ଫିଲିପିୟ 1:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ଆଦିଙ୍କ୍ ନାନ୍ ଇଦ୍ ବିଷୟ୍‍ତେ ନିଜାମ୍‍ ଯେ, ବେନ୍ ପ୍ରବୁ ମିୟାଗେ ଇଦ୍ ସାୟେ ପାଡ଼୍‍ୟି ଆରାମ୍ ମାଡ଼୍‍ତଣ୍ଡ୍, କ୍ରିଷ୍ଟ ଜିସୁନ୍ ୱାଦାନ୍ ଦିନାତେ ଇଦ୍ ତେରାନ୍ ଯାକ ଅଣ୍ଡ୍‌ ଆଦ୍ ମାଡ଼ିତନ୍ ।

ଫିଲିପିୟ 1:6 Iomraidhean Croise

ଯୋହନ୍‌‌ 6:29

ଜିସୁ ଅଡ଼୍‌‍କିଂଙ୍କ୍ ଉତ୍ତର୍ ହିତ୍‍ତଣ୍ଡ୍, “ବେନଙ୍କ୍ ଇଶ୍ୱର୍ ରୟ୍‍ସ୍ ମିନ୍ଦେଣ୍ଡ୍, ଅନ୍‌‍ଆଗେ ବିଶ୍ୱାସ୍ ମାଡ଼ାନ୍ ତଡ଼୍ ମିଡ଼୍ ଆଦ୍ ମାଡ଼୍ ପାର୍ଦିତିଡ଼୍ ।”

ପ୍ରେରିତ 11:18

ଅଡ଼୍‌ ଇଦ୍ କେଞ୍ଜ୍‍ତେ ପେର୍‍କେ ମେଣ୍ଡେ ସମାଲୋଚନା ମାଡ଼କଟ୍ ଇଶ୍ୱର୍‌ତିଙ୍କ୍ ଗୌରବ୍‍ ମାଡ଼ି କେତ୍‍ତଡ଼୍, “ଆଲେକେ ଇଶ୍ୱର୍ ଅଣଇହୁଦୀଡ଼୍‍କ୍ ମିକା ଅନୁତାପ୍ ମାଡ଼ାନଙ୍କ୍ ନୁ ଜିୱୁଣ୍ଡ୍ ବାଦ୍‍କାନ୍ ସେଙ୍ଗେ ସୁଯୋଗ୍ ହିତ୍‍ତଣ୍ଡ୍ ।”

ପ୍ରେରିତ 16:14

ଆୱିନ୍‍ ଲୋପେଙ୍କ୍ ତୁୟଟୀରା ଟାୱୁନ୍‍ତେ ଆପାକଲର୍ ତାୱ୍ ସିଲେ ୱାମ ମାନ୍ଦାନ୍ ଲୁଦିଆ ପେଦେର୍‍ତେ ଅଣ୍ଡୟ୍‌ ନାଟାଡ଼୍ ମାତ୍‍ତେ । ଆଦ୍ ଇଶ୍ୱର୍‌ତିଙ୍କ୍ ଉପାସନା ମାଡ଼ମାତ୍‍ତେ ନୁ ପାଉଲ୍ ବାତ୍ କେସମାତ୍‍ତନ୍, ଆଦ୍ ମନ୍‍ଇସ୍‌‍ କେଞ୍ଜି ଗ୍ରହନ୍ ମାଡ଼ାନ୍ ସେଙ୍ଗେ ପ୍ରବୁ ଆଦିଙ୍କ୍ ହୃଦୟ୍‍ତାଗ୍‍ ସୁଯୋଗ୍ ହିତ୍‍ତଣ୍ଡ୍ ।

୧ କରନ୍ତିୟ 1:8

ଅଣ୍ଡ୍‌‌ ମିକା ମିକିଂଙ୍କ୍ ମାଡ଼େଙ୍ଗ୍‌ ଅନ୍‌‍ପାକେ ଗେଲ୍‌ସ୍ପିତଣ୍ଡ୍‌ । ବେଲାକି ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନାମ୍‌ତେ ମିଡ଼୍ ନିର୍ଦୋଷ୍‍ ଆଦ୍‍ତିଡ଼୍ ।

