ଫିଲିପିୟ 1:27 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁷ ନାନ୍ ମିଇକିଙ୍କ୍ ଉଡ଼ାନ୍ ସେଙ୍ଗେ ଆଦାନଙ୍କ୍ ସମର୍ତନ୍ ଆଦ୍‍ତେ ବା ଆୟ୍‍ୟ, ଇଞ୍ଜେ ବେଡ଼୍‍ୟାଦ୍‍ ବିଷୟ ଆଦୁତ୍‍ତେ, ମିୟାଦ୍ ଜିୱୁନ୍ ପ୍ରଣାଲି ବେଲାନ୍ କ୍ରିଷ୍ଟନାଦ୍ ସୁସମାଚାର୍ ଲେକାମ୍ ଆଦ୍‍ତେ ନାନ୍ ବେଲାନ୍‍କି କେଞ୍ଜ୍‍ ପାର୍‍ତାନ୍, ମିଡ଼୍ ଇଦ୍ ଲେକାମ୍ ଆସ୍ ଦୃଡ଼ତେ ନିତ୍‍ତିଡ଼୍ ନୁ ୱେରଡ଼୍ ଆକାଂକ୍ଷା ଆସ୍ ସୁସମାଚାର୍ ବିଶ୍ୱାସ୍ ସେଙ୍ଗେ ୱେରଡ଼୍ ସଂଗ୍ରାମ୍ ମାଡ଼ୁତିଡ଼୍ ।

ଫିଲିପିୟ 1:27 Iomraidhean Croise

ମାତିଉ 12:25

ଅଡ଼୍‌ ବାତେଚିନ୍ତା ମାଡ଼ୁତଡ଼୍ ଜିସୁ ପୁଞ୍ଜ୍ କେତ୍‍ତନ୍, “ୱେରଡ଼୍ ଦେଶ୍‍ତେ ନାରୁଡ଼୍ ୱେରେ ମାନ୍ଦେତାଗ୍ ୱିରି ତାମ୍‍ତାମ୍ ଲୋପେ ଲଡ଼େମ୍ ଆତ୍‍କେ, ଆଦ୍ ଦେଶ୍ ଗାଟି ଦିନ୍ ସାୟେ ମାନ୍ଦେପାର୍‍ୱ । ବେନ୍‌ଆଇ ଟାଉନ୍‍ତାଗ୍‍ ବା ପରିବାର୍ ଲୋପେ ୱେରେ ମାନ୍ଦେ ଆସ୍ ରାମ୍‍କ୍ ଆତ୍‍କେ, ଅଡ଼୍‌ ଯାପେ ଦଂସ ଆଦ୍‍ତଡ଼୍ ।”

ପ୍ରେରିତ 2:46

ଅଡ଼୍‌ ସାରେଦିନେ ଉପବାସ୍ ମନ୍ଦିର୍‍ତାଗ୍ ୱେରଡ଼୍ ଦଲ୍‍ ଆସ୍ ଗୁଡ଼ମାତ୍‍ତଡ଼୍ ନୁ ୱେଡ଼୍‍କେତେ ନୁ ସରଲ୍‍ ହୃଦୟତେ,

ପ୍ରେରିତ 24:24

ବେସ୍କ୍‍ଦିନା ପେର୍‍କେ ଫେଲିକ୍‍ସ୍‍ ତାନ୍ ଇହୁଦୀୟା ମୁତ୍‍ତେ ଦ୍ରୁସିଲାନ୍ ତଡ଼୍ ୱାତ୍‍ତଣ୍ଡ୍, ଅଣ୍ଡ୍‌ ପାଉଲ୍‍ତିଙ୍କ୍ କାର୍‍ଙ୍ଗି ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ାନ୍ ବିଷୟ୍‍ତେ ଅନ୍‌ ଗଟ୍ କେଞ୍ଜ୍‍ତଣ୍ଡ୍ ।

ପ୍ରେରିତ 4:32

ବିଶ୍ୱାସୀଡ଼୍ ୱେରଡ଼୍ ମାନ୍‍ ନୁ ୱେରଡ୍‌ ହୃଦୟ ତେ ମାତ୍‌ତଡ଼୍ । ବେନଡ଼୍ ତାମ୍ ସମ୍ପତିତିଙ୍କ୍ ନିଜେତ୍ ସମ୍ପତି ଇଞ୍ଜ ଦାବୀ ମାଡ଼ଡ଼୍‍, ସାରେତଡ଼୍‍ୱାଦ୍ ସମ୍ପତିତିଙ୍କ୍ ଅଡ଼୍‌ ସାମାନ୍ ତୁହୁସ୍‍ତଡ଼୍ ।

