ଫିଲିପିୟ 4:17 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁷ ଇତ୍କେ ମିୟାଗାଙ୍କ୍ ମାତର୍ ଦାନ ଗ୍ରହନ୍ ମାଡ଼ାନଙ୍କ୍ ନାନ୍ ଇଚ୍ଛା ମାଡ଼ନ୍; ଇଦିନ୍ ସେଙ୍ଗେ ମିଡ଼୍ ବେଲାନ୍ ଗାଟି ନାର୍ଗେ ଲାବ୍‍ତଡ଼ି ଆୟ୍‍ମୁଟ୍, ଇଦ୍ ନାୟାଦ୍ ଇଚ୍ଛା ।

ଫିଲିପିୟ 4:17 Iomraidhean Croise

ଯୋହନ୍‌‌ 15:16

ମିଡ଼୍ ନାକିଂଙ୍କ୍ ହେଞ୍ଚୱିଡ଼୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ହଞ୍ଚିମିନ୍ଦେନ୍, ମେଣ୍ଡେ ବେଲା ଆଞ୍ଜ୍ କାୟା ଆଦ୍‍ସ୍‍ପିତିଡ଼୍ ନୁ ମିୟାୱୁ କାୟା ସାରେଦିନା ଆଦଡ଼େ ମାନ୍‍ତା, ଇଦିନ୍ ସେଙ୍ଗେ ମିକିଂଙ୍କ୍ ହେଞ୍ଚିମିନ୍ଦେନ୍ । ଆଗାଙ୍କ୍ ମିଡ଼୍ ନା ପେଦେର୍ ତେ ବାବାଙ୍କ୍ ବାତେମିକା ତାଲ୍‍କିତିଡ଼୍, ଅଣ୍ଡ୍‌ ଆଦ୍ ମିକିଂଙ୍କ୍ ହିଦ୍‍ତଣ୍ଡ୍;

ଯୋହନ୍‌‌ 15:8

ମିଡ଼୍ ନାର୍‍ଗେ କାୟା ଆଦ୍‍କେ ନା ବାବାଲ୍ ମହିମାନିତ ଆଦ୍‍ତନ୍, ମେଣ୍ଡେ ମିଡ଼୍ ନା ସାଏତ୍ ଶିଷ୍ୟଡ଼୍ ଆଦ୍‍ତିଡ଼୍ ।

ରୋମୀୟ 15:28

ଯିରୁଶାଲେମ୍‍ତାଗ୍ ଆୱୁ ଡାବ୍‍କ୍ ଇସ୍ ନାୟାଦ୍ ପାଡ଼୍‍ୟି ତେର୍‍ସ୍ପ୍‍ତେ ପେର୍କେ, ନାନ୍ ସ୍ପେନ୍ ଦେଶ୍‍ ଆଦ୍‍ତାନ୍ ନୁ ଆର୍‍ଦାଗ୍ ମିକିଂଙ୍କ୍ ଉଡ଼ି ୱାଦ୍‍ତାନ୍ ।

୨ କରନ୍ତିୟ 11:16

ନାନ୍ ମେଣ୍ଡନ୍‍ନ୍ଦାମ୍ କେତୁତାନ୍, ବେନ ବେଲାନ୍ ନାକିଂଙ୍କ୍ ମଣ୍ଡି ଇଞ୍ଜ ହେର୍କା ମାଡ଼ଣ୍ଡ୍ । ଯଦି ଆଦ୍‍ଲେକାମ୍ ଏର୍କା ମାଡ଼ାଟ୍, ଆଲେକେ ନାକିଂଙ୍କ୍ ମଣ୍ଡି ଲେକାମ୍ ଗ୍ରହନ୍‍ ମାଡ଼ାଟ୍, ଆଲେକେ ନାନ୍ ଦର୍ପ ମାଡ଼ାନଙ୍କ୍ ସାମାନ୍ୟ ସୁଯୋଗ୍ ପାଏମ୍ ଆଦ୍‍ତନ୍ ।

୨ କରନ୍ତିୟ 9:5

ମିଡ଼୍ ପ୍ରତିଶ୍ରୁତି ଇସ୍ ମାନ୍ଦା‍ନ୍ ଦାନ ନେହେତାନ୍ ସେଙ୍ଗେ ଇ ଦାଦାନଡ଼୍‍କ୍ ନାନ୍ ଆଦାନ୍ ମୁନେଙ୍କ୍ ମିଇ ପାକେ ରଅତାନ୍‍ ସେଙ୍ଗେ ମାନ୍‍ ମାଡ଼୍‍ତାନ୍ । ଆଲେକେ, ନାନ୍ ମିଇ ପାକେ ହେୱୁଦାନ୍ ୱେଲେ ଇଦ୍ ଦାନ ଗୁଡ଼୍‍ପି ନେହେସ୍ ମାନ୍ଦାନ୍ ମିନ୍ଦେ । ଇଦିନ୍‍ତଡ଼୍ ମିଡ଼୍ ବାଦ୍ୟତଡ଼୍ ଇୱେକଟ ନିଜେତ୍ ଇଚ୍ଛାତେ ଇଦୁତିଡ଼୍ ଇଞ୍ଜ ପ୍ରକାଶ୍ ଆଦ୍‍ତେ ।

