ପ୍ରକାଶିତ୍‌ ବାକ୍ୟ 21:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ମାଡ଼େଙ୍ଗ୍‍ ନାନେ ୱେରଡ଼୍ ପୁଃନେ ମାବ୍, ପୁଃନେ ମୟଲ୍ ନୁ ପୁଃନେ ପୃତିବି ଉଡ଼୍‍ତାନ୍ । ପାଃନ୍ତେ ମୟଲ୍‍, ମାନ୍ତେ ପୃତିବି ନୁ ସମୁଦ୍ର ସାରେ ଆତ୍‍ତା ।

ପ୍ରକାଶିତ୍‌ ବାକ୍ୟ 21:1 Iomraidhean Croise

ରୋମୀୟ 8:21

ଅନ୍‌‍ଦିନେ ଇଶ୍ୱର୍‌ତେ ମାର୍‍କିଡ଼୍ ଗୌରବ୍‍ତାଗ୍ ବାଗିଦାର୍ ଆସ୍ ଆଦ୍ ଗାଲା ତାନ୍ ଦାସତ୍ୱ ନଷ୍ଟ ଆଦାନାଗାଙ୍କ୍ ମୁକ୍ତି ପାଏମ୍ ଆଦ୍‍ତେ ।

୨ ପିତର୍‌ 3:10

ଇତ୍‍କେ ପ୍ରବୁନ୍ ଦିନାମ୍ ଡଙ୍ଗାଲ୍ ଲେକାମ୍ ୱାଦ୍‍ତେ । ଆଦ୍‍ ଦିନେ ଅଣ୍ଡୟ୍‌ ଗାଟି ଲେଙ୍ଗ୍‍ଦେ ଲୋପେ ମୟଲ୍ ମାୟିଆଦ୍‍ତେ । ମୟଲ୍‍ତାଗ୍‍ ମାନ୍ଦାନ୍‍ ଗ୍ରହ ନୁ ଉକାକ୍‍ କାର୍‍ୱି ଦ୍ୱଂସ ଆଦ୍‍ତା । ପୃତିବିତଡ଼୍‍ ତାନାଗ୍‍ ମାନ୍ଦାନ୍‍ ସାରେ ବିଷୟ୍‍ତଡ଼୍‍ ବିନଷ୍ଟ ଆଦ୍‍ତେ ।

୨ ପିତର୍‌ 3:13

କିନ୍ତୁ ମାମେ ଇଶ୍ୱର୍‌ତେ ତିଆର୍ ମାଡ଼ିମାନ୍ଦାନ୍ ୱେରଡ଼୍ ପୁନେ ମୟଲ୍ ନୁ ପୁନେ ପୃତିବିତାଗ୍ ମିନ୍ଦେଡ଼୍ । ଆଗେ ଦାର୍ମାମ୍‌ ନାରୁଡ଼୍ ମାନ୍ଦାନ୍‍ ପଡ଼୍‍ୟେ ଆଦ୍‍ତେ ।

ପ୍ରକାଶିତ୍‌ ବାକ୍ୟ 13:1

ତାନ୍‍ପେର୍କେ ନାନେ ଉଡ଼୍‍ତାନ୍, ୱରଡ଼୍ ଜନ୍ତୁ ସମୁଦ୍ରତାଗାଙ୍କ୍ ତେଦି ୱାଦୁତ୍ । ତାନାୱୁ ଦଶ୍‌ଟାନ୍ କଅକ୍ ନୁ ସାତ୍‍ଟାନ୍ ତାଲା । ସାରେ କଅକ୍‌କିନାଗ୍ ୱେର ସହଜ୍‍ ମାତ୍‍ତା ନୁ ସାରେ ତାଲାନାଗ୍ ୱେର ଇଶ୍ୱର୍‌ତେ ନିନ୍ଦାଆତ୍‍ନଡ଼୍ ପେଦେରି ଲେକା ଆସ୍‍ମାନ୍‍ନୁ ।

ପ୍ରକାଶିତ୍‌ ବାକ୍ୟ 20:11

ତାନ୍‍ପେର୍କେ ନାନେ ଉଡ଼୍‍ତାନ୍, ଶ୍ୱେତବର୍ଣ୍ଣତେ ୱେରଡ଼୍ ବେଡ଼୍‍ୟାଦ୍ ସିଂହାସନ୍‌ ନୁ ତାନ୍ ପରୁ ୱେରଣ୍ଡ୍ ନାରୁଙ୍କ୍‍ ଉପବିଷ୍ଟ ମାନ୍ଦାନ୍‍ ଉଡ଼୍‍ତାନ୍‍ । ତାନ୍ ମୁନେଙ୍କ୍ ପୃତିବି ନୁ ମାବ୍ ମିର୍‍ତା ନୁ ଅଡ଼୍‌‍ ମେଣ୍ଡେ ଉଡ଼େପାର୍ୱଡ଼୍ ।

ପ୍ରକାଶିତ୍‌ ବାକ୍ୟ 21:5

ସିଂହାସନ୍‌ତାଗ୍ ମାନ୍ଦାନ୍ ନାରୁଣ୍ଡ୍ କେତ୍‍ତନ୍, ଅଁ, ନାନେ ସାରେ ବିଷୟ ପୁଃନେ ମାଡ଼୍‍ତାନ୍ । ମେଣ୍ଡେ ଅଣ୍ଡ୍‌ ନାକିଙ୍କ୍ ଆଦେଶ୍‍ ଇତ୍‍ତନ୍, “ଇୱୁସାରେ ଗଟି ଲେକି ୱାଟାଟ୍, ବାତ୍‍ତେଙ୍କ୍ଇତ୍କେ ଇଦ୍ ସତ୍ ନୁ ଆଶେତାୱୁ ।”

ପ୍ରକାଶିତ୍‌ ବାକ୍ୟ 6:14

ୱେରଡ଼୍ କାଗଜ୍ ପର୍ଦ୍ଦା ମାଡ଼୍‍ପି ଆଦାନ୍ ଲେକାମ୍ ମାବ୍ ମାଡ଼୍‍ପି ଆସ୍ ମାଇ ଆତ୍‍ତେ । ମେଟା ନୁ ଗପ୍‍ ମେଣ୍ଡେଅଣ୍ଡାଗ୍‍ ଆତ୍‍ତା ।