ଫିଲିପିୟ 2:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଆଦିଙ୍କ୍ ନାନ୍ ମିକିଂଙ୍କ୍ ଅନୁରଦ୍‌‍ ମାଡ଼ୁତାନ୍, ୱେରଡ଼୍ ଚିନ୍ତାତଡ଼୍ ଆଲ୍‍ସି ମିକା, ୱେରଡ଼୍ ପ୍ରେମତେ କାଇଲି ମିକା ମନ୍ ନୁ ଆତ୍ମାତେ ଅଣ୍ଡୟ୍‌ ଆସ୍ ମିଡ଼୍ ନାକିଂଙ୍କ୍ ଆଦ୍‍ଲେକାମ୍ ସୁକାମ୍‍ତେ କାଟେମ୍ ଆୟ୍‍ମୁଟ୍ ।

ଫିଲିପିୟ 2:2 Iomraidhean Croise

ଯୋହନ୍‌‌ 3:29

ବେନ ମୁତେଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ବର, ବାତେଙ୍କ୍ ଇତ୍‍କେ ବରତ୍‍ ବେନ୍ ସାଙ୍ଗ ଗାର୍‍ରେ ନିସ୍ ଅନ୍‌ ଗଟି କେଞ୍ଜିତଣ୍ଡ୍, ଅଣ୍ଡ୍‌ ବରତ୍‍ ଲେଙ୍ଗ୍‍ଦେ ସେଙ୍ଗେ ଗାଟି ସାର୍‍ଦେ ଆଦ୍‍ତନ୍ । ହିଦ୍‍ରକମ୍ ନାୟାଦ୍ ସାର୍‍ଦେ ସାରେ ଆସ୍‍ମିନ୍ଦେ ।

ପ୍ରେରିତ 1:14

ଅଡ଼୍‌ ନାର୍ଗେଦାମ୍ ୱେରଡ଼୍ ମାନ୍ଦେ ଆସ୍ ପ୍ରାର୍ତନା ମାଡ଼ାନ୍ ସେଙ୍ଗେ ଅଣ୍ଡୟାଗେ ଆସମାତ୍‍ତଡ଼୍ ନୁ ଅଡ଼୍‌‍ତଡ଼୍ ଜିସୁନ୍‍ ୟାୟ୍‍ ମରୀୟମ୍ ନୁ ବାଗାତ୍ ନାଟାଙ୍କ୍ ନୁ ଜିସୁନ୍ ବିଶ୍ୱାସୀ ତାମୁଣ୍ଡ୍‌କିଡ଼୍ ମିକା କାୟ୍‍ଲମାତ୍‍ତଡ଼୍ ।

ପ୍ରେରିତ 2:1

ପେଣ୍ଟିକଷ୍ଟ୍ ପାଣ୍ଡୁମ୍‍ ଦିନ୍ ସାରେ କ୍ରିଷ୍ଟ ବିଶ୍ୱାସୀଡ଼୍ ୱେରଡ଼୍ ପଡ଼୍‍ୟେତାଗ୍ ଗୁଡ଼ିମାତ୍‍ତଡ଼୍ ।

ପ୍ରେରିତ 2:46

ଅଡ଼୍‌ ସାରେଦିନେ ଉପବାସ୍ ମନ୍ଦିର୍‍ତାଗ୍ ୱେରଡ଼୍ ଦଲ୍‍ ଆସ୍ ଗୁଡ଼ମାତ୍‍ତଡ଼୍ ନୁ ୱେଡ଼୍‍କେତେ ନୁ ସରଲ୍‍ ହୃଦୟତେ,

ପ୍ରେରିତ 5:12

ପ୍ରେରିତ ଶିଷ୍ୟଡ଼୍ ତଡ଼୍ ନାରୁଡ଼୍ ଲୋପେ ନାର୍‍ଗେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ଆସମାତ୍‍ତେ । ସାରେତଡ଼୍ ବିଶ୍ୱାସୀଡ଼୍ ଶଲୋମନ୍‍ତେ ମଣ୍ଡପ୍‍ତାଗ୍ ଅଣ୍ଡୟାଗେ ଆସମାତ୍‍ତଡ଼୍ ।

