ଗାଲାତୀୟ 6:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ଅ ଦାଦାଲଡ଼ି ନୁ ହେଲାସ୍କ୍ ନଡ଼ି ଯଦି ବେନ ଅପରାଦ୍ ମାଡ଼ି ଦରାପଡ଼େମ୍ ଆଦ୍‍ତଣ୍ଡ୍, ପବିତ୍ର ଆତ୍ମା ଜିୱୁତଡ଼୍ ନିଜେ, ମିଡ଼୍ ନମ୍ର ଆସ୍ ଆସତ୍ ନାରୁଙ୍କ୍ ବୁଜା ମାଡ଼ାଟ୍, ଆମ୍ଭ ନିଜେକଟ ପରିକ୍ଷାତାଗ୍ ରାୟାନଙ୍କ୍ ଆଦ୍‍ତେ, ଆଦିନ୍ ସେଙ୍ଗେ ନିଜେ ସତର୍କ ଆୟ୍‍ମୁଟ୍ ।

ଗାଲାତୀୟ 6:1 Iomraidhean Croise

ମାତିଉ 11:29

ନାୱାଦ୍ ଜୁୱାଡ଼୍ କାଞ୍ଜି ନାୟାଗାଙ୍କ୍ ଶିକ୍ଷା ଆୟମୁଟ୍ । ବାତେଙ୍କ୍ ଇତ୍‍କେ ନାନ୍ ନିଜେ ନମ୍ର ନୁ ସରଲ୍ ଆସ୍‍ମାନ୍ଦାଙ୍କ୍ ମିଡ଼୍ ନା ଗାର୍‍ରେ ରମିତିଡ଼୍ ।

ମାତିଉ 26:69

ମୁକ୍ୟ ଜାଜକ୍ ବାୟ୍‍ଦେତ୍‍ ଦୁଆତାଗେ ପିତର୍ କୁଦିମାନ୍ଦାନ୍ ୱେଲେ ୱେରଣ୍ଡ୍ ଚାକର୍ ଗାର୍‍ରେ ୱାସ୍ କେତ୍‍ତଣ୍ଡ୍, ନିମ୍‍ ଆନ୍‌‍ତେ ଗାଲିଲୀୟ ଜିସୁନ୍ ତଡ଼୍ ମାତ୍‍ତିନ୍‍ ।

ମାତିଉ 26:75

ଜିସୁ ବାତେଏ କେସ୍‍ମାତ୍‍ତଣ୍ଡ୍, ପିତର୍‍ତିଙ୍କ୍ ହେର୍କା ୱାତ୍‍ତେ, “କର୍କ୍ କୁସାନ୍‍ ମୁନେଙ୍କ୍ ନାକିଂଙ୍କ୍ ପୁନନ୍ ଇଞ୍ଜ ନିମ୍‍ ମୁଣ୍ଡ୍‍ଦାମ୍ କେତିତିନ୍ ।” ଅଣ୍ଡ୍‌ ବାୟିଦେ ଆଞ୍ଜ୍ ବ୍ୟାକୁଲ ଆଶେ କେୟ୍‍ତଣ୍ଡ୍ ।

ମାତିଉ 9:13

ଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, ନାୱାଦ୍ ଇଚ୍ଛା ଦୟା, ବଲିଦାନ୍ ଆୟ୍‍ୟ, ଇ ଗଟ୍‍ତେ ଇତ୍‍କେ ବାତେଏ, ଆଞ୍ଜ୍ ମେଣ୍ଡେ ବୁଜେମ୍‍ଆଦାନଙ୍କ୍ ଆଲ୍‍ସି ମାଡ଼େ । ନାନ୍ ଦାର୍ମିକ୍ ନାରିଡ଼୍‍କ୍ କାର୍‍ଙ୍ଗାଙ୍କ୍ ୱାଡ଼ନ୍; ୱାତ୍‍ତାନ୍ ପାପିନାରିଡ଼୍‍ ସେଙ୍ଗେ ।”