୨ କରନ୍ତିୟ 1:15

ଇଦ୍ ବିଷୟ୍‍ତେ ନାନ୍ ନିଜାମ୍ ଲେକାମ୍ ପୁଞ୍ଜ୍‍ମାତ୍‍ତାଙ୍କ୍ ମୁନେନ୍ ମିଇ ଗାର୍ରେ ଆଦ୍‍ଦାନ୍ ସେଙ୍ଗେ ନାୟାଦ୍ ଇଚ୍ଛା ମାତ୍‍ତେ । ଆଲେକେ, ମିଡ଼୍ ରେଣ୍ଡ୍‍ଦାମ୍ ନାକିଂଙ୍କ୍ ଉଡ଼ି ୱେଡ଼୍‍କ୍‍ ମାଡ଼େ ପାର୍‍ୱେଡ଼ି ।

୨ କରନ୍ତିୟ 2:3

ଆଦିନ୍ ସେଙ୍ଗେ ନାନ୍ ମିକିଂଙ୍କ୍ ଚିଟି ଲେକ୍‍ତାନ୍, ନାନ୍ ଆଗେ ଆତ୍‍କେ; ବେନଡ଼୍ ସେଙ୍ଗେ ନାୟାଦ୍ ୱେଡ଼୍‍କ୍‍ ଆୟେଡ଼୍, ଅଡ଼୍‌ ତଡ଼୍ ବେଲାନ୍ ନାନ୍ ଦୁଃକାମ୍ ଆୟନ୍ । ନିଜାମ୍ ନାୟାଦ୍ ଗାଡ଼୍‍ସ୍ ବିଶ୍ୱାସ୍ ଯେ, ନାୟାଦ୍ ୱେଡ଼୍‍କେତାଗ୍ ମିୟାଦ୍ ୱେଡ଼୍‍କ୍‍ ।

୨ କରନ୍ତିୟ 7:16

ନାନ୍ ସାରେ ବିଷୟ୍‍ତେ ମିଇ ପରୁ ସାରେ ବିଶ୍ୱାସ୍ ମାଡ଼୍‍ତାଙ୍କ୍ ନାନ୍ ବେସର୍ ସୁକାମ୍‍ତେ ।

୨ କରନ୍ତିୟ 9:4

ମାସିଦୋନିଆତେ ନାରୁଡ଼୍ ନା ତଡ଼୍ ଆଞ୍ଜ୍ ଯଦି ମିକିଂଙ୍କ୍ ତିଆର୍ ଆତ୍‍ତାଦ୍ ଉଡ଼ିତଡ଼୍; ଆଲେକେ ମିଇ ପରୁ ଗାଟି ଆଶେ ମାନ୍‍ ମାମ୍‍ମେ ସିଗ୍ ଆଦ୍‍ତମ୍, ନିଜାମ୍ କେତାନଙ୍କ୍ ଆତ୍‍କେ, ଆଦ୍ ମିଇ ପାକେ ମିକା ସିଗ୍‍ତାଦ୍ ଆଦ୍‍ତେ ।

ଗାଲାତୀୟ 5:10

ଆଦ୍‍ ବାତ୍‍ ଆୟି, ଇଞ୍ଜେକ୍‍ଆନା ମୀଇ ମିଡ଼୍ ଯେ ମେଣ୍ଡନ୍‍ରକମ୍ ବିଚାର୍ ମାଡ଼୍‍ୱିଡ଼୍, ଇଦ୍ ନାୟାଦ୍ ମି ବିଷୟ୍‍ତେ ପ୍ରବୁନାଗ୍ ଗାଟି ବିଶ୍ୱାସ୍ ମିନ୍ଦେ; ଇତ୍‍କେ ମିଡ଼୍ ଗାଟି ଦାନ୍ଦେ ଆଦୁତିଡ଼୍, ଅଣ୍ଡ୍‌ ବେନବା ଆୟିଣ୍ଡ୍, ତାନ୍ ଦଣ୍ଡ୍ ପାଏମ୍ ଆଦ୍‍ତଣ୍ଡ୍ ।

