ପ୍ରକାଶିତ୍‌ ବାକ୍ୟ 3:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ମାତର୍ ସାର୍ଦ୍ଦିସ୍‍ତାଗ୍‍ ମିୟାଗାଙ୍କ୍ ବେସ୍‍କ୍‍ତଡ଼୍ ଅଡ଼ାୱୁ ସିଲେଙ୍କ୍ ପରିଷ୍କାର୍‍ତେ ନେଃଏତଡ଼୍ । ଅଡ଼୍‌‍ ପାଣ୍ଡ୍ରିଲାଉ ଚକା କେର୍‍ସ୍‍ ନା ତଡ଼୍ ଆଦାୱାଦା ଆଦ୍‍ତଡ଼୍, ବାତେଙ୍କ୍‍ଇତ୍କେ ଇଦିନ୍‍ ସେଙ୍ଗେ ଅଡ଼ାଦ୍‌ ଯଗ୍ୟତା ମିନ୍ତେ ।

ପ୍ରକାଶିତ୍‌ ବାକ୍ୟ 3:4 Iomraidhean Croise

ମାତିଉ 10:11

“ଅଣ୍ଡୟ୍‌ ସହର୍ ବା ନାର୍‍ଦାଗ୍ ହେଉତେ ୱେଲେ ମିକିଂଙ୍କ୍ ଆଗେ ବେନ ସେବା ମାଡ଼ିତନ୍, ଆଦ୍ ଗଟ୍ ବୁଜେମ୍ ଆସ୍ ମେଣ୍ଡନ୍ ପାକେ ଆଦାନ୍ ଯାକ ଆଦେ ଲୋନ୍‌ ମାନୁଟ୍ ।”

ମାର୍କ 16:5

ସମାଦିତେ ଦର୍ରରେ ଲୋପେ ଆଞ୍ଜ୍‍ ଉଡ଼୍‍ତା ଯେ ଆଗ୍‍ଗେ ଲାଟି ପାଣ୍ଡ୍ରି ଚକା କେର୍‍ତେନଣ୍ଡ୍ ଅର୍ତୁଣ୍ଡ୍‍ ଲେୟଣ୍ଡ୍ ସମାଦି ତିନ୍‍ କାଇଦେ ପାକେ କୁଦ୍‍ତଣ୍ଡ୍ । ଇୱୁସାରେ ଉଡ଼ି ଆୱୁ ୱେର୍ରତା ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 20:35

ବାତେଙ୍କ୍ ଇତ୍କେ ବେନଡ଼୍ ପୁନରୁତ୍‍ତିତ୍ ହାସ୍ ସ୍ୱର୍ଗତାଗ୍ ବାଦ୍‍କାନ୍ ମାଇଦିଙ୍କ୍ ଯୋଗ୍ୟ, ଅଡ଼୍‌‍ ମେଣ୍ଡେ ପେଣ୍ଡୁଲ୍ ଆୟ୍‍ୟଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:36

ତିଆର୍‍ତେ ମାନୁଟ୍ ନୁ ତିପାଲ୍‍ତେ ଆଦାନଙ୍କ୍ ଶକ୍ତି ଆଦାନ୍ ସେଙ୍ଗେ ନୁ ନାରୁଡ଼୍ ପିଲାତନ୍ ମୁନେ ନିତାନ୍ ମାଇଦିଙ୍କ୍ ସାରେଦାମ୍ ପ୍ରାର୍ତନା ମାଡ଼ାଟ୍ ।”

ପ୍ରେରିତ 1:15

ଆଦେ ବେସ୍‍କେ ଦିନାନ୍‍ ଲୋପେ ସାରେ ଶହେ କୁଡ଼ିଏ ଜାନ୍‍ ବିଶ୍ୱାସୀ ତାମୁଣ୍ଡ୍‌ ଅଣ୍ଡୟ୍‌ ମିଟିଙ୍ଗ୍‌ତାଗ୍‌ ପିତର୍ ପେଦେର୍‍ତଣ୍ଡ୍‍ ନିସ୍‍ମିକା କେତ୍‍ତଣ୍ଡ୍;

୨ ଥେସଲନିୟ 1:5

ଇଶ୍ୱର୍‌ତେ ବେନ୍ ରାଜ୍ୟ ସେଙ୍ଗେ ମୀଡ଼୍ ଦୁଃକା‍ମ୍ ମାଡ଼ୁତିଡ଼୍, ଆଗେତ୍ ଯୋଗ୍ୟ ଇଞ୍ଜ୍ ଆତ୍‍ତାଙ୍କ୍ ସେଙ୍ଗେ ଇଦ୍ ତ ଇଶ୍ୱର୍‌ତେ ଟିକ୍ ବିଚାର୍‍ତେ ସାରେତାଦ୍‍ ପ୍ରମାନ୍ ।

ଯିହୁଦା 1:23

ମାୟାତାଗ୍ ରାଲି ଡଲାନ୍ ନାରୁଡ଼୍‍କିଂଙ୍କ୍ କିସ୍‍ତାଗାଙ୍କ୍ ରକ୍ଷା ମାଡ଼ାଟ୍ । ମେଣ୍ଡେ ବେସ୍କ୍‍ତୁଡ଼ାଦ୍ ପାପାମ୍ କାର୍‍କେ ପୟ୍‍ତେ ସିଲେତିଙ୍କ୍ ମିକା ପାସ୍‍କାଟ୍, ଇତ୍‍କେ ୱେର୍ରେତଡ଼୍ ଅଡ଼୍‌‍କିଂଙ୍କ୍ ଦୟା ତଅମୁଟ୍ ।

ପ୍ରକାଶିତ୍‌ ବାକ୍ୟ 1:11

ବେନମାତି ନାକ୍ କେତ୍‍ତନ୍, “ମିଡ଼୍ ବାତ୍ ଉଡ଼ୁତିଡ଼୍, ଆଦ୍ ୱେରଡ଼୍ ବଇତାଗ୍ ଲେକିୱାଟେ ନୁ ଏପିସସ୍‍, ସ୍ମର୍ଣ୍ଣା, ପର୍ଗାମମ୍‍, ତୁୟଟୀରା, ସାର୍ଦ୍ଦିସ୍‍, ପିଲାଦେଲ୍‍ଫିଆ ନୁ ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିକିଙ୍କ୍ ବଇତିଙ୍କ୍‍ ରହସିମୁଟ୍ ।”

ପ୍ରକାଶିତ୍‌ ବାକ୍ୟ 11:13

ଟିକ୍‍ ଆଦ୍‍ ସମୟତେ ଗାଟି ବୁମିକମ୍ପ ଆତ୍‍ତେ, ନାର୍ଦେ ୱେରଡ଼୍ ଦଶମାଂଶ ଦଂସ ଆତ୍‌ତେ ନୁ ବୁମିକମ୍ପତେ ସାତ୍‍ ହଜାର୍‍ ନାରୁଡ଼୍ ଡଲ୍‍ତଡ଼୍ । ଗେଲ୍‍ସି ମାନ୍ଦାନ୍ ନାରୁଡ଼୍ ୱେରସ୍‍ମିକା ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍‌ତିଙ୍କ୍ ମନ୍‍ଦେ ସ୍ତୁତିବାଦ୍ ମାଡ଼୍‍ତଡ଼୍ ।

ପ୍ରକାଶିତ୍‌ ବାକ୍ୟ 14:4

ଅଡ଼୍‌‍ ମୁତେନ୍ ସଂସର୍ଗ ତଡ଼୍ ନିଜେତିଙ୍ଗ୍ ବେସୁଙ୍କ୍‍ କଲୁସିତ ମାଡ଼୍‍ୱେ ମାତ୍‍ତଡ଼୍ ଅଡ଼୍‌‍ ପବିତ୍ର ମାତ୍‍ତଡ଼୍ । ଅଡ଼୍‌‍ ସାରେଦାମ୍ ମେଣ୍ଢାକିନ୍ ପେର୍କେ ଆଞ୍ଜମାତ୍‍ତଡ଼୍ । ଅଡ଼୍‌ ନାରୁଡ଼୍‍ ଆଗାଙ୍କ୍ ମୁନେ ମୁକ୍ତି ସେଙ୍ଗେ ଇଶ୍ୱର୍‍ ନୁ ମେଣ୍ଢାକିନ୍ ପାକେ ଉତ୍ସର୍ଗିତ ଆସ୍ ମିନ୍ଦେଡ଼୍‍ ।

ପ୍ରକାଶିତ୍‌ ବାକ୍ୟ 19:14

ସ୍ୱର୍ଗତଡ଼୍ ସାରେତଡ଼ି ସୈନ୍ୟନଡ଼୍, ପରିଷ୍କାର୍, ପାଲ୍‍ସେ, ପାଲ୍‍ସେଲାଦ୍‍, ସିଲେ କେର୍‍ସ୍, ଶ୍ୱେତ ଗୁରାକିନ୍‍ ପରୁଙ୍କ୍‌ ଡିକିମିକା ତାନ୍ ପେର୍କେ ଆଞ୍ଜ୍‍ମାନ୍‍ନୁ ।

ପ୍ରକାଶିତ୍‌ ବାକ୍ୟ 19:8

ଆଦ୍ କେର୍‍ଦାନ୍ ସେଙ୍ଗେ ଆଦ୍ ଲେକେତାଦ୍ ନୁ ପରିଷ୍କୃତ ନାୱୁ ନାୱାଲାଦ୍‌ ସିଲେ ଦର୍‍ସ୍‍ତଡ଼୍ ।” ସାଦୁନଡ଼୍ ସାରେ କାମ୍ ଅଦୁତ୍, ଆଦ୍ ନାୱୁ ନାୱାଲାଦ୍‌ ସିଲେ ।

