ଯାକୁବ 4:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ବିଶ୍ୱାସ୍‍ତିଙ୍କ୍‍ ଉଃତାନଡ଼ି, ଜଗତ୍‍ତିଙ୍କ୍ ସାଙ୍ଗ ମାଡ଼୍‍କେ ଇଶ୍ୱର୍‌ତେ ଶତ୍ରୁଡ଼୍ ଆଦ୍‍ତିଡ଼୍, ଇଦ୍ ବାତ୍ ପୁନ୍‍ୱିଡ଼୍ ? ଆଦିଙ୍କ୍ ବେନ ଜଗତ୍‍ତିଙ୍କ୍ ସାଙ୍ଗ ମାଡ଼ାନଙ୍କ୍ ଆଲ୍‍ସିତିଡ଼୍; ଅଣ୍ଡ୍‌ ଇଶ୍ୱର୍‌ତେ ବିରୁଦ୍ଦି ଆଦ୍‍ତନ୍ ।

ଯାକୁବ 4:4 Iomraidhean Croise

ମାତିଉ 12:39

ଜିସୁ ଆଶର୍ଯ୍ୟ ଲେକାମ୍ ମାଡ଼ି କେତ୍‍ତନ୍, ଇ ଯୁଗ୍‍ତେ ନାରୁଡ଼୍ ବେସର୍ ଦୁଷ୍ଟ ନୁ ଇଶ୍ୱର୍ ବିଶ୍ୱାସ୍ ଆୟନ୍ । ମିଡ଼୍ ନାକିଂଙ୍କ୍ ୱେରଡ଼୍ ବାକ୍‍ୱା ପାଡ଼୍‍ୟି ତୱାଙ୍କ୍ କେତୁତିଡ଼୍ ? ମାତର୍ ବାବବାଦୀ ଯୁନସ୍‍ତେ ଜିୱୁନ୍‍ତେ ଗଟେମ୍ ଆସ୍‍ମାନ୍ଦାନ୍ ବାକ୍‍ୱା ପାଡ଼୍‍ୟି କେ ମିକିଂଙ୍କ୍ ତହସିଦ୍ ୱେହିତିତ୍‍ ।

ମାତିଉ 16:4

ଇ ଯୁଗ୍‍ତେ ନାରୁଡ଼୍ ବେସର୍ ଦୁଷ୍ଟ ନୁ ଇଶ୍ୱର୍‌ତେ ଅବିଶ୍ୱାସ୍ । ମିଡ଼୍ ୱେରଡ଼୍ ଆଶର୍ଯ୍ୟ କାମ୍ ମାଡ଼ାଙ୍କ୍ କେତୁତିଡ଼୍ ? ବାତେଙ୍କ୍ ଇତ୍‍କେ ଯୁନସ୍‍ତେ ଜିୱୁନ୍‍ତେ ଗଟେମ୍ ଆସ୍‍ମାନ୍ଦାନ୍ ବାକ୍‍ୱାକାମ୍ ୱିଡ଼୍‍ସି ବାତେମିକା ବାକ୍‍ୱାକାମ୍ ମିଡ଼୍ ନାୟାଗେ ଉଡ଼୍‍ୱିଡ଼୍ ।” ଆଦ୍ କେସ୍ ଜିସୁ ଅଡ଼୍‌‍କ୍ ୱିଡ଼୍‍ସି ଆତ୍‍ତନ୍ ।

ମାତିଉ 6:24

“ୱେରଣ୍ଡ୍ ନାରୁଡ଼୍ ଇର୍‍ୱୁଡ଼୍ ମାଲିକ୍‍ତେ ସେବା ପାଡ଼ିୟିମାଡ଼େ ପାର୍‍ୱଡ଼୍ । ଅଣ୍ଡ୍‌ ଅଡ଼୍‌‍କିଂଙ୍କ୍ ପ୍ରେମ ମାଡ଼୍‍କେ ମେଣ୍ଡେ ଅଡ଼୍‌‍କିଂଙ୍କ୍ ପାସ୍‍କି ମାଡ଼ିତନ୍, ଅଡ଼୍‌‍କିଂଙ୍କ୍ ସମ୍ମାନ୍ ମାଡ଼ିତନ୍ ମେଣ୍ଡେ ଅଡ଼୍‌‍କିଂଙ୍କ୍ ସମ୍ମାନ୍ ମାଡ଼ଣ୍ଡ୍ । ଇଶ୍ୱର୍ ଇତ୍‌ତେ ଦନ୍ ସମ୍ପତି ଇର୍‍ୱୁଡ଼ାଦ୍ ଦାସ ଆତ୍‍ତାଙ୍କ୍ ପାର୍‍ୱିଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 19:27

