ପ୍ରକାଶିତ୍‌ ବାକ୍ୟ 11:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ଆଦ୍ ଅଡ଼୍‌‍କିଂଙ୍କ୍ ପାରାଜିତ୍ ମାଡ଼ି ଆୱୁକିତ୍‍ତେ ନୁ ବେନ୍ ବେଡ଼ୀଇ ନାର୍‍ଦାଗ୍, ରାଜ୍‍ ଆର୍‍ଦାଗ୍ ପ୍ରବୁ କ୍ରୁଶବିଦ୍ଦ ଆସ୍‍ମାତ୍‍ତନ୍, ଆଗେ ଅଡ଼ାଦ୍‌ ମଡ଼୍‍ ରାଲି ମାନ୍ଦାନ୍ତେ । ଆଦ୍ ଶହର୍‍ତିଙ୍କ୍ ସଦୋମ୍‍ ବା ମିସର୍ ଇଞ୍ଜ୍ କେତାଙ୍କ୍ ଆଦ୍‍ତେ ।

ପ୍ରକାଶିତ୍‌ ବାକ୍ୟ 11:8 Iomraidhean Croise

ମାତିଉ 10:15

ନାନ୍ ନିକିଂଙ୍କ୍ ନିଜାମ୍‍ କେତୁତନ୍, ବିଚାର୍ ଦିନାତେ ହିଡ଼ାକଞ୍ଜ୍ ସଦୋମ୍‍ ନୁ ଗମୋରାତେ ନାରୁଡ଼୍‍କିଂଙ୍କ୍ ଇଶ୍ୱର୍ ଅଦିକ୍‌ ଅନୁଗ୍ରହ ମାଡ଼ିତନ୍ ।

ପ୍ରେରିତ 9:4

ଅଣ୍ଡ୍‌ ବୂମ୍‌ଦାଗ୍‍ ରାୟ୍‍ତଣ୍ଡ୍ ନୁ ଅଣ୍ଡୟ୍‌‍ଗଟ୍ କେଞ୍ଜ୍‍ତଣ୍ଡ୍, “ଶାଉଲ୍ ! ନିମ୍‍ ବାତେଙ୍କ୍ ନାକିଂଙ୍କ୍ ଗାଟିତିପାଲ୍ ମାଡ଼ୁତି ?”

ଏବ୍ରୀ 13:12

ଆଦେଲେକାମ୍ ଜିସୁ ମିକା ନିଜେତ୍ ନେତୁର୍‍ତେ ନାରୁଡ଼୍‍କିଙ୍କ୍ ପାପତାଗାଙ୍କ୍ ପରିଷ୍କାର୍‍ ମାଡ଼ାନ୍ ସେଙ୍ଗେ ନାର୍‍ଦେ ବାଇଦେ ଡଲ୍‍ତନ୍ ।

ଏବ୍ରୀ 6:6

ଆଗେକ୍‍ବା ଅଡ଼୍‌‍ ବିଶ୍ୱାସ୍‍ ଆରାମାଡ଼୍‍ତଡ଼୍‍, ଆଦିଙ୍କ୍‍ ଅଡ଼୍‌‍ ମେଣ୍ଡନ୍‍ଦାମ୍‍ ଅନୁତାପ୍‍ ମାଡ଼ାନ୍‍ ସେଙ୍ଗେ ଅଡ଼୍‌‍କିଂଙ୍କ୍‍ କେତେ ପାର୍‍ନାୟ । ବାତାଙ୍କ୍‌ଇତ୍‌କେ ଅଡ଼୍‌‍ ମାନ୍‍ ପରମେଶ୍ୱରନ୍‌ ମାରିଙ୍କ୍‍ ମେଣ୍ଡେ କୃଶତାଗ୍‌ କୁଟି କଟି ଅଂକିଙ୍କ୍‌ ପରିହାସ୍‍ ମାଡ଼ୁତଡ଼୍‍ ।

