ପ୍ରକାଶିତ୍‌ ବାକ୍ୟ 13:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ତାନ୍‍ପେର୍କେ ନାନେ ଉଡ଼୍‍ତାନ୍, ୱରଡ଼୍ ଜନ୍ତୁ ସମୁଦ୍ରତାଗାଙ୍କ୍ ତେଦି ୱାଦୁତ୍ । ତାନାୱୁ ଦଶ୍‌ଟାନ୍ କଅକ୍ ନୁ ସାତ୍‍ଟାନ୍ ତାଲା । ସାରେ କଅକ୍‌କିନାଗ୍ ୱେର ସହଜ୍‍ ମାତ୍‍ତା ନୁ ସାରେ ତାଲାନାଗ୍ ୱେର ଇଶ୍ୱର୍‌ତେ ନିନ୍ଦାଆତ୍‍ନଡ଼୍ ପେଦେରି ଲେକା ଆସ୍‍ମାନ୍‍ନୁ ।

ପ୍ରକାଶିତ୍‌ ବାକ୍ୟ 13:1 Iomraidhean Croise

ପ୍ରକାଶିତ୍‌ ବାକ୍ୟ 11:7

ଅଡ଼୍‌‍ ଗଟି କେତାନାଦ୍ ତେର୍‍ସ୍ପାନ୍ ପେର୍କେ ପାତାଲ୍‍ ପୁର୍‍ତାଗାଙ୍କ୍ ୱେରଡ଼୍ ପଶୁ ତେଦି ୱାସ୍ ଅଡ଼୍‌‍ ବିରୁଦ୍ଦତେ ଯୁଦ୍‍ମାଡ଼ିତେ ।

ପ୍ରକାଶିତ୍‌ ବାକ୍ୟ 12:3

ମାବ୍‍ତାଗ୍ ମେଣ୍ଡନ୍ ୱେରଡ଼୍ ଅବୁଦ୍ ଦୃଶ୍ୟ ତନ୍‍ନ୍ତେ । ଲୋଇତ କଲର୍‍ତେ ତାଡ଼ାମ୍ ଇନା ୱେରଡ଼୍ ବିକଲାଟ ପଶୁ, ତାନଦ୍ ସାତ୍‍ଟାନ୍ ତାଲା, ଦଶ୍‍ଟାନ୍ କଅକ୍‌ ନୁ ସାରେ ତାଲାନାଗ୍ ୱେର ସହଜ୍‍ ମାନ୍‍ନୁ ।

ପ୍ରକାଶିତ୍‌ ବାକ୍ୟ 13:11

ତାନ୍‍ପେର୍କେ ନାନେ ଉଡ଼୍‍ତାନ୍, ମେଣ୍ଡେ ୱେରଡ଼୍ ଜନ୍ତୁ ବୁମ୍‌ତାଗାଙ୍କ୍‍ ତେଦି ୱାଦୁତେ । ମେଣ୍ଢା ଲେକାମ୍ ତାନାୱୁ ରେଣ୍ଡ୍‍ କଅକ୍‌ ମାତ୍‍ତା ନୁ ଆଦ୍ ମୁନେତ୍‍ ତାଡ଼ାମ୍ ଇନା ଗଟି କେସମାତ୍‍ତା ।

