ପ୍ରକାଶିତ୍‌ ବାକ୍ୟ 5:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ଅଡ଼୍‌‍ ୱେରଡ଼୍ ପୁନେ ପାଟେ ପାର ମାତ୍‍ତଡ଼୍, “ବଇ ଆସ୍ ମିକା ଆଦ୍ ମାଆର୍‌ ଟେଣ୍ଡାନଙ୍କ୍ ନିମେ କେ ଯୋଗ୍ୟ, ବାତେଙ୍କ୍‍ଇତ୍କେ ନିମେ ଆୱୁକି ଆସ୍‍ମାତ୍‍ତିନ୍ ନୁ ନିୟାଦ୍ ତଡ଼୍, ସାରେତେ ନାର୍, ବାଷାବାଦିଡ଼୍‍, ରାଷ୍ଟ ନୁ ଜାତିନାଗାଙ୍କ୍ ଇଶ୍ୱର୍‌ତେ ସେଙ୍ଗେ ନାରୁଡ଼୍‍କିଙ୍କ୍ ମୁକ୍ତି ଆସ୍‌ ମିନ୍ଦେନି ।

ପ୍ରକାଶିତ୍‌ ବାକ୍ୟ 5:9 Iomraidhean Croise

ମାତିଉ 20:28

ବେଦ୍‍ଲେକାମ୍ ନାରିନ୍ ପିଲେ ସେବା ଆଦାନ୍ ସେଙ୍ଗେ ୱାଡ଼ଣ୍ଡ୍ ସେବାମାଡ଼ି ବାଗାତଡ଼ାଉ ମୁକ୍ତି ସେଙ୍ଗେ ନିଜେତ୍ ଜିୱୁନ୍‍ ହିଦାଙ୍କ୍ ୱାତ୍‍ତନ୍ ।”

ମାତିଉ 26:28

ଇଦ୍ ନାୟାଦ୍ ନେତୁର୍ । ନାରୁଡ଼ାଦ୍ ପାପ୍ କ୍ଷମାତେ ମାଇଦିଙ୍କ୍ ନାନ୍‍ନେ ନା ବେନ୍ ନେତୁର୍‍ ତଶ୍‍ସିଦାଙ୍କ୍ ଆଦୁତାନ୍, ବେଦ୍ ଇଶ୍ୱର୍‌ତେ ପୁନାଦ୍ ନିୟମ୍‍ତିଙ୍କ୍ ମୁଦ୍ରାଙ୍କିତ ମାଡ଼ିତ୍ ।

ପ୍ରେରିତ 20:28

ଆଦିଙ୍କ୍ ମିଡ଼୍ ନେତା ଲେକାମ୍ ନିଜର୍‍ ବିଷୟ୍‍ତେ ନୁ ପବିତ୍ର ଆତ୍ମା ବେନ୍ ବିଶ୍ୱାସୀଡ଼୍‍କ୍ ମିଇ ଦାୟିତ୍ୱତେ ୱିଡ଼୍‍ସ୍‍ତଣ୍ଡ୍, ଆ ସାରେତଡ଼୍‌କିଂଙ୍କ୍ ଯତନ୍ ଆୟ୍‍ମୁଟ୍ । ମେଣ୍ଢାପଡ଼୍‍ପାନଡ଼୍ ଲେକାମ୍ ଇଶ୍ୱର୍‌ତେ ମଣ୍ଡଲିତିଙ୍କ୍ ଯତନ୍ ଆୟ୍‍ମୁଟ୍ । ଆଦ୍ ମଣ୍ଡଲିତିଙ୍କ୍ ଅଣ୍ଡ୍‌ ତାନ୍ ମାର୍‍ ଦଂସ ଆତ୍‍ତାଙ୍କ୍ ନିଜର୍‍ ମାଡ଼୍‍ତଣ୍ଡ୍ ।

