ପ୍ରକାଶିତ୍‌ ବାକ୍ୟ 11:12 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹² ମେଣ୍ଡେ, ଅଡ଼୍‌ ଇର୍‍ୱୁଡ଼୍ ବାବବାଦି ଅଡ଼୍‌‍କିଂଙ୍କ୍ ସ୍ୱର୍ଗତାଗାଙ୍କ୍ ଗାଟିଲେଙ୍ଗ୍‍ଦେ ଇଦ୍ ଗଟ୍ କେସମାନ୍ଦାନ୍ ୱେରଡ଼୍ ଲେଙ୍ଗ୍‍ କେଞ୍ଜ୍‍ତଡ଼୍‍, “ଇଗେ ୱାଡ଼ାଟ୍ !” ଅଡ଼୍‌‍ ଶତ୍ରୁନଡ଼୍ ଉଡ଼ଉଡ଼, ଅଡ଼୍‌‍କିଂଙ୍କ୍‍ ମାବ୍‍ନେକି ମିକା ସ୍ୱର୍ଗତା ଆତ୍‍ତେ ।

ପ୍ରକାଶିତ୍‌ ବାକ୍ୟ 11:12 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 16:23

ଆସୁଟେ, ଅଣ୍ଡ୍‌ ନର୍କ ତିପାଲ୍‍ତାଗେ କଲବଲ ଆସ୍‍ ପରୁ ଯେକା ଉଡ଼୍‍ତଣ୍ଡ୍ ଅବ୍ରାହାମ୍‌ତେ ଗୁଦ୍‍ତାଗ୍‍ ଲାଜାର୍‍ତିଙ୍କ୍ କୁଦିମାନ୍ଦାନାଦ୍ ଉଡ଼୍‍ତଣ୍ଡ୍ ।

ପ୍ରେରିତ 1:9

ଇଦ୍ କେତ୍‍ତେ ପେର୍‍କେ ଜିସୁଙ୍କ୍ ସ୍ୱର୍ଗତାଗ୍ ମାୟିଆତ୍‍ତାଦ୍ ଅଡ଼୍‌ ଉଡ଼୍‍ତଡ଼୍ ନୁ ୱେରଡ଼୍ ମାବ୍ ଲୋପେ ଅଣ୍ଡ୍‌ ଅଡ଼ାୱୁ କଣ୍ଡାନ୍ ମୁନେକନ୍ସ୍ ମାୟିଆତ୍‍ତଣ୍ଡ୍ ।

୧ ଥେସଲନିୟ 4:17

ତାନ୍ ପେର୍‍କେ ବେନଡ଼୍ ଆଦ୍ ସମୟ୍‍ତେ ଜିୱୁନ୍ ମାନ୍‍ତମ୍, ମାବ୍‍ତାଗ୍ ଅଡ଼୍‌‍ତଡ଼୍ ଉତ୍‍ତାପିତ ଆସ୍ ମୟଲ୍‍ତାଗ୍ ପ୍ରବୁନ୍‍ତଡ଼୍ ସାକ୍ଷାତ୍ ମାଡ଼ିତମ୍ । ତାନ୍ ପେର୍‍କେ ମାମ୍‍ମେ ସାରେଦିନାମ୍ ପ୍ରବୁନ୍‍ତଡ଼୍ ମାନ୍‍ତମ୍ ।

ପ୍ରକାଶିତ୍‌ ବାକ୍ୟ 12:5

ଟିକ୍‍ ସମୟତେ ନାଟାଡ଼୍ ୱେରଡ଼୍ ପେକାଲ୍ ଜନମ୍ ମାଡ଼୍‍ତେ । କିନ୍ତୁ ଲୌଆ ଦଣ୍ଡତଡ଼୍ ସାରେ ଜାତି ପରୁ ରାଜତ୍ୱ ମାଡ଼ାନଙ୍କ୍ ଜନମ୍ ଆସ୍‍ମାନ୍ଦାନ୍ ପେକାଲ୍ ସାହାସ୍‍ ଉତ୍‌ତେଲିତ ଆସ୍ ଇଶ୍ୱର୍‌ତେ ସିଂହାସନ୍ ପାକେ ଆତ୍‍ତଡ଼୍,

ପ୍ରକାଶିତ୍‌ ବାକ୍ୟ 3:21

ନାନେ ବେଲାନ୍ ଜିଡ଼ି ମିକା ନା ବାବାନ୍ ତଡ଼୍ ତାନ୍ ସିଂହାସନ୍‌ତାଗେ କୁଦିମିନ୍ଦେନ୍, ବେନଡ଼୍ ୱେର୍‍ତଡ଼୍, ଅଣ୍ଡ୍‌ ସାରେତଡ଼୍‍କ୍ ନାନେ ଟିକ୍‌ ଆଦେଲେକାମ୍ ନାୟାଦ୍ ସିଂହାସନ୍‌ତାଗ୍ ନା ଗାରେ କୁଦାନଙ୍କ୍ ଅଦିକାର୍‌ ଇଦ୍‍ତାନ୍ ।

ପ୍ରକାଶିତ୍‌ ବାକ୍ୟ 4:1

ଇଦ୍ ସମୟତେ ନାନେ ୱେରଡ଼୍ ଦୃଶ୍ୟ ଉଡ଼୍‍ତାନ୍ । ସ୍ୱର୍ଗତାଗେ ୱେରଡ଼୍ ଦ୍ୱାର୍ କୁଲେମ୍ ଆସ୍‍ମାନ୍‍ନୁଡ଼୍ ନୁ ତୂରି ଲେଙ୍ଗ୍ ଇନା ୱେରଡ଼୍ କଣ୍ଠଲେଙ୍ଗ୍‍ ଦାଗାଙ୍କ୍ ନାକିଙ୍କ୍ ନିର୍ଦ୍ଦେଶ୍ ଦର୍‍କ୍‍ତେ; “ଇଗେ ତେଦି ୱାଡ଼େ । ଇଦିନ୍‍ ପେର୍କେ ବାତ୍‍ସାରେ ଗଟେମ୍ ଆଦାଙ୍କ୍ ଅଦୁତ୍, ଆଦ୍ ନାନେ ନିକିଙ୍କ୍ ତଅତିତାନ୍ ।”