦୂତ ତାନ୍ ତୁରି ଉଦ୍‍ତା । ସାଙ୍ଗେ ସାଙ୍ଗେ ମାବ୍‍ତାଗାଙ୍କ୍ ମଶାଲ୍ ଲେକାମ୍ ଅଣ୍ଡୟ୍‌ ବେଡ଼ିୟାଦ୍ ନିଡ଼୍‍ତାନ୍ ଉକାମ୍‍ ସାରେ ନଦିନ୍ ନୁ ଇଲ୍‍କାନାଗ୍ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ପରୁ ରାଲ୍‍ତା ।

ପ୍ରକାଶିତ୍‌ ବାକ୍ୟ 8:12

ତାନ୍‍ପେର୍କେ ଚତୁର୍ତ ଦୂତ ତାନ୍ ତୁରି ଉଦାନ୍ ପେର୍କେ, ପଡ଼ଦ୍‍ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍, ନେଞ୍ଜ୍‍ତେ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ନୁ ନକ୍ଷତ୍ରକି ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ କାୟ୍‍ତା ଆତ୍‍ତା । ଆଦିଙ୍କ୍ ୱେସିନ୍ ଅଣ୍ଡୟ୍‌ ତୃତିୟାଶଂ ୱେସ୍ ଡଲିଆତ୍‍ତେ । ତାନ୍‍ପେର୍କେ ଦିନାମ୍‍ତେ ଅଣ୍ଡୟ୍‌ ତୃତିୟାଶଂ ନୁ ନର୍କାତ୍ ଅଣ୍ଡୟ୍‌ ତୃତିୟାଶଂ ୱେସ୍‍ କମ୍‍ ଆତ୍‍ତେ ।

ପ୍ରକାଶିତ୍‌ ବାକ୍ୟ 8:7

ମୁନେତାଦ୍‍ ଦୂତ ତୁରି ଉଦାନ୍ ସାଙ୍ଗେ ଆଦୁର୍‍ଗାଡା, କିସ୍‍ ନୁ ନେତୁର୍ ପୃତିବିତେ ପରୁ ରାଲ୍‍ତା । ତାନ୍‍ପେର୍କେ ସାରେ ମାଡ଼ାକ୍ ପଦ୍‍ଲା, ସାରେ ଇସୁରାଦ୍ ମିକା ପୃତିବିତେ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ନିଡ଼୍‍ସ୍‍ ଆତ୍‍ତେ ।

ପ୍ରକାଶିତ୍‌ ବାକ୍ୟ 9:15

ଆଦିଙ୍କ୍ ଇଦ୍ ୱେରଡ଼୍ ୱାଡ଼୍‍ଷା, ନେଲ୍‍ଞ୍ଜ୍‍, ଦିନାମ୍ ନୁ ଦଣ୍ଡ୍‍ତେ ସାରେ ନାରିଡ଼୍ ଜାତିତ୍‍ ଅଣ୍ଡୟ୍‌ ତୃତିୟାସଂ ନାରୁଡ଼୍‍କ୍ ଆୱୁକାଙ୍କ୍ ସେଙ୍ଗେ ତିଆର୍ ଆସ୍ ମାନ୍ଦାନ୍ ଆୱୁ ନାଲୁ ଦୂତଙ୍କ୍ ୱୁଡ଼୍‍ସିତ୍‍ତଡ଼୍ ।

ପ୍ରକାଶିତ୍‌ ବାକ୍ୟ 9:18

ମେଣ୍ଡେ ଅଡ଼୍‌ ମକତାଗାଙ୍କ୍ କିସ୍, ଉମେ ନୁ ଗନ୍ଦକ୍‍ ଲେକାମ୍ ମୁଣ୍ଡ୍ ମହାମାରି ପେୟ୍‍ତା । ଇୱୁ ମହାମାରିକି ଗାଟି ଗାବ୍‍ତେ ନାରୁଡ଼୍‍ ଜାତିତେ ଅଣ୍ଡ୍‌ ମୁଣ୍ଡୁଦାମ୍‌ ଡଲାନ୍ ଲେକାମ୍ ଆତ୍‍ତଡ଼୍ ।