୨ ପିତର୍‌ 2:6

ତାନ୍‍ପେର୍କେ ଇଶ୍ୱର୍ ସଦୋମ୍‍ ନୁ ଗମୋରା ନଗର୍‍ ରେଣ୍ଡିଙ୍କ୍ ଦଣ୍ଡଇସ୍‍ କିସ୍‍ତେ ଦଂସ ମାଡ଼୍‍ତନ୍ ନୁ ଦାର୍ମାମ୍‌ ଇଲ୍‍ୱେ ନାରୁଡ଼୍‍ ସେଙ୍ଗେ ବାତେ ଗଟେମ୍‍ ଆଦ୍‍ତେ, ଇୱୁ ରେଣ୍ଡ୍ ନାର୍‍କିଙ୍କ୍ ଅନାଦ୍‌ ୱେଷଡ଼୍ ଲେକାମ୍ ନେଃଏତଣ୍ଡ୍‍ ।

ଯିହୁଦା 1:7

ସଦୋମ୍‍ ନୁ ଗମୋରା ମେଣ୍ଡେ ତାନ୍ ବକେତ୍ ମାନ୍ଦାନ୍ ନଗରିକିନ୍ ଦସା ଏର୍କା ମାଡ଼ାଟ୍ । ଅଡ଼୍‌ ଆୱୁ ଦୂତକିନ୍ ରକମ୍ ବ୍ୟବହାର୍‌ ମାଡ଼ି ଇନ୍ଦ୍ରିୟ ଲାଲସା ନୁ କାରାପ୍ ପାଡ଼୍‍ୟିତାଗ୍ ମୁଡ଼ୁନ୍ଦି ଆଦ୍‍ତଡ଼୍ । ମେଣ୍ଡେବାଗାତଡ଼୍‍କିଂକ୍ ସତର୍କ ମାଡ଼ାନ୍ ସେଙ୍ଗେ ଅଡ଼୍‌ ସାରେଦିନେ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ପାଏମ୍ ଆଦୁତଡ଼୍‍ ।

ପ୍ରକାଶିତ୍‌ ବାକ୍ୟ 11:13

ଟିକ୍‍ ଆଦ୍‍ ସମୟତେ ଗାଟି ବୁମିକମ୍ପ ଆତ୍‍ତେ, ନାର୍ଦେ ୱେରଡ଼୍ ଦଶମାଂଶ ଦଂସ ଆତ୍‌ତେ ନୁ ବୁମିକମ୍ପତେ ସାତ୍‍ ହଜାର୍‍ ନାରୁଡ଼୍ ଡଲ୍‍ତଡ଼୍ । ଗେଲ୍‍ସି ମାନ୍ଦାନ୍ ନାରୁଡ଼୍ ୱେରସ୍‍ମିକା ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍‌ତିଙ୍କ୍ ମନ୍‍ଦେ ସ୍ତୁତିବାଦ୍ ମାଡ଼୍‍ତଡ଼୍ ।

ପ୍ରକାଶିତ୍‌ ବାକ୍ୟ 11:9

ସାରେ ଦେଶ୍, ନାର୍‍କ୍‍, ବାଷାବାଦି ନୁ ଜାତିତେ ନାରୁଡ଼୍ ମୁଣ୍ଡ୍ ଦିନା ଆଦା ଯାକ ଆୱୁ ମଡ଼୍‍କିଙ୍କ୍ ଉଡ଼ିତଡ଼୍ ନୁ ଆୱିଙ୍କ୍ ସମାଦି ଇଦାନଙ୍କ୍ ୱିଡ଼୍‍ସିୱଡ଼୍‍ ।

ପ୍ରକାଶିତ୍‌ ବାକ୍ୟ 14:20

ନାର୍ଦେ ବାଇଦେ ମାନ୍ଦାନ୍ ଆଦ୍ କୁଣ୍ଡତାଗ୍ ଦ୍ରାକ୍ଷାକିଙ୍କ୍ ଆଦ୍‍ମିତ୍‍ତଡ଼୍ ନୁ ଆଗାଙ୍କ୍ ୩୦୦ କିଲମିଟର୍ ଯେକା ନୁ ରେଣ୍ଡ୍ ମିଟର୍ ପର୍‍ରକଞ୍ଜ ନେତୁର୍ ୱାତ୍‍ତେ ।

