ଗାଲାତୀୟ 4:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ମୁନେନ୍ ମିଡ଼୍ ଇଶ୍ୱର୍‌ତିଙ୍କ୍ ପୁନ୍‍ୱେ ମାତ୍‍ତିଡ଼୍, ଆଦିଙ୍କ୍ ବେନ ନିଜାତ୍ ଇଶ୍ୱର୍ ଆୟଣ୍ଡ୍, ଆଦ୍‍ରକମ୍ ମିଚ୍ ଦେୟାକିଙ୍କ୍ ପୁଜେ ମାଡ଼ମାତ୍‍ତିଡ଼୍ ।

ଗାଲାତୀୟ 4:8 Iomraidhean Croise

ଯୋହନ୍‌‌ 1:10

ଅଣ୍ଡ୍‌ ଜଗତ୍‍ତାଗେ ମାତ୍‍ତଣ୍ଡ୍ ନୁ ଜଗତ୍ ଅନ୍‌ ତଡ଼୍ ତିଆର୍ ଆତ୍‍କେ, ମିକା ଜଗତ୍ ଅଂକିଙ୍କ୍‌ ହେଞ୍ଚ୍‍ ପାର୍‍ୱ ।

ପ୍ରେରିତ 14:12

ଅଡ଼୍‌ ବର୍ଣ୍ଣବାଙ୍କ୍ ଜିଆସ୍ ବା ବାଡ଼୍‍ୟେ ଦେୟାମ୍‍ ବା ବୃହସ୍ପତି ନୁ ପାଉଲ୍‍ ବେଡ଼ିୟି ବକ୍ତାଲ୍ ମାନ୍ଦାନ୍ ମାଇଦିଙ୍କ୍ ଅଂକିଙ୍କ୍‌ ହେରମିସ୍ ବା ଗାଟି ତିର୍‍ୟାନଣ୍ଡ୍‍ ଦେୟାମ୍‍ ବା ବୁଦ୍‌ ଇଞ୍ଜ କେତ୍‍ତଡ଼୍ ।

ପ୍ରେରିତ 17:23

ନାନ୍ ମିୟାଦ୍ ନଗର୍‍ତାଗ୍ ଉଡାନ୍‍ୱେଲେ ମିୱାଦ୍ ପୂଜା ମାଡ଼ାନ୍ ଜାଗେତିଙ୍କ୍ ଉଡ଼୍‍ତାନ୍ । ଅଣ୍ଡୟ୍‌ ଜଜ୍ଞବେଦିତ୍ ପର୍‍ର ‘ଅଣ୍ଡୟ୍‌ ପୁନ୍‍ୱାଦ୍ ଇଶ୍ୱର୍‌ତେ ଉଦ୍ଦେଶ୍ୟତେ,’ ଲେକିମାନ୍ଦାନାଦ୍ ଗାଲା ଉଡ଼୍‍ତାନ୍ । ମିଡ଼୍ ପୁନ୍‍ୱେକନ୍‍ସ୍ ବେନଙ୍କ୍ ପୂଜା ମାଡ଼ୁତିଡ଼୍, ଇଞ୍ଜେ ଅନାଦ୍‌ ଗଟ୍ ମିକିଂଙ୍କ୍‍ କେତୁତାନ୍ ।

ରୋମୀୟ 1:23

ଅନନ୍ତ ଇଶ୍ୱର୍‌ତିଙ୍କ୍‍ ଗୌରବ୍‍ ମାଡ଼୍‍ୱେକଟ ଅଡ଼୍‌‍ ନଷ୍ଟ ଆଦାନ୍ ନାରୁଡ଼୍, ପିଟ୍‍ଟେ, ପଶୁ, ତାଡ଼ାକ୍‍ ରକମ୍‍ ଜିୱାକ୍ ଲେକାମ୍ ମୁର୍ତ୍ତି ତିୟାର୍ ମାଡ଼ି ଆୱିଙ୍କ୍‍ ପୁଜା ମାଡ଼ୁତଡ଼୍ ।

ରୋମୀୟ 1:28

ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

୧ କରନ୍ତିୟ 12:2

ମିଡ଼୍ ପୁତ୍‍ତିଡ଼୍ ଜେ, ଅଣଇହୁଦୀ ମାତ୍‍ତେ ୱେଲେ, ଜିୱୁଣ୍ଡ୍ ଇଲ୍‍ୱା ପୁତ୍‍ଲାକିଙ୍କ୍ ପୁଜାମାଡ଼ି ଆର୍‌ ବୁଲ୍‍କା ଆସ୍‍ମାତ୍‍ତିଡ଼୍ ।

