ପ୍ରକାଶିତ୍‌ ବାକ୍ୟ 6:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ନାନେ ଉଡ଼୍‍ତାନ୍, ଏର୍‍ରେ କଲର୍‍ତାଦ୍ ମେଣ୍ଡନ୍ ଗୁରାମ୍‍ । ପୃତିବିତାଗ୍ ଅଶାନ୍ତି ମାଡ଼ାନ୍ ସେଙ୍ଗେ ତାନ୍ ଚାଲାମାଡ଼ାନଙ୍କ୍‍ ଆଦେଶ୍ ଇତ୍‍ତନ୍, ନାରୁଡ଼୍ ବେଲାନ୍ ଯୁଦ୍‌ମାଡ଼ି ନିଜେ ନିଜେତିଗ୍ ଆୱୁକିତଡ଼୍ । ଅନ୍‌ କାଇଦାଗ୍ ୱେରଡ଼୍‍ ବେଡ଼ିୟାଦ୍ କଡ଼୍‍ଗ ତିଆର୍‍ ଆତ୍‍ତେ ।

ପ୍ରକାଶିତ୍‌ ବାକ୍ୟ 6:4 Iomraidhean Croise

ମାତିଉ 10:34

“ନାନ୍ ଜଗତ୍‍ତାଗ୍ ଶାନ୍ତି ମାଡ଼ାଙ୍କ୍ ୱାତ୍‍ତାନ୍ ଇଞ୍ଜ ଏର୍କା ମାଡ଼୍‍ମାଟ୍ । ଇଲେ, ନାନ୍ ଶାନ୍ତି ପଇସ୍ ୱାଡ଼ନ୍, ତାଲ୍‍ୱାର୍ ପଇସ୍ ୱାତ୍‍ତାନ୍ ।

ମାତିଉ 24:6

ମିଡ଼୍ ଗାର୍‍ରେ ଯୁଦ୍ଦ୍‌ତେ ଆସମାନ୍ଦାନ୍ ମର୍‍ରେ କେଞ୍ଜିତିଡ଼୍‍ ନୁ ଜୁୟ୍‍ ଚାଲେମ୍‍ ଆସ୍‍ମାନ୍ଦାନ୍ ଯୁଦ୍‌ତେ କବର୍ କେଞ୍ଜ୍‍ତିଡ଼୍ । ବାତେଙ୍କ୍ ଇତ୍‍କେ ଦାନ୍ଦେ ଆୟ୍‍ମାଟ୍‍ । ହିଦ୍‍ପୁଟୁଙ୍କ୍ ସାରେ ନିଜାମ୍ ଗଟେମ୍ ଆଦ୍‍ତେ । ବାତେଙ୍କ୍ ଇତ୍‍କେ, ହିଦିନ୍ ଇତ୍‍କେ ଆୟଜେ ଯୁଗାନ୍ତ ଦିନାମ୍ ହେୱ୍‍ତେ ।

ଯୋହନ୍‌‌ 19:11

ଜିସୁ ଅଂକିଙ୍କ୍‌ ଉତ୍ତର୍ ହିତ୍‍ତଣ୍ଡ୍, “ନା ପର୍‍ର ନିୱାଦ୍ ବେନ୍ ଅଦିକାର୍‌ ମିନ୍ଦେ, ଆଦ୍ ଅଦିକାର୍‌ ନିକିଂଙ୍କ୍ ପରମେଶ୍ୱର୍ ହିତ୍‍ତଣ୍ଡ୍ । ତ ବେନ ନାକିଂଙ୍କ୍ ନି ଗାର୍‍ରେ ତାତ୍‍ତଣ୍ଡ୍, ଅଣ୍ଡ୍‌ ଗାଟି ପାପ୍ ମାଡ଼୍‍ତଣ୍ଡ୍ ।”

