ପ୍ରକାଶିତ୍‌ ବାକ୍ୟ 3:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ “ସାର୍ଦ୍ଦିତାଗ୍ ମାନ୍ଦାନ୍ ମଣ୍ଡଲିତିତେ ଦୂତନ୍ ପାକେ ଲେକାଟ୍ । ଇଶ୍ୱର୍‌ତେ ସାତ୍‍ଟାନ୍ ଆତ୍ମା ନୁ ସାତ୍‍ଟାନ୍ ଉକାମ୍‍ ପୟ୍‍ସ୍‍ମାନ୍ଦାନ୍ ନାରୁନାଗାଙ୍କ୍ ଇଦ୍ ଗଟ୍ । ନାନେ ମିୟାଦ୍ କାମ୍‍ ମାଡ଼୍‍ତାଦ୍ ପୁତ୍‍ତାନ୍; ମିଡ଼୍ ଡଲିମାତ୍‍କେ ମିକା ଜିୱେମିନ୍ଦେନ୍ ଇଞ୍ଜ କ୍ୟାତି ଲାବ୍ ମାଡ଼୍‍ତିନ୍ ।”

ପ୍ରକାଶିତ୍‌ ବାକ୍ୟ 3:1 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 15:24

ବାତେଙ୍କ୍ ଇତ୍କେ ନା ହି ମାର୍‍ ଡଲି ମାତ୍‍ତଣ୍ଡ୍, ମେଣ୍ଡନ୍‍ଦାମ୍ ଗେଲ୍‍ସ୍‍ତଣ୍ଡ୍; ମାଇମାତ୍‍ତଣ୍ଡ୍, ମେଣ୍ଡେ ଦରକ୍‍ତଣ୍ଡ୍ । ଆସୁଟେ ଅଡ଼୍‌‍ ଗାଟି ସାର୍‍ଦ୍‍ ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 15:32

ବାତେଙ୍କ୍ ଇତ୍କେ ହିଣ୍ଡ୍ ଯେ, ନି ତାମୁଣ୍ଡ୍‌ ଡଲି ମାତ୍‍ତଣ୍ଡ୍, ମେଣ୍ଡନ୍‍ଦାମ୍ ଗେଲ୍‍ସ୍‍ତଣ୍ଡ୍; ମାଇମାତ୍‍ତଣ୍ଡ୍, ମେଣ୍ଡେ ଦରକ୍‍ତଣ୍ଡ୍, ଆଦିନ୍ ମାଇଦିଙ୍କ୍ ମାନାଡ଼୍ ଗାଟିସାର୍ଦା ମାଡ଼ାନ୍ ମାତ୍‍ତା ।”

ଯୋହନ୍‌‌ 1:16

ତ ଅଣ୍ଡ୍‌ ସାରେତାଗାଙ୍କ୍ ମାମ୍‍ମେ ସାରେତମ୍ ପାଏମ୍ ଆସ୍‍ମିନ୍ଦେମ୍, ଅନୁଗ୍ରହତେ ପର୍‍ ଅନୁଗ୍ରହ ପାଏମ୍ ଆସ୍‍ମିନ୍ଦେମ୍ ।

ଯୋହନ୍‌‌ 1:33

ନାନେ ଆନ୍‌‍ତେ ଅଂକିଙ୍କ୍‌ ହେଞ୍ଚକଟ୍ ମାତ୍‍ତାନ୍, ମାତର୍ ବେନ ନାକିଂଙ୍କ୍ ଏର୍‍ଦାଗ୍ ବାପ୍ତିସ୍ମ ହିଦାଙ୍କ୍ ରହ୍‍ତଣ୍ଡ୍, ଅଣ୍ଡ୍‌ ନାକିଂଙ୍କ୍ କେତ୍‍ତଣ୍ଡ୍, ବେନଡ଼୍‍ ପର୍‍ ଆତ୍ମାତିଙ୍କ୍ ଡିଗାନାଦ୍ ଉଡ଼ିତିନ୍, ଅଣ୍ଡ୍‌ ଆ ନାରୁଡ଼୍‌ଣ୍ଡ୍‌, ବେନ ପବିତ୍ର ଆତ୍ମାତେ ବାପ୍ତିସ୍ମ ହିଦ୍‍ତଣ୍ଡ୍ ।