ରୋମୀୟ 12:16

ସାର୍ରେତଡ଼୍‍କିଙ୍କ୍‍ ସାମାନ୍ ଲେକାମ୍‍ ଉଡ଼ାଟ୍ । ଆଂକାର୍ ୱିଡ଼୍‍ସି ନମ୍ର ତଡ଼୍ ପାଡ଼୍‍ୟି ମାଡ଼ାଟ୍ । ନିଜେ ଜ୍ଞାନି ଇଞ୍ଜ ଆଲ୍‍ସ୍‍ମାଟ୍ ।

୧ କରନ୍ତିୟ 1:10

ହୋ ଦାଦାଲଡ଼ି ନୁ ଏଲାସ୍କ୍ ପ୍ରବୁ ଜିସୁ କ୍ରିଷ୍ଟନ୍‌ ଅଦିକାର୍‌‌ଦେ ସେଙ୍ଗେ ନାନ୍‌ ମିକିଙ୍କ୍‌ ଅନୁରଦ୍‌‍ ମାଡ଼ମିନ୍ଦେଣ୍ଡ୍, ଆଲ୍‍ସାନ୍ ମାଡ଼ାନ୍‍ୱେଲେ ୱେରଡ଼୍ ଆଇମୁଟ୍‌ । ଆଲାଇତ୍‌କେ ମିଇ ଲୋପେ ବାତାବା ୱେକ୍‍ୱେକ୍‍ ଆୟ୍‍ୟ ।

୨ କରନ୍ତିୟ 13:11

ଦାଦାନଡ଼ି ନୁ ଏଲାସ୍କ୍‍, ନାୟାଦ୍ ଶେଷଗଟ୍ ଇଦ୍ ନିଜେତିଙ୍କ୍‍ ସଂଶୋଦନ୍ ମାଡ଼ାଟ୍, ନାୟାଦ୍ ପରାମର୍ଶ ଗ୍ରହନ୍‍ ମାଡ଼ାଟ୍, ସାରେତଡ଼୍ ୱେରଡ଼୍ ମନ୍ ଆୟ୍‍ମୁଟ୍ ନୁ ଶାନ୍ତିତେ ମାନୁଟ୍ । ପ୍ରେମ ନୁ ଶାନ୍ତିତେ ଇଶ୍ୱର୍ ମିଇ ତଡ଼୍ ମାନିଣ୍ଡ୍ ।

୨ କରନ୍ତିୟ 2:3

ଆଦିନ୍ ସେଙ୍ଗେ ନାନ୍ ମିକିଂଙ୍କ୍ ଚିଟି ଲେକ୍‍ତାନ୍, ନାନ୍ ଆଗେ ଆତ୍‍କେ; ବେନଡ଼୍ ସେଙ୍ଗେ ନାୟାଦ୍ ୱେଡ଼୍‍କ୍‍ ଆୟେଡ଼୍, ଅଡ଼୍‌ ତଡ଼୍ ବେଲାନ୍ ନାନ୍ ଦୁଃକାମ୍ ଆୟନ୍ । ନିଜାମ୍ ନାୟାଦ୍ ଗାଡ଼୍‍ସ୍ ବିଶ୍ୱାସ୍ ଯେ, ନାୟାଦ୍ ୱେଡ଼୍‍କେତାଗ୍ ମିୟାଦ୍ ୱେଡ଼୍‍କ୍‍ ।

