ପ୍ରକାଶିତ୍‌ ବାକ୍ୟ 17:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ଆସୁଙ୍ଗ୍ ପବିତ୍ରଆତ୍ମା ନାୟାଗ୍‍ ଅଦିଷ୍ଟାନ୍ ମାଡ଼୍‍ତେ ନୁ ଆଦ୍ ଦୂତ ନାକିଙ୍କ୍ ୱେରଡ଼୍ ଉସ୍କ ନେଲ୍‍ଦାଗ୍ ଆତ୍‍ତେ । ଆଗେ ନାନେ ଉଡ଼୍‍ତାନ୍, ୱେରଡ଼୍ ନାଟାଡ଼୍ ୱେରଡ଼୍ ଏର୍‍ରେ ରଙ୍ଗ୍‍ତେ ପଶୁତ୍‍ ପରୁ କୁଦ୍‍ତେ । ପଶୁତେ ସାରେପାକ୍ ମେନ୍ଦୁଲ୍‍ତାଗ୍ ଇଶ୍ୱର୍‌ତେ ନିନ୍ଦ୍‍ତଡ଼୍ ପେଦେର୍‍ରି ଲେକା ଆସ୍‍ମାନ୍‍ନୁଡ଼୍ । ନୁ ତାନ୍‍ଉ ସାତ୍‍ଟାନ୍ ତାଲ୍‍ଲା ନୁ ଦଶ୍‍ଟାନ୍ କଅକ୍‌ମିନ୍ଦେ ।

ପ୍ରକାଶିତ୍‌ ବାକ୍ୟ 17:3 Iomraidhean Croise

ମାତିଉ 27:28

ଅନାଦ୍‌ ଚକା କୁସ୍‍ପି ଆସ୍ ଅଂକିଙ୍କ୍‌ ଅଣ୍ଡୟ୍‌ ଆପେ ରଙ୍ଗ୍‍ଦେ ଚକେ କେର୍‍ସ୍ପ୍‍ତଡ଼୍ ।

ପ୍ରେରିତ 8:39

ଅଡ଼୍‌ ଏର୍‍ତାଗାଙ୍କ୍ ତେଦି ୱାତ୍‍ତେ ପେର୍‍କେ ପ୍ରବୁନ୍‍ ପବିତ୍ର ଆତ୍ମା ଫିଲିପ୍‍ପଙ୍କ୍ ମାପିତ୍‍ତେ । କର୍ମଚାରୀ ମେଣ୍ଡେ ଅଂକିଙ୍କ୍‌ ଉଡ଼ାଙ୍କ୍ ପାର୍‍ୱଣ୍ଡ୍, ବାତେଙ୍କ୍ ଇତ୍‍କେ କୁସି ଆସ୍ ତାନ୍ ହାର୍ ଆତ୍‍ତଣ୍ଡ୍ ।

୨ ଥେସଲନିୟ 2:4

ଆଦ୍ କାରାପ୍ ଆତ୍ମା ନାରୁଡ଼ାଦ୍ କେତାନାଦ୍ ସାର୍‍ରେ ପୁଜାମାଡ଼ାନ୍ ଦେୟାମ୍ ନୁ ଉପାସ୍ୟ ବସ୍ତୁତାଦ୍ ବିରୁଦ୍‍ ଆଚରନ୍ ମାଡ଼ିତ୍ ନୁ ନିଜେତିଙ୍କ୍ ସାର୍ରେତ୍ ପର୍‍ର ନେଃତାନଙ୍କ୍ ପାର୍‍ଦ୍‍ତେ । ଇଦ୍ ରକମ୍ କି ଅଣ୍ଡ୍‌ ଇଶ୍ୱର୍‌ତେ ମନ୍ଦିର୍‌‍ତାଗ୍ କୁଦି ନିଜେ ଇଶ୍ୱର୍ ଇଞ୍ଜ ଦାବୀ ମାଡ଼ିତ୍ ।