ପ୍ରକାଶିତ୍‌ ବାକ୍ୟ 12:3

ମାବ୍‍ତାଗ୍ ମେଣ୍ଡନ୍ ୱେରଡ଼୍ ଅବୁଦ୍ ଦୃଶ୍ୟ ତନ୍‍ନ୍ତେ । ଲୋଇତ କଲର୍‍ତେ ତାଡ଼ାମ୍ ଇନା ୱେରଡ଼୍ ବିକଲାଟ ପଶୁ, ତାନଦ୍ ସାତ୍‍ଟାନ୍ ତାଲା, ଦଶ୍‍ଟାନ୍ କଅକ୍‌ ନୁ ସାରେ ତାଲାନାଗ୍ ୱେର ସହଜ୍‍ ମାନ୍‍ନୁ ।

ପ୍ରକାଶିତ୍‌ ବାକ୍ୟ 13:10

ଇଶ୍ୱର୍‌ତେ ଇଚ୍ଛା ଲେକାମ୍‌ ବେନ ବନ୍ଦି ଆଦାନ୍‍ ମିନ୍ଦେ, ଅଣ୍ଡ୍‌‍ ନିଶ୍ଚିତ୍‍ ବନ୍ଦି ଆଦ୍‍ତଣ୍ଡ୍‍ । ବେନ ମେଣ୍ଡେ ୱେରେତଙ୍କ୍‌ କଡ୍‌ଗତଡ଼୍‌ ଆୱୁକିତଣ୍ଡ୍‍, ଅଣ୍ଡ୍‌‍ ନିଜେ ଚୁର୍‌ ତଡ଼୍‍ ଡଲିତଣ୍ଡ୍‍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ଦୈର୍ଯ୍ୟ ନୁ ବିଶ୍ୱାସ୍ ଅଣ୍ଡୟ୍‌‍ତାଗ୍ ମାନ୍ଦ୍‍ତେ ।

ପ୍ରକାଶିତ୍‌ ବାକ୍ୟ 17:3

ଆସୁଙ୍ଗ୍ ପବିତ୍ରଆତ୍ମା ନାୟାଗ୍‍ ଅଦିଷ୍ଟାନ୍ ମାଡ଼୍‍ତେ ନୁ ଆଦ୍ ଦୂତ ନାକିଙ୍କ୍ ୱେରଡ଼୍ ଉସ୍କ ନେଲ୍‍ଦାଗ୍ ଆତ୍‍ତେ । ଆଗେ ନାନେ ଉଡ଼୍‍ତାନ୍, ୱେରଡ଼୍ ନାଟାଡ଼୍ ୱେରଡ଼୍ ଏର୍‍ରେ ରଙ୍ଗ୍‍ତେ ପଶୁତ୍‍ ପରୁ କୁଦ୍‍ତେ । ପଶୁତେ ସାରେପାକ୍ ମେନ୍ଦୁଲ୍‍ତାଗ୍ ଇଶ୍ୱର୍‌ତେ ନିନ୍ଦ୍‍ତଡ଼୍ ପେଦେର୍‍ରି ଲେକା ଆସ୍‍ମାନ୍‍ନୁଡ଼୍ । ନୁ ତାନ୍‍ଉ ସାତ୍‍ଟାନ୍ ତାଲ୍‍ଲା ନୁ ଦଶ୍‍ଟାନ୍ କଅକ୍‌ମିନ୍ଦେ ।

ପ୍ରକାଶିତ୍‌ ବାକ୍ୟ 17:6

ନାନେ ମେଣ୍ଡେ ଉଡ଼୍‍ତାନ୍, ଆଦ୍ ନାଟାଡ଼୍ ସାଦୁନଡ଼୍ ନୁ ଜିସୁନ୍‍ ସେଙ୍ଗେ ବିଶ୍ୱାସ୍ତେ ମାଞ୍ଜ୍‍ ଡଲିମାନ୍ଦାନ୍ ନାରୁଡ଼୍‍ତେ ନେତୁର୍ ଉଞ୍ଜ୍ ମାତ୍‍ୱାରି ଆସ୍‍ମାତ୍‍ତନ୍ । ଅଙ୍କ୍‌ ଉଡ଼ି ନାନେ କାବାଆସ୍ ନାୟାଦ୍‍ ବୁଦ୍‍ ମାୟି ଆତ୍‍ତେ ।