୨ କରନ୍ତିୟ 7:7

ଅନ୍‌‍ୱାଦ୍ ଆଗମନ୍‍ ଆତ୍‍ତାଙ୍କ୍ ଆୟ୍‍ୟ, ମାତର୍ ଅଣ୍ଡ୍‌ ମିଇ ପାକେ ଆଞ୍ଜ୍ ବେନ୍ ସାର୍‍ଦେ ପାଏମ୍‍ଆତ୍‍ତଣ୍ଡ୍, ଆଦିନ୍‌ସେଙ୍ଗେ ମାମ୍‍ମେ ୱେଡ଼୍‍କ୍‍ ଆତ୍‍ତମ୍ । ନାକିଂଙ୍କ୍ ଉଡ଼ାନଙ୍କ୍ ମିୟାଦ୍ ବେସର୍ ଇଚ୍ଛା, ନା ସେଙ୍ଗେ ମିୟାଦ୍ ବେସର୍ ଦୁଃକାମ୍, ନାକିଂଙ୍କ୍ ସମର୍ତନ୍ ମାଡ଼ାନଙ୍କ୍ ମିଡ଼୍ ବେସର୍ ଇଚ୍ଛା, ଇଦ୍ ସାରେ ବିଷୟ ଅଣ୍ଡ୍‌ ନାକିଂଙ୍କ୍ କେତ୍‍ତାନ୍ । ଆଦିଙ୍କ୍ ନାନ୍ ଗାଟି ୱେଡ଼୍‍କ୍‍ତାନ୍ ।

ଫିଲିପିୟ 1:4

ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ାନ୍ ୱେଲେ ୱେଡ଼୍‍କେତେ ପ୍ରାର୍ତନା ମାଡ଼ାଟ୍;

ଫିଲିପିୟ 2:16

ବାଗାତଡ଼୍ ପାକେ ଜିୱେଇଦାନ୍ ଗଟି ପ୍ରଚାର୍ ମାଡ଼ାନ୍‍ୱେଲେ ମିଇ ବାଗାତାଗ୍ ୱେସ୍‍ଇଦାନ୍ ଉକାକିନ୍ ଲେକାମ୍ ୱେସ୍‍ ଆଦାନାଦ୍ ସାୟେ । ମିଡ଼୍ ଯଦି ଇଦ୍‍ଲେକାମ୍ ଆଦ୍‍ତିଡ଼୍, “କ୍ରିଷ୍ଟନ୍‍ ଦିନାତେ,” ମିଇ ବିଷୟ୍‍ତେ ନାନ୍ ଗର୍ବ ମାଡ଼ିତା‍ନ୍, ବାତେଙ୍କ୍ ଇତ୍‍କେ ଇଗାଙ୍କ୍ ପ୍ରମାଣ୍ ଆଦିକାଡ଼୍ ଯେ, ନାୟାଦ୍ ତାଲେ ଉଦ୍ୟାମ ନୁ ପାଡ଼୍‍ୟି ଆଙ୍ଗ୍‌ଡ଼ାମ୍ ଆୟ୍‍ୟ ।

ଫିଲିପିୟ 2:20

ମାତର୍ ଅନାଦ୍‌ ନା ଲେକାମ୍ ମାନ୍‍ ଏର୍କା ନୁ ଅଣ୍ଡ୍‌ ନିଜାମ୍‍ ମିଇ ସେଙ୍ଗେ ମାନ୍‍ଦେ ମିନ୍ଦେନ୍ ।

ଫିଲିପିୟ 4:2

ଇୟଦିଆ ନୁ ସୁନ୍ତକିଙ୍କ୍ ନାୟାଦ୍ ଅନୁରଦ୍‌, ଆୱୁ ଇଶ୍ୱର୍‌ତେ କଣ୍ଡେତେ ହେଲାଡ଼୍ ଲେକାମ୍ କାୟ୍‍ଲି ମାନି ।

କଲସୀୟ 2:5

ଯଦି ମେନ୍ଦୁଲ୍‍ତେ ଇଲ୍‍ୱେ ମାତ୍‍କେ ମିକା, ଆତ୍ମିକତେ ନାନେ ମିଇ ତଡ଼୍ ମିନ୍ଦେନ୍ । କ୍ରିଷ୍ଟନ୍‍ ପରୁ ନାର୍ଗେ ବିଶ୍ୱାସ ନେହେସ୍ ମିଇଡ଼୍ ବେଲାନ୍ ସାୟେତ୍‍ବୁଦ୍ ଆତ୍‍ତିଡ଼୍‍, ଆଦ୍‍ ଉଡ଼ି ନାନେ ୱେଡ଼୍‍କୁତାନ୍ ।