ଯୋହନ୍‌‌ 20:22

ଜିସୁ ଇଲା କେସ୍ ଅଡ଼୍‌ ପର୍‍ର ନେହେସ୍‍କି କେତ୍‍ତଣ୍ଡ୍, “ପବିତ୍ର ଆତ୍ମାତିଙ୍କ୍ ଗ୍ରହନ୍ ମାଡ଼ାଟ୍ ।

ଯୋହନ୍‌‌ 3:34

ବାତେଙ୍କ୍ ଇତ୍‍କେ ଇଶ୍ୱର୍ ବେନଙ୍କ୍ ରୟ୍‍ସ୍‍ମିନ୍ଦେଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ବାକ୍ୟ କେତିତଣ୍ଡ୍, ଆଦିଙ୍କ୍ ଅଣ୍ଡ୍‌ ପୁରାପୁରି ଲେକାମ୍ ଆତ୍ମାତିଙ୍କ୍ ବେଡ଼୍‍ୟାଦ୍‍ ମାଡ଼ିତନ୍ ।

ପ୍ରେରିତ 2:33

ଜିସୁ ତାମ୍ ବାବାନ୍ ତିନ୍ଦେପାକ୍ ତେଦିମିନ୍ଦେଣ୍ଡ୍ ନୁ ବାବାନ୍ ପ୍ରତିଜ୍ଞା ଲେକାମ୍ ଅନାଗାଙ୍କ୍ ପବିତ୍ର ଆତ୍‍ମା ପାଏମ୍‍ଆତ୍‍ତଣ୍ଡ୍ । ଇଞ୍ଜେ ମିଡ଼୍ ବାଆତେ ଉଡ଼ୁତିଡ଼୍ ନୁ କେଞ୍ଜୁତିଡ଼୍, ଆଦ୍ ଇଶ୍ୱର୍‌ତାଦ୍‍ ଦାନ । ଆଦ୍ ଅଣ୍ଡ୍‌ ମା ପର୍‍ର ତସିସ୍‍ ମିନ୍ଦେଣ୍ଡ୍ ।

ଏଫିସିୟ 2:1

ମିୟାଦ୍ କେଞ୍ଜ୍‍ୱାଦ୍ ନୁ ପାପ୍ ସେଙ୍ଗେ ମୁନେଙ୍କ୍ ଦିନାମ୍‍ତେ ଡଲାନାଦ୍ ମାତ୍‍ତେ ।

ଏଫିସିୟ 2:5

ଆଦିନ୍ ସେଙ୍ଗେ ମିକିଂଙ୍କ୍ କ୍ରିଷ୍ଟନ୍ ତଡ଼୍ ଜିୱେ ମାଡ଼୍‍ତନ୍, ଅନୁଗ୍ରହ ତଡ଼୍‍ ମିକିଂଙ୍କ୍‍ ପରିତ୍ରାଣ୍ ପାଏମ୍‍ ଆତ୍‍ତିଡ଼୍ ।

କଲସୀୟ 2:13

ମିୟାଦ୍ ପାପାମ୍‍ ସେଙ୍ଗେ ନୁ ମିଡ଼୍ ନିୟମ୍ ଇଲ୍‍ୱେ ଅଣଇହୁଦୀ ମାତ୍‍ତାଙ୍କ୍ ଅଣ୍ଡୟ୍‌‍ ଦାମ୍ ମିଡ଼୍ ଆଦ୍ୟାତ୍ମିକ ଲେକାମ୍ ଡଲି ମାତ୍‍ତିଡ଼୍; ଇତ୍କେ ଇଶ୍ୱର୍‍ ଇଞ୍ଜେ କ୍ରିଷ୍ଟନ୍ ତଡ଼୍ ମିକିଙ୍କ୍ ଜିୱେ ମାଡ଼୍‍ତନ୍ । ଇଶ୍ୱର୍ ମାନାଙ୍କ୍ ସାରେ ପାପାମ୍‍ କ୍ଷମା ମାଡ଼୍‍ତନ୍ ।