ଫିଲିପିୟ 1:11

ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ ।

ଫିଲିପିୟ 4:11

ନାନ୍ ନିଜେତିଙ୍କ୍ ଅବହେଲିତ ଆଲ୍‍ସି ଇଦ୍ ଗଟ୍ କେଲନ୍, ବାତେଙ୍କ୍ଇତ୍‍କେ ନାୟାୱୁ ବାତା ମିନ୍ଦେ, ଆସର୍‍ତିଙ୍କ୍ ସନ୍ତୁଷ୍ଟ ଆଦାନଙ୍କ୍‍ ନାନ୍ ଶିକ୍ଷା ମାଡ଼ୁତାନ୍ ।

୧ ଥେସଲନିୟ 2:5

ମିଡ଼୍ ସାୟେ ପୁତ୍‍ତିଡ଼୍ ଯେ, ମାମ୍‍ମେ କାରାପ୍ ଗଟି କେସ୍ ମିଇ ବକେତ୍ ୱାଡ଼ମ୍ ବା ଆଶେତଡ଼୍‍ ମିଇ ପାକେଙ୍କ୍ ଚଲ ବ୍ୟବହାର୍‌ ମାଡ଼୍‍ୱେ ମାତ୍‍ତମ୍, ଇଦ୍ ବିଷୟ୍‍ତେ ଇଶ୍ୱର୍ ମା ସାକ୍ଷି ।

୧ ତୀମତି 3:3

ଅଣ୍ଡ୍‌ କାଲ୍ ଉନ୍ଦାନଣ୍ଡ୍ ବା ଗଲ୍‍କ୍‍ ଆସମାନ୍ଦାନ୍ ନାରୁନ୍ ଆୟକଟ, କୋମଳ ନୁ ଶାନ୍ତିତେ ମାନ୍ତନ୍ । ଅଣ୍ଡ୍‌‍ ଦନ୍‍ ଲୋବି ଆୟ୍‍ୱେ ମାନ୍‍ନ୍ତେ ।

୧ ତୀମତି 6:10

ଅର୍ତଲୋବ୍ ସାରେତଡ଼୍ ଅନର୍ତତେ ମୁଲ । ବେନଡ଼୍ ସାରେଦାମ୍ ମାତର୍ ଅର୍ତାଗମନ୍ ପନ୍ଥା ମେହେକ ମାନ୍‍ତଡ଼୍, ଅଡ଼୍‌ ଦର୍ମବିଶ୍ୱାସ୍‍ତିଙ୍କ୍ ଆରାମାଡ଼ିତଡ଼୍, ମରିମାନତେ ମାତର୍ ନୁ ଦୁଃକାମ୍‍ତେ ଅଡ଼୍‌ ହୃଦୟ କଷ୍ଟ ଆଦ୍‍ତେ ।

ତୀତସ୍‌ 1:7

ବାତେଙ୍କ୍ ଇତ୍‍କେ ଦର୍ମଗୁରୁ, ଇଶ୍ୱର୍‌ତେ ନିୟମ୍ ଲେକାମ୍‍ତେ ନିର୍ଦୋଷ୍‍ ଆସ୍ ମାନ୍ଦାନ୍ ଦର୍‍କାର୍; ଅଣ୍ଡ୍‌ ନିଜେତ୍ ଇଚ୍ଛାତେ ପାଡ଼୍‍ୟି ମାଡ଼ମାନ୍‍ତଣ୍ଡ୍ କି କପାମ୍ କି କାଲ୍ ଉନ୍ଦାନଣ୍ଡ୍ କି ଗଲ୍‍କିନଣ୍ଡ୍ କି ଦନ୍ ଲବି ଆୟୱେ ମାନ୍‍ତଣ୍ଡ୍ ।

ତୀତସ୍‌ 3:14

ମାନ୍‍ ନାରୁଡ଼୍ ଗାଲା ଦର୍‍କାର୍ ସେଙ୍ଗେତ୍ ଉପ୍‍କାର୍ ମାୟ୍‍ଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସିଡ଼୍, ବେଲାକି ଅଡ଼୍‌ ମୁଲ୍ୟହିନ୍ ଆୟ୍‍ମାକିଡ଼୍ ।