ରୋମୀୟ 14:1

ବିଶ୍ୱାସ୍‍ତାଗ୍‍ ଦୁର୍ବଲ୍‍ମାନ୍ଦାନ୍‍ ନାରୁଣ୍ଡ୍‍ତିଙ୍କ୍ ମିକା ଗ୍ରହନ୍ ମାଡ଼ାଟ୍, ଇତ୍‍କେ ଅନାଦ୍‌ ନିଜେତ୍ ମତ ବିଷୟ୍‍ତିଙ୍କ୍ ଯୁକ୍ତି ମାଡ଼୍‍ମାଟ୍ ।

ରୋମୀୟ 15:1

ବେନଡ଼୍ ବିଶ୍ୱାସ୍‍ତାଗ୍ ନାର୍ଗ୍, ଅଡ଼୍‌ ବିଶ୍ୱାସ୍‍ତାଗ୍‍ ଦୁର୍ବଲ୍‍ ମାନ୍ଦାନ୍‍ ତାମୁନ୍‍ତାଦ୍ ଦଷ୍ ସେଙ୍ଗେ ଶକ୍ତିତଡ଼୍ ଆୟ୍‍ମୁଟ୍ । ବେନ ନିଜେତିଙ୍କ୍ ୱେଡ଼୍‍କ୍‍ ମାଡ଼ାନ୍ ସେଙ୍ଗେ ଆଲ୍‍ସ୍‍ମାକିଣ୍ଡ୍ ।

ରୋମୀୟ 8:6

ମାନେୟ୍‍ ଲେକାମ୍ ଆତ୍‍କେ, ଆଦିନାଦ୍ ପରିଣାମ୍ ଆଦ୍‍ତେ ଡଲ୍‍ନାଦ୍; ପବିତ୍ର ଆତ୍ମାନ୍‍ ତଡ଼୍ ଚାଲେମ୍ ଆତ୍‍କେ ଜିୱୁଣ୍ଡ୍ ନୁ ଶାନ୍ତି ଦର୍‍କିତ୍ ।

୧ କରନ୍ତିୟ 10:12

ବେନ ଗାଡ଼୍‍ସ୍ ଇଞ୍ଜ ଆଲ୍‍ସିତିଡ଼୍, ଅଣ୍ଡ୍‌ ସାବ୍‍ଦାନ୍ ମାନୁଟ୍ । ଅନାଦ୍‌ ବେଲା ରାଲି ଆନ୍‌‍ମାକିଣ୍ଡ୍ ।

୧ କରନ୍ତିୟ 14:37

ମିଇ ଲୋପେଙ୍କ୍ ବେନ ଯଦି ନିଜେ ୱେରଣ୍ଡ୍ ବାବବାଦୀ ବା ଆତ୍ମିକ ଦାନ ପାଏମ୍ ଆତ୍‍ତେ ନାରୁଡ଼୍ ଇଞ୍ଜ ଆଲ୍‍ସିତିଡ଼୍, ଅଣ୍ଡ୍‌ ପୁଞ୍ଜ୍‍ମାନିଣ୍ଡ୍ ଜେ, ଇଗେ ନାନ୍ ବାତ୍‍ସାର୍ରେ ଲେକ୍‍ତାନ୍, ଆଦ୍ ପ୍ରବୁନ୍ ଗଟ୍ ।

୧ କରନ୍ତିୟ 2:15

ବାତେଙ୍କ୍ ଇତ୍‍କେ ୱେରଣ୍ଡ୍‌ ଇଶ୍ୱର୍ ଆତ୍ମାମାନ୍ଦାନ୍ ନାରୁଣ୍ଡ୍‌ ସାର୍‍ରେ ବିଷୟ୍‍ତେ ନେଲ୍ଲା ବୁଜେମ୍ ଆଦ୍ ପାର୍ଦାତଣ୍ଡ୍; ମାତର୍ ଅଣ୍ଡ୍‌ ନିଜେ ମେଣ୍ଡେଆର୍‍ତୁନ୍‌ ତଡ଼୍ ବିଚାର୍‌ ଆଦ୍‍ଦା ପାର୍ୱଣ୍ଡ୍‌ ।

