ଗାଲାତୀୟ 6:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ନିଜେ ନିଜର୍ ଦାୟିତ୍ୱ ଆୟ୍‍ମୁଟ୍; ଇଦ୍ ରକମ୍ ମିଡ଼୍ କ୍ରିଷ୍ଟଟନ୍ ନିୟମ୍ ପୁରା ମାଡ଼ିତିଡ଼୍ ।

ଗାଲାତୀୟ 6:2 Iomraidhean Croise

ମାତିଉ 8:17

ଆଦିନ୍ ସେଙ୍ଗେ ଆଦ୍ ବାବବାଦୀଡ଼୍ ଯିଶାୟିନ୍ ବବିଷ୍ୟତ୍‍ ବାଣିତିଙ୍କ୍ ସାରେ ମାଡ଼୍‍ତଣ୍ଡ୍ । ଯିଶାୟ କେତ୍‍ତଣ୍ଡ୍‍, “ଅଣ୍ଡ୍‌ ମାୱାଦ୍ କଷ୍ଟତିଙ୍କ୍ ଦୁରାମ୍ ମାଡ଼୍‍ତଣ୍ଡ୍ ନୁ ମାକିଂଙ୍କ୍ ରୋଗ୍‍ତାଗାଙ୍କ୍ ମୁକ୍ତି ମାଡ଼୍‍ତଣ୍ଡ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:46

ଆଦ୍ ‍କେଞ୍ଜି ଜିସୁ କେତ୍‍ତଣ୍ଡ୍, ହୋ ଦର୍ମଶାସ୍ତ୍ରନାରୁଡ଼ି ହାୟ, ମିଡ଼୍ ନାରୁଡ଼୍ ପରୁ କଷ୍ଟତ୍ ନିୟମ୍‍ତେ ବୋଜ୍ କାଞ୍ଜ୍‍ପିସ୍ ମିନ୍ଦେଡ଼ି ଯେ, ଆଦିଙ୍କ୍ କଞ୍ଜାନଙ୍କ୍ କଷ୍ଟ ଆଦୁତ୍‍ତେ । ହି ନିୟମ୍‍ତିଙ୍କ୍ କେଞ୍ଜାନଙ୍କ୍ ମିଡ଼୍ ନାରୁଡ଼୍‍କିଂଙ୍କ୍ ତିଆର୍ ମାଡ଼ୁତିଡ଼୍ । ବାତେଙ୍କ୍ ଇତ୍କେ ନିଜେ ବେସୁଟ୍‌ ଆନ୍‌‍ତେ ହିଗାଙ୍କ୍ ୱେରଡ଼୍ ମେଣ୍ଡେ ନିୟମ୍ ପାଲନ୍ ମାଡ଼ାଙ୍କ୍ ସାହାଯ୍ୟ ମାଡ଼୍‍ୱିଡ଼୍ ।

ଯୋହନ୍‌‌ 13:34

ମିଡ଼୍ ସାରେ ତଡ଼କିଙ୍କ୍ ପ୍ରେମ ମାଡ଼ାଟ୍, ଇଦ୍ ପୁଃନେ ଗଟ୍ ନାନ୍ ମିକିଂଙ୍କ୍ ଇସମିନ୍ଦେନ୍; ନାନ୍ ବେଦ୍‍ଲେକାମ୍ ମିକିଂଙ୍କ୍ ପ୍ରେମ ମାଡ଼୍‍ତାନ୍, ମିଡ଼୍‍ଆନ୍‌ନ୍ତେ ଆଦେଲେକାମ୍ ନିଜେ ନିଜେ ପ୍ରେମ ମାଡ଼ାନ୍ ଲେକାମ୍ ।

ଯୋହନ୍‌‌ 15:12

ନାନ୍ ବେଲା ମିକିଂଙ୍କ୍ ପ୍ରେମ ମାଡ଼୍‍ତାନ୍, ମିଡ଼୍ ମିକା ଆଲେକେ ମିଇ ମିଲୋପେ ପ୍ରେମ ମାଡ଼ାଟ୍, ଇଦ୍ ନାୱାଦ୍ ଗଟ୍ ।

