ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:16 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁶ ଜିସୁ ତାମ୍ ଶିଷ୍ୟଡ଼କିଙ୍କ୍ କେତ୍‍ତଣ୍ଡ୍, “ବେନମେଣ୍ଡ୍ଆଇ ମିୱାଦ୍ ଗଟି କେଞ୍ଜିତଣ୍ଡ୍; ଅଣ୍ଡ୍‌ ନା ଗଟି କେଞ୍ଜିତଣ୍ଡ୍, ମେଣ୍ଡେ ବେନ ମିକିଂଙ୍କ୍ ଗ୍ରହନ୍ ମାଡ଼ଣ୍ଡ୍, ଅଣ୍ଡ୍‌ ନାକିଂଙ୍କ୍ ଗ୍ରହନ୍ ମାଡ଼ଣ୍ଡ୍, ମେଣ୍ଡେ ବେନ ନାକିଂଙ୍କ୍ ଗ୍ରହନ୍ ମାଡ଼ଣ୍ଡ୍ ଅଣ୍ଡ୍‌ ନା ତ୍ରାଣକର୍ତ୍ତାଙ୍କ୍ ଗ୍ରହନ୍ ମାଡ଼ଣ୍ଡ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:16 Iomraidhean Croise

ମାତିଉ 10:40

“ବେନ ମିକିଂଙ୍କ୍ କାର୍ଙ୍ଗିତଣ୍ଡ୍‍, ଅଣ୍ଡ୍‌ ନା ସେଙ୍ଗେ ଆଦ୍ ମାଡ଼ିତନ୍ ମେଣ୍ଡେ ବେନ ନାକିଂଙ୍କ୍ କାର୍ଙ୍ଗିତଣ୍ଡ୍, ଅଣ୍ଡ୍‌ ନା ୱାଦାନଡ଼୍ ସେଙ୍ଗେ ଆଦ୍ ମାଡ଼ିତନ୍ ।

ମାତିଉ 18:5

ବେନଆଇ ନା ପେଦେର୍‍ତେ ଇଦ୍‍ଲେକାମ୍ ୱେରଡ଼୍ ସୁଦୁ ପିଲେତିଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ମିକା ଗ୍ରହନ୍ ମାଡ଼ିତନ୍ ।”

ମାର୍କ 9:37

“ବେନଆଇ ନା ପେଦେର୍‍ତେ ଇଦ୍‍ଲେକାମ୍‍ ଅର୍‌ତୁଙ୍କ୍‌ ବାବୁଙ୍କ୍‍ ସ୍ୱାଗତ୍‍ ମାଡ଼ିତଣ୍ଡ୍‍, ଅଣ୍ଡ୍‌ ନାକିଙ୍କ୍‍ ସ୍ୱାଗତ୍‍ ମାଡ଼ିତଣ୍ଡ୍‍ ନୁ ବେନ ନାକିଙ୍କ୍‍ ଗ୍ରହଣ ମାଡ଼ିତଣ୍ଡ୍, ଅଣ୍ଡ୍‌‍ ମାତର୍‍ ନାକିଙ୍କ୍‍ ଆୟ, ନା ତ୍ରାନକର୍ତ୍ତାଙ୍କ୍‍ ଆନ୍ତେ ଗ୍ରହଣ ମାଡ଼ିତଣ୍ଡ୍‍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 9:48

“ବେନଆଇ ନା ପେଦେର୍‍ତେ ହି ସୁଦୁଣ୍ଡ୍ ପେକାଙ୍କ୍ ଗ୍ରହନ୍ ମାଡ଼ିତନ୍ ଅଣ୍ଡ୍‌ ନାକିଂଙ୍କ୍ ଗ୍ରହନ୍ ମାଡ଼ିତନ୍, ବେନଆଇ ନାକିଂଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନା ତ୍ରାଣକର୍ତ୍ତାଙ୍କ୍ ଗ୍ରହନ୍ ମାଡ଼ିତନ୍; ବାତେଙ୍କ୍ ଇତ୍କେ ମି ସାର୍‍ରେତଡ଼୍ ଲୋପ୍ ବେନ ସୁଦୁନଣ୍ଡ୍, ଅଣ୍ଡେ ବାଡ଼୍‍ୟଣ୍ଡ୍ ।”