ରୋମୀୟ 1:16

ବାତେଙ୍କ୍ଇତ୍‍କେ ନାନ୍ ସୁସମାଚାର୍‍ତିଙ୍କ୍ ସିଗ୍ ମାଡ଼ନ୍, ଆଦ୍ ସାର୍‍ରେ ବିଶ୍ୱାସିଡ଼୍‍କିଂଙ୍କ୍ ପରିତ୍ରାଣ୍ ସେଙ୍ଗେ ଶାତ୍‍ୱାମ୍‍, ମୁନେନ୍ ଯିହୁଦୀଡ଼ାଗ୍, ମେଣ୍ଡେ ଗ୍ରୀକ୍‍ ନାରୁଡ଼ାଗ୍ ।

ରୋମୀୟ 1:5

କ୍ରିଷ୍ଟନ୍‍ ସେଙ୍ଗେ ଇଶ୍ୱର୍ ନାକିଙ୍କ୍‍ ପ୍ରେରିତ୍‍ ଶିଷ୍‍ ଲେକାମ୍‍ ଏଞ୍ଚି ସାର୍ରେ ଅଣଯିହୁଦୀଡ଼୍‍ ନାରୁଡ଼୍‍ ଲୋପେ ପ୍ରଚାର୍‍ ମାଡ଼ାନଷଙ୍କ୍‍ ସୁଯୋଗ୍‍ ଇତ୍‌ତଣ୍ଡ୍‌‍; ବେଲାକି ଅଡ଼୍‌‍ କ୍ରିଷ୍ଟ ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନ୍‌‍ ଗଟି ମାନେମ୍‍ ଆଦ୍‍ତଡ଼୍‍ ।

ରୋମୀୟ 1:9

ସାରେଦାମ୍‍ ନାନ୍‍ ବେନ୍‍ ଇଶ୍ୱର୍‌ତିଙ୍କ୍‍ ସେବା ମାଡ଼ୁତାନ୍‍ ନୁ ବେନ୍‍ ଇଶ୍ୱର୍‌ତେ ମାରିନ୍‍ ସାୟେତ୍‍ କାବୁର୍‍ ନାନ୍‍ ପ୍ରଚାର୍‍ ମାଡ଼ୁତାନ୍‍, ଆ ଇଶ୍ୱର୍ ନା ସାକ୍ଷି ।

ରୋମୀୟ 10:8

ବାତେଙ୍କ୍ଇତ୍‍କେ ଶାସ୍ତ୍ର ଇସାବ୍‍ତେ, “ଇଶ୍ୱର୍‌ତାଦ୍ କାବୁର୍ ମିଇ ବକେତ୍, ମିଇ ପାୟୁର୍ ନୁ ହୃଦୟ୍‍ତାଗ୍ ମିନ୍ଦେ ।” ବିଶ୍ୱାସ୍ ବିଷୟ୍‍ତେ ଇଦ୍ ଗଟ୍ ଇଁ ମାମ୍‍ମେ ପ୍ରଚାର୍ ମାଡ଼ୁତମ୍ ।

ରୋମୀୟ 15:16

ବାତେଙ୍କ୍ଇତ୍‍କେ କ୍ରିଷ୍ଟ ଜିସୁନ୍ ଦାସ୍ ଇସାପ୍‍ତେ ଅଣଇହୁଦୀଡ଼୍ ସେଙ୍ଗେ ପାଡ଼୍‍ୟି ମାଡ଼ାନ୍ ମାୟ୍‍ଦିଙ୍କ୍ ଇଶ୍ୱର୍ ନାକିଂଙ୍କ୍ ସୁଯୋଗ୍ ଇତ୍‍ତନ୍ । ଇଶ୍ୱର୍‌ତାଦ୍ ସାୟେତ୍ କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ନାନ୍ ୱେରଣ୍ଡ୍ ଦର୍ମଗୁରୁ ଲେକାମ୍ ପାଡ଼୍‍ୟି ମାଡ଼ୁତାନ୍ । ଅଣଇହୁଦିଡ଼୍ ପବିତ୍ର ଆତ୍ମା ତଡ଼୍ ଇତ୍‍ତାୱୁ ଜିନିଷ୍ ଲେକାମ୍ ଇଶ୍ୱର୍‌ତେ ବକେତ୍ ଗ୍ରହନ୍ ଆୟିଡ଼୍, ଇଦ୍ ନାୟାଦ୍ ଉଦେଶ୍ୟ ।