ପ୍ରକାଶିତ୍‌ ବାକ୍ୟ 13:14

ପ୍ରତମ୍ ଜନ୍ତୁତ୍‍ ଗାରେ ଇଦ୍‍ଲେକାମ୍ ନାର୍ଗେ ଆଶର୍ଯ୍ୟ କାମ୍ ମାଡ଼ି ପୃତିବିତେ ସାରେତଡ଼୍‍ ନାରୁଡ଼୍‍କ୍‍ ପ୍ରତାରନ୍ ମାଡ଼୍‍ତେ । କଡ଼୍‍ଗତଡ଼୍ ଆଗାତ୍ ଆସ୍ ଆରୋଗ୍ୟ ଆସ୍‍ ମାନ୍ଦାନ୍ ପ୍ରତମ୍ ଜନ୍ତୁ ସମ୍ମାନ ସେଙ୍ଗେ ତାନ୍ ଲେକାତ୍ ୱେରଡ଼୍ ମୁର୍ତି ତିଆର୍‍ ମାଡ଼ାନ୍ ସେଙ୍ଗେ ଦ୍ୱିତିୟ ଜନ୍ତୁ ନାରୁଡ଼୍‍କିଙ୍କ୍ ଆଦେଶ୍‍ ଇତ୍‍ତେ ।

ପ୍ରକାଶିତ୍‌ ବାକ୍ୟ 13:15

ପ୍ରତମ୍ ଜନ୍ତୁତେ ମୁର୍ତି ଲେକାମ୍‍ ଜିୱୁଣ୍ଡ୍‍ ଇସ୍ ଉଦ୍‍ତଣ୍ଡ୍‍ ଆଦିଙ୍କ୍ ଜିୱେ ମାଡ଼ାନାଦ୍ ଉପାୟ୍‍ ଦ୍ୱିତିୟ ଜନ୍ତୁ ପୁଞ୍ଜ୍‍ମାତ୍‍ତେ । ସାରେଦିନାତ୍‍ ମୁର୍ତି ଗଟି କେତ୍‍ତେ ନୁ ବେନଡ଼୍‍ ତାଂଙ୍କ୍ ପୁଜା ମାଡ଼ଡ଼୍‍, ଅଡ଼୍‌‍କିଂଙ୍କ୍ ସଂହାର୍‍ ମାଡ଼ାନଙ୍କ୍ ପାର୍‍ଦ୍‍ତେ ।

ପ୍ରକାଶିତ୍‌ ବାକ୍ୟ 15:2

ତାନ୍‍ ପେର୍କେ ନାନ୍ ଉଡ଼୍‍ତାନ୍‍, କିସ୍‍ କାଇଲ୍‍ତେ କଞ୍ଚ୍‍ ସମୁଦ୍ରଇନା ଅଣ୍ଡ୍‌ ଦୁସ୍ୟ । ଆଦ୍‍ ସମୁଦ୍ରଗାରେ ନିସ୍‍ମାତଡ଼୍ ଜିଡ଼୍‍ତ୍‍ନଡ଼୍ ଇଡ଼୍ ପଶୁ, ପଶୁତେ ତାନ୍‍ଲେକାମ୍ ନୁ ମୁନେତ୍‍ ସଂକ୍ୟା ତଡ଼ ଏଞ୍ଜ୍‍ତେ ଆଦ୍ ଦୁରାତ୍ମା ପରୁ ଜିଡ଼ିମାତ୍‍ତଡ଼୍ ।

ପ୍ରକାଶିତ୍‌ ବାକ୍ୟ 16:13

ତାନ୍‍ପେର୍କେ ନାନେ ପାଣ୍ଡେ ଲେକେତାୱୁ ମୁଣ୍ଡ୍ ପେତ୍‍ତାତ୍ମାକିଙ୍କ୍ ଉଡ଼୍‍ତାନ୍ । ଆୱୁ ମୁନେଙ୍କ୍‍ତାୱୁ ତାଡ଼ାକ୍, ପଶୁ ନୁ ବଣ୍ଡବାବବାଦିନ୍ ମକତାଗାଙ୍କ୍ ପେଇସ୍‍ମାନ୍‍ନୁ ।

