ଗାଲାତୀୟ 4:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ମିଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍‍ ଇଦ୍ ପ୍ରାମାଣ୍ ମାଡ଼ାନ୍ ସେଙ୍ଗେ, ଇଶ୍ୱର୍ ତାନ୍ ମାରିନ୍‍ ମେଲ୍‍ତେ ଜିୱୁତିଙ୍କ୍ ମାନ୍‍ ଜିୱୁଣ୍ଡ୍ ଲୋପେ ରଅତଣ୍ଡ୍ । ଆଦ୍ ପବିତ୍ର ଜିୱୁ ଗାଟି ଲେଙ୍ଗ୍‍ଦେ କେତୁତ୍, “ବାବା ! ଆ ନା ବାବା !”

ଗାଲାତୀୟ 4:6 Iomraidhean Croise

ମାର୍କ 14:36

“ହୋ ନା ବାବାନି ! ନିଗାରେ ସାରେ ସମ୍ୱବ । ଇଦି ଉନ୍ଦାନ୍ ସଲେତ୍‍ ଏର୍‍ ନାୟାଗ୍‍କନ୍‍ ଜେକେ ଆୟମ୍ । ଆଦ୍ ଇଞ୍ଜେବା ନାୟାଦ୍‍ ଇଚ୍ଛା ଆୟ୍‌ୟ ନି ଇଚ୍ଛା ସଫଲ ଆୟି ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:13

ମିଡ଼୍ ଦୁଷ୍ଟ ଆତ୍‍କେ ମେଣ୍ଡେ, ମି ପିଲାଙ୍କ୍ ସାୟ୍‍ ସାୟ୍‍ତାୱ ହିଦାଙ୍କ୍ ପୁତ୍‍ତିଡ଼୍, ବେନ ବାବାଲ୍ ସ୍ୱର୍ଗତାଗାଙ୍କ୍ ହିଦ୍‍ତଣ୍ଡ୍ ଅନ୍‌ ଗାର୍‍ରେ ତାଲ୍‍କାନ୍ ନାରୁଡ଼୍‍କ୍ ନାର୍ଗେ ପବିତ୍ର ଆତ୍ମା ହିଦ୍‍ତଣ୍ଡ୍ !

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:2

ଜିସୁ ଆସୁଟେ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ବେସୁଟ୍‌ ମିଡ଼୍ ପ୍ରାର୍ତନା ମାଡ଼ିତିଡ଼୍, ଆସୁଟେ କେଲ୍‍ମୁଟ୍, ‘ହଁ ସ୍ୱର୍ଗତନି ବାବା, ନିୟାଦ୍ ପେଦେର୍ ପବିତ୍ର ହିଞ୍ଜ ମାନ୍ୟ ହାୟି । ନିୟାଦ୍ ରାଜ୍ୟ ୱାଡ଼ି ।

ଯୋହନ୍‌‌ 14:16

ମେଣ୍ଡେ, ନାନ୍ ବାବାଙ୍କ୍ ଅନୁରଦ୍‌ ମାଡ଼ିତାନ୍, ମେଣ୍ଡେ ମିଇ ସାଙ୍ଗେତେ ସାରେଦିନା ମାନ୍ଦାନ୍ ସେଙ୍ଗେ ଅଣ୍ଡ୍‌ ମିକିଂଙ୍କ୍ ମେଣ୍ଡେ ୱେରନ୍ ସାହାଜ୍ୟ କାର୍‍ଙ୍ଗି ହିଦ୍‍ତଣ୍ଡ୍,

ଯୋହନ୍‌‌ 15:26

“ବାବା ନାୟାଗ୍‍କଞ୍ଜ୍ ନାନ୍ ମିଇ ଗାର୍‍ରେ ବେନ ସାହାଜ୍ୟ ମାଡ଼ାନଙ୍କ୍ ରଅତିତାନ୍, ବାବା ନାୟାଗ୍‍କଞ୍ଜ୍ ପେଇତାଦ୍ ଆଦ୍ ସତ୍ ଆତ୍ମା ୱାତ୍‍କେ ନା ବିଷୟ୍‍ତେ ସାକ୍ଷି ହିଦ୍‍ତା;