୧ କରନ୍ତିୟ 8:4

ଆଦିଙ୍କ୍ ଦେବପ୍ରସାଦ ତିନ୍ଦାନ୍‌ ବିସୟତେ ମାମ୍ ପୁତ୍‍ତମ୍ ଯେ ବୁମ୍‍ତାଗ୍‍ ଦେୟାକ୍‌ ଇଞ୍ଜ ବାତେବା ଇଲ୍‌ଲେ, ଅରଟ୍‌ ଇଶ୍ୱରନ୍‌ ୱିଡ଼୍‍ସି ମେଣ୍ଡେ ଇଲ୍‌ଲେ ।

ଗାଲାତୀୟ 4:3

ଟିକ୍ ଆଦେ ରକମ୍ ମାମ୍ ଗାଲା ଦର୍ମତାଗ୍ ପିଲେ ମାନ୍ଦାନ୍ ୱେଲେ, ଆସୁଟ୍‍ ଜଗତ୍‍ତାଗ୍‍ ପ୍ରାଥମିକ ବିଷୟ୍‍ତେ ଦାସ ମାତ୍‍ତମ୍ ।

ଏଫିସିୟ 4:18

ନୁ ଅଡ଼ାଦ୍‌ ମନ୍ ଇକାଡ଼୍ । ଇଶ୍ୱର୍ ଇତ୍‍ତେ ଜିୱୁଣ୍ଡ୍‍ତେ ଅଡ଼ାଦ୍‌ ବାତ୍‍ବା ପାଲ୍‍କ୍ ଇଲ୍‍ଲେ । ବାତେଙ୍କ୍‍ଇତ୍‍କେ ଅଡ଼୍‌ ସାରେ ମୁର୍କ ନୁ ଜିଦି ନାରୁଡ଼୍‍ ।

୧ ଥେସଲନିୟ 1:9

ମାମ୍‍ମେ ମିଇ ପାକେ ୱାଦାନ୍ ୱେଲେ ମିଡ଼୍ ବେଲାନ୍ ମାକିଂଙ୍କ୍ ସାର୍‍ଦେତେ ଆସ୍ ମାତ୍‍ତିଡ଼୍ ନୁ ସାରେ ପୁତ୍‍ଲାମ୍‍ ପୁଜେ ୱିଡ଼୍‍ସି ସତ୍ ନୁ ଜିୱେମାନ୍ଦାନ୍ ଇଶ୍ୱର୍‌ତେ ଉପବାସ୍ ମାଡ଼ାଙ୍କ୍ ମୁନେ ୱାତ୍‍ତିଡ଼୍;

୧ ଥେସଲନିୟ 4:5

ଇଶ୍ୱର୍‌ତିଙ୍କ୍ ପୁନ୍‍ୱେମାନ୍ଦାନ୍ ଅଣଯିହୁଦୀ ନାରୁଡ଼୍ ଲେକାମ୍ ସାରେତଡ଼୍ ନିଜେ ନିଜେତ୍ ମୁତେନ୍ ତଡ଼୍ ବେଲାନ୍ ଯୌନ ଲାଲସା ଆୟ୍‍ୟକଟ ପବିତ୍ର ନୁ ସମ୍ମାନ୍‍ତଡ଼୍ ବାଦ୍‍କାନଡ଼ାଦ୍ ସାୟେ, ଆଦ୍ ମିକିଂଙ୍କ୍ ପୁନ୍‍ନ୍ଦେ ୱେଇତିତ୍ ।

୨ ଥେସଲନିୟ 1:8

ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ ।

୧ ପିତର୍‍ 4:3

ମୁନେଙ୍କ୍‍ ମିଡ଼୍ ଅଣଯିହୁଦୀଡ଼୍‍ ଲେକାମ୍ କାମ୍ ମାଡ଼ି ନାର୍ଗେ ସମୟ କାଟେମ୍ ଆତ୍‍ତିଡ଼୍‍ । ମିୟାଦ୍ ଜିୱେ ସାର୍ରେ କାରାପ୍‍ ପାଡ଼୍‍ୟି, କାମୁକତା, କାଲ୍‍ଉନ୍ଦାନ୍, ଲାଲସା, ମାତାଲ୍‍ ନୁ ପାସ୍କାନ୍‍ ପୁତ୍‍ଲାମ୍‍ ପୁଜାନାଗ୍‍ କାଟେମ୍ ଆତ୍‍ତେ ।

୧ ଯୋହନ୍‌‌ 3:1

ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ ।