ଫିଲିପିୟ 1:20 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁰ ଜିୱେତାଗ୍ ବା ଡଲାନାଗ୍, ନାୟାଦ୍ ପାଡ଼ିୟିଦାଗ୍ ଗମାଡ଼୍ ମାଡକଟ୍ ସାରେ ସମୟ୍‍ତେ ନୁ ବିଶେଷତେ ଇଦ୍ ଦୁର୍ଦ୍ଦିନତେ ଶକ୍ତିତନ୍ ଆସ୍ ସାରେଲେକାମ୍ ବେଲାନ୍ ନାନ୍‍ନେ କ୍ରିଷ୍ଟଙ୍କ୍ ଗୌରବ୍‍ତେ ମାଡ଼ିତାନ୍, ଇଦ୍ କେ ନାୟାଦ୍ ଅଣ୍ଡୟ୍‌‍କେ ଆଶେ ନୁ ଆକାଂକ୍ଷା ।

ଫିଲିପିୟ 1:20 Iomraidhean Croise

ଯୋହନ୍‌‌ 21:19

ପରମେଶ୍ୱର୍‍ତେ ଗୌରବ୍‍ ସେଙ୍ଗେ ପିତର୍ ବେଦ୍‍ରକମ୍‍ ଡଲିତଣ୍ଡ୍, ଇଦ୍ ବୁଜାମାଡ଼ାନଙ୍କ୍ ଜିସୁ ଆଦ୍ ରକମ୍ କେସ୍ ମାତ୍‍ତଣ୍ଡ୍ । ତିନ୍‍ପେର୍କେ ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ନା ପେର୍‍କେ ୱାଡ଼ାଟ୍ ।”

ପ୍ରେରିତ 20:24

ଇତ୍‍କେ ନା ସେଙ୍ଗେ ନାନ୍ ନାୟାଦ୍ ଜିୱୁଣ୍ଡ୍‍ତିଙ୍କ୍ ସୁଦୁର୍ ହେର୍କା ମାଡ଼ିତାନ୍ । ଇଶ୍ୱର୍‌ତେ ଅନୁଗ୍ରହ ବିଷୟ୍ ପ୍ରବୁ ଜିସୁ ବେନ୍ କବର୍ ସୁସମାଚାର୍ କେତ୍‍ତାନଙ୍କ୍ ନାକିଂଙ୍କ୍ ହିତ୍‍ତଣ୍ଡ୍, ଆଦ୍ ପୁରନ୍ ମାଡ଼ି ନାୟାଦ୍ ପ୍ରଚାର୍ ପାଡ଼୍‍ୟି ସାରେ ମାଡ଼ିତାନ୍; ଇସରେ ନାୟାଦ୍ ଇଚ୍ଛା ।”

ପ୍ରେରିତ 21:13

ପାଉଲ୍ ଉତ୍ତର୍ ହିତ୍‍ତଣ୍ଡ୍, “ମିଡ଼୍ ଇଦ୍ ବାତ୍ ମାଡ଼ୁତିଡ଼୍, ବାତେଙ୍କ୍ କେୟିମିକା ନା ହୃଦୟ୍‍ତିଙ୍କ୍ କେଇସ୍ପିଦୁତିଡ଼୍ ? ଯିରୁଶାଲେମ୍‍ତାଗ୍ ମାତର୍‍ ତଅତିତଡ଼୍ ଆଦିନ୍ ମାଇଦିଙ୍କ୍ ୱେର୍‍ୱନ୍, ଇତ୍‍କେ ପ୍ରବୁ ଜିସୁନ୍ ପେଦେର୍‍ତେ ସେଙ୍ଗେ ଡଲାନଙ୍କ୍ ମିକା ନାନ୍ ତିଆର୍ ମିନ୍ଦେନ୍ ।”

ପ୍ରେରିତ 4:31

ଅଡ଼୍‌ ପ୍ରାର୍ତନା ମାଡ଼ାନ୍ ୱେଲେ ବେନ୍ ପଡ଼୍‍ୟେତାଗ୍ ଅଣ୍ଡୟାଗେ ଆସ୍‍ମାତ୍‍ତଡ଼୍, ଆଦ୍ ପଡ଼୍‍ୟି ଲେଙ୍ଗ୍‍ଦେ ବର୍ତ୍ତି ଆତ୍‍ତେ । ମେଣ୍ଡେ ସାରେତଡ଼୍ ପବିତ୍ର ଆତ୍‍ମା ତଡ଼୍ ପୁରା ଆସ୍ ସାହାସ୍ ତଡ଼୍ ଇଶ୍ୱର୍‌ତେ ବାକ୍ୟ କେତାଙ୍କ୍ ପସ୍‍ସ୍ପ୍‍ତଡ଼୍ ।

ରୋମୀୟ 12:1

ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍‍, ମାନ୍‍ ସେଙ୍ଗେ ଇଶ୍ୱର୍‌ତେ ଗାଟି ଅନୁଗ୍ରହ୍ ମାୟ୍‍ଦିଙ୍କ୍ ମିକିଂଙ୍କ୍ ନାନ୍ ଅନୁରଦ୍‌ ମାଡ଼ୁତାନ୍, ଇଶ୍ୱର୍‌ତାଗ୍ ନିଜେତିଙ୍କ୍ ପବିତ୍ର ଜିୱୁଣ୍ଡ୍ ପୁଜ୍‍ ଇମୁଟ୍ । ଅନ୍‌ ସେବା ମାଡ଼ି ମିଡ଼୍ ଅନାଗ୍ ଶାନ୍ତି ଆୟ୍‍ମୁଟ୍ । ଇଦ୍ ଇଶ୍ୱର୍‌ତାଗ୍ ନିଜାତାଦ୍ ଉପାସନା ।

ରୋମୀୟ 5:5

ଆଶେ ମାନାଙ୍କ୍‍ ନିରାଶ୍‍ ଆଦାନଙ୍କ୍ ଇୱ, ବାତେଙ୍କ୍ଇତ୍‍କେ ଇଶ୍ୱର୍ ମାକିଂଙ୍କ୍ ପବିତ୍ର ଆତ୍ମା ଇସ୍ ମାନ୍‍ ଜିୱୁଣ୍ଡ୍‍ତିଙ୍କ୍ ତାନ୍ ପ୍ରେମତଡ଼୍ ବର୍ତ୍ତି ମାଡ଼୍‍ତଣ୍ଡ୍ ।

ରୋମୀୟ 6:13

ମିଡ଼୍ ନିଜେତିଙ୍କ୍ ବାତ୍‍ଆଇ ପାପ୍‌ ଗାର୍‍ରେ ସର୍ପା ଆସ୍ କାରାପ୍ ପାଡ଼୍‍ୟି ମାଡ଼ାନ୍ ନାରୁଣ୍ଡ୍‍ ଲେକାମ୍ ବ୍ୟବହାର୍‌ ଆୟ୍‍ମାଟ୍ । ବେଲାନ୍ ଡଲ୍‍ତାଗାଙ୍କ୍ ରକ୍ଷା ପାଏମ୍ ଆସ୍ ଜିୱୁଣ୍ଡ୍ ପାଏମ୍ ଆସ୍‍ ମାନ୍ଦାନ୍ ମାୟ୍‍ଦିଙ୍କ୍ ନିଜେ ନିଜେତିଙ୍କ୍ ସାରେ ଇଶ୍ୱର୍‌ତାଗ୍ ସର୍ପା ଆୟ୍‍ମୁଟ୍ ।

ରୋମୀୟ 6:19

ମିୟାଦ୍ ନିତ୍‍ଦିନେତ୍ ଦୁର୍ବଲ୍‍ ସେଙ୍ଗେ, ଇୱୁ ସାର୍‍ରେ ଗଟି ନାନ୍ ଚାଲେମ୍ ଆଦାନ୍ ଗଟିନ୍‍ତଡ଼୍ କେତୁତାନ୍ । ଅନ୍‌‍ଦିନେ ମିଡ଼୍ ଅଶୁଚି ନୁ ଅପରାଦ୍‌ ପାଡ଼୍‍ୟିତାଗ୍ ମୁଡ଼୍‍ନ୍ଦି ମାତ୍‍ତିଡ଼୍ । ଆଦେରକମ୍ ଇଞ୍ଜେ ପବିତ୍ର ଜିୱା ଆଦ୍‍ଦାନ୍ ସେଙ୍ଗେ ଦାର୍ମାମ୍ ଗାର୍‍ରେ ନିଜେତିଙ୍କ୍ ପୁରାପୁରି ସର୍ପା ଆୟ୍‍ମୁଟ୍ ।