ରୋମୀୟ 15:1

ବେନଡ଼୍ ବିଶ୍ୱାସ୍‍ତାଗ୍ ନାର୍ଗ୍, ଅଡ଼୍‌ ବିଶ୍ୱାସ୍‍ତାଗ୍‍ ଦୁର୍ବଲ୍‍ ମାନ୍ଦାନ୍‍ ତାମୁନ୍‍ତାଦ୍ ଦଷ୍ ସେଙ୍ଗେ ଶକ୍ତିତଡ଼୍ ଆୟ୍‍ମୁଟ୍ । ବେନ ନିଜେତିଙ୍କ୍ ୱେଡ଼୍‍କ୍‍ ମାଡ଼ାନ୍ ସେଙ୍ଗେ ଆଲ୍‍ସ୍‍ମାକିଣ୍ଡ୍ ।

ରୋମୀୟ 8:2

ଇତ୍‍କେ ଜିୱୁଣ୍ଡ୍‍ତାଦ୍ ଆତ୍ମାତେ ନିୟମ୍ କ୍ରିଷ୍ଟ ଜିସୁନ୍ ପେଦେର୍‍ତେ ମିକିଂଙ୍କ୍ ପାପ୍‌ ନୁ ଡଲ୍‍ନାଦ୍ ନିୟମ୍‍ତାଗାଙ୍କ୍ ମୁକ୍ତି ମାଡ଼୍‍ତେ ।

୧ କରନ୍ତିୟ 9:21

ଆଦେରକମ୍ ଅଣଇହୁଦୀଡ଼୍ ପାଏମ୍ ଆଦାନ୍ ସେଙ୍ଗେ ନାନ୍ ଅଡ଼୍‌ ଲୋପେ ପାଡ଼୍‍ୟି ମାଡ଼ାନ୍‍ୱେଲେ ଅଣଇହୁଦୀଡ଼୍ ଲେକାମ୍ ନିୟମ୍‍ତେ ବାୟିଦେ ବ୍ୟବହାର୍‌ ମାଡ଼ୁତାନ୍ । ଇଦିନାଦ୍ ଇତ୍‍କେ ଆୟ୍‍ୟ ଜେ, ନାନ୍ ଇଶ୍ୱର୍‌ତେ ନିତୀନିୟମ୍ ପାଲନ୍ ମାଡ଼ନ୍ । ନିଜାମ୍‍ତେ ନାନ୍ କ୍ରିଷ୍ଟନ୍ ନିୟମ୍‍ତାଗ୍ ମିନ୍ଦେନ୍ ।

ଗାଲାତୀୟ 6:5

ବାତେଙ୍କ୍ଇତ୍‍କେ ସାରେତଡ଼୍ ନିଜର୍ ଦାୟିତ୍ୱ କାଞ୍ଜାନଙ୍କ୍‍ ଆଦ୍‍ତେ ।

୧ ଥେସଲନିୟ 5:14

ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ମାୟାଦ୍‌ ଅନୁରଦ୍‌; ଦୁଷ୍ଟନଡ଼କ୍ ସତର୍କ ମାଡ଼ାଟ୍, ୱେର୍‍ତେ ନଡ଼୍‍କ୍ ଉତ୍ସାଇତ୍ ମାଡ଼ାଟ୍, ଦୁର୍ବଲ ନାରୁଡ଼୍‍କ୍ ସାହାଯ୍ୟ ମାଡ଼ାଟ୍ ନୁ ସାରେତଡ଼୍ ସେଙ୍ଗେ ଗାଡ଼୍‍ସ୍ ଆୟ୍‍ମୁଟ୍ ।

ଯାକୁବ 1:25

ଇତ୍‍କେ ବେନ ନିଜାମ୍, ସ୍ୱାଦିନ୍‍ତାଦ୍ ନିୟମ୍‍ତିଙ୍କ୍ ଉଡ଼ି ଅଦିନ୍‌ତଡ଼୍ ଗାଡ଼୍‍ସ୍ ମାନ୍‍ତଣ୍ଡ୍, ମେଣ୍ଡେ ବିସ୍ମରଣଡ଼୍ ଲେକାମ୍ ଆୟକଟ୍ ବରଂ କାମ୍‍ମାଡ଼ାନଣ୍ଡ୍ ଆଦ୍‍ତନ୍, ଅଣ୍ଡ୍‌ ତାନ୍ ପାଡ଼ୟିତାଗ୍ ଦନ୍ୟ ।

ଯାକୁବ 2:12

ବେନ୍ ସ୍ୱାଦିନ୍‍ତେ ନିୟମ୍ ତଡ଼୍ ମିଡ଼୍ ଯେ ବିଚାର୍ ଆଦ୍‍ତିଡ଼୍, ଇଦ୍ ପୁଞ୍ଜ୍ ଆଦେରକମ୍ କେଲାଟ୍ ନୁ ପାଡ଼୍‍ୟି ମାଡ଼ାଟ୍ ।