ପ୍ରକାଶିତ୍‌ ବାକ୍ୟ 14:8

ଆଦ୍ ମୁନେତ୍‍ ଦୂତତେ ପେର୍କେ ମେଣ୍ଡନ୍ ଦୂତ ୱାସ୍ କେତ୍‍ତେ, “ତାନାଦ୍ ପତନ୍ ଗଟେମ୍‍ଆତ୍‍ତେ । ମହାନ୍‌ ବାବିଲନ୍ ଦଂସ ଆତ୍‍ତେ । ଅଣ୍ଡ୍‌ ତାନ୍ ମାଡ଼ମାନ୍ଦାନ୍ କାମ୍‍ ଲେକାମ୍ କାଲ୍ ଉସ୍‍ପିମିକା ସାରେତଡ଼୍‍କ୍ ମାତ୍‍ୱାର୍ ମାଡ଼ିମାତ୍‍ତେ ।”

ପ୍ରକାଶିତ୍‌ ବାକ୍ୟ 16:19

ବେଡ଼୍‍ୟା ନାର୍‍କ୍ ମୁଣ୍ଡ୍‍ଦୁଡ଼ା ଲାକା ୱେକ୍‍ ଆତ୍‍ତା, ପୃତିବି ସାରେ ନାର୍‍କ୍ ଦଂସ ଆତ୍‍ତା । ଇଶ୍ୱର୍‍ ବେଡ଼୍‍ନାର୍ ବାବିଲନ୍‍ତିଙ୍କ୍ ମାର୍‍ଙ୍ଗ୍‍ୱେ ମାତ୍‍ତନ୍ । ଅଣ୍ଡ୍‌ ତାନ୍ ପାନପାତ୍ର ତାଗାଙ୍କ୍ ତାନ୍ ଗାଟି କପାମ୍‍ତେ ସୁରାମ୍‍ ଅଙ୍କ୍‌ ଉସ୍‍ପ୍‌ତଡ଼୍ ।

ପ୍ରକାଶିତ୍‌ ବାକ୍ୟ 17:1

ତାନ୍‍ପେର୍କେ ସାତ୍‍ଟାନ୍ ଗିନା ପଇତ୍‍ତେ ସାତ୍‍ଟାନ୍ ଦୂତନାଗାଙ୍କ୍ ୱେରଣ୍ଡ୍ ନାୟାଗ୍‍ ୱାସ୍ କେତ୍‍ତନ୍, “ୱାଡ଼େ ! ନାର୍ଗେ ଇଲ୍‍କେ ଗାର୍ରେ ତିଆର୍‍ ଆତ୍‍ତେ ବେସ୍ୟା ଲେକାମ୍ ଆଦ୍ ବାଡ଼୍‍ୟେ ନଗର୍‍ତିଙ୍କ୍ ବେଲା ଶାସ୍ତି ଆଦ୍‍ତେ, ଆଦ୍ ତଅତିତାନ୍ ।

ପ୍ରକାଶିତ୍‌ ବାକ୍ୟ 17:18

“ମିଡ଼୍ ବେନ୍ ନାଟାଡ଼୍‍ତିଙ୍କ୍ ଉଡ଼୍‍ତିଡ଼୍, ଆଦ୍ ଅଦୁତ୍, ପୃତିବିତେ ରାଜାନଡ଼୍ ପରୁ ଶାସନ୍‍ ମାଡ଼ମାନ୍ଦାନ୍ ଆଦ୍ ବେଡ଼ିୟ୍ ନଗର୍ ।”

ପ୍ରକାଶିତ୍‌ ବାକ୍ୟ 17:5

ତାନ୍‍ ମୁଞ୍ଜିନାଗ୍ ୱେରଡ଼୍ ରଅସ୍ୟତେ ମିଞ୍ଜିମାନ୍ଦାନ୍‍ ପେଦେର୍‍ ଲେକା ଆସ୍‍ମାନ୍‍ନୁଡ଼୍; “ମହାନ୍ ବାବିଲନ୍, ପୃତିବିତେ ସାରେତଡ଼୍ ବେସ୍ୟା ନୁ ବ୍ରଷ୍ଟାସାର୍‍ତେ ଜନିନି ।”

