ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 4:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ଜିସୁ ପବିତ୍ର ଆତ୍ମାତେ ପୁରା ଆସ୍ ଯର୍ଦ୍ଦନ ବେଡ଼େମ୍ କଞ୍ଜ୍ ମାଲ୍‍ତଣ୍ଡ୍, ମେଣ୍ଡେ ପବିତ୍ର ଆତ୍ମାତେ ତଡ଼୍ ଚାଲେମ୍ ଆସ୍ ଅଂକିଙ୍କ୍‌ ସିମ୍‍ସାମ୍ ପଡ଼ିୟେତାଗ୍ ଆତ୍‍ତେ । ଆଗେ ଅଣ୍ଡ୍‌ ଚାଳିଶ୍ ଦିନ୍ ହେଉନା ଶୟ୍‍ତାନ୍‍ ତଡ଼୍ ପରୀକ୍ଷିତ ଆସମାତ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 4:1 Iomraidhean Croise

ମାତିଉ 3:16

ଜିସୁ ବାପ୍ତିସ୍ମ ହସ୍ ଏର୍‍ତାଗାଙ୍କ୍ ତେଦି ୱାତ୍‍ତେ ସାଙ୍ଗେ ସାଙ୍ଗେ ଅଣ୍ଡ୍‌ ଉଡ଼୍‍ତଣ୍ଡ୍ ସ୍ୱର୍ଗ କୁଲେମ୍ ଆତ୍‍ତେ ନୁ ପବିତ୍ର ଆତ୍ମା ପାର୍ୱା ରକମ୍ ହାସ୍ ଅନ୍‌ ପର୍‍ର ଡିଗ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:27

ଅଣ୍ଡ୍‌ ଆତ୍ମାତେ ତଡ଼୍ ଚାଲେମ୍ ଆସ୍ ମନ୍ଦିର୍‌ ତାଗ୍ ଆତ୍‍ତଣ୍ଡ୍, ମେଣ୍ଡେ ସୁଦୁନ୍ ଜିସୁନ୍ ୟାୟବାବ ବେସୁଣ୍ଟ୍ ତାନ୍ ବିଷୟତେ ବ୍ୟବସ୍ଥାତେ ପାଲନ୍ ଲେକାମ୍ ପାଡ଼ିୟି ମାଡ଼ାନ୍ ସେଙ୍ଗେ ଅଂକିଙ୍କ୍‌ ମନ୍ଦିର୍‌ ଲୋପେ ତାତ୍‍ତଡ଼୍,

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 3:3

ଆଗେ ବାପ୍ତିଜକ ଯୋହନ୍‌ ଯର୍ଦ୍ଦନ ବେଡ଼େମ୍ ତେ ଗାର୍‍ରେ ସାରେ ଜାଗେତାଗ୍ ଆଞ୍ଜ୍ “ପାପ୍‍କ୍ଷମା ସେଙ୍ଗେ ମନପରିବର୍ତ୍ତନ୍ ତେ ବାପ୍ତିସ୍ମ କେତାନଙ୍କ ପସ୍‍ପ୍‍ତଣ୍ଡ୍,”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 3:38

କେନାନ୍‍ ଏନୋଶତେ ମାର୍‍, ଏନୋଶ ଶେତ୍‍ତେ ମାର୍‍, ଶେତ୍‍ ଆଦମ୍‍ତେ ମାର୍‍, ଆଦମ୍‍ ଇଶ୍ୱରତେ ମାର୍‍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 4:14

ଇଦିନ୍ ପେର୍‍କେ ଜିସୁ ଆତ୍ମାନ୍‌ ଶକ୍ତିତେ ଗାଲିଲୀତାଗ୍ ମାଲ୍‍ତଣ୍ଡ୍‍, ମେଣ୍ଡେ ସାରେ ପଡ଼ିୟେତାଗ୍ ତାନ୍ ବିଷୟତେ ଗଟି ପ୍ରଚାର୍ ଆତ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 4:18

“ପ୍ରବୁନାଦ୍ ଆତ୍ମା ନା ପରୁ ମିନ୍ଦେ, ଆଦିନ୍ ସେଙ୍ଗେ ଦୁଃକାମ୍ ନାରୁଡ଼୍‍ତେ ଗାର୍‍ରେ ସୁସମାଚାର୍ ପ୍ରଚାର୍ ମାଡ଼ାନ୍ ସେଙ୍ଗେ ଅଣ୍ଡ୍‌ ନାକିଂଙ୍କ୍ ହେଞ୍ଚିମିନ୍ଦେଣ୍ଡ୍, ବନ୍ଦୀ ନାରୁଡ଼୍‍କିଂଙ୍କ୍ ମୁକ୍ତି ନୁ କାନାଲଡ଼୍‍କ୍ କଣ୍ଡେତ୍ ୱେସ୍ ବିଷୟ କେତାନଙ୍କ୍, ମେଣ୍ଡେ ଅତ୍ୟାଚାରି ନାରୁଡ଼୍‍କ୍ ମୁକ୍ତି ମାଡ଼ାଙ୍କ୍,