ଏବ୍ରୀ 6:10

ଇଶ୍ୱର କାରାପ୍ ମାଡ଼ଣ୍ଡ୍‍, ମିୟାଦ୍‌ ପାଡ଼୍‍ୟି, ବିଶେଷ୍‍ ମାଡ଼ି ଆନ୍‌ୱେ ନାରୁଡ୍‌କିଙ୍କ୍‍ ସାହାଯ୍ୟ ମାଡ଼ି ଇଶ୍ୱରନ୍ ପର୍ର ମିଡ଼୍‍ ବେନ୍‍ ପ୍ରେମାମ୍ ତଅସ୍‌ ମିନ୍ଦେଡ଼ି, ଆଦ୍‌ ଅଣ୍ଡ୍‌ ମାର୍ଗଣ୍ଡ୍ ।

୧ ପିତର୍‍ 5:2

ଇଶ୍ୱର୍‍ ମୀଇ କାୟ୍‍ଦାଗ୍ ବେନ୍ ମାନ୍ଦ୍‍ ମେଣ୍ଢାନ୍‍ ଦ୍ୱାୟିତ୍ୱ ଇତ୍‍ତନ୍, ନାନ୍‍ ଅନୁରଦ୍‌ ମାଡ଼ୁତାନ୍, ମିଡ଼୍ ଇଚ୍ଛା ଇଲ୍‍ୱେ ଆଦ୍ ମାଡ଼କଟ୍ ସାର୍‍ଦେତେ ଅଡ଼୍‌‍କିଂଙ୍କ୍ ପଡ଼୍‍ପାଟ୍‍ । ଦନ୍ ଆଶାତେ ଆଦ୍‍ ମାଡ଼କଟ୍, ସାରେଦାମ୍ ସେବା ମନ୍ ତଡ଼୍‍ ମିୟାଦ୍ ଆଦ୍ ଦ୍ୱାୟିତ ମାଡ଼ାଟ୍‍ ।

୨ ପିତର୍‌ 2:15

ଅଡ଼୍‌ ଲେକେତ୍ ପ୍ରେମଆର୍ ୱିଡ଼୍‍ସିମିକା ୱେରେ ଆର୍‍ତାଗ୍‍ ଆଞ୍ଜ୍‍ମିନ୍ଦେଡ଼୍ । ବିଓର୍‍ତେ ମାର୍‍ ବାଲାମତେ ଆର୍ ଅଡ଼୍‌ ପୟ୍‍ତ୍‍ତଡ଼୍ । ଅଣ୍ଡ୍‌ ଅନ୍‌ୟାୟ୍‍ କାମ୍ ମାଡ଼ି ସାୟେତ୍‌ ଦନ୍‍ ଲାବ୍ ମାଡ଼ନଙ୍କ୍ ପସନ୍ଦ୍‍ ଆଇନାଙ୍କ୍,

୨ ପିତର୍‌ 2:3

ଇଡ଼୍ ବୁସା ମାଡ଼ାନ୍‍ ମେସ୍ତେରିଡ଼୍ ଦନ୍‍ଆସେତିଙ୍କ୍ ମାନ୍‍ମାୟିସ୍‍ ଗଟି କେସ୍ ଲାବ୍ ତେଃତିତଡ଼୍ । ଇତ୍‍କେ ନାର୍ଗେ ଦିନାକଞ୍ଚ୍‍ ଇଶ୍ୱର୍ ଇଡ଼ାଦ୍‍ ବିଚାର୍‍ ମାଡ଼ ୱାଦୁତଣ୍ଡ୍‍ ନୁ ଇଡ଼ାଦ୍ ଡଲାନ୍‍ ଦିନାମ୍ ଗାରେ ଆସ ୱାଦୁତ୍ ।

ଯିହୁଦା 1:11

ଇଦ୍ ଅଡ଼୍‌ ସେଙ୍ଗେ ବେସର୍ ୱେର୍ରେ । ଅଡ଼୍‌ କୟିନନ୍‌ କାରାପ୍ ଆର୍ର୍‍ଦାଗ୍ ଆଞ୍ଜ୍ ମିନ୍ଦେଡ଼୍‍ । ବାଲାମ୍ ଇତ୍‍କେ ଲୋବିଆସ୍ ବେନ୍ ବୁଲ୍‍ ମାଡ଼୍‍ତଣ୍ଡ୍‍, ଅଡ଼୍‌ ଆଦ୍ ବୁସାତାଗ୍ ରାୟ୍‍ତଡ଼୍ । କୋରଅ ଲେକାମ୍ ଗଲ୍‍କ୍ ମାଡ଼ି ଅଡ଼୍‌ ଦଂସ ଆତ୍‍ତଡ଼୍‍ ।