ଏଫିସିୟ 4:12

କ୍ରିଷ୍ଟନ୍ ଆଦ୍ ମେନ୍ଦୁଲ୍‍ତିଙ୍କ୍ ତିୟାର୍ ମାଡ଼ାନ୍ ଲେକାମ୍‌ କ୍ରିଷ୍ଟିୟ ସେବା ପାଡ଼୍‍ୟିଦେ ମାୟ୍‍ଦିଙ୍କ୍ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ତିୟାର୍ ମାଡ଼ାନ୍ ମାୟ୍‍ଦିଙ୍କ୍ ଅଣ୍ଡ୍‌ ଇଲା ମାଡ଼ିମିନ୍ଦେଣ୍ଡ୍ ।

ଫିଲିପିୟ 1:10

ନୁ ମୀଇଡ଼୍ ବେଲାନ୍ ଲେକେତ୍ ଶିକ୍ଷା ସାରେ ଏଞ୍ଚ୍‍ ପାର୍‍ଦ୍‍ତିନ୍ । ଆଲେକେ, ମିଡ଼୍ କ୍ରିଷ୍ଟନାଦ୍ ୱାଦାନାଦ୍ ଦିନାତେ ପବିତ୍ର ନୁ ନିନ୍ଦ୍‍ ଇଲ୍‍ୱେନନି ମାନ୍‍ତିଡ଼୍‍

ଫିଲିପିୟ 1:29

ମାତର୍ କ୍ରିଷ୍ଟନାଗେ ବିଶ୍ୱାସ୍ ମାଡ଼ାନାଦ୍ ଆୟ୍‍ୟ, ଅନ୍‌ ସେଙ୍ଗେ ଦୁଃକାମ୍ କଷ୍ଟ ମାଡ଼ାନ୍ ସେଙ୍ଗେ ମିକିଂଙ୍କ୍ କ୍ରିଷ୍ଟନାଦ୍ ସେବା ମାଡ଼ାନ୍ ସେଙ୍ଗେ ସୁଜଗ୍ ଇତ୍‍ତଣ୍ଡ ।

ଫିଲିପିୟ 2:12

ଆଦିଙ୍କ୍ ପ୍ରିୟ ସାଙ୍ଗନଡ଼ି, ନାନ୍ ମିଇତଡ଼୍ ମାନ୍ଦାନ୍ ୱେଲେ ମିଇଡ଼୍‍ ବେଲାନ୍ ସାରେଦାମ୍ ନାୟାଦ୍ ଆଜ୍ଞାଦିନାମ୍ ମାଡ଼ିତିଡ଼୍, ଇଞ୍ଜେ ନାନ୍ ମିୟାଗାଙ୍କ୍ ଯେକା ମା‍ନ୍ଦାନ୍ ୱେଲେ ଅଦିକ୍‌ ବିଶ୍ୱାସ୍ତେ ନାୟାଦ୍ ବାଦ୍ୟ ଆଦାନାଦ୍ ମିୟାଦ୍ ପାଡ଼୍‍ୟି । ମିୟାଦ୍ ମୁକ୍ତି ବେଲା ସାରେ ଆଦ୍‍ତେ, ଆଦିନ୍ ସେଙ୍ଗେ ୱେର୍‍ସ୍‍ ନୁ ୱାଡ଼୍‍କାନ୍ ପାଡ଼୍‍ୟି ମାଡ଼ଡ଼୍‍ ଆନୁଟ୍ ।

ଫିଲିପିୟ 2:13

ବାତେଙ୍କ୍ ମିୟାଦ୍ ନୁ ଅନ୍‌‍ଲେକାମ୍ ପାଲନ୍ ମାଡ଼ାନ୍ ସେଙ୍ଗେ ତିଆର୍ ନୁ ସମର୍ତନ୍ ମାଡ଼ାନଙ୍କ୍ ସ୍ୱୟଂ ଇଶ୍ୱର୍ ମିୟାଗେ ସାରେଦାମ୍ ପାଡ଼୍‍ୟି ମାଡ଼ୁତଣ୍ଡ୍ ।