୧ କରନ୍ତିୟ 3:1

ଦାଦାଲଡ଼ି ନୁ ଏଲାସ୍କ୍, ଆଦ୍ୟାତ୍ମିକ ନାରୁଡ଼୍‌ ସାଙ୍ଗ୍ ଗଟି ତିରିଆନ୍‌‌ ଲେକେତ୍‍ ନାନ୍‌ ମିତଡ଼୍‌ ଗଟି ତିରିୟ୍‌ଇଲେନ୍ । ମାତର୍ ନାନ୍‌ ମିକିନ୍‌ ଇ ବୁମ୍‌ତା ନାରୁଡ଼୍ ନୁ କ୍ରିଷ୍ଟନ୍‌ ବିଶ୍ୱାସ୍‌ତାଗ୍ ପିଲା ଏର୍କା କିସ୍‌ ଗଟି କେତ୍‌ତାନ୍ ।

୧ କରନ୍ତିୟ 4:21

ମିଡ଼୍ ବାତ୍ ଚାଏମ୍ ଆଦୁତିଡ଼୍ ? ନାନ୍ ବାତ୍ ମିକିଂଙ୍କ୍ ଶାସନ୍‍ ମାଡ଼ାନ୍ ମାୟ୍‍ଦିଙ୍କ୍ କଅଡ଼ା ପୟ୍‍ସ୍ ୱାଦ୍‍ତାନ୍ ? କି, ପ୍ରେମ ନୁ ଲେକାମ୍ ମାନ୍‍ ଆସ୍ ୱାଦ୍‍ତାନ୍ ?

୧ କରନ୍ତିୟ 7:5

ଅଡ଼୍‌ ତାମ୍‍ତାମ୍ ଲୋପେ ୱେରେ ଆୟ୍‍ମାକିଡ଼୍ । ଇତ୍‍କେ ପ୍ରାତ୍‌ନା ମାଡ଼ାନ୍ ମାଇଦିଙ୍କ୍‌ ସୁଦୁଟ୍ ଦିନାମ୍ ସେଙ୍ଗେ ଇର୍‌ୱୁର୍‌ ୱେର୍‌ ଆସ୍‌ ମାନ୍ଦ୍‌ପାର୍ଦିତିଡ୍‌; ମେଣ୍ଡେ ମିୟାଦ୍ ଆତ୍ମସଂଯୋମ୍ ଅବାବ୍ ସେଙ୍ଗାତ୍‌ ଶୟିତାନ୍‌ ବେଲାକି ମିକିଂଙ୍କ୍ ପରିକ୍ଷା ମାଡ଼୍‌ ମା କି ଆଦିନ୍ ସେଙ୍ଗେ ମିଡ଼୍‌ ମେଣ୍ଡେ କାୟ୍‍ଲାଟ୍‌ ।

୨ କରନ୍ତିୟ 10:1

ନାନ୍ ପାଉଲ୍, ମିକିଂଙ୍କ୍ ନାୟାଦ୍ ଇଦ୍ ବ୍ୟାକ୍ତିଗତ ଦନ୍ୟବାଦ୍ ବେନ କେତିତଡ଼୍‍, “ନାନ୍ ମିଇ ପାକେ ମାନ୍ଦାନ୍ ୱେଲେ ଗାଟି ନମ୍ର ନୁ ଶାନ୍ତି, ବାତେଙ୍କ୍ ଇତ୍‍କେ ଯେକା ଆତ୍‍କେ ଅଦିକ୍‌ ସାହାସୀ ।” କ୍ରିଷ୍ଟନ୍ ନମ୍ରତା ନୁ କମଲ ନାନ୍ ମିକିଂଙ୍କ୍ ଦନ୍ୟବାଦ୍ ମାଡ଼ି କେତୁତାନ୍,