ରୋମୀୟ 8:19

ସାର୍‍ରେ ସୃଷ୍ଟି ଆଦ୍ ଦିନାମ୍‍ତିଙ୍କ୍ ଆଗ୍ରହ ଆସ୍‍ କେପି ମିନ୍ଦେ,

ରୋମୀୟ 9:33

ଶାସ୍ତ୍ରତାଗ୍ ବେଲା ଲେକ୍‍ତାଦ୍ ମିନ୍ଦେ, “ଉଡ଼ାଟ୍, ମାମ୍‍ମେ ସିୟନତାଗ୍ ଅଣ୍ଡୟ୍‌ କାଲ୍ ନୁ ଅଣ୍ଡୟ୍‌ ବାଡ଼୍‍ୟାଦ୍ ବାଣ୍ଡ୍‍କାଲ୍ ତିୟାର୍ ମାଡ଼୍‍ତମ୍ । ଆଗେ ତାଲ୍‍ଗି ନାରୁଡ଼୍ ମଦଲ୍ ରାୟିତଡ଼୍ । ଇତ୍‍କେ ବିଶ୍ୱାସୀଡ଼୍ ନିରାଶ୍‍ ଆୟ୍‍ୟଡ଼୍ ।”

୧ କରନ୍ତିୟ 15:31

ଦାଦାଲଡ଼ି ନୁ ଏଲାସ୍କ୍‍ନଡ଼ି, ମାନାଦ୍‍ ଜିୱୁଣ୍ଡ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ କାୟ୍‍ଲି ମାନ୍ଦାନ୍ ମାୟ୍‍ଦିଙ୍କ୍, ମିଇ ସେଙ୍ଗେ ନାୟାଦ୍ ବେନ୍ ଗର୍ବ, ଆଦିନ୍ ତଅସ୍ କେତୁତାନ୍, ନାନ୍ ସାର୍ରେଦିନା ଡଲାନ୍ ମକମ୍‍ତାଗ୍ ମିଶି ଆଦୁତାନ୍ ।

୧ କରନ୍ତିୟ 6:20

ଅଣ୍ଡ୍‌ ମିକିଂଙ୍କ୍ ଗାଟି ଦାମ୍‌ତେ ଆସ୍‍ତଣ୍ଡ୍; ଆଦିଙ୍କ୍‌ ମିଇ ମେନ୍ଦୁଲ୍‌ତେ ଇଶ୍ୱରନ୍‌ ମୁକ୍ତି ନୁ ଗୌରବ୍‍ ତିଆର୍ ମାଡ଼ାଟ୍ ।

୧ କରନ୍ତିୟ 7:34

ମେଣ୍ଡେ ଅନ୍‌‌ ମାନ୍‍ ବାଗ୍‌ ଆଦ୍‍ତେ । ପେଣ୍ଡୁଲ୍‍ଆୟ୍‌ୱା ନାଟାଙ୍କ୍ ନୁ ପିକି ପ୍ରବୁନ୍ ପବିତ୍ର ପାଡ଼ୟିତାଗ୍ ମାନ୍‍ ଇଦ୍‍ତା, ବାତେଙ୍କ୍ ଇତ୍‍କେ ମେନ୍ଦୁଲ୍‍ତେ ନୁ ଆତ୍ମାତେ ଲେକାମ୍ ଆଦ୍ ନିଜେତିଙ୍କ୍ ଇଶ୍ୱର୍‌ତେ ଗାର୍ରେ ଉତ୍ସର୍ଗ ମାଡ଼ାନଙ୍କ୍ ଆଲ୍‍ସିତ୍ । ବାତେଙ୍କ୍ ଇତ୍‍କେ ବେଦ୍ ପେଣ୍ଡୁଲ୍‌ ଆତ୍‌ତା, ଆଦ୍‌ ବେଲେ ତାନ୍‌ ମୁଜାନ୍‌ ମାଇଦିଙ୍କ୍‌ ନେଲ୍ଲା ମାନ୍‌ତା, ଆଦିନ୍‌ ମାଇଦିଙ୍କ୍‌ ବୁମ୍‍ତେ ବିଷୟ ଆସ୍‌ ଆଲ୍‌ସାଟ୍‌ ।

୨ କରନ୍ତିୟ 10:8

ମିଇକିଙ୍କ୍ ଦ୍ୱଂସ ମାଡ଼ାନଙ୍କ୍ ଆୟ୍‍ୟ, ମାତର୍ ଗଠନ୍ ମାଡ଼ାନ୍ ସେଙ୍ଗେ ଇଶ୍ୱର୍ ମାନ୍‍ ବେନ୍ ଅଦିକାର୍‌ ଇତ୍‍ତନ୍, ଆଦିନ୍ ସେଙ୍ଗେ ଯଦି ନାନ୍ ନାର୍‍ଗେ ଦର୍ପ ମାଡ଼ିମାନ୍‍ତାନ୍, ଆଲେକେ ସିଗ୍ ଆୟନ୍ ।