ରୋମୀୟ 15:29

ନାନ୍ ପୁତ୍‍ତାନ୍, କ୍ରିଷ୍ଟନାଗାଙ୍କ୍ ସାରେ ଆର୍ଶିବାଦ୍ ପୟ୍‍ସ୍ ନାନ୍ ମିଇ ବକେତ୍ ୱାଦ୍‍ତାନ୍ ।

୧ କରନ୍ତିୟ 1:10

ହୋ ଦାଦାଲଡ଼ି ନୁ ଏଲାସ୍କ୍ ପ୍ରବୁ ଜିସୁ କ୍ରିଷ୍ଟନ୍‌ ଅଦିକାର୍‌‌ଦେ ସେଙ୍ଗେ ନାନ୍‌ ମିକିଙ୍କ୍‌ ଅନୁରଦ୍‌‍ ମାଡ଼ମିନ୍ଦେଣ୍ଡ୍, ଆଲ୍‍ସାନ୍ ମାଡ଼ାନ୍‍ୱେଲେ ୱେରଡ଼୍ ଆଇମୁଟ୍‌ । ଆଲାଇତ୍‌କେ ମିଇ ଲୋପେ ବାତାବା ୱେକ୍‍ୱେକ୍‍ ଆୟ୍‍ୟ ।

୧ କରନ୍ତିୟ 15:58

ଆଦିଙ୍କ୍ ପ୍ରିୟ ଦାଦାଲଡ଼ି ନୁ ଏଲାସ୍କ୍, ଗାଡ଼୍‍ସ୍ ନୁ ମେୟ୍‍ଲକନ୍‌ସ୍ ମାନୁଟ୍ । ପ୍ରବୁନ୍ ପାଡ଼୍‍ୟିତାଗ୍ ସାର୍ରେୱେଲେ ତିୟାର୍ ଆସ୍ ମାନୁଟ୍ । ବାତେଙ୍କ୍‍ଇତ୍‍କେ ମିଡ଼୍ ପୁତ୍‍ତିଡ଼୍ ଜେ, ପ୍ରବୁନ୍ ସେଙ୍ଗେ ମିୟାଦ୍ ପାଡ଼୍‍ୟି ବେସୁଟ୍‍ବା ଆଙ୍ଗ୍‍ଡ଼ାମ୍ ଆୟ୍‍ୟ ।

୨ କରନ୍ତିୟ 13:11

ଦାଦାନଡ଼ି ନୁ ଏଲାସ୍କ୍‍, ନାୟାଦ୍ ଶେଷଗଟ୍ ଇଦ୍ ନିଜେତିଙ୍କ୍‍ ସଂଶୋଦନ୍ ମାଡ଼ାଟ୍, ନାୟାଦ୍ ପରାମର୍ଶ ଗ୍ରହନ୍‍ ମାଡ଼ାଟ୍, ସାରେତଡ଼୍ ୱେରଡ଼୍ ମନ୍ ଆୟ୍‍ମୁଟ୍ ନୁ ଶାନ୍ତିତେ ମାନୁଟ୍ । ପ୍ରେମ ନୁ ଶାନ୍ତିତେ ଇଶ୍ୱର୍ ମିଇ ତଡ଼୍ ମାନିଣ୍ଡ୍ ।

୨ କରନ୍ତିୟ 4:4

ଅଡ଼୍‌ ବିଶ୍ୱାସ୍ ମାଡ଼ଡ଼୍‍, ବାତେଙ୍କ୍‍ଇତ୍କେ ଅଡ଼୍‌ ମନ୍‍ତିଙ୍କ୍‌ ଇଦ୍ ଜଗତ୍‌ ନାରୁଡ଼୍‍କିଂଙ୍କ୍ ଶୟ୍‍ତାନ୍‍ କାନାଲ୍‌ ମାଡ଼ିତ୍‍ତେ । ମେଣ୍ଡେ ଇଶ୍ୱର୍‌ତେ ସାରେ ବିଷୟ କ୍ରିଷ୍ଟନ୍ ମାହିମାନିତ ସୁସମାଚାର୍‌ତେ ୱେସ୍ ଅଡ଼୍‌ ପାକ୍ ୱେସ୍ଆୟ ।