୧ କରନ୍ତିୟ 6:20

ଅଣ୍ଡ୍‌ ମିକିଂଙ୍କ୍ ଗାଟି ଦାମ୍‌ତେ ଆସ୍‍ତଣ୍ଡ୍; ଆଦିଙ୍କ୍‌ ମିଇ ମେନ୍ଦୁଲ୍‌ତେ ଇଶ୍ୱରନ୍‌ ମୁକ୍ତି ନୁ ଗୌରବ୍‍ ତିଆର୍ ମାଡ଼ାଟ୍ ।

୧ କରନ୍ତିୟ 7:23

ମିଡ଼୍ ସାରେ ଦାମ୍‌ତେ ମୁକ୍ତି ଆସ୍‌ ୱାସ୍‌ମିନ୍ଦେଡି ନାରୁଡ୍‌ ଦାସ୍‌ ଆଇମାଟ୍‌ ।

ଏଫିସିୟ 1:7

କ୍ରିଷ୍ଟ ଡଲ୍‍ତାଙ୍କ୍ ମାନାଡ଼୍‍ ମୁକ୍ତି ପାଏମ୍‍ଆତ୍‍ତାଡ଼୍, ଅର୍ତାତ୍‍ ମାନ୍‍ୱାଦ୍‍ ସାର୍ରେ ପାପ୍ କ୍ଷମା ଆତ୍‍ତେ । ଇଶ୍ୱର୍‌ତେ ଅନୁଗ୍ରହ ବେସର୍‍ ମହାନ୍ !

ଏଫିସିୟ 5:19

ପାଟ୍‍, ଆରାଦନା ନୁ ବକ୍ତିତଡ଼୍ ପାଟ୍ ପାରାଟ୍ ନୁ ନିଜେ ନିଜର୍‌ଲପେ ସାର୍‍ଦେ ଆୟ୍‍ମୁଟ୍ । ହୃଦୟ୍‍ତେ ଲପେଙ୍କ୍ ପ୍ରବୁନ୍ ପେଦେର୍‌ତେ ପାଟ୍ ପାରାଟ୍ ।

କଲସୀୟ 1:14

ଆ ମାରିନ୍‍ ତଡ଼୍ ମାନାଡ଼୍ ମୁକ୍ତି ଆତ୍‍ତାଡ଼୍, ଇତ୍‍କେ ମାନାଦ୍‍ ପାପ୍‌ କ୍ଷମା ଆତ୍‍ତେ ।

କଲସୀୟ 1:23

ମିଡ଼୍ ଅଣ୍ଡୟ୍‌ ଡ଼ୁଟାଙ୍ଗ୍ ନୁ ନିଜାମ୍ ମୂଲଦୁଆ ପରୁ ତିଆତ୍‍ଆସ୍ ମାନୁଟ୍ ନୁ ସୁସମାଚାର୍ କେଞ୍ଜାନ୍ ୱେଲେ ବେନେ ଆଶେ ଦର୍‍କି ମାତ୍‍ତେ, ଆଗେଙ୍କ୍‍ ଦାନ୍ଦେ ଆଦାନଙ୍କ୍ ନିଜେତିଙ୍କ୍ ପଡ଼୍‍ୟି ଇମାଟ୍ । ଆଦ୍ ସୁସମାଚାର୍ କେ ପୃତିବିତେ ସାରେତଡ଼୍ ଗାରେ ପ୍ରଚାର୍ ଅଦୁତ୍ ନୁ ନାନ୍ ପାଉଲ୍, ଅନ୍‌‍ୱାଦ୍ ୱେରନ୍ ବିଶ୍ୱାସ୍ତେ ଦାସନ୍ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ଏବ୍ରୀ 11:14

