ପ୍ରକାଶିତ୍‌ ବାକ୍ୟ 16:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ଆଗାଙ୍କ୍ ଅଡ଼୍‌ ଉତ୍ତ୍ୟକ୍ତ ଆସ୍ ତିପାଲ୍‍ତେ ପର ଅଦିକାର୍‌‍ ମାନ୍ଦାନ୍‍ ଇଶ୍ୱର୍‌ତିଙ୍କ୍ ଅବିଶାପ୍‌ ଇତ୍‍ତଡ଼୍; କିନ୍ତୁ ମନ୍ ପରିବର୍ତନ୍ ମାଡ଼ି ତାମ୍ ମହିମା ସ୍ୱିକାର୍ ମାଡ଼ଡ଼୍‍ ।

ପ୍ରକାଶିତ୍‌ ବାକ୍ୟ 16:9 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 13:3

ନାନେ ମିକିଂଙ୍କ୍ କେତୁତାନ୍, ଇଲା, ବାତେଙ୍କ୍ ଇତ୍କେ ପାପତାଗାଙ୍କ୍ ମନ୍ ପରିବର୍ତ୍ତନ୍ ମାଡ଼କଟ୍ ମାତ୍‍କେ ମିଡ଼୍‍ଆନ୍‌‍ତେ ସାରେ ରକମ୍ ନଷ୍ଟ ଆଦ୍‍ତିଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 13:5

ନାନେ ମିକିଂଙ୍କ୍ କେତୁତାନ୍, ଇଲା, ବାତେଙ୍କ୍ ଇତ୍କେ ପାପତାଗାଙ୍କ୍ ମନ୍ ପରିବର୍ତ୍ତନ୍ ମାଡ଼କଟ୍ ମାତ୍‍କେ ମିଡ଼୍‍ଆନ୍‌‍ତେ ସାରେ ରକମ୍ ନଷ୍ଟ ଆଦ୍‍ତିଡ଼୍ ।

୨ କରନ୍ତିୟ 12:21

ଇଞ୍ଜେ ମିଇ ପାକେ ଆଦାନ୍ ୱେଲେ ଆଲେନ୍ ଇଶ୍ୱର୍ ମିଇ ସାକ୍ଷାତ୍‍ତେ ନାକିଂଙ୍କ୍ ଅୟିରାଣ ମାଡ଼ିତଡ଼୍, ବେନଡ଼୍ ମୁନେଙ୍କ୍‍କଞ୍ଜ ପାପ୍ ମାଡ଼୍‍ତଡ଼୍, ବାତେଙ୍କ୍ ଇତ୍‍କେ ଅଡ଼ାଦ୍‌ ଅଶୁଚି ପାଡ଼୍‍ୟି ମାଡ଼୍‍ତାଦ୍‍, ବାଣ୍ଡା ନୁ ବ୍ରଷ୍ଟାଚାର୍ ସେଙ୍ଗେ ଅନୁତାପ୍ ଆୟ୍‍ୟଡ଼୍, ଇଦ୍‍ଲେକାମ୍ ନାର୍‍ଗେ ନାରୁଡ଼୍ ସେଙ୍ଗେ ନାକିଂଙ୍କ୍ ଦୁଃକାମ୍ ମାଡ଼ାନଙ୍କ୍ ଆଦ୍‍ତେ ।

ପ୍ରକାଶିତ୍‌ ବାକ୍ୟ 11:13

ଟିକ୍‍ ଆଦ୍‍ ସମୟତେ ଗାଟି ବୁମିକମ୍ପ ଆତ୍‍ତେ, ନାର୍ଦେ ୱେରଡ଼୍ ଦଶମାଂଶ ଦଂସ ଆତ୍‌ତେ ନୁ ବୁମିକମ୍ପତେ ସାତ୍‍ ହଜାର୍‍ ନାରୁଡ଼୍ ଡଲ୍‍ତଡ଼୍ । ଗେଲ୍‍ସି ମାନ୍ଦାନ୍ ନାରୁଡ଼୍ ୱେରସ୍‍ମିକା ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍‌ତିଙ୍କ୍ ମନ୍‍ଦେ ସ୍ତୁତିବାଦ୍ ମାଡ଼୍‍ତଡ଼୍ ।