୧ ତୀମତି 5:6

କିନ୍ତୁ ବେନ୍ ରାଣ୍ଡି ଆସ୍‍ବା ବୋଗବିଲାସ୍‍ତେ ଦିନାତିପାତ ମାଡ଼ିତ୍, ଆଦିଙ୍କ୍ ଜିୱୁନ୍‍ ମାଞ୍ଜ୍‍ବା ଡଲ୍‍ତେ ଇଞ୍ଜ ମନେ ମାଡ଼୍ ୱେୟତିତ୍ ।

ଯାକୁବ 2:26

ବାତେଙ୍କ୍ଇତ୍‍କେ ଆତ୍ମା ୱିଡ଼୍‍ସି ବେଲା ମେନ୍ଦୁଲ୍ ଡଲିତ୍, ଆଦେ ରକମ୍ ପାଡ଼୍‍ୟି ୱିଡ଼୍‍ସି ବିଶ୍ୱାସ୍ ଡଲିତ୍ ।

୧ ପିତର୍‍ 1:11

ଆଦ୍ ଦାନ ମିଡ଼୍ ବେସୁଙ୍କ୍‍ ନୁ ବେଲାନ୍ ପାଏମ୍ ଆଦ୍‍ତିଡ଼୍, ପୁନ୍ଦାନ୍ ସେଙ୍ଗେ ଅଡ଼୍‌ ଚେଷ୍ଟା ମାଡ଼ିମାତ୍ତଡ଼୍ । ଇଦ୍ ସମ୍ପର୍କତେ ପବିତ୍ରଆତ୍ମା ସାହାଯ୍ୟତେ ଅଡ଼୍‌ କ୍ରିଷ୍ଟଙ୍କ୍ ଦୁଃକାମ୍ ନୁ ମେଣ୍ଡନ୍‍ ଲେକେତ୍ ଗୌରବ୍‍ ବିଷୟତେ ସୂଚନା ଇସ୍‍ ମାତ୍‍ତଡ଼୍ ।

ଯିହୁଦା 1:12

ଅଡ଼୍‌ ସିଗ୍ ଆୟ୍‍ୟକଟ କାଲ୍‍ ଉଞ୍ଜ୍, ମିୱାଦ୍ ସାୟେତ୍ ବଜିତାଗ୍ ଗଲ୍‍କ୍ ମାଡ଼ାନ୍ ନାରୁଡ଼୍ ଲେକାମ୍ ଆଦୁତଡ଼୍‍ । ଅଡ଼୍‌ ତାମ୍ ସେଙ୍ଗେକେ ଡଙ୍କେ ନିଃଇତିତଡ଼୍ । ଅଡ଼୍‌ ଗାଲ୍‍ତଡ଼୍ ଚାଲେମ୍ ଆଦାନ୍ ୱାର୍ସାମ୍ ଇଲ୍‍ୱେ ମାବ୍ ଲେକାମ୍ । ଅଡ଼୍‌ ଶରତ୍ କାଲାମ୍‍ତେ କାୟା ଆଦ୍‍ୱେ ମାଡ଼େ ନୁ ମାଡେତଡ଼୍ ତାଃଆକି ଆତ୍‍ତେ ୱାସ୍‍ତେ ମାଡ଼େ ଲେକାମ୍ ।

ପ୍ରକାଶିତ୍‌ ବାକ୍ୟ 1:11

ବେନମାତି ନାକ୍ କେତ୍‍ତନ୍, “ମିଡ଼୍ ବାତ୍ ଉଡ଼ୁତିଡ଼୍, ଆଦ୍ ୱେରଡ଼୍ ବଇତାଗ୍ ଲେକିୱାଟେ ନୁ ଏପିସସ୍‍, ସ୍ମର୍ଣ୍ଣା, ପର୍ଗାମମ୍‍, ତୁୟଟୀରା, ସାର୍ଦ୍ଦିସ୍‍, ପିଲାଦେଲ୍‍ଫିଆ ନୁ ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିକିଙ୍କ୍ ବଇତିଙ୍କ୍‍ ରହସିମୁଟ୍ ।”