ପ୍ରକାଶିତ୍‌ ବାକ୍ୟ 1:10

ପ୍ରବୁନ୍ ଦିନାମ୍‍ତେ ପବିତ୍ରଆତ୍ମା ନାୟାଗ୍ ୱାତ୍‍ତେ ନୁ ନା ପେର୍କେତ୍‍ପାକ୍ ତୁରି ଲେଙ୍ଗ୍‍ ଇନା ଗାଟିଲେଙ୍ଗ୍ କେଞ୍ଜ୍‍ତାନ୍ ।

ପ୍ରକାଶିତ୍‌ ବାକ୍ୟ 12:14

ତାନ୍ ଚିଟିରମନ୍‍ତାଗ୍ ରକ୍ଷା ଆଦାନ୍‍ ସେଙ୍ଗେ ନାଟାଡ଼୍ ତିଙ୍କ୍ ରେଣ୍ଡ୍ ଗାଦ୍‍ ପିଟେତ୍‍ ରେକା ପେଇତା । ତାନ୍ ସାଆଯ୍ୟତେ ଆଦ୍ ଉସ୍କ ନେଲ୍‍ଦାଗ୍ ନିଜେତ୍‍ ମାନ୍ଦାନ୍ ପଡ଼ିୟେତାଗ୍ ପାର୍‍ସ୍‍ ଆଞ୍ଜ୍, ଆଗେ ମୁଣ୍ଡ୍ ୱାଡ଼୍‍ଷା ଯାକ ସିମ୍‍ଚାମ୍‍ତାଗ୍ ମାନ୍ଦନଙ୍କ୍ ସମର୍ତନ୍ ଆତ୍‍ତେ ।

ପ୍ରକାଶିତ୍‌ ବାକ୍ୟ 12:3

ମାବ୍‍ତାଗ୍ ମେଣ୍ଡନ୍ ୱେରଡ଼୍ ଅବୁଦ୍ ଦୃଶ୍ୟ ତନ୍‍ନ୍ତେ । ଲୋଇତ କଲର୍‍ତେ ତାଡ଼ାମ୍ ଇନା ୱେରଡ଼୍ ବିକଲାଟ ପଶୁ, ତାନଦ୍ ସାତ୍‍ଟାନ୍ ତାଲା, ଦଶ୍‍ଟାନ୍ କଅକ୍‌ ନୁ ସାରେ ତାଲାନାଗ୍ ୱେର ସହଜ୍‍ ମାନ୍‍ନୁ ।

ପ୍ରକାଶିତ୍‌ ବାକ୍ୟ 12:6

ଆଦ୍ ନାଟାଡ଼୍ ଉସ୍କ ପ୍ରାନ୍ତର୍‍ ପାକେ ମିର୍‍ତେ । ଆଗେ ୱେରଟ୍ ଆଗେ ଅଣ୍ଡ୍‌ ୨୬୦ ଦିନାମ୍ ଯାକ ଆଦ୍‍ ମାନ୍ଦାନ୍ ସେଙ୍ଗେ ଇଶ୍ୱର୍ ବ୍ୟବସ୍ଥା ମାଡ଼ିତ୍‍ତନ୍ ।

ପ୍ରକାଶିତ୍‌ ବାକ୍ୟ 17:18

“ମିଡ଼୍ ବେନ୍ ନାଟାଡ଼୍‍ତିଙ୍କ୍ ଉଡ଼୍‍ତିଡ଼୍, ଆଦ୍ ଅଦୁତ୍, ପୃତିବିତେ ରାଜାନଡ଼୍ ପରୁ ଶାସନ୍‍ ମାଡ଼ମାନ୍ଦାନ୍ ଆଦ୍ ବେଡ଼ିୟ୍ ନଗର୍ ।”

ପ୍ରକାଶିତ୍‌ ବାକ୍ୟ 17:4

ନାଟାଡ଼୍ ଆପେ କଲର୍ ନୁ ଏର୍‍ରେ ରଙ୍ଗ୍‍ଦେ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଆଦ୍ କେର୍‍ସ୍‍ ମାନ୍ଦାନ୍ ସୁନା, ନାର୍ଗେ ଦାମ୍‍ତାଉ ନେଡ଼େକ୍ ମୁକ୍ତାତେ ଜିଗ୍‍ଜାଗ୍ ତନ୍ଦମାନ୍‍ନୁଡ଼୍ । ତାନାଦ୍ କାଇଦାଗ୍ ୱେରଡ଼୍ ସୁବର୍ଣ୍ଣ ପାତ୍ର ମାତ୍‍ତା । ତାନ୍‍ ବ୍ରଷ୍ଟାଚାର୍‍ତେ କାୟା ଲେକାମ୍‍ ଅଶ୍ଲୀଲ ନୁ ଅଶୁଚି ପୁର୍ଣ୍ଣ ଅଣ୍ଡୟ୍‌‍ ସୁନ୍ନତ୍‍ ଗିନେ ପୟସ୍‍ ମାତ୍‍ତେ