ପ୍ରକାଶିତ୍‌ ବାକ୍ୟ 14:7

ଆଦ୍ ଗାଟି ଲେଙ୍ଗ୍‍ଦେ କେସମାନ୍‍ନୁଡ଼୍, “ଇଶ୍ୱର୍‌ତିଙ୍କ୍ ୱେର୍‍ମୁଟ୍, ତାନ୍ ଆତ୍ମାତେ ପ୍ରସଂଶା ମାଡ଼ାଟ୍, ବାତିଙ୍କ୍ ଇତ୍‍କେ ନାରୁଡ଼୍‍ତେ ବିଚାର୍ ୱାସ୍ ଏୱୁତେ । ସ୍ୱର୍ଗ, ପୃତିବି, ସମୁଦ୍ର ନୁ ସାରେ ଏର୍‍ଦିଙ୍କ୍‍ ତିଆର୍‍ ମାଡ଼୍‍ତେ ସୃଷ୍ଟି କର୍‌ତାଙ୍କ୍‌ ପୁଜା ମାଡ଼ାଟ୍‍ ।”

ପ୍ରକାଶିତ୍‌ ବାକ୍ୟ 16:21

ପଚାଶ୍‍ କିଲଗ୍ରାମ୍ ପୁୱୁତ୍‍ତେ ବେଡ଼୍‍ୟାଦ୍ କରକାମାନ ମାବ୍‍ତାଗାଙ୍କ୍ ନାରୁଡ଼୍‍ ପରୁ ରାଲ୍‍ତେ, ନାରୁଡ଼୍ ଆଦ୍ ବାଡ଼ିୟ୍‍ ବିପଦ୍‍ତେ ସେଙ୍ଗେ ଇଶ୍ୱର୍‌ତିଙ୍ଗ୍ ଅବିଶାପ୍‌ ଇତ୍‍ତଡ଼୍ ।

ପ୍ରକାଶିତ୍‌ ବାକ୍ୟ 2:21

ପାପତାଗାଙ୍କ୍ ମାଲ୍‍ସ୍‍ ୱାଦାନ୍ ସେଙ୍ଗେ ନାନେ ଆଦିଙ୍କ୍ ସମୟ ଇସ୍‍ମିନ୍ଦେନ୍, ଇତ୍କେ ଆଦ୍ ନିଜେତ୍ ଦୁଷ୍କର୍ମ କାମ୍ ୱିଡ଼୍‍ସାନ୍ ସେଙ୍ଗେ ଇଚ୍ଛା ମାଡ଼ ।

ପ୍ରକାଶିତ୍‌ ବାକ୍ୟ 9:20

ମହାମାରିତାଗ୍‍ ବିନଷ୍ଟ ଆୟ୍‍ୱ ନାରୁଡ଼୍‍ ଜାତି ଆଗେବା ବେସୁଟ୍‌ ମିକା ପରିବର୍ତନ୍ ଆୟଡ଼୍ । ଅଡ଼୍‌‍ ବୁତ୍‌କିନ୍ ପୂଜାକିଙ୍କ୍ ୱିଡ଼୍‍ସଡ଼୍ । ଉଡ଼ାନାଦ୍, କେଞ୍ଜାନାଦ୍ ନୁ ତାକାନ୍‍ ଶକ୍ତି, ସୁନା, ରୁପା, ପିତଲ୍ ମିକା ୱେର୍କି କାଲ୍‍କିନ୍ ପ୍ରତିମା ପୂଜା ୱିଡ଼୍‍ସଡ଼୍‍ ।