୨ କରନ୍ତିୟ 3:12

ଆଦ୍‍ ଆଶେ ମାନ୍‍ନାଙ୍କ୍ ମାମ୍‍ମେ ଅଦିକ୍‌ ସାହାସ୍ ।

୨ କରନ୍ତିୟ 4:10

ମାମ୍‍ମେ ସାରେଦାମ୍ ମାନ୍‍ ମେନ୍ଦୁଲ୍‌ତାଗ୍ ଜିସୁନ୍ ଡଲ୍‍ତାଦ୍ ହେର୍କା ମାଡ଼ୁତମ୍ । ଜିସୁନ୍ ଜୀୱୁନ୍‌ ବେଲାନ୍ ମାୟାଗେ ପ୍ରକାଶିତ୍‍ ଆଦ୍‍ତେ,

୨ କରନ୍ତିୟ 5:15

ଅଣ୍ଡ୍‌ ସାରେତଡ଼୍ ସେଙ୍ଗେ ଡଲିମାନାଙ୍କ୍ ବେନଡ଼୍ ଜୀୱୁନ୍‌ ମିନ୍ଦେ, ଅଡ଼୍‌ ମେଣ୍ଡେ ନିଜେତ୍ ସେଙ୍ଗେ ଜୀୱୁନ୍‌ ଆୟ୍‍ୱେ ଅନ୍‌ ସେଙ୍ଗେ ଗେଲ୍‍ସିତଡ଼୍, ବାତେଙ୍କ୍‍ଇତ୍କେ ଅଡ଼୍‌ ସେଙ୍ଗେ ଅଣ୍ଡ୍‌ ଡଲି ମେଣ୍ଡେ ଜିୱେ ଆସ୍ ମିନ୍ଦେନ୍‌ ।

୨ କରନ୍ତିୟ 7:14

ତାମ୍ ପାକେ ମିଇ ସେଙ୍ଗେ ନାନ୍ କେସ୍‍ମିନ୍ଦେନ୍ । ମେଣ୍ଡେ ଆଦିନ୍ ସେଙ୍ଗେ ନା ତାଲେ ମଦଲ୍ ଆୟ୍‍ୟ । ବେଲାନ୍ ମିଇ ପାକେ ମାମ୍‍ମେ ସାରେଦିନା ସତ୍ କେସ ୱାଦୁତମ୍‍, ଆଦେଲେକାମ୍ ତିତସ୍‍ତେ ପାକେ ମାମ୍‍ମେ ମାଡ଼ିମାନ୍ଦାନ୍ ଗର୍ବି, ବୁସା ଇଞ୍ଜ ପ୍ରମାନ୍ ଆୟ୍‍ୟ ।

୨ କରନ୍ତିୟ 7:4

ମିଇ ପରୁ ନାୟାଦ୍ ଗାଟି ବିଶ୍ୱାସ୍ ମିନ୍ଦେ । ମିଇ ସେଙ୍ଗେ ନାୟାଦ୍ ଗର୍ବ ମିକା ଆଦ୍‍ତେ । ଦୁଃକାମ୍ କଷ୍ଟ ସମୟ୍‍ତେ ନାନ୍ ମୁନେଙ୍କ୍ ତାଦ୍ ଶକ୍ତି ତଅତାନ୍ । ୱେଡ଼୍‍କେତେ ସାର୍‍ଦେ ଆତ୍‍ତାନ୍ ।

ଫିଲିପିୟ 1:14

ବାତେଙ୍କ୍ ଇତ୍‍କେ ନାନ୍ ବନ୍ଦି ଆତ୍‍ତାଙ୍କ୍ ନାର୍‍ଗେ ଦାଦାନଡ଼ି ନୁ ହେଲାସ୍କ୍ ପ୍ରବୁନ୍ ସେଙ୍ଗେ ନାର୍‍ଗେ ବିଶ୍ୱାସ୍ ଆତ୍‍ତେ, ମେଣ୍ଡେ ଇଦ୍ ପେର୍‍କେ ଜାମ୍‍ମେ ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ାନଙ୍କ୍ ଅଡ଼ାଦ୍‌ ସାହସ ନାର୍‍ଗେ ଆତ୍‍ତେ ।