ଯୋହନ୍‌‌ 12:44

ଜିସୁ ଗାଟିଲେଙ୍କ୍‍ଦେ କେତ୍‍ତଣ୍ଡ୍‌, “ବେନ ନାକିଂଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ମାତର୍ ନାୟାଗେ ବିଶ୍ୱାସ୍ ମାଡ଼ନ୍, ମାତର୍ ନା ପ୍ରେରଣାକର୍ତ୍ତାନ୍ ନାଗେ ବିଶ୍ୱାସ୍ ମାଡ଼ିତନ୍;

ଯୋହନ୍‌‌ 12:48

ବେନ ନାକିଂଙ୍କ୍ ଆଗ୍ରାହ୍ୟ ମାଡ଼ିତନ୍ ନୁ ନାୟାଦ୍ ବାକ୍ୟ ଗ୍ରହନ୍ ମାଡ଼ନ୍, ନାୟାଦ୍ ମକମ୍‍ତେ ଗଟ୍ ଶେଷ ଦିନେତେ ଅନାଦ୍‌ ବିଚାର୍ ମାଡ଼ିତ୍ ।

ଯୋହନ୍‌‌ 13:20

ସତ୍ ନାନ୍ ମିକିଂଙ୍କ୍ କେତୁତାନ୍, ଯେ ନା ପ୍ରେରିତ୍ ନାରୁଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ଗ୍ରହନ୍ ମାଡ଼ିତନ୍ ନୁ ବେନ ନାକିଂଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନା ତ୍ରାଣକର୍ତ୍ତାଙ୍କ୍‍ ଗ୍ରହନ୍ ମାଡ଼ିତନ୍ ।

ପ୍ରେରିତ 5:4

ୱାମାନ୍‍ ମୁନେଙ୍କ୍ ଆଦ୍ ନିୟାଦ୍ ମାତ୍‍ତେ, ୱାମ୍‍ତେ ପେର୍‍କେ ମିକା ଆଦ୍ ଅଦିକାର୍‌‍ ନିୟାଦ୍ ମାତ୍‍ତେ । ବାତେଙ୍କ୍ ନିମ୍‍ ଇଦ୍ ରକମ୍ ପାଡ଼୍‍ୟି ମାଡ଼ାଙ୍କ୍ ହୃଦୟତାଗ୍‍ ଚିନ୍ତେ ମାଡ଼୍‍ତି ? ନିମ୍‍ ନାରୁଡ଼୍‍କିଂଙ୍କ୍ ମିଚ୍‍ କେଲ୍‍ୱିନ୍, ବାତେଙ୍କ୍ ଇତ୍‍କେ ଇଶ୍ୱର୍‌ତିଙ୍କ୍ ନିମ୍‍ ମିଚ୍‍ କେତ୍‍ତିନ୍ ।”

ଗାଲାତୀୟ 4:14

ଇତ୍‍କେ ନା ମେନ୍ଦୁଲ୍ ସାୟେ ଇଲ୍‍ୱେମାତ୍‍କେ ମିକା, ମିଡ଼୍‍ ନାକିଂଙ୍କ୍ ପାସ୍କ୍‍ୱିଡ଼୍ ଆଗେକ୍‍ବା ନାକିଂଙ୍କ୍ ୱେରଡ଼୍‌ ସ୍ୱର୍ଗଦୂତ ଲେକାମ୍ ଗ୍ରହନ୍‍ ମାଡ଼୍‍ତିଡ଼୍ । କ୍ରିଷ୍ଟ ଜିସୁଙ୍କ୍ ମିଡ଼୍ ବେଦ୍‍ପୁଟୁଙ୍କ୍ ଗ୍ରହନ୍‍ ମାଡ଼େଡ଼ି ଆଦେପୁଟୁଙ୍ଗ୍ ନାକିଂଙ୍କ୍ ମିକା ଗ୍ରହନ୍‍ ମାଡ଼ିମାତ୍‍ତିଡ଼୍ ।

୧ ଥେସଲନିୟ 4:8

ଆଦିଙ୍କ୍ ବେନ୍ ମାୟାଦ୍‌ ଇଦ୍ ଶିକ୍ଷାତିଙ୍କ୍‍ ଗ୍ରହନ୍ ମାଡ଼ନ୍, ଅଣ୍ଡ୍‌ ନାରୁଙ୍କ୍ ପବିତ୍ରଆତ୍ମା ଦାନ ମାଡ଼ିମାନ୍ଦାନ୍ ଇଶ୍ୱର୍‌ତିଙ୍କ୍ ଅବମାନନା ମାଡ଼ିତନ୍ ।