ବେନ୍‍ ନାରୁଣ୍ଡ୍‌ ଇଲା ତିର୍‌ୟୁତଣ୍ଡ୍‌, ଅଡ୍‌ ମେଣ୍ଡ୍‌ଅରଟ୍‌ ବାଦ୍‌କାନ୍‌ ମାଇଦିଙ୍କ୍‌ ମେଦ୍‌କ ମିନ୍ଦେଡ଼ି ଇଞ୍ଜ ପୁନ୍ଦାଙ୍କ୍‌ ଆଦ୍‌ତା ।

୨ ପିତର୍‌ 2:1

ମୁନେଙ୍କ୍ ବେଲାନ୍ ନାରୁଡ଼ାଗେ ମିକା ବଣ୍ଡବାବବାଦିଡ଼୍ ତଅନ୍‌ଦି ମାତ୍‍ତଡ଼୍, ଟିକ୍ ଆଦେଲେକାମ୍ ମିୟାଗେ ବୁସାମାଡ଼ାନ୍‍ ମେସ୍ତେରିଡ଼୍ ପେଇତିତଡ଼୍ । ଅଡ଼୍‌ ସାରେ ବିନଷ୍ଟକାରିଡ଼୍ ଅଡ଼୍‌‍ ଆଲାନ୍ ବୁସା ଶିକ୍ଷା ଇଦ୍‍ତଡ଼୍ ନୁ ବେନ୍ ପ୍ରବୁ ଅଡ଼୍‌‍କିଂଙ୍କ୍ ମୁକ୍ତି ଇସ୍‍ମିନ୍ଦେନ୍‍, ଅଙ୍କ୍‌ ସ୍ୱୀକାର୍ ମାଡ଼ଡ଼୍ । ଆଦିଙ୍କ୍ ସେନେକ୍‍ତିଙ୍କ୍‍ ଅଡ଼୍‌‍ୱାଦ୍‍ ବିନାଶ ଗଟେମ୍ ଆଦ୍‍ତେ ।

୧ ଯୋହନ୍‌‌ 1:7

ବାତେଙ୍କ୍‍ଇତ୍କେ ଇଶ୍ୱର୍‌ତେ ଲେକାମ୍ ମାନାଡ଼୍ ଯଦି ୱେସିନାଗ୍ ମାନ୍‍ତାଡ଼୍, ମାନାଡ଼୍ ନିଜେ ନିଜର୍‍ ଲୋପେ ସାହାଯ୍ୟ ଦର୍କିତ୍ ନୁ ତାନ୍ ମାର୍‍ ଜିସୁନ୍ ନେତୁର୍ ମାନଙ୍କ୍ ସାରେତ୍ ପାପତାଗାଙ୍କ୍ ପରିଷ୍କାର୍ ମାଡ଼ିତେ ।

୧ ଯୋହନ୍‌‌ 2:2

ଅଣ୍ଡ୍‌ କ୍ରିଷ୍ଟ ନିଜେ ମାନାଦ୍‍ ବା ପୁରା ନାରୁଣ୍ଡ୍‍ ଜାତିତେ ପାପ୍ କ୍ଷମା ସେଙ୍ଗେ ଅଣ୍ଡ୍‌ ନିଜେ ବଲି ଆସ୍‍ ମିନ୍ଦେଣ୍ଡ୍‍ ।

ପ୍ରକାଶିତ୍‌ ବାକ୍ୟ 10:11

ତାନ୍‍ପେର୍କେ ବେନ ନାକ୍‍ କେତ୍‍ତନ୍, “ନାର୍ଗେ ଦେଶ୍‍କ୍, ଜାତି, ବାଷାବାଦି ନୁ ରାଜାନଡ଼୍ ସମ୍ପର୍କତେ ଇଶ୍ୱର୍‌ତେ ଗଟି ମିଡ଼୍ ଆଞ୍ଜ୍ ମେଣ୍ଡନ୍‍ଦାମ୍ କେଲ୍‍ମୁଟ୍ ।”