ବାତେଙ୍କ୍ ଇତ୍କେ, ନାୟାୱୁ ଇ ବେନ୍ ଶତ୍ରୁଡ଼୍ ନାନ୍ଅଡ଼୍‌‍ ପରୁ ରାଜତ୍ୱ ମାଡ଼ିତାନ୍ ଇଞ୍ଜ ଇଚ୍ଛା ମାଡ଼୍‍ୱେ ମାତ୍‍ତଡ଼୍, ଅଡ଼୍‌‍କିଂଙ୍କ୍ ଇଗେ ତାସ୍ ନା ମୁନ୍‍ନେ ହାୱ୍‍କାଟ୍‍ ।”

ଯୋହନ୍‌‌ 15:19

ମିଡ଼୍ ଯଦି ଜଗତ୍‍ତାଗ୍ ମାନେଡ଼ି, ଜଗତ୍ ମିକିଂଙ୍କ୍ ନିଜେତ୍ ନାରୁଡ଼୍ ଇଞ୍ଜ ସ୍ନେହ ମାଡ଼େଡ଼୍; ବାତେଙ୍କ୍ ଇତ୍‍କେ ଜଗତ୍‍ତାଗାଙ୍କ୍ ନାନ୍ ମିକିଂଙ୍କ୍ ଜଗତ୍ ଲୋପେଙ୍କ୍ ହେଞ୍ଚିମିନ୍ଦେନ୍, ମେଣ୍ଡେ ମିଡ଼୍ ଜଗତ୍‍ତଡ଼ି ଆୟୱିଡ଼୍, ଇଦିନ୍ ସେଙ୍ଗେ ଜଗତ୍ ମିକିଂଙ୍କ୍ ପାସ୍‍କି ତେ ।

ଯୋହନ୍‌‌ 17:14

ନାନ୍ ଅଡ଼୍‌‍କିଂଙ୍କ୍ ନିୟାୱୁ ବାକ୍ୟ କେଞ୍ଜ୍‍ପ୍‍ତାନ୍, ମେଣ୍ଡେ ଜଗତ୍ ଅଡ଼୍‌‍କିଂଙ୍କ୍ ପାସ୍‍କି ମିନ୍ଦେ, ବାତେଙ୍କ୍ ଇତ୍‍କେ ନାନ୍ ବେଦ୍‍ଲେକାମ୍ ଇଦ୍ ଜଗତ୍‍ତଣ୍ଡ୍ ଆୟନ୍, ଅଡ଼୍‌ ଆଦେରକମ୍ ଇଦ୍ ଜଗତ୍‍ତଡ଼୍ ଆୟ୍‍ୟଡ଼୍ ।

ଯୋହନ୍‌‌ 7:7

ଜଗତ୍ ମିକିଂଙ୍କ୍ ପାସ୍‍କ, ବାତେଙ୍କ୍ ଇତ୍‍କେ ନାକିଂଙ୍କ୍ ପାସ୍‍କିତ୍‍ତେ, ବାତେଙ୍କ୍ ଇତ୍‍କେ ତାନାଦ୍ ପାଡ଼୍‍ୟି କାରାପ୍, ନାନ୍ ତାନ୍ ବିଷୟ୍‍ତେ ହି ସାକ୍ଷ୍ୟ ଇସ୍‌ ୱାଦୁତାନ୍ ।