୨ ଥେସଲନିୟ 2:13

ହୋ ଦାଦାନଡ଼ି ନୁ ଏଲାସ୍କ୍, ମିଇ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିଦାନାଦ୍ ଲେକାମ୍ । ବାତେଙ୍କ୍ ଇତ୍‍କେ ପ୍ରବୁ ମିକିଂଙ୍କ୍ ପ୍ରେମମାଡ଼ୁତ୍ । ସତ୍‍ତେ ମିୟାଦ୍ ବିଶ୍ୱାସ୍‍ତେ ସେଙ୍ଗେ ଇଶ୍ୱର୍ ମିକିଂଙ୍କ୍ ପରିତ୍ରାଣ ମାଡ଼ିମିନ୍ଦେଣ୍ଡ୍, ବେଦ୍‍ଲେକାମ୍ ପବିତ୍ର ଆତ୍ମା ଶକ୍ତିତେ ମୀଡ଼୍ ପରିତ୍ରାନ୍ ଆଦ୍‍ତିଡ଼୍ ନୁ ୱେରଡ଼୍ ପବିତ୍ର ଜିୱାତେ ଗୋଷ୍ଟି ଆଦ୍‍ତିଡ଼୍ ।

୨ ତୀମତି 1:4

ନାନେ ବେଦ୍‍ଲେକାମ୍ ୱେଡ଼୍‍କେତେ ପରିପୂର୍ଣ୍ଣ ଆଦ୍‍ତାନ୍, ହିଦିନ୍ ସେଙ୍ଗେ ମିୟାଦ୍ କାଣ୍ଡେଡ଼୍‍ ନାକିଙ୍କ୍ ହେର୍କା ମାଡ଼ି ମିକିଙ୍କ୍ ଉଡ଼ାନ୍ ସେଙ୍ଗେ ଅଣ୍ଡୟ୍‌‍ ଦାମ୍ ଇଚ୍ଛା ମାଡ଼ୁତାନ୍ ।

ଫିଲିମୋନ୍‌ 1:20

ଆଦିଙ୍କ୍ ତାମୁ ! ନା ଲେକେ ୱେରଣ୍ଡ୍ କ୍ରିଷ୍ଟ ବିଶ୍ୱାସି ତାମୁଙ୍କ୍ ପ୍ରବୁନ୍ ସେଙ୍ଗେ ଅନୁଗ୍ରହ ମାଡ଼େ, ଇଲା ମାଡ଼୍‍କେ ନାନ୍ ଗାଟି ୱେଡ଼୍‍କିତାନ୍ ।

୨ ଯୋହନ୍‌‌ 1:4

ଇଶ୍ୱର୍‌ତେ ଆଜ୍ଞା ଲେକାମ୍‌ ମିୱଡ଼୍‍ ବେସ୍କ୍‍ତୁଡ଼୍‍ ପିଲା ଯେ ସତ୍‍ତେ ପର ଜିୱେତିଙ୍ଗ୍ ଆଦାରିତ ମାଡ଼୍‍ତଡ଼୍, ଇଦ୍ ଗଟ୍ ପୁଞ୍ଜ୍ ନାନେ ଗାଟି ୱେଡ଼୍‍କେ ଆତ୍‍ତାନ୍‍ ।

୩ ଯୋହନ୍‌‌ 1:4

ନା ପିଲାକି ସତ୍‍ତିଙ୍କ୍‍ ପୟ୍‍ସ୍‍ମାଞ୍ଜ୍ ଜିୱୁନ୍‍ ବାଦ୍‍କୁତଡ଼୍‍ ଇଞ୍ଜ କେଞ୍ଜ୍‍କେ, ନାୟାଦ୍ ସାରେତିଙ୍ଗ୍ ପେର୍କେ ୱେଡ଼୍‍କେ ଆଦ୍‍ତେ ।