ପ୍ରକାଶିତ୍‌ ବାକ୍ୟ 19:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ଆଦ୍ ସମୟତ୍‍ ନାନେ କେଞ୍ଜ୍‍ତାନ୍, ସମୁଦ୍ର ସାଉଣ୍ଡ୍ ନୁ ବିଜୁଳି ସାୱୁଣ୍ଡ୍‍ ତଡ଼୍‍ ନାରିନ୍ ମର୍‍ଲେଙ୍ଗ୍‍ ପଙ୍ଗି ୱାଦୁତ୍ । ନାରୁଡ଼୍ ମେଣ୍ଡେ ସ୍ତୁତି ମାଡ଼ୁତଡ଼୍; “ଇଶ୍ୱର୍‌ତେ ପ୍ରଂସସା ମାଡ଼ାଟ୍, ବାତ୍‍ତିଙ୍କ୍ଇତ୍କେ ମାନ୍‍ ପ୍ରବୁ ମହାପରାକ୍ରାନ୍ତ ଇଶ୍ୱର୍, ଅଣ୍ଡେ ମାତର୍ ମାନ୍‍ ରାଜାଲ୍ ।

ପ୍ରକାଶିତ୍‌ ବାକ୍ୟ 19:6 Iomraidhean Croise

ମାତିଉ 6:13

ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା, ମାତର୍ କାରାପ୍ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ । ବାତେଙ୍କ୍ ଇତ୍‍କେ ରାଜ୍ୟ, ପରାକ୍ରମ୍, ଗୌରବ୍ ଯୁଗ୍‍ଯୁଗ୍ ନିୟାଦ୍, ଆମେନ୍ ।”

ପ୍ରକାଶିତ୍‌ ବାକ୍ୟ 1:15

ଅନ୍‌ ଡେକା ରେଣ୍ଡ୍ କିସ୍‍ତାଗ୍‍ କାଣ୍ଟି ପିତଳ ଲେକାମ୍ ଜିଗ୍‍ଜାଗ୍ ତଅନ୍‌ଦମାତ୍‍ତା ନୁ ଅନ୍‌ କେତାନ୍ ଲେଙ୍ଗ୍ ପରକଞ୍ଚ୍‍ ରାଲାନାଦ୍‍ ଏର୍‍ ଲେକାମ୍ ଲେଙ୍ଗ୍‍ ଆସମାତ୍‍ତେ ।

ପ୍ରକାଶିତ୍‌ ବାକ୍ୟ 1:8

ପ୍ରବୁ ସାରେତିଙ୍ଗ୍ ଶକ୍ତିମାନ୍ ଇଶ୍ୱର୍ କେତିତନ୍, “ନାନେ ଆରାମ୍‍ ନୁ ମାଡ଼େଙ୍ଗ୍‍,” ଅଣ୍ଡ୍‌ ମୁନେଙ୍କ୍ ମାତ୍‍ତନ୍, ମେଣ୍ଡେ ଇଞ୍ଜେବା ମିନ୍ଦେନ୍, ମେଣ୍ଡେ ବବିଷ୍ୟତ୍‌ତେ ୱାଦ୍‍ତନ୍ ।

ପ୍ରକାଶିତ୍‌ ବାକ୍ୟ 12:10

ତାନ୍‍ପେର୍କେ ନାନେ ସ୍ୱର୍ଗତାଗ୍‍ ଗାଟି ଲେଙ୍ଗ୍ କେତାନାଦ୍ ନେରଡ଼୍ ବାନି ଲେଞ୍ଜ୍‍ତାନ୍, “ଇଞ୍ଜେ ଇଶ୍ୱର୍‌ତେ ପରିତ୍ରାଣ ମିନ୍ଦେ । ତାନ୍ ଶକ୍ତି ପରାକ୍ରମ୍ ନୁ ତାନ୍ ମସିହନ୍‍ କ୍ଷମତା ପ୍ରଦର୍ଶିତ ଆସ୍‍ମିନ୍ଦେ, ବେନ୍ କୁଚକ୍ରି ନାର୍କା ପାୟାଲ୍ ଇଶ୍ୱର୍‌ତେ ମୁନେ ନିସ୍‍ମିକା, ମା ଦାଦାନଡ଼୍ ବିରୁଦ୍ଦତେ ମିତ୍ୟା ଅବିଯୋଗ୍‍ ମାଡ଼ମାତ୍‍ତଡ଼୍, ଅଣ୍ଡ୍‌ ନେଣ୍ଡ୍ ସ୍ୱର୍ଗତାଗାଙ୍କ୍ ବିତାଡ଼ିତ ଆତ୍‍ତନ୍ ।

ପ୍ରକାଶିତ୍‌ ବାକ୍ୟ 14:2

ତାନ୍‍ପେର୍କେ ନାନେ କେଞ୍ଜ୍‍ତାନ୍, ଏର୍ ପ୍ରପାତ୍ ନୁ ବଜ୍ରନାଦ୍ ଲେକାମ୍ ସ୍ୱର୍ଗତାଗାଙ୍କ୍ ୱେରଡ଼୍ ଲେଙ୍ଗ୍ । ଡ଼ଲା ପେଞ୍ଚ ମାନ୍ଦାନ୍ ବିଣା ଜଙ୍କାର୍ ଲେକାମ୍ ମିକା ଆଗ୍‍ କେଞ୍ଜାନଙ୍କ୍ ଆୟନୁଡ଼୍ ।