ଯାକୁବ 2:8

ମିଡ଼୍ ମିଇ ଗାରେତଡ଼୍‍କିଂଙ୍କ୍ ଜିୱୁତଡ଼୍‍ ପ୍ରେମ ମାଡ଼ାଟ୍, ଶାସ୍ତ୍ରତାଗ୍ ଇଦ୍ ଇଶ୍ୱର୍‌ତେ ନିୟମ୍ ଯଦି ନିଜାମ୍ ପାଲନ୍ ମାଡ଼୍‍କେ, ଆଲେକେ ସାୟେତ୍‍ କାମ୍ ମାଡ଼୍‍ତିଡ଼୍,

୧ ପିତର୍‍ 2:24

ମାମେ ବେଲା ପାପାମ୍‍ ସେଙ୍ଗେ ଡଲିତାଡ଼୍‍ ନୁ ଦାର୍ମାମ୍‌ ଜିୱୁଣ୍ଡ୍‍ ବାଦ୍‍କିତାଡ଼୍‍, ଆଦିନ୍ ସେଙ୍ଗେ କ୍ରିଷ୍ଟ କ୍ରୁଶ ପରୁ ନିଜେତ୍ ମେନ୍ଦୁଲ୍‍ତେ ମା ପାପାମ୍‍ତେ ବୋଜ୍‍ କାଞ୍ଜ୍‍ତନ୍ । ଅନ୍‌ ମେନ୍ଦୁଲ୍‍ତାଗେ ଆଦ୍ ପୁଣ୍ଡ୍‍ତଡ଼୍‍ ମିଡ଼୍ ସୁସ୍ଥ ଆତ୍‍ତିଡ଼୍ ।

୨ ପିତର୍‌ 2:21

ଦାର୍ମାମ୍‌ ଆର୍‍ ପୁଞ୍ଜ୍‍ ଆଗେ ଇତ୍‍ତେ ପବିତ୍ର ଶିକ୍ଷାତାଗାଙ୍କ୍‍ ୱେରେ ଆଦାନ୍‍ ୱିଡ଼୍‌ସି, ଯଦି ଅଡ଼୍‌ ମୁନେଙ୍କ୍ କଞ୍ଜ୍ ଟିକ୍ ଆର୍ ପୁନ୍‍ୱେ ମାନ୍‍ନେଡ଼୍, ଅଡ଼୍‌ ପାକେ ଲେକେତ୍ ଆୟେଡ଼୍ । ଲେକେତ୍ କାମ୍ ପୁଞ୍ଜ୍, ପବିତ୍ର ଶାସ୍ତ୍ରତେ ଶିକ୍ଷାତାଗାଙ୍କ୍ ୱେର୍‍ ଆଦାନ୍ ୱିଡ଼୍‍ସି ଆଦ୍ ପୁନ୍‍ୱେ ମାନ୍ଦାନ୍ ଇକ୍‍କେ, ଅଦିକ୍‌ ଲେକେତ୍ ଆୟେଡ଼୍ ।

୨ ପିତର୍‌ 3:2

ନାର୍ଗେ ମୁନେଙ୍କ୍ ପବିତ୍ର ବାବଦାଦିନଡ଼୍ ବେନ୍ ସାରେ ବାବବାଣି କେସ୍‍ ମାତ୍‍ତଡ଼୍ ନୁ ତ୍ରାଣକର୍ତ୍ତାଲ୍ ପ୍ରବୁନାଦ୍ ବେନ୍ ସାରେ ଆଜ୍ଞା ମିକିଙ୍କ୍ ପ୍ରେରିତ ଶିଷ୍ୟଡ଼୍ ରହସ୍‍ ମିନ୍ଦେଡ଼୍, ଆଦ୍ ମିକିଙ୍କ୍ ଏର୍କା ମାଡ଼ିଦାନଙ୍କ୍ ନାୟାଦ୍ ଇଚ୍ଛା ।

୧ ଯୋହନ୍‌‌ 4:21

ଇଦ୍ ଆଦେଶ୍ କ୍ରିଷ୍ଟ ମାକିଙ୍କ୍ ଇତ୍‍ତନ୍, ବେନ ଇଶ୍ୱର୍‌ତିଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜାମ୍ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ିତନ୍ ।