ଫିଲିପିୟ 2:17

ଇଶ୍ୱର୍‌ତେ ଗଟ୍‍ତେ ମିୟାଦ୍ ବିଶ୍ୱାସ୍ ଲେକାମ୍ ବଲିଦାନତାଗ୍ ଆଲେକେ ବା ନାୟାଦ୍ ଜିୱୁନ୍ ନେତୁର୍‍ଇସ୍ ତସିଦାଙ୍କ୍‍ ଆଦ୍‍ତେ । ଆଦିନ୍ ସେଙ୍ଗେ ନାନ୍ ୱେଡ଼େକେ ନୁ ନାୟାଦ୍ ଇଦ୍ ୱେଡ଼୍‍କେତେ ମିଇ ତଡ଼୍ ମାଡ଼ାନଙ୍କ୍ ନାନ୍ ଇଚ୍ଛାମାଡ଼ୁତାନ୍ ।

କଲସୀୟ 1:24

ଇଞ୍ଜେ ମି ସେଙ୍ଗେ ବେନ୍ ଦୁଃକାମ୍ କଷ୍ଟ ସେଙ୍ଗେ ନାନ୍ ୱେଡ଼୍‍କ୍‍ତାନ୍ । ବାତେଙ୍କ୍‍ଇତ୍କେ ନାୟାଦ୍ ମେନ୍ଦୁଲ୍‍ ଦୁଃକାମ୍‍ ତଡ଼୍ ନାନ୍ କ୍ରିଷ୍ଟନ୍ ମେନ୍ଦୁଲ୍ ଲେକାମ୍ ମଣ୍ଡଲି ପାକାଙ୍କ୍ କ୍ରିଷ୍ଟନ୍ ଦୁଃକାମ୍‍ତେ ବାକି ଦୁଃକାମ୍‍ତିଙ୍କ୍ ପୁରା ମାଡ଼ାନ୍‍ ସେଙ୍ଗେ ନାନ୍ ସାହାଯ୍ୟ ମାଡ଼ୁତାନ୍ ।

୧ ଥେସଲନିୟ 5:23

ବେନ୍ ଇଶ୍ୱର୍ ମାନ୍‍ ଶାନ୍ତିତେ ନେହେତିତ୍, ଅଣ୍ଡ୍‌ ମାନ୍‍ ସାରେଦିନାତ୍ ସେଙ୍ଗେ ପବିତ୍ର ମାଡ଼ିତନ୍ ନୁ ସାରେଦିନାମ୍ ମାନାଡ଼୍ ଅନ୍‌ ତଡ଼୍ ମାନ୍‍ତାଡ଼୍, ମାନାଡ଼୍ ପ୍ରାର୍ତନା ମାଡ଼ିକାଡ଼୍ ଯେ, ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନ୍ ମିୟାଦ୍ ଆତ୍ମା, ଜିୱୁନ୍, ମେନ୍ଦୁଲ୍ ସାରେତିଙ୍କ୍ ନିର୍ଦୋଷ୍‍ ମାଡ଼ି ନେଃଏମୁଟ୍ ।

୧ ପିତର୍‍ 4:16

କିନ୍ତୁ ମିଡ଼୍ ଯଦି କ୍ରିଷ୍ଟିୟାନ୍‍ ଆୟିନାଙ୍କ୍ ଦୁଃକାମ୍ ମାଡ଼ୁତିଡ଼୍, ଆଲେକ୍ ସିଗ୍‍ ଆୟ୍‍ମାଟ୍ । ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ପେଦେର୍ ପୟ୍‍ତିଡ଼୍ ।

୧ ଯୋହନ୍‌‌ 2:28

ଆ ପିଲାନଡ଼ି ! କ୍ରିଷ୍ଟନ୍‍ତଡ଼୍ କାଇଲି ମାନ୍‍ନୁଟ୍, ଆଲେକେ ଅନ୍‌‍ୱାଦ୍‍ ବେସୁଙ୍କ୍‍ ଆବିର୍ବାବ ଆଦ୍‍ତେ, ମାନାଡ଼୍ ୱେର୍ରେ ଇଲ୍‍ୱେ ଅନ୍‌ ମୁନେ ଆଦେ ପାର୍‍ତାଡ଼୍, ଆୱୁ ଦିନାକିନେ ମାନାଙ୍କ୍ ସିଗ୍‍ତଡ଼୍‍ ମିଞ୍ଜାନଙ୍କ୍ ଆୟ ।