୨ କରନ୍ତିୟ 2:7

ଆଦିଙ୍କ୍ ଅଣ୍ଡ୍‌ ବେଲା ପିନା ଦୁଃକାମ୍‍ ଆୟ୍‍ୟଣ୍ଡ୍, ଆଦିନ୍‌ସେଙ୍ଗେ ମିଡ଼୍ ଅଂକିଙ୍କ୍‌ ଇଞ୍ଜେ କ୍ଷମା ମାଡ଼ାଟ୍ ନୁ ସ୍ୱାନ୍ତନା ଇମୁଟ୍ ।

୨ କରନ୍ତିୟ 2:8

ମିକିଂଙ୍କ୍ ନାୟାଦ୍ ଅନୁରୋଦ୍, ମିଡ଼୍ ଅଂକିଙ୍କ୍‌ ପ୍ରେମ ନୁ ସାର୍‍ଦେ ମାଡ଼ୁତିଡ଼୍ ଇଞ୍ଜ କେସିମୁଟ୍ ।

ଗାଲାତୀୟ 5:23

ନମ୍ର ନୁ ଆତ୍ମସଂଯମ୍; ଇୱୁ ସାରେ ବିରୁଦ୍‍ତେ ବାତେ ନିୟମ୍ ଇଲ୍‍ଲେ ।

ଗାଲାତୀୟ 6:18

ଆ ଦାଦାଲଡ଼ି ନୁ ହେଲାସ୍କ୍ ନଡ଼ି, ମାନ୍‍ ପ୍ରବୁ ଜିସୁ କ୍ରିଷ୍ଟଟନ୍ ଅନୁଗ୍ରହ ମିୟାଦ୍ ଜିୱେତ୍ ତଡ଼୍ ମାନି । ଆମେନ୍‍ ।

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।

୨ ଥେସଲନିୟ 3:15

ଆଗେକ୍‍ ବା ଅଂକିଙ୍କ୍‌ ଶତ୍ରୁହିଞ୍ଜ୍ ହେର୍କା ମାଡ଼ାମାଟ୍, ଅଂକିଙ୍କ୍‌ ତାମୁଣ୍ଡ୍ ହିଞ୍ଜ ହେର୍କା ମାଡ଼ି ଅଂକିଙ୍କ୍‌ ବୁଦ୍‍ହିମୁଟ୍ ।

୨ ତୀମତି 2:25

ଅଙ୍କ୍‌ ବିରଦ୍ ମାଡ଼ମାନ୍ଦାନ୍ ନାରୁଡ଼୍‍କିଙ୍କ୍‍ ଦୋଷତୃଟି ଅଣ୍ଡ୍‌ ମୃଦୁ ଲେକାମ୍ ଦର୍ଶାମାଡ଼ମାନ୍ଦନ୍, ଅନୁତାପ୍ ମାଡ଼ି ସତ୍ ଉପଲବ୍ଦ ମାଡ଼ାନଙ୍କ୍ ଆୟି ତ ଅଣ୍ଡ୍‌‍ଦିନେ ଇଶ୍ୱର୍ ଅଡ଼୍‌‍କିଂଙ୍କ୍ ସୁଜଗ୍‍ ଇଦ୍‍ତନ୍ ।

ଏବ୍ରୀ 12:13

ତିନାଙ୍ଗ୍‍ ଆର୍‌ଦାଗ୍‌ ତାକାଟ୍‌; ଆଲେଆତ୍‌କେ, ମିୟାଦ୍‌ ତାକପାର୍‌ୱ କଟ ମାନ୍ଦାନ୍‌ କୁଟଡେକା ସାୟ୍ ଆଦ୍‍ତା ।