ଫିଲିପିୟ 2:16

ବାଗାତଡ଼୍ ପାକେ ଜିୱେଇଦାନ୍ ଗଟି ପ୍ରଚାର୍ ମାଡ଼ାନ୍‍ୱେଲେ ମିଇ ବାଗାତାଗ୍ ୱେସ୍‍ଇଦାନ୍ ଉକାକିନ୍ ଲେକାମ୍ ୱେସ୍‍ ଆଦାନାଦ୍ ସାୟେ । ମିଡ଼୍ ଯଦି ଇଦ୍‍ଲେକାମ୍ ଆଦ୍‍ତିଡ଼୍, “କ୍ରିଷ୍ଟନ୍‍ ଦିନାତେ,” ମିଇ ବିଷୟ୍‍ତେ ନାନ୍ ଗର୍ବ ମାଡ଼ିତା‍ନ୍, ବାତେଙ୍କ୍ ଇତ୍‍କେ ଇଗାଙ୍କ୍ ପ୍ରମାଣ୍ ଆଦିକାଡ଼୍ ଯେ, ନାୟାଦ୍ ତାଲେ ଉଦ୍ୟାମ ନୁ ପାଡ଼୍‍ୟି ଆଙ୍ଗ୍‌ଡ଼ାମ୍ ଆୟ୍‍ୟ ।

କଲସୀୟ 2:12

ବାତେଙ୍କ୍ଇତ୍କେ ଏର୍‍ମୁଡ଼୍‍ନ୍ଦ୍‍କେ ମିଡ଼୍ କ୍ରିଷ୍ଟନ୍‍ ତଡ଼୍ ସମାଦି ପାଏମ୍ ଆସ୍‍ମାତ୍‍ତିଡ଼୍ ନୁ ଜିସୁ କ୍ରିଷ୍ଟଙ୍କ୍ ତେଏସ୍ ‍ମାନ୍ଦାନ୍ ଇଶ୍ୱର୍‌ତେ ଶକ୍ତିତାଦ୍‍ ବିଶ୍ୱାସ୍ ମାଡ଼ାନ୍ ତଡ଼୍ କ୍ରିଷ୍ଟନ୍ ତଡ଼୍ ମିଡ଼୍‍ମିକା ତେଏଦ୍‍ତିଡ଼୍ ।

୧ ଥେସଲନିୟ 1:3

ମାମ୍‍ମେ ବାବାନ୍ ଇଶ୍ୱର୍‌ତେ ପାକେ ଏର୍କା ମାଡ଼ମାନ୍‍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍‍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍‍ତେ ମାଡ଼ୁତିଡ଼୍ ନୁ ମାମ୍‍ମେ ବେଲାନ୍ ଡ଼ାଟ୍‍ଟୁମ୍ ।

୨ ଥେସଲନିୟ 1:11

ମାନ୍‍ ଇଶ୍ୱର୍ ବେଦ୍‍ଲେକାମ୍ ମିକିଂଙ୍କ୍ ନିଜେ କାର୍‍ଙ୍ଗ୍‍ତଣ୍ଡ୍ ଯୋଗ୍ୟ ହିଞ୍ଜ ଗଣନା ମାଡ଼ିତନ୍, ମେଣ୍ଡେ ସାରେ ସାୟେ ପାଡ଼୍‍ୟି ନୁ ବିଶ୍ୱାସତେ ପାଡ଼୍‍ୟି ଶକ୍ତିତେ ସିଦ୍ଦ ମାଡ଼ିତନ୍, ଆଦିନ୍ ସେଙ୍ଗେ ମାମ୍‍ମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ ।

୨ ଥେସଲନିୟ 3:4

ମିଇ ପର୍‍ର ଆଶେ ନେଃତାନ୍ ସେଙ୍ଗେ ପ୍ରବୁ ମାନ୍‍ ଆଶେ ଇତ୍‍ତନ୍ ନୁ ମାମ୍‍ମେ କେତୁତମ୍, ଆଦ୍ ମିଡ଼୍ ଯେ ମାଡ଼ୁତିଡ଼୍ ନୁ ମାଡ଼ମାନ୍ତିଡ଼୍, ଇଦ୍ ବିଷୟ୍‍ତେ ମାମ୍‍ମେ ନିଜାମ୍ ।