୨ କରନ୍ତିୟ 9:13

ଇଦ୍‍ ସେବା ପାଡ଼୍‍ୟି ତଡ଼୍ କ୍ରିଷ୍ଟନ୍ ସୁସମାଚାର୍‌ତେ ସେଙ୍ଗେ ମିୟାଦ୍ ବିଶ୍ୱାସ୍ତେ ସେଙ୍ଗେ ନୁ ସାରେତଡ଼୍ ତଡ଼୍ କାଇଲି ମିକା ମିଡ଼୍ ବେନ୍ ପ୍ରସଂଶା ମାଡ଼୍‍ତିଡ଼୍, ଆଦିନ୍ ସେଙ୍ଗେ ଅଡ଼୍‌ ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତଡ଼୍ ।

ଗାଲାତୀୟ 1:7

ନିଜାତାଦ୍ “ମେଣ୍ଡ୍‍ଅଣ୍ଡ୍‌ ମେଲ୍‍ତା କାବୁର୍,” ଇଲ୍‌ଲେ । ବାତେଙ୍କ୍ଇତ୍‍କେ ନାନ୍ ଇଦ୍‍ରକମ୍ କେତୁତାନ୍, ବେସ୍‍କ୍‍ତୁଡ଼୍‍ କ୍ରିଷ୍ଟଟନ୍ ମେଲ୍‍ତା କାବୁର୍‍ତିଙ୍କ୍ “ମେଣ୍ଡ୍‍ଅଣ୍ଡ୍‌ ଲେକାମ୍ ଇସ୍, ମିକିଙ୍କ୍ କାବା ମାଡ଼ାନଙ୍କ୍ ଚାଏମ୍ ଅଦୁତଡ଼୍ ।”

ଏଫିସିୟ 1:13

ମିଡ଼୍ ଆନ୍‌‍ତେ ବେସୁଙ୍କ୍‍ ପରିତ୍ରାଣ୍ ଦର୍ସିକି ଆତ୍‍କେ ଇଦ୍ ସୁସମାଚାର୍‍ତେ ସତ୍‍ଗଟ୍ କେଞ୍ଜ୍‍ତିଡ଼୍, ଆଦ୍ ସମୟ୍‍ତେ ଇଶ୍ୱର୍‍ତଡ଼ି ଆଦ୍‍ତିଡ଼୍ । ମିଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ନାଙ୍କ୍, ଇଶ୍ୱର୍ ତାନ୍ ପ୍ରତିଜ୍ଞା ଲେକାମ୍ ପବିତ୍ରଆତ୍ମାନ୍ ଦାନ ମାଡ଼ି ମିଇ ପରୁ ଅନାଦ୍‌ ସତ୍‍ ଚିଃନେ ମାଡ଼ି ନିଜର୍‍ ମାଡ଼୍‍ତଣ୍ଡ୍ ।

ଏଫିସିୟ 1:15

ଇଦ୍ କାରନ ସେଙ୍ଗେ ପ୍ରବୁ ଜିସୁନାଗାଙ୍କ୍ ମିୟାଦ୍ ବିଶ୍ୱାସ୍ ନୁ ଇଶ୍ୱର୍‌ତେ ନାରୁଡ଼୍ ସେଙ୍ଗେ ମିୟାଦ୍ ପ୍ରେମ ମିନ୍ଦେ ଇଞ୍ଜ କେଞ୍ଜ୍‍ତେ ପେର୍କେ,

ଏଫିସିୟ 4:1

ପ୍ରବୁନ୍ ସେବା ମାଡ଼ାନ୍ ମାୟ୍‍ଦିଙ୍କ୍ ବନ୍ଦି ଆସ୍‍ମାନ୍ଦାନ୍ ନାନ୍‍ନେ ପାଉଲ ମିକିଂଙ୍କ୍ ଅନୁରୋଦ୍ ମାଡ଼ୁତାନ୍, ବେଦ୍‍ପୁଟୁଙ୍କ୍ ବାଦ୍‍କାନ୍ ମାୟ୍‍ଦିଙ୍କ୍ ଇଶ୍ୱର୍ କାର୍‍ଙ୍ଗି ମିନ୍ଦେଣ୍ଡ୍ ଆଦେ ଲେକାମ୍ ବ୍ୟବହାର୍‌ ମାଡ଼ାଟ୍ ।