ପ୍ରକାଶିତ୍‌ ବାକ୍ୟ 17:16

ମିଡ଼୍ ଉଡ଼ିମାନ୍ଦାନ୍ ସାତ୍‍ଟାନ୍ କଅକ୍ ନୁ ଆଦ୍ ପଶୁ, ବ୍ୟାସାଙ୍କ୍ ଗୃଣା ମାଡ଼ିତେ; ଅଡ଼୍‌‍ ତାନାଗାଙ୍କ୍ ତାନାୱୁ ସାରେ ୱିର୍‍ପ୍ତି ଆସ୍ ଆଦିଙ୍କ୍ ବାଣ୍ଡି ମାଡ଼ି ୱିଡ଼୍‍ସିଦ୍‍ତଡ଼୍ । ଅଡ଼୍‌‍ ତାନ୍‍ ଆୱୁଙ୍ଗ୍‍ ତିନ୍‍ତଡ଼୍‍, ମେଣ୍ଡେ ଆଦିଙ୍କ୍‍ କିସ୍‍ତାଗ୍‍ ୱାଟି ଦଂସ ମାଡ଼ିତଡ଼୍‍ ।

ପ୍ରକାଶିତ୍‌ ବାକ୍ୟ 17:3

ଆସୁଙ୍ଗ୍ ପବିତ୍ରଆତ୍ମା ନାୟାଗ୍‍ ଅଦିଷ୍ଟାନ୍ ମାଡ଼୍‍ତେ ନୁ ଆଦ୍ ଦୂତ ନାକିଙ୍କ୍ ୱେରଡ଼୍ ଉସ୍କ ନେଲ୍‍ଦାଗ୍ ଆତ୍‍ତେ । ଆଗେ ନାନେ ଉଡ଼୍‍ତାନ୍, ୱେରଡ଼୍ ନାଟାଡ଼୍ ୱେରଡ଼୍ ଏର୍‍ରେ ରଙ୍ଗ୍‍ତେ ପଶୁତ୍‍ ପରୁ କୁଦ୍‍ତେ । ପଶୁତେ ସାରେପାକ୍ ମେନ୍ଦୁଲ୍‍ତାଗ୍ ଇଶ୍ୱର୍‌ତେ ନିନ୍ଦ୍‍ତଡ଼୍ ପେଦେର୍‍ରି ଲେକା ଆସ୍‍ମାନ୍‍ନୁଡ଼୍ । ନୁ ତାନ୍‍ଉ ସାତ୍‍ଟାନ୍ ତାଲ୍‍ଲା ନୁ ଦଶ୍‍ଟାନ୍ କଅକ୍‌ମିନ୍ଦେ ।

ପ୍ରକାଶିତ୍‌ ବାକ୍ୟ 17:5

ତାନ୍‍ ମୁଞ୍ଜିନାଗ୍ ୱେରଡ଼୍ ରଅସ୍ୟତେ ମିଞ୍ଜିମାନ୍ଦାନ୍‍ ପେଦେର୍‍ ଲେକା ଆସ୍‍ମାନ୍‍ନୁଡ଼୍; “ମହାନ୍ ବାବିଲନ୍, ପୃତିବିତେ ସାରେତଡ଼୍ ବେସ୍ୟା ନୁ ବ୍ରଷ୍ଟାସାର୍‍ତେ ଜନିନି ।”

ପ୍ରକାଶିତ୍‌ ବାକ୍ୟ 19:19

ତାନ୍‍ପେର୍କେ ନାନେ ଉଡ଼୍‍ତାନ୍, ଆଦ୍ ଗୁରାତଡ଼୍‍ ନୁ ତାନ୍ ସୈନ୍ୟନଡ଼୍ ବିରୁଦ୍ଦତେ ଯୁଦ୍‌ ମାଡ଼ାନ୍ ସେଙ୍ଗେ ସାରେ ପଶୁ ନୁ ପୃତିବିତେ ସାରେତଡ଼୍ ରାଜା ନୁ ଅଡ଼୍‌ ସୈନ୍ୟନଡ଼୍ ଅଣ୍ଡୟ୍‌‍ତାଗ୍ ଆତ୍‍ତଡ଼୍ ।