ପ୍ରକାଶିତ୍‌ ବାକ୍ୟ 18:10

ତାନ୍ ଦୁଃକାମ୍ କଷ୍ଟତେ କାଇଲାନଙ୍କ୍ ୱେର୍‍ସ୍‍ମିକା ଅଡ଼୍‌‍ ତାନାଗାଙ୍କ୍ ନାର୍ଗେ ଯେକାନିସ୍ ମାନ୍‍ନ୍ତଡ଼୍ ନୁ ଆୟୁ, ଆୟୁ ଇଞ୍ଜ୍ କେତିତଡ଼୍, କି ବୟଙ୍କାର୍ ! କି ବୟଙ୍କର୍‍ ! ନିମେ ବାତେ ଆ ପରାକ୍ରାନ୍ତ ବେଡ଼୍‍ଇ ନାର୍ଦେ ବାବିଲନ୍ ! ମାତର୍ ଅଣ୍ଡୟ୍‌ ଗାଣ୍ଟା ଲୋପେ ଇଦ୍‍ଲେକାମ୍ ଶାସ୍ତି ପାଏମ୍ ଆତ୍‍ତିନ୍ !

ପ୍ରକାଶିତ୍‌ ବାକ୍ୟ 18:18

ନୁ ଦଗ୍‍ଦ ଆଦାନ୍ ନାକିନାଗ୍ ଉମେ ଉଡ଼ି ଗାଟି ଲେଙ୍ଗ୍‍ଦେ କେତ୍‍ତଡ଼୍, “ଇଦ୍ ମହାନଗର୍‍ତେ ଲେକାମ୍ ମେଣ୍ଡେ ବେନେ ନଗର୍ ଇଲ୍‍ୱେ ମାତ୍‍ତେ ।”

ପ୍ରକାଶିତ୍‌ ବାକ୍ୟ 18:2

ଆଦ୍ ଗାଟି ଲେଙ୍ଗ୍‍ଦେ କେତ୍‍ତେ, “ତାନାଦ୍‌ ପତନ୍‍ ଗଟେମ୍‍ ଆତ୍‍ତେ । ମହାନ୍ ବାବିଲନ୍ ଦଂସ ଆସ୍‍ମିନ୍ଦେ ! ଆଦ୍ ଇଞ୍ଜେ ଅଶୁଚି ପ୍ରେତାତ୍ମାକି ମାନ୍ଦାନ୍ ପଡ଼ିୟେ ଆସ୍‍ମିନ୍ଦେ । ସାରେଲେକାମ୍ ଅଶୁଚି ନୁ ପିଟେ ତୁଉକା ମାଡ଼ି ଆଗ୍‍ଗେ ମିନ୍ଦେ ।

ପ୍ରକାଶିତ୍‌ ବାକ୍ୟ 18:21

ତାନ୍‍ପେର୍କେ ୱେରଣ୍ଡ୍ ଗାଟି ପ୍ରତାପି ଦୂତ ଜାତେକାଲ୍ ଲେକାମ୍ ୱରଡ଼୍ ବେଡ଼୍‍ୟାଦ୍ ବାଣ୍ଡ୍‍କାଲ୍ ଆସ୍ ସମୁଦ୍ରତାଗ୍ ଏସ୍‍ତନ୍ ନୁ କେତ୍‍ତନ୍, “ମହାନ୍‍ ନଗର୍‍ତେ ବାବିଲନ୍ ଇଦ୍‍ଲେକାମ୍ ଏସ୍‍ତେ ଆଦ୍‍ତନ୍ ନୁ ଆଦିଙ୍କ୍ ମେଣ୍ଡେ ବେନ ବେସୁଙ୍କ୍‍ ଉଡ଼େ ପାର୍‍ୱଡ଼୍ ।

ପ୍ରକାଶିତ୍‌ ବାକ୍ୟ 18:24

ମେଣ୍ଡେ ଇଦ୍ ନାର୍ଦାଗ୍ ପୃତିବିତେ ନାର୍ଗେ ବାବବାଦିଡ଼୍ ନୁ ସାଦୁନଡ଼୍ ନେତୁର୍‍ ଇସ୍‍ମାତ୍‍ତଡ଼୍ । ଇୱୁସାରେ ପାପତ୍‍ ସେଙ୍ଗେ ଅଣ୍ଡ୍‌ ସମାନ୍‍ ଦଣ୍ଡ୍‍ ପାଏମା ଆତ୍‍ତନ୍ ।