ଯୋହନ୍‌‌ 1:32

ମେଣ୍ଡେ, ଯୋହନ୍‌ ସାକ୍ଷ୍ୟ ଇସ୍‌ କେତ୍‍ତଣ୍ଡ୍, “ନାନ୍ ଆତ୍ମାତିଙ୍କ୍ ପାର୍ୱା ରକମ୍ ସ୍ୱର୍ଗତାଗାଙ୍କ୍ ଡିଗାନାଦ୍, ମେଣ୍ଡେ ଆଦ୍ ଅନ୍‌ ପର୍‍ର କୁଦାନାଦ୍‍ ଉଡ଼୍‍ତାନ୍ ।

ଯୋହନ୍‌‌ 3:34

ବାତେଙ୍କ୍ ଇତ୍‍କେ ଇଶ୍ୱର୍ ବେନଙ୍କ୍ ରୟ୍‍ସ୍‍ମିନ୍ଦେଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ବାକ୍ୟ କେତିତଣ୍ଡ୍, ଆଦିଙ୍କ୍ ଅଣ୍ଡ୍‌ ପୁରାପୁରି ଲେକାମ୍ ଆତ୍ମାତିଙ୍କ୍ ବେଡ଼୍‍ୟାଦ୍‍ ମାଡ଼ିତନ୍ ।

ପ୍ରେରିତ 1:2

ସ୍ୱର୍ଗତାଗ୍ ଆଦାନ୍ ଯାକ ବେନାସାର୍ରେ ପାଡ଼୍‍ୟି ମାଡ଼ିମାତ୍‍ତଣ୍ଡ୍ ନୁ ଶିକ୍ଷା ଇସ୍‌ ମାତ୍‍ତଣ୍ଡ୍, ଆୱ୍‍ଚାରେ ବିଷୟ୍ ଲେକିମାତ୍‍ତାନ୍ । ସ୍ୱର୍ଗତାଗ୍ ଆଦାନ୍ ମୁନେଙ୍କ୍ ବେନଡ଼୍‍କ୍ ଅଣ୍ଡ୍‌ ନିଜେତ୍ ପ୍ରେରିତ ଶିଷ୍ୟ ଇଞ୍ଜ ଏଞ୍ଚି ମାତ୍‍ତଣ୍ଡ୍, ଅଡ଼୍‌‍କିଂଙ୍କ୍ ଅଣ୍ଡ୍‌ ପବିତ୍ର ଆତ୍ମାତେ ଶକ୍ତିତେ ଆଦେଶ୍‍ ଇସ୍‌‍ମାତ୍‍ତଣ୍ଡ୍ ।

ପ୍ରେରିତ 10:38

ମିଡ଼୍ ନାଜରିତ ଜିସୁନ୍ ବିଷୟ୍‍ତେ ନୁ ଇଶ୍ୱର୍ ବେଲା ଅଙ୍କ୍‌ ଏଞ୍ଚି ଅନ୍‌ ପର୍‍ର ପବିତ୍ର ଆତ୍ମା ନୁ ଶକ୍ତି ହିତ୍‍ତଣ୍ଡ୍, ଆଦ୍ ପୁତ୍‍ତିଡ଼୍ । ଅଣ୍ଡ୍‌ ସାରେ ପାକ୍ ଆଞ୍ଜ୍ ସାୟେତ୍ ପାଡ଼୍‍ୟି ମାଡ଼୍‍ତଣ୍ଡ୍ । ଶୟ୍‍ତାନ୍‍ ଅଦିନ୍‌ତେ ମାନ୍ଦାନ୍ ନାରୁଡ଼୍‍କ୍ ସୁସ୍ଥ ମାଡ଼୍‍ତଣ୍ଡ୍, ବାତେଙ୍କ୍ ଇତ୍‍କେ ଇଶ୍ୱର୍ ଅନ୍‌ ତଡ଼୍ ମାତ୍‍ତଣ୍ଡ୍ ।

ପ୍ରେରିତ 8:39

ଅଡ଼୍‌ ଏର୍‍ତାଗାଙ୍କ୍ ତେଦି ୱାତ୍‍ତେ ପେର୍‍କେ ପ୍ରବୁନ୍‍ ପବିତ୍ର ଆତ୍ମା ଫିଲିପ୍‍ପଙ୍କ୍ ମାପିତ୍‍ତେ । କର୍ମଚାରୀ ମେଣ୍ଡେ ଅଂକିଙ୍କ୍‌ ଉଡ଼ାଙ୍କ୍ ପାର୍‍ୱଣ୍ଡ୍, ବାତେଙ୍କ୍ ଇତ୍‍କେ କୁସି ଆସ୍ ତାନ୍ ହାର୍ ଆତ୍‍ତଣ୍ଡ୍ ।