ପ୍ରକାଶିତ୍‌ ବାକ୍ୟ 11:9

ସାରେ ଦେଶ୍, ନାର୍‍କ୍‍, ବାଷାବାଦି ନୁ ଜାତିତେ ନାରୁଡ଼୍ ମୁଣ୍ଡ୍ ଦିନା ଆଦା ଯାକ ଆୱୁ ମଡ଼୍‍କିଙ୍କ୍ ଉଡ଼ିତଡ଼୍ ନୁ ଆୱିଙ୍କ୍ ସମାଦି ଇଦାନଙ୍କ୍ ୱିଡ଼୍‍ସିୱଡ଼୍‍ ।

ପ୍ରକାଶିତ୍‌ ବାକ୍ୟ 13:7

ଇଶ୍ୱର୍‌ତେ ନାରୁଡ଼୍ ବିରୁଦ୍ଦତେ ଯୁଦ୍‌ ମାଡ଼ି ଅଡ଼୍‌‍କିଂଙ୍କ୍ ଆରା ମାଡ଼ାନଙ୍କ୍ ଅଣ୍ଡ୍‌ ଆନୁମତି ଦର୍‍ସ୍ତନ୍ ନୁ ସାରେ ନାକିନ୍, ରାଷ୍ଟ ନୁ ବାଷାବାସି ନୁ ଜାତିତ୍‍ ପରୁ ଅଙ୍କ୍‌ କ୍ଷମତା ଇତ୍‍ତଡ଼ ।

ପ୍ରକାଶିତ୍‌ ବାକ୍ୟ 13:8

ପୃତିବିତେ ତିୟାର୍ ଆତ୍‍ତେ ମୁନେନ୍‍ ବେନଡ଼୍ ପେଦେର୍‍ତେ ଯୁଦ୍‌ ଆସ୍‍ମାତେ ମେକାଗଲାନଡ଼୍‍ ଜୀୱେ ବଇତାଗ୍ ଲେକା ଆସ୍‍ମାତେ, ଅଡ଼୍‌‍କିଂଙ୍କ୍‍ ୱିଡ଼୍‍ସି ପୃତିବି ତାଗ୍‍ ମେଣ୍ଡ ବେନଡ଼୍‍ ସାର୍‍ତଡ୍ ପଶୁନ୍‍ ପୁଜା ମାଡ଼ିତଡ଼୍ ।

ପ୍ରକାଶିତ୍‌ ବାକ୍ୟ 14:6

ତାନ୍‍ପେର୍କେ ନାନେ ମେଣ୍ଡେ ଉଡ଼୍‍ତାନ୍, ମେଣ୍ଡେ ୱେରଡ଼୍ ଦୂତ ମାବ୍‍ତାଗ୍ ଗାଟି ଲେଙ୍ଗ୍‍ଦେ ପାର୍ସ ପାର୍ସ, ପୃତିବିତେ ସାରେ ଜାତିନାକ୍‍, ବାଷାବାସି ନୁ ରାଷ୍ଟତେ ନାରୁଡ଼୍‍ତେ ପାକେ ଇଶ୍ୱର୍‌ତେ ଆଦ୍ ସାରେଦିନାତ୍‍ ସୁସମାଚାର୍ ଗଟ୍ କେସମିନ୍ଦେ ।

ପ୍ରକାଶିତ୍‌ ବାକ୍ୟ 15:3

ଅଡ଼୍‌‍ ଇଶ୍ୱର୍‍ ରଅସ୍‍ମାନ୍ଦାନ୍ ବୀଣା ପେଏଞ୍ଚି ଇଶ୍ୱର୍‌ତେ ସେବକ୍‍ ମୋଶାନ୍‌ ପାଟେ ନୁ ମେକାଗଲାନ୍ ପାଟେ ପାର୍‍ର ମାତ୍‍ତଡ଼୍; “ଆ ପରାପରାକ୍ରାନ୍ତ ଇଶ୍ୱର୍‍ ! ନିୟାଦ୍ କାମ୍‍ସାରେ ବେସର୍ ମାହାନ୍ ନୁ ବିଚିତ୍ର, ସାରେଜାତିତ୍‍ ରାଜାଦିରାଜା ! ନିୟାଦ୍ କାମ୍‍ପନ୍ଥା ବେସର୍ ନ୍ୟାୟସଙ୍ଗାତ ନୁ ସତ୍‍ !