ପ୍ରକାଶିତ୍‌ ବାକ୍ୟ 19:1

ଇଦିନ୍‍ ପେର୍କେ ନାନେ ବାତ୍‍ କେଞ୍ଜ୍‍ତାନ୍, ଆଦ୍ ସ୍ୱର୍ଗତାଗ୍ ୱେରଡ଼୍ ବେଡ଼୍‍ୟାଦ୍ ମାନ୍ଦେତାଦ୍ ମର୍‍ ଲେକାମ୍ ଏର୍କେ ଆସମାତ୍‍ତେ । ଅଡ଼୍‌ କେସମାନ୍‍ନୁଡ଼୍, “ଇଶ୍ୱର୍‌ତେ ସ୍ତୁତି ମାଡ଼ାଟ୍ । ମାନ୍‍ ଇଶ୍ୱର୍‍ ପରିତ୍ରାଣ୍, ଗୌରବ୍ ନୁ ପରାକ୍ରମତେ ଅଦିକାର୍‌ ।

ପ୍ରକାଶିତ୍‌ ବାକ୍ୟ 19:4

ସିଂହାସନ୍‌ତାଗ୍ ମାନ୍ଦାନ୍ ଇଶ୍ୱର୍‌ତେ ମୁନେ ୨୪ ଜାନ୍ ବୟସ୍ତେ ନେତାଲଡ଼୍ ନୁ ଆୱୁ ନାଲୁ ପଶୁ ମଡ଼୍‍କି ମିକା ଇଶ୍ୱର୍‌ତିଙ୍କ୍ ଆରାଦାନା ମାଡ଼୍‍ତା । ଅଡ଼୍‌ କେତ୍‍ତଡ଼୍, “ଆମେନ୍‍ ! ଇଶ୍ୱର୍‌ତେ ପ୍ରଶଂସା ମାଡ଼ାଟ୍ ।”

ପ୍ରକାଶିତ୍‌ ବାକ୍ୟ 21:22

ନାନେ ନାର୍‍ଦାଗ୍‍ ବାତ୍‍ ମନ୍ଦିର୍ ବା ଉଡ଼ନ୍‍, କିନ୍ତୁ ସ୍ୱୟଂ ସାରେତିଙ୍କ୍‍ ଶକ୍ତିମାନ୍‍ ଇଶ୍ୱର୍ ନୁ ମେଣ୍ଢା ମେୟ୍‍ତାନଣ୍ଡ୍ ଅଦୁତଣ୍ଡ୍ ଆଦ୍‍ ନାର୍‍ଦେ ମନ୍ଦିର୍‍ ।

ପ୍ରକାଶିତ୍‌ ବାକ୍ୟ 4:5

ସିଂହାସନ୍‌ତାଗାଙ୍କ୍ ୱାନେ ମେର୍ଷାନ୍ ୱେସ୍, ଗୁରୁଗମ୍ଭିର୍‍ତେ ମରେ ନୁ ବଜ୍ର ସାଉଣ୍ଡ୍ ଆସ ମାନ୍‍ନୁଡ଼୍ । ସିଂହାସନ୍ ମୁନେ ଇଶ୍ୱର୍‌ତେ ସାତ୍‍ଟାନ୍ ଆତ୍ମାତେ ଲେକାମ୍‍ ସାତ୍‍ଟାନ୍ ମଶାଲ୍ ନିଡ଼୍‍ସ ମାତ୍‍ତେ ।

ପ୍ରକାଶିତ୍‌ ବାକ୍ୟ 6:1

ତାନ୍‍ ପେର୍କେ ନାନେ ଉଡ଼୍‍ତାନ୍‍, ମେକା ଗଲାଲ୍ ସାତ୍‍ଟାନ୍ ମୁଦ୍ରାନାଗାଙ୍କ୍ ୱେରଡ଼୍‍ ଟେଣ୍ଡ୍‍ତନ୍ ନୁ ନାଲୁ ପଶୁନ୍ ନାଗାଙ୍କ୍ ୱେରଡ଼୍‍ ନାକିଙ୍କ୍ ଗାଟି ଲେଙ୍ଗ୍‍ଦେ କେତ୍‍ତନ୍, “ୱାଡ଼େ !”

ପ୍ରକାଶିତ୍‌ ବାକ୍ୟ 8:5

ତାନ୍‍ପେର୍କେ ଦୂତ, ଦୁପାମ୍ ପଇତେ ବେଦିତେ କିସ୍ ବର୍ତିମାଡ଼ି ଆଦ୍ ବୁମ୍‌ତେ ପରୁ ହେସିତ୍‍ତଡ଼୍ । ଅଦିନ୍‌ ପେର୍କେ ଜିଗ୍‍ଜାଗ୍‍ ଲେଙ୍ଗେ ଆତ୍‍ତେ, ୱାନେ ମେର୍ସତେ ନୁ ବୂମିକମ୍ପ ଆତ୍‍ତେ ।