ଏବ୍ରୀ 13:3

କାରାଗାର୍‍ତାଗେ ମାନ୍ଦାନ୍ ନାରୁଡ଼୍‍ ତଡ଼୍ ମିଡ଼୍ ନିଜେ କାରାଗାରତାଗ୍‍ କଷ୍ଟ ମାଡ଼ମାନ୍ଦାନ୍ ଲେକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ । ଦୁଃକାମ୍ କଷ୍ଟ ଆସମାନ୍ଦାନ୍ ନାରୁଡ଼୍‍ତଡ଼୍ ସାରେଦୁଃକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ ।

ଯାକୁବ 3:13

ମିଇ ଲୋପେ ଜ୍ଞାନି ନୁ ବୁଦ୍ଦିମାନ୍ ବେନ ମିନ୍ଦେଣ୍ଡ୍ ? ଅଣ୍ଡ୍‌ ତାନ୍ ବୁଦ୍ଦ୍ ତଡ଼୍ ସାୟେ ବ୍ୟବହାର୍‌ ମାଡ଼ି ନିଜେତ୍ ପାଡ଼୍‍ୟି ମାଡ଼ିଣ୍ଡ୍ ।

ଯାକୁବ 3:2

ଆଦିଙ୍କ୍ ମାନାଡ଼୍ ନାର୍‍ଗେ ବିଷୟ୍‍ତାଗ୍ ମଦଲ୍ ଆଦ୍‍ତାଡ଼୍ । ଯଦି ବେନ ବାକ୍ୟତାଗ୍ ମଦଲ୍ ଆନଣ୍ଡ୍, ଆଲେକେ ଅଣ୍ଡ୍‌ ନିଜାତେ ନାରୁଡ଼୍, ସାର୍‍ରେ ମେନ୍ଦୁଲ୍‍ତିଙ୍କ୍ ଗାଲା ନିଜେତ୍ ଆଦିନ୍ ମାଡ଼େ ପାର୍‍ଦ୍‍ତଣ୍ଡ୍ ।

୧ ପିତର୍‍ 3:15

ମାନ୍‍ କ୍ରିଷ୍ଟଙ୍କ୍ ବକ୍ତି ମାଡ଼ି, ଅଙ୍କ୍‌ ପ୍ରବୁ ଇଞ୍ଜ କେତ୍‍କେ । ଯଦି ବେନ ମି ଲୋପେତ୍‍ ହୃଦୟ୍‍ତାଗ୍‍ ବାଆତେ ମିନ୍ଦେ ଇଞ୍ଜ ପୁନ୍ଦାନଙ୍କ୍‍ ଇଚ୍ଛା ମାଡ଼୍‍କେ, ଅନ୍‌ ପ୍ରଶ୍ନତେ ଟିକ୍‍ ଉତ୍ତର୍ ଇଦାନଙ୍କ୍ ସାରେଦାମ୍ ତିଆର୍‍ତେ ମାନୁଟ୍ ।

୧ ଯୋହନ୍‌‌ 5:16

ଯଦି ମୀଇ ୱେରଣ୍ଡ୍ ବିଶ୍ୱାସୀ ଏଲାଡ଼୍‍ତାମୁଣ୍ଡ୍ ପାପ ମାଡ଼ମାନ୍ଦାନ୍ ଉଡ଼ିତିଡ଼୍‍, ମେଣ୍ଡେ ଆଦ୍‍ ପାପ୍ ଡଲାନାଦ୍ ଆୟ, ଅନ୍‌ ସେଙ୍ଗେ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାଟ୍ ମେଣ୍ଡେ ଇଶ୍ୱର୍ ଅଂକିଙ୍କ୍‌ କ୍ଷମା ଇସ୍ ରକ୍ଷା ମାଡ଼ିତଣ୍ଡ୍‍ । ବେନଡ଼ାୱୁ ପାପାମ୍‍ ଡଲାନ୍‍ ଲେକାମ୍‍, ଆଦ୍‍ ବିଷୟ୍‍ତେ ନାନ୍‍ ଇଶ୍ୱର୍‌ତିଙ୍କ୍‍ ପ୍ରାର୍ତନା ମାଡ଼ାନଙ୍କ୍‍ କେଲନ୍‍ ।