ପ୍ରକାଶିତ୍‌ ବାକ୍ୟ 1:16

ଅଣ୍ଡ୍‌ ତାନ୍ ତିନ୍ଦେକାଇଦେ ପାକେ ସାତ୍‍ଟାନ୍ ଉକାମ୍‍ ପଇସ୍‍ ମାତ୍‍ତନ୍ ନୁ ୱେରଡ଼୍ ଗାଟି ୱାୟେ ମାନ୍ଦାନ୍ ଚୁର୍‌ ଅନ୍‌ ମକତାଗାଙ୍କ୍ ପେୟ୍‍ତେ । ଅନ୍‌ ମକମ୍, ପାୟାଲ୍‍ତାଦ୍‍ ପଡ଼୍‍ଦ୍ ଲେକାମ୍ ଗାଟିୱେସ୍‍ ମାତ୍‍ତେ ।

ପ୍ରକାଶିତ୍‌ ବାକ୍ୟ 1:20

ନାୟାଦ୍ ଡେବେକାଇଦାଗ୍ ମାନ୍ଦାନାୱ୍ ସାତ୍‍ଟାନ୍ ଉକାମ୍‍ ନୁ ସାତ୍‍ଟାନ୍ ସୁନାତାୱୁ ଦୀପନ୍‍ ଅର୍ତ ଆଦୁତ୍‍, ସାତ୍‍ଟାନ୍ ଉକାକ୍‍ ମଣ୍ଡଲିତେ ଦୂତ ନୁ ସାତ୍‍ଟାନ୍ କୁପି ଆଦୁତେ ମଣ୍ଡଲି ।

ପ୍ରକାଶିତ୍‌ ବାକ୍ୟ 1:4

ଯୋହନ୍‌ ଏସିଆ ପ୍ରଦେଶ୍‌ତାଗ୍ ମାନ୍ଦାନ୍ ସାତ୍‍ଟାନ୍ ମଣ୍ଡଲିକିଙ୍କ୍ ନମସ୍କାର୍‍ କେତୁତଣ୍ଡ୍‍ । ବବିଷ୍ୟତ୍‌, ମୁନେତ୍ ନୁ ଇଞ୍ଜେତାଦ୍ ଜିୱେମାନ୍ଦାନ୍ ଇଶ୍ୱର୍‍, ତାନ୍ ସିଂହାସନ୍ ମୁନେ ସାତ୍‍ଟାନ୍ ଆତ୍ମା,

ପ୍ରକାଶିତ୍‌ ବାକ୍ୟ 2:13

ନାନେ ପୁତ୍‍ତାନ୍, ମିଇ ଶୟତାନ୍‍ତେ ସିଂହାସନ୍ ଗାର୍ରେ ମିନ୍ଦେଡ଼ି । ଇତ୍‍କେ ମିଡ଼୍ ନା ପରୁ ବିଶ୍ୱସ୍ତ, ଇଦ୍‍ଲେକାମ୍ କି ଶୟତାନ୍‍ ମାନ୍ଦାନ୍ ପଡ଼ିୟେତାଗ୍ ବେସୁଙ୍କ୍‍ ନାୟାଦ୍ ୱେରଣ୍ଡ୍ ବିଶ୍ୱସ୍ତ ଦାସ ଆଣ୍ଟିପାସ୍‍ଙ୍କ୍ ଆୱୁକ୍‍ତନ୍, ଆସୁଙ୍ଗ୍‍ ମିକା ମିୟାଦ୍ ବିଶ୍ୱାସ୍ ୱିଡ଼୍‍ସ୍‍ୱେ ମାତ୍‍ତିଡ଼୍ ।