ଫିଲିପିୟ 1:5

ବାତେଙ୍କ୍ ମିୟାଦ୍ ବିଶ୍ୱାସ୍ ପ୍ରାୟ ଦିନାକିନେ କେ ନାନ୍ ମିକିଙ୍କ୍ ସୁସମାଚାର୍‍ତାଗ୍ କାମ୍ ମାଡ଼ିତାନ୍ ।

ଫିଲିପିୟ 2:12

ଆଦିଙ୍କ୍ ପ୍ରିୟ ସାଙ୍ଗନଡ଼ି, ନାନ୍ ମିଇତଡ଼୍ ମାନ୍ଦାନ୍ ୱେଲେ ମିଇଡ଼୍‍ ବେଲାନ୍ ସାରେଦାମ୍ ନାୟାଦ୍ ଆଜ୍ଞାଦିନାମ୍ ମାଡ଼ିତିଡ଼୍, ଇଞ୍ଜେ ନାନ୍ ମିୟାଗାଙ୍କ୍ ଯେକା ମା‍ନ୍ଦାନ୍ ୱେଲେ ଅଦିକ୍‌ ବିଶ୍ୱାସ୍ତେ ନାୟାଦ୍ ବାଦ୍ୟ ଆଦାନାଦ୍ ମିୟାଦ୍ ପାଡ଼୍‍ୟି । ମିୟାଦ୍ ମୁକ୍ତି ବେଲା ସାରେ ଆଦ୍‍ତେ, ଆଦିନ୍ ସେଙ୍ଗେ ୱେର୍‍ସ୍‍ ନୁ ୱାଡ଼୍‍କାନ୍ ପାଡ଼୍‍ୟି ମାଡ଼ଡ଼୍‍ ଆନୁଟ୍ ।

ଫିଲିପିୟ 2:24

ଆଦେଲେକାମ୍ ପ୍ରବୁନାଗେ ନାନ୍ ବିଶ୍ୱାସ୍ ମାଡ଼ୁତାନ୍ ଯେ, ନାନ୍ ନିଜେ ଯାପେ ମୀଇପାକେ ୱାଦେ ପାର୍‍ତାନ୍ ।

ଫିଲିପିୟ 3:18

ମୁନେଙ୍କ୍ କଞ୍ଜ୍ ନାର୍‍ଗେ ଦାମ୍ ନାନ୍ ମିକିଂଙ୍କ୍ ଇଦ୍ ଗଟ୍ କେତ୍‍ତାନ୍, ମେଣ୍ଡେ ଇଞ୍ଜେ ମିକା ସାରେଲେକାମ୍ ଲୋଚନତେ ଆଦିନ୍ ଲେକାମ୍ ମାଡ଼ୁତାନ୍; ନାର୍‍ଗେ ନିଜେ ନିଜେ ଜିୱେତାଗ୍ କ୍ରିଷ୍ଟନ୍ କ୍ରୁଶତେ ଶତ୍ରୁନଡ଼୍‍ ଆଚରଣ ମାଡ଼ୁତଡ଼୍ ।

ଫିଲିପିୟ 3:20

ଅଣ୍ଡ୍‌ ବାତ୍‍ଆଇ, ମାନାଡ଼୍ ସ୍ୱର୍ଗ ରାଜ୍ୟତେ ନାରୁଡ଼୍ । ସ୍ୱର୍ଗତାଗାଙ୍କ୍ ମାନାଡ଼୍ ତ୍ରାଣକର୍ତ୍ତାଲ୍ ପ୍ରବୁ ଜିସୁଙ୍କ୍ କ୍ରିଷ୍ଟନାଦ୍ ୱାଦାନାଦିଙ୍କ୍ ମାନାଡ଼୍ ଆଗ୍ରତେ ପ୍ରତିକ୍ଷା ମାଡ଼ୁତମ୍ ।

ଫିଲିପିୟ 4:1

ପ୍ରିୟ ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ଉଡ଼ାନ୍ ସେଙ୍ଗେ ନାନ୍ ବେସର୍ ୱେଡ଼୍‌କେ । ମିକିଂଙ୍କ୍‍ ଆସ୍ ନାୟାଦ୍ ବେସର୍ ୱେଡ଼କେ । ମିଇ ସେଙ୍ଗେ ନାୟାଦ୍ ବେସର୍ ଆଶେ । ସହଜ୍‍ ରକମ୍‍ ଦାଦାନଡ଼ି ନୁ ଏଲାସ୍କ୍‍, ନାୟାଦ୍ ଶିକ୍ଷା ଲେକାମ୍ ପ୍ରବୁନାଗେ ମାଞ୍ଜ୍‍ମିକା ବାଦ୍‍କାଟ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