ଫିଲିମୋନ୍‌ 1:21

ନିମ୍‍ ନାୟାଦ୍ ଅନୁରଦ୍‌ ନେଃତିତି ଇଞ୍ଜ ପୁଞ୍ଜ୍, ନାନ୍ ଇଦ୍ ଚିଟି ଲେକୁତାନ୍ । ନାନ୍ ପୁତ୍‍ତାନ୍, ନିୟାଗାଙ୍କ୍ ନାନ୍ ବେସର୍ ଆଶେ ମାଡ଼ୁତାନ୍, ନିମ୍‍ ନାୟାଗାଙ୍କ୍ ମେଣ୍ଡେ ଅଦିକ୍‌ ଆଶେ ମାଡ଼ିତିନ୍ ।

ଏବ୍ରୀ 10:35

ଆଦିନ୍ ମିୟାଦ୍ ସାହାସ୍‌ତିନ୍‌ ଆରାମାଡ଼୍‍ମାଟ୍‌, ବାତେଙ୍କ୍‍ଇତ୍‍କେ ଆଗା ବାଡ଼ିୟା ଇନାମ୍‍ ମିନ୍ଦେ ।

ଏବ୍ରୀ 12:2

ବେନନ୍ ପର୍ର ମାନାଦ୍‌ ଆରାମ୍‍ ନୁଞ୍ଚ୍‍ ତେରାନ୍‍ ବିଶ୍ୱାସ୍ ଆଶା ମାଡ଼ମିନ୍ଦେ, ଆରାମ୍‌ ନୁଞ୍ଚ ମାଡେଙ୍ଗ୍‌ ଆନା ବେନଙ୍କ୍ ମାନାଲ୍‌ ବିଶ୍ୱାସ ୱାଟିତାଲ୍‌ ଆ ଜିସୁନ୍‌ ପର୍ର ମାନ୍‍ କାଣ୍ଡ୍‌କ୍‌ ୱାଟିକାଡ୍, ଅଣ୍ଡ୍‌‌ କ୍ରୁଶତେ ୱେରେତେ ତାନାଦ୍‌ ପାଡିୟନୁଞ୍ଚ୍‌ ୱେର୍‍ୟ କଟେମ୍‌ ମାତ୍‍ତଣ୍ଡ୍‌, ବଂର ୱାଦାନ୍ ଦିନାମ୍‌ ଅଣ୍ଡ୍‌‌ ମାଇଦିଙ୍କ୍‌ ନେହ୍‌ସିସ୍‌ ମାନ୍ଦାନ୍‌ ସୁକାମ୍‌ ମାଇଦିଙ୍କ୍‌, ସିଲ୍‌ୱାତାଦ୍‌ ଡଲାନ୍‌ ସିଗ୍‌ତିଙ୍କ୍‌ ଅଣ୍ଡ୍‌‌ ତୁଛଜ୍ଞାନ ମାଡ଼୍‌ତଣ୍ଡ୍; ଇଞ୍ଜ ଅଣ୍ଡ୍‌‌ ଦେଉଡ୍‌ତ୍‌ ସିଂହାସନତ୍‌ ତିନ୍ଦା ପାକା ମିନ୍ଦେଣ୍ଡ୍‌ ।

୧ ପିତର୍‍ 5:10

କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ ।

୨ ପିତର୍‌ 3:10

ଇତ୍‍କେ ପ୍ରବୁନ୍ ଦିନାମ୍ ଡଙ୍ଗାଲ୍ ଲେକାମ୍ ୱାଦ୍‍ତେ । ଆଦ୍‍ ଦିନେ ଅଣ୍ଡୟ୍‌ ଗାଟି ଲେଙ୍ଗ୍‍ଦେ ଲୋପେ ମୟଲ୍ ମାୟିଆଦ୍‍ତେ । ମୟଲ୍‍ତାଗ୍‍ ମାନ୍ଦାନ୍‍ ଗ୍ରହ ନୁ ଉକାକ୍‍ କାର୍‍ୱି ଦ୍ୱଂସ ଆଦ୍‍ତା । ପୃତିବିତଡ଼୍‍ ତାନାଗ୍‍ ମାନ୍ଦାନ୍‍ ସାରେ ବିଷୟ୍‍ତଡ଼୍‍ ବିନଷ୍ଟ ଆଦ୍‍ତେ ।