ପ୍ରକାଶିତ୍‌ ବାକ୍ୟ 2:19

ମିୟାଦ୍ କାମ୍‍ ମାଡ଼୍‍ତାଦ୍, ମିୟାଦ୍ ପ୍ରେମ, ବିଶ୍ୱାସ୍ତତା, ମିୟାଦ୍ ସେବା କାମ୍ ନୁ ଦର୍ଯ୍ୟ ନାନେ ପୁତ୍‍ତାନ୍ ! ନାନେ ମିକା ପୁତ୍‍ତାନ୍ ଯେ, ମିଡ଼୍ ମୁନେଙ୍କ୍ ବାତ୍ ମାଡ଼ମାତ୍‍ତିଡ଼୍, ଇଞ୍ଜେ ଆଗାଙ୍କ୍ ଅଦିକ୍‌ ମାଡ଼ୁତିଡ଼୍ ।

ପ୍ରକାଶିତ୍‌ ବାକ୍ୟ 2:2

ମିୟାଦ୍ କାମ୍‍ ମାଡ଼୍‍ତାଦ୍, କଷ୍ଟ ଆତ୍‍ତେ ପରିଶ୍ରମ୍ ନୁ ଦର୍ଯ୍ୟ ବିଷୟ ନାନେ ପୁତ୍‍ତାନ୍ । ନାନେ ମିକା ପୁତ୍‍ତାନ୍ ଯେ, ମିଇ କାରାପ୍‍ ପାଡ଼୍‍ୟି ମାଡ଼ାନଡ଼୍‍କିଙ୍କ୍ ସହ୍ୟ ମାଡ଼୍‍ପାର୍‍ୱିଡ଼୍ । ବେନଡ଼୍ ପ୍ରେରିତ ଶିଷ୍ୟଡ଼୍ ଇଞ୍ଜ ନିଜେତ୍ ପରିଚୟ ଇଦ୍‍ତଡ଼୍‍, ଅଡ଼୍‌‍ ନିଜାମ୍‍ ଶିଷ୍ୟ ଆୟଡ଼୍‍, ପରିକ୍ଷା ମାଡ଼ି ଅଡ଼୍‌‍କିଂଙ୍କ୍ ମିତ୍ୟାବାଦିଡ଼ି ଇଞ୍ଜ ମିଡ଼୍ ପ୍ରମାନିତ ମାଡ଼୍‍ତିଡ଼୍ ।

ପ୍ରକାଶିତ୍‌ ବାକ୍ୟ 2:9

ନିୟାଦ୍ ଅସୁବିଦା ସାରେ ନାନ୍‍ ପୁତ୍‍ତାନ୍‍; ନାନେ ମିକା ପୁତ୍‍ତାନ୍‍ ଯେ, ନିମେ ଦରିଦ୍ର; ଇତ୍‍କେ ନିଜାମ୍‍ ନିମେ ସାଉକାର୍ । ବେନଡ଼୍ ନିଜେତିଙ୍ଗ୍ ଇଉଦି ଇଞ୍ଜ କେତିତଡ଼୍‍, ଇତ୍‍କେ ନିଜାତ୍‍ ଇଉଦି ଆୟଡ଼୍‍ ନୁ ବେନଡ଼୍ ଶୟତାନ୍‍ତିଙ୍କ୍‍ ଉପାସନା ମାଡ଼ିତଡ଼୍‍, ଅଡ଼୍‌ ବେଲାନ୍ ନିୟାଦ୍ ଦୋଷ ମାଡ଼ି ଗଟ୍ କେତ୍‍ତଡ଼୍, ଆଦ୍ ନାନେ ପୁତ୍‍ତାନ୍ ।

ପ୍ରକାଶିତ୍‌ ବାକ୍ୟ 3:15

ନାନେ ମିୟାଦ୍ କାମ୍‍ତିଙ୍କ୍ ପୁତ୍‍ତାନ୍; ମିଡ଼୍ କିଡ଼୍‍ଙ୍ଗ୍‍ତା ଆୟ୍‍ୱିଡ଼୍‍, କି କାମ୍‍କେ ଆୟ, ଇଦ୍ ନାନେ ପୁତ୍‍ତାନ୍ । ମିଡ଼୍ କିଡ଼୍‍ଙ୍ଗ୍‍ତା ବା କାମ୍‍କେ ଆସ୍‍ମାତ୍‍କେ, ଲେକେତ୍ ଆୟେଡ଼୍ ।