କଲସୀୟ 1:4

ବାତେଙ୍କ୍‍ଇତ୍କେ ମାମେ କ୍ରିଷ୍ଟ ଜିସୁନାଗେ ମିୟାଦ୍ ବିଶ୍ୱାସ୍ ନୁ ଇଶ୍ୱର୍‌ତେ ସାରେ ନାରୁଡ଼୍ ସେଙ୍ଗେ ମିୟାଦ୍ ପ୍ରେମ ବିଷୟ କେଞ୍ଜ୍‍ତମ୍ ।

୧ ଥେସଲନିୟ 3:6

ବାତେଙ୍କ୍ ଇତ୍‍କେ ହିଞ୍ଜେ ତୀମତି ମିୟାଗାଙ୍କ୍ ମାଲ୍‍ସ୍ ମା ପାକେ ୱାସ୍, ମିୟାଦ୍ ବିଶ୍ୱାସ୍ ନୁ ପ୍ରେମ ବିଷୟ୍‍ତେ କେସ୍‍ମିନ୍ଦେନ୍, ମାମ୍‍ମେ ବେଦ୍‍ଲେକାମ୍ ମିକିଂଙ୍କ୍ ଉଡ଼ାନଙ୍କ୍ ଇଚ୍ଛା ମାଡ଼ୁତମ୍, ଆଦେଲେକାମ୍ ମିଡ଼୍ ମାକିଂଙ୍କ୍ ସାରେଦିନା ହେର୍କାତାଗ୍ ନେହେସ୍ ମାକିଂଙ୍କ୍ ଉଡାଙ୍କ୍ ଇଚ୍ଛା ମାଡ଼ାଟ୍, ହିଦ୍ ବିଷୟ୍‍ତେ ମାକିଂଙ୍କ୍ ଲେକେତ୍‍ କାବୁର୍ ଇସ୍‌‍ମିନ୍ଦେନ୍;

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।

୧ ତୀମତି 1:11

ଇଦ୍‍ ଉପଦେଶ୍‍ ଇଶ୍ୱର୍‌ତେ ଗୌରବ୍‍ ପ୍ରସଂଶା ସେଙ୍ଗେ ଆୟି । ଇଦ୍‍ ସାୟେତ୍‍ ଗଟ୍‍ ପ୍ରଚାର୍‍ ମାଡ଼ାନଙ୍କ୍‍ ଦାୟିତ୍ୱ ନାକିଙ୍କ୍‍ ଇତ୍‍ତଡ଼୍‍ ।

୧ ତୀମତି 1:19

ବିବେକ୍‍ତିଙ୍କ୍ ସାୟେ ନେହ୍‍ସ୍‍, ନି ଦର୍ମ ବିଶ୍ୱାସତେ ଡ଼ୁଟାଙ୍କ୍‍ ମାନ୍‍ । ବେନ୍‍ ବେନ୍‍ଡ଼୍‍ ବିବେକ୍‍ତେ ଚେତାବନୀତିଙ୍କ୍ ୱିଡ଼୍‌ସି ମାଡ଼ି ନିଜର୍‍ ଦର୍ମବିଶ୍ୱାସ୍‍ତିଙ୍କ୍ ନଷ୍ଟ ମାଡ଼ିସ୍‍ ମିନ୍ଦେଡ଼୍‍ ।

୨ ତୀମତି 4:7

ନାନେ ସାୟେ ଯୁଦ୍‌ତାଗେ ପ୍ରାଣପନ୍ ମାଡ଼୍‍ତାନ୍ । ଜିୱେତ୍ ମିରାନାଗ୍ ନାନେ ନିରୂପିତ ଆର୍ ଅଦିକ୍‌ ଲେକେତ୍‍ ମାଡ଼ିମିନ୍ଦେନ୍; ନାୟାଦ୍ ବିଶ୍ୱାସ୍‍ତେ ନାନେ ଦୃଡ଼ ମାତ୍‍ତାନ୍ ।