ପ୍ରକାଶିତ୍‌ ବାକ୍ୟ 17:15

ଦୂତ ନାକିଙ୍କ୍ ମେଣ୍ଡେ କେତ୍‍ତେ, “ନିମେ ବେନ୍ ଜଲରାଶି ଉଡ଼ିତିନ୍, ବେନିନ୍ ପରୁ ଆ ବେସ୍ୟା କୁଦ୍‍ତେ, ଆଦ୍ ଅଦୁତ୍ ବେନ୍‍ ରାଷ୍ଟ, ଜାତି, ନାଚିଟି ନୁ ବାଷାବାଦିନଡ଼୍ ସମାବେସ ।

ପ୍ରକାଶିତ୍‌ ବାକ୍ୟ 4:11

“ଆ ମାନ୍‍ ପ୍ରବୁ ଇଶ୍ୱର୍‍ ! ନିମେ କେ ଗୌରବ୍, ସମ୍ଭମ ନୁ ପରାକ୍ରମ୍ ବାଜନ୍, କାରନ୍‍, ନିମେ ସାରେ ବିଷୟତେ ସୃଷ୍ଟି ମାଡ଼୍‍ତିନ୍ । ନିଜେତ୍‍ ଇଚ୍ଛାତେ ଆଦ୍‍ ସାରେତିଙ୍କ୍ ଅସ୍ତିତ୍ୱ ତାତ୍‍ତିନ୍, ପଶୁକିଙ୍କ୍ ଜିୱେ ମାଡ଼୍‍ତିନ୍ ।”

ପ୍ରକାଶିତ୍‌ ବାକ୍ୟ 5:12

ଅଡ଼୍‌‍ ଗାଟି ଲେଙ୍ଗ୍‍ଦେ ପାଟ୍ ମାନ୍‍ନୁଡ଼୍, “ଆୱୁକି ମାନ୍ଦାନ୍ ଆ ମେଣ୍ଢା କ୍ଷମତା, ଏଶ୍ଚର୍ଯ୍ୟ, ଜ୍ଞାନ୍ ନୁ ଶକ୍ତି ସମ୍ଭ୍ରମ, ଗଉରବ୍ ନୁ ପ୍ରଶଂସାତେ ବାଜନ୍ !”

ପ୍ରକାଶିତ୍‌ ବାକ୍ୟ 5:6

ତାନ୍‍ପେର୍କେ ସିଂହାସନ୍‌ତେ ନାଡ଼୍‍ମେ ମୁନେଙ୍କ୍‍ତାୱୁ ନାଲୁଟାନ୍ ପଶୁ ନୁ ବୟସ୍ତେ ନେତାଲଡ଼୍ଆଗାଙ୍କ୍ ୱେରଣ୍ଡ୍ ମେଣ୍ଡେ ନିସ୍‍ ମାନ୍ଦାନାଦ୍ ଉଡ଼୍‍ତାନ୍ । ମେଣ୍ଡେ ଡଲ୍‍ତେ ଲେକାମ୍ ଏର୍କେ ଆୟ୍‍ନୁଡ଼୍ । ଆଦିନାୱୁ ସାତ୍‍ଟାନ୍ କଅକ୍‌ ନୁ ସାତ୍‍ଟାନ୍ କଣ୍ଡା ମାତ୍‍ତା । ଆୱୁ କଣ୍ଡା ପୁରା ପୃତିବିତାଗ୍‍ ରହସ୍‍ ମାନ୍ଦାନ୍ ଇଶ୍ୱର୍‌ତେ ସାତ୍‍ଟାନ୍ ଆତ୍ମା