ପ୍ରକାଶିତ୍‌ ବାକ୍ୟ 3:2

ଆଦିଙ୍କ୍ ଜାଗ୍ରତ୍‍ ଆୟମୁଟ୍ ନୁ ମୀଇ ପାକେ ବାତ୍ ମିନ୍ଦେ, ଆଦ୍‍ ପୁରା ଦଂସ ଆଦାନ୍ ମୁନେ ଆଦିଙ୍କ୍ ଶକ୍ତି ମାଡ଼ାଟ୍ । ବାତେଙ୍କ୍‍ଇତ୍କେ ନାନେ ପୁତ୍‍ତାନ୍, ମିୟାଦ୍ କାମ୍ ସାରେ ଇଶ୍ୱର୍‌ତେ କଣ୍ଡେତେ ଇଞ୍ଜେକ୍‍ ଯାକ ସିଦ୍ଦ ଆୟକେ ।

ପ୍ରକାଶିତ୍‌ ବାକ୍ୟ 3:8

ମିୟାଦ୍ କାମ୍ ସାରେ ନାନେ ପୁତ୍‍ତାନ୍; ଇଞ୍ଜେକ୍ ଆନା ନିୟାଦ୍ ବେସର୍‍ ଶକ୍ତି ମିନ୍ଦେ, ଇଦ୍ ମିକା ପୁତ୍‍ତାନ୍; ନିମେ ନା ଶିକ୍ଷା ପାଲନ୍ ମାଡ଼ଡ଼୍‍ ୱାସମିନ୍ଦେନି ନୁ ନା ସେଙ୍ଗେ ବିଶ୍ୱସ୍ତ ମିନ୍ଦେନି । ଆଦିଙ୍କ୍ ନାନେ ନିଇ ମୁନେ ୱେରଡ଼୍ ମାର୍ ‍ଟେଣ୍ଡ୍‍ତାନ୍ । ଆଦ୍ ବେନ ବନ୍ଦ ମାଡ଼େ ପାର୍‍ୱାଣ୍ଡ୍‍ ।

ପ୍ରକାଶିତ୍‌ ବାକ୍ୟ 4:5

ସିଂହାସନ୍‌ତାଗାଙ୍କ୍ ୱାନେ ମେର୍ଷାନ୍ ୱେସ୍, ଗୁରୁଗମ୍ଭିର୍‍ତେ ମରେ ନୁ ବଜ୍ର ସାଉଣ୍ଡ୍ ଆସ ମାନ୍‍ନୁଡ଼୍ । ସିଂହାସନ୍ ମୁନେ ଇଶ୍ୱର୍‌ତେ ସାତ୍‍ଟାନ୍ ଆତ୍ମାତେ ଲେକାମ୍‍ ସାତ୍‍ଟାନ୍ ମଶାଲ୍ ନିଡ଼୍‍ସ ମାତ୍‍ତେ ।

ପ୍ରକାଶିତ୍‌ ବାକ୍ୟ 5:6

ତାନ୍‍ପେର୍କେ ସିଂହାସନ୍‌ତେ ନାଡ଼୍‍ମେ ମୁନେଙ୍କ୍‍ତାୱୁ ନାଲୁଟାନ୍ ପଶୁ ନୁ ବୟସ୍ତେ ନେତାଲଡ଼୍ଆଗାଙ୍କ୍ ୱେରଣ୍ଡ୍ ମେଣ୍ଡେ ନିସ୍‍ ମାନ୍ଦାନାଦ୍ ଉଡ଼୍‍ତାନ୍ । ମେଣ୍ଡେ ଡଲ୍‍ତେ ଲେକାମ୍ ଏର୍କେ ଆୟ୍‍ନୁଡ଼୍ । ଆଦିନାୱୁ ସାତ୍‍ଟାନ୍ କଅକ୍‌ ନୁ ସାତ୍‍ଟାନ୍ କଣ୍ଡା ମାତ୍‍ତା । ଆୱୁ କଣ୍ଡା ପୁରା ପୃତିବିତାଗ୍‍ ରହସ୍‍ ମାନ୍ଦାନ୍ ଇଶ୍ୱର୍‌ତେ ସାତ୍‍ଟାନ୍ ଆତ୍ମା