ପ୍ରକାଶିତ୍‌ ବାକ୍ୟ 3:18

ଆଦିଙ୍କ୍ ନାନେ ନିକିଙ୍କ୍ ଆଦେଶ୍‍ ଇଦୁତାନ୍, ସାଉକାର୍ ଆଦାନ୍ ସେଙ୍ଗେ ନାୟାଗାକଞ୍ଚ୍‍ କାଣ୍ଟି ସୁନା ଆସେ, ମିୟାଦ୍ ସିଗ୍ ବାଣ୍ଡାଙ୍କ୍ କେର୍‍ଦାନ୍ ସେଙ୍ଗେ ନାୟାଗ୍‍କଞ୍ଜ୍ ପାଲ୍‍ସେଲାଦ୍ ସିଲେ ଆସେ । ମେଣ୍ଡେ ଉଡ଼ାନ୍‍ ଶକ୍ତି କିଲେର୍ ମାଡ଼ାନଙ୍କ୍ ବେସ୍‍କେ ଆଞ୍ଜନ୍ ଆସି କଣ୍ଡାନାଗେ ୱାଟେ ।

ପ୍ରକାଶିତ୍‌ ବାକ୍ୟ 3:5

ବେନଡ଼୍ ଜିଡ଼ିତଡ଼୍, ଅଡ଼୍‌ ଇଦ୍‍ଲେକାମ୍ ପାଣ୍ଡ୍ରିଲାଉ ସିଲେ କେର୍‍ଦ୍‍ତଡ଼୍ । ଜୀୱେ ବଇତାଗାଙ୍କ୍ ଅଡ଼ାଦ୍‌ ପେଦେର୍ ବେସୁଙ୍କ୍‌ବା ମାୟ ମେଣ୍ଡେ ନା ବାବାଲ୍ ନୁ ତାନ୍ ଦୂତକିନ୍ ମୁନେ ଅଡ଼୍‌‍କିଂଙ୍କ୍ ନା ପେର୍କେୱାଦ୍‍ନଡ଼୍‍ ଇଞ୍ଜ ନାନେ ସ୍ୱିକାର୍ ମାଡ଼ିତାନ୍ ।

ପ୍ରକାଶିତ୍‌ ବାକ୍ୟ 4:4

ମେଣ୍ଡେ ସିଂହାସନ୍‌ତାଗେ ସାରେପାକା ତିଡ଼୍‍ଆସ୍‍ ମାନ୍ଦାନ୍ ମେଣ୍ଡନ୍ ଚବିଶ୍‍ଟାନ୍ ସିଂହାସନ୍‌ତାଗେ‍ ଚବିଶ୍ ଜାନ୍ ବୟସ୍‍ତେ ମଣ୍ଡଲିତେ ନେତା ଆଗେ ମାତ୍‍ତଡ଼୍ । ଅଡ଼୍‌ ପାଣ୍ଡେଲାଉ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଅଡ଼୍‌‍ ତାଲ୍‍ତ୍‍ ପରୁ ସୁବର୍ଣ୍ଣ ମୁକୁଟ୍‍ ।

ପ୍ରକାଶିତ୍‌ ବାକ୍ୟ 6:11

ଅଡ଼୍‌ଆଗାଙ୍କ୍ ସାରେତଡ଼୍‍କିଙ୍କ୍ ୱେରଲାକା ପାଲ୍‍ସେ ଲାୱୁ ଚକାସିଲେ ଇତ୍‍ତଡ଼୍‍ । ମେଣ୍ଡେ ଅଡ଼୍‌‍ୱାଦ୍‌ ସାଙ୍ଗ ଦାଦାନଡ଼୍ ନୁ ସେବକ୍‍ ନଡ଼୍ ନାର୍ଗେ ସଂକ୍ୟାତେ ଡଲୱେ ଯାକ ଅଡ଼୍‌‍କିଂଙ୍କ୍ ମେଣ୍ଡେ ବେସ୍‍କେ ଦିନା କେପାନଙ୍କ୍ କେତ୍‍ତଡ଼୍ ।

ପ୍ରକାଶିତ୍‌ ବାକ୍ୟ 7:9

ତାନ୍‍ପେର୍କେ ନାନେ ମାଲ୍‍ସ୍‍ ଉଡ଼୍‍ତାନ୍, ୱେରଡ଼୍‍ ବେଡ଼୍‍ୟାଦ୍ ମାନ୍ଦେ; ଆଦିନ୍ ସଂକ୍ୟା ଲେକାନଙ୍କ୍ ଆୟ । ସାରେଜାତି, ନାର୍‍, ରାଷ୍ଟ ବା ବାଷାବାଦି ନଡ଼ାଗାଙ୍କ୍ ୱାସ୍‍ମାତ୍‍ତଡ଼୍ । ଅଡ଼୍‌ ପାଲ୍‍ସେ ଚକାସିଲା କେର୍‍ସ୍‍ ମିକା ନୁ କାଇକିନାଗ୍ ଏତେଲ୍‍ ମେଟା ପଇସ୍, ସିଂହାସନ୍ ନୁ ମେକାଗଲାଲ୍ ମୁନେ ନିସ୍‍ ମାତ୍‍ତଡ଼୍ ।