ରୋମୀୟ 5:10

ମାନାଡ଼୍ ଇଶ୍ୱର୍‌ତେ ଶତ୍ରୁଡ଼୍ ମାନ୍ଦାନ୍‍ୱେଲେ ଅନ୍‌ ମାର୍‌ ମାନ୍‍ ସେଙ୍ଗେ ଜିୱୁଣ୍ଡ୍ ଇତ୍‍ତନ୍, ଆଦିଙ୍କ୍ ଇଶ୍ୱର୍ ତଡ଼୍ ମାନାଡ଼୍ ମେଣ୍ଡଅନ୍‌‍ଦାମ୍ କାୟ୍‍ଲ୍‍ତାଡ଼୍ । ଇଶ୍ୱର୍ ତଡ଼୍ କାୟ୍‍ଲ୍‍ତେ ପେର୍‍କେ ଇଞ୍ଜେ କ୍ରିଷ୍ଟନ୍ ଜିୱୁଣ୍ଡ୍ ତଡ଼୍ ପରିତ୍ରାଣ୍ ପାଏମ୍ ଆଦ୍‍ଦାନ୍ ସେଙ୍ଗେ ମାନାଡ଼୍ ବେସର୍ ନାର୍‍ଗେ ସୁଯୋଗ୍ ପାଏମ୍ ଆୟ୍‍ୱାଡ଼୍ ?

ରୋମୀୟ 8:7

ମାନେୟ୍‍ତେ ଲେକାମ୍ ଆତ୍‍କେ ନାରୁଡ଼୍ ଇଶ୍ୱର୍‌ତାଦ୍ ଶତ୍ରୁଡ଼୍ ଆଦ୍‍ତନ୍; ବାତେଙ୍କ୍ଇତ୍‍କେ ଅଣ୍ଡ୍‌ ଇଶ୍ୱର୍‌ତାଦ୍ ନିୟମ୍ ପାଲନ୍ ମାଡ଼ଣ୍ଡ୍, ଅଣ୍ଡ୍‌ ଆଦ୍ ମାଡ଼ାନଙ୍କ୍ ପାର୍‍ୱଣ୍ଡ୍ ।

୧ କରନ୍ତିୟ 1:20

ଆଦିଙ୍କ୍ ଇ ଜୁଗାତ୍‌ ଜ୍ଞାନିଡ଼୍‌, ବୁଦ୍ଦିଡ଼୍‌ ଗାଟି ଗାଇଦେ ନାରିଡ଼୍ ପଡ଼ିୟେ ବେଗା ? ଇଦ୍‌ ବୁଦ୍‍ତାଦ୍‌ ବୁଦ୍‍ତିନ୍ ମୁର୍କତା ଇଞ୍ଜ ଇଶ୍ୱର୍ କେତ୍‌ଇଲେ କି ?

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

ଗାଲାତୀୟ 1:10

ଇଦ୍ କେଞ୍ଜି ମିଡ଼୍ ବାତ୍ ଆଲ୍‍ସୁତିଡ଼୍, ନାନ୍ ବାତ୍ ନାରୁଡ଼ାଦ୍ ସପଟ୍ ପାଏମ୍ ଆଦାନଙ୍କ୍ ଚାଏମ୍ ଆଦୁତାନ୍ ? ଇଲ୍‌ଲେ, ବେସୁଟ୍‌ ଆୟ । ନାନ୍ ଇଶ୍ୱର୍‌ତିଙ୍କେ ସପଟ୍ ମାଡ଼ୁତାନ୍ । ନାନ୍‍ ବାତ୍ ନାରୁଡ଼୍ ଲୋପେଙ୍କ୍ ସାୟେ ଆଦାନଙ୍କ୍ ଚାଏମ୍ ଆଦୁତାନ୍ ? ନାନ୍ ଯଦି ନେଣ୍ଡ୍‍ଜାକ ସାୟେ ଆଦାନଙ୍କ୍ ଚାଏମ୍ ଆୟେନ୍, ଆଲେକେ ନାନ୍ ନେଣ୍ଡ୍ କ୍ରିଷ୍ଟଟନ୍ ସେବକ୍ ଆୟନ୍ ଆୟେନ୍ ।

ଯାକୁବ 1:27

ବେନ୍ ଦାର୍ମାମ୍‌ କାର୍ମାମ୍ ବାବାଲ୍‍ ଇଶ୍ୱର୍‌ତେ କଣ୍ଡେତେ ବିଶୁଦ୍ଦ ନୁ ଉତାର୍ତ, ଆଦ୍ ଅଦୁତ୍ ଦୁର୍ଦ୍ଦଶା ଲେକାମ୍ ଅନର୍ତ ନୁ ରାଣ୍ଡିକିନ୍ ଯତନ୍ ଆଦାନ୍ ସେଙ୍ଗେ ଜଗତ୍ କଷ୍ଟ ତାଗାଙ୍କ୍ ନିଜେତିଙ୍କ୍ ମୁକ୍ତ ନେହେତିକାଡ଼୍ ।