ପ୍ରକାଶିତ୍‌ ବାକ୍ୟ 18:12

ସୁବର୍ଣ୍ଣ, ରୌପ୍ୟ, ପାଇସା, ମୁକ୍ତା, ପାଲ୍‍ସେଲାଦ୍ ସିଲେସ, କୃଷ୍ଣରଙ୍ଗ୍‌ଦେ ସିଲେ, ପଟସିଲେ ସିନ୍ଦୁର୍ ରଙ୍ଗ୍‌ଦେ ସିଲେ, ସାରେ ଲେକାମ୍ ଚନ୍ଦନ୍‍କାଟ, ଏନେ ପାଲ୍‍କିନ୍ ସାରେଲେକାମ୍ ବସ୍ତୁ, ଗାଟି ଲେକାମ୍ କଷ୍ଟ ପିତଲ୍ ଲୌଉଆ ନୁ ମର୍ମତେ ପେଇତାନ୍ ସେଙ୍ଗେ ସାରେଲେକାମ୍ ବସ୍ତୁ ।

ପ୍ରକାଶିତ୍‌ ବାକ୍ୟ 18:16

କେତିତଡ଼୍, “ଆୟୁ ! ମହାନଗର୍‍ତେ ଅବସ୍ତା ଇଞ୍ଜେ ବେସର୍ ବୟଙ୍କାର୍, ବେସର୍ ! ଅଣ୍ଡ୍‌ ସାକ୍‌ସାକା ପାଲ୍‍ସେଲାଦ୍ ସିଲେ, କୃଷ୍ଣ କଲର୍‍ତେ ନୁ ସିନ୍ଦୁର୍ କଲର୍‍ତେ ସିଲେ କେର୍‍ସ୍‍ ମାତ୍‍ତାଦ୍ ମାତ୍‍ତେ, ମେଣ୍ଡେ ସୁବର୍ଣ୍ଣ, ମଣି ନୁ ମୁକ୍ତାତେ ବୁଷିତ ମାତ୍‍ତେ ।

ପ୍ରକାଶିତ୍‌ ବାକ୍ୟ 21:10

ପବିତ୍ର ଆତ୍ମା ନା ପର ୱାତ୍‍ତେ ମେଣ୍ଡେ ଦୂତ ନାକିଙ୍କ୍‍ ଅଣ୍ଡୟ୍‌‍ ବେଡ଼୍‍ୟାଦ୍‍ ମେଟେତାଗ୍‍ ଆତ୍‍ତଣ୍ଡ୍‍ । ଆଗାଙ୍କ୍‍ ନାନ୍‍ ଉଡ଼୍‍ତାନ୍‍, ଇଶ୍ୱର୍‌ତେ ଗାରେ କଞ୍ଚ୍‍ ସ୍ୱର୍ଗତାଗାଙ୍କ୍‍ ଡିଗି ମାନ୍ଦାନ୍‍ ଗୌରବ୍‍ ୱେସିନାଦ୍‍ ପବିତ୍ର ନଗରୀ ଯିରୁଶାଲେମ୍‍ ।

ପ୍ରକାଶିତ୍‌ ବାକ୍ୟ 4:2

ସାଙ୍ଗେ ସାଙ୍ଗେ ପବିତ୍ରଆତ୍ମାତେ ଚାଲେମ୍‍ ଆସ୍‍ ନାନେ ଉଡ଼୍‍ତାନ୍, ସ୍ୱର୍ଗତାଗେ ୱେରଡ଼୍ ସିଂହାସନ୍‌ତାଗେ ବେନ ୱେରନ୍ କୁଦ୍‍ତନ୍ ।