ତୀତସ୍‌ 2:10

ଅଡ଼୍‌ ବିରୁଦ୍ ମାଡ଼୍‍ମାକିଡ଼୍, ଡଙ୍ଗାଲଡ଼୍ ଆୟ୍‍ୟକଟ ବିଶ୍ୱାସିଡ଼୍ ଆୟିଡ଼୍, ବେଲାକି ଅଡ଼୍‌ ସାର୍‍ରେ ସାୟେତ୍‍ ବିଷୟ୍‍ତାଗ୍ ମାନ୍‍ ମୁକ୍ତିଦାତାଲ୍ ଇଶ୍ୱର୍‌ତେ ଶିକ୍ଷାତାଗ୍ ନେଡ଼େମ୍ ଲେକାମ୍ ଆୟିଡ଼୍ ।

ଫିଲିମୋନ୍‌ 1:5

ବାତେଙ୍କ୍ ଇତ୍‍କେ ନାନ୍ କେଞ୍ଜ୍‍ତାନ୍, ପ୍ରବୁ ଜିସୁନାଗ୍ ନିୟାଦ୍ ବିଶ୍ୱାସ୍ ନୁ ଇଶ୍ୱର୍ ବକ୍ତି ନାରୁଡ଼୍‍କିଂଙ୍କ୍ ନିୟାଦ୍ ବେସର୍ ପ୍ରେମ ମିନ୍ଦେ !

ଯାକୁବ 3:18

ମେଣ୍ଡେ ଆଦ୍ ଶାନ୍ତି ଇଦାନ୍ ନାରୁଡ଼୍ ତଡ଼୍ ଦାର୍ମାମ୍ ଲେକାମ୍ କାୟେତ୍ ପେଡ଼େମ୍ ୱିତାନଙ୍କ୍ ଆଦ୍‍ତେ ଦାର୍ମାମ୍‌ ୱିଜେ କୟ୍‍ତିତଡ଼୍‍ ।

୨ ପିତର୍‌ 3:11

ଯଦି ଇଦ୍‍ଲେକାମ୍ ସାରେ ବିଷୟ ଦସଂ ଆଦ୍‍ତା, ଆଲେକ୍ ଆଲ୍‍ସୁଡ଼ାଟ୍, ମିୟାଦ୍ ବେସତ୍‍ ଜିୱୁଣ୍ଡ୍ ଆଦାନ୍‍ ଦର୍‍କାର୍‍ । ଆଦ୍ ପବିତ୍ର ନୁ ଇଶ୍ୱର୍‌ତେ ମୁନେ ଉତ୍ସର୍ଗ ଆଦାନାଦ୍ ନିୟାତି ଦର୍‍କାର୍‍ ।

୨ ପିତର୍‌ 3:14

ଆ ପ୍ରିୟ ସାଙ୍ଗନଡ଼ି, ଆଦ୍ ଦିନାତେ କେପାନ୍‍ ସମୟତେ ମିଡ଼୍ ଇଶ୍ୱର୍‌ତେ କଣ୍ଡେତେ ପବିତ୍ର ନୁ ନିର୍ଦଷ୍‌ ଆସ୍ ଶାନ୍ତିତେ ମାନ୍ଦାନଙ୍କ୍ ଜିୱେତାଗେ ଚେଷ୍ଟା ମାଡ଼ାଟ୍ ।

ଯିହୁଦା 1:3

ଆ ପ୍ରିୟ ସାଙ୍ଗଡ଼ି, ନାନ୍ ମାନାଦ୍‍ ପରିତ୍ରାଣ ବିଷୟ ମିଇ ବକେତ୍ ସୁଦୁଟ୍ ଲେକାନଙ୍କ୍ ମାନ୍‍ ମାଡ଼ିମାତ୍‍ତାନ୍ । ଇତ୍‍କେ ତିନ୍ ଲୋପେ ଇଶ୍ୱର୍ ତାମ୍ ନାରୁଡ଼୍‍କିଂଙ୍କ୍ ସାରେ ଦିନେତ୍ ମାୟ୍‍ଦିଂଙ୍କ୍ ଇସ୍ ମାନ୍ଦାନ୍ ବିଶ୍ୱାସ୍‍ତଡ଼୍ ଯୁଦ୍ ମାଡ଼ାନ୍ ସେଙ୍ଗେ ମିକିଂଙ୍କ୍ ସାର୍ଦେ ମାଡ଼ାନ୍ ଦର୍‍କାର୍ ଇଞ୍ଜ ମାନ୍‍ ମାଡ଼୍‍ତାନ୍ ।