ଯୋହନ୍‌‌ 16:7

ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ସତ୍ କେତୁତାନ୍, ନାନ୍ ଆତ୍‍କେନେ ମିୟାଦ୍ ଲେକେତ୍ ଆଦ୍‍ତେ, ବାତେଙ୍କ୍ ଇତ୍‍କେ ନାନ୍ ଆନୋକ୍ ଅଣ୍ଡ୍‌ ସାହାଜ୍ୟ ମାଡ଼ାନଣ୍ଡ୍ ନାରୁଡ଼୍ ମିଇ ଗାର୍‍ରେ ୱାଡ଼ଣ୍ଡ୍, ମାତର୍ ନାନ୍ ଆତ୍‍କେ ଅଙ୍କ୍‌ ମିଇ ଗାର୍‍ରେ ରହସିଦ୍‍ତାନ୍ ।

ଯୋହନ୍‌‌ 3:34

ବାତେଙ୍କ୍ ଇତ୍‍କେ ଇଶ୍ୱର୍ ବେନଙ୍କ୍ ରୟ୍‍ସ୍‍ମିନ୍ଦେଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ବାକ୍ୟ କେତିତଣ୍ଡ୍, ଆଦିଙ୍କ୍ ଅଣ୍ଡ୍‌ ପୁରାପୁରି ଲେକାମ୍ ଆତ୍ମାତିଙ୍କ୍ ବେଡ଼୍‍ୟାଦ୍‍ ମାଡ଼ିତନ୍ ।

ଯୋହନ୍‌‌ 7:39

ଜିସୁ ପବିତ୍ର ଆତ୍ମା ବିଷୟ୍‍ତେ ହିଦ୍‍ଗଟ୍ କେତ୍‍ତଣ୍ଡ୍, ବେନ ଜିସୁନାଗ୍ ବିଶ୍ୱାସ୍ ମାଡ଼ମାତ୍‍ତଡ଼୍, ଅଡ଼୍‌ ପେର୍‍କେ ପବିତ୍ର ଆତ୍ମା ପାଏମ୍ ଆଦ୍‍ତଡ଼୍, ବାତ୍‍ତେଙ୍କ୍ ଇତ୍‍କେ ଜିସୁ ଆଦ୍ ଯାକ ମହିମା ପାଏମ୍ ଆୟ୍‍ୱାଙ୍କ୍ ପବିତ୍ର ଆତ୍ମା ହିୱକଟ୍ ମାତ୍‍ତଡ଼୍ ।

ପ୍ରେରିତ 16:7

ମିଷୀଆତେ ସୀମାତାଗ୍ ହେୱୁସ୍ ବିଥିନିଆ ପ୍ରଦେଶ୍‍ତାଗ୍ ଆଦାଙ୍କ୍ ପେୟ୍‍ତେ ୱେଲେ ଜିସୁନାଦ୍ ଆତ୍ମା ଅଡ଼୍‌‍କିଂଙ୍କ୍ ଆନୁମତି ହିୱ ।

ରୋମୀୟ 5:5

ଆଶେ ମାନାଙ୍କ୍‍ ନିରାଶ୍‍ ଆଦାନଙ୍କ୍ ଇୱ, ବାତେଙ୍କ୍ଇତ୍‍କେ ଇଶ୍ୱର୍ ମାକିଂଙ୍କ୍ ପବିତ୍ର ଆତ୍ମା ଇସ୍ ମାନ୍‍ ଜିୱୁଣ୍ଡ୍‍ତିଙ୍କ୍ ତାନ୍ ପ୍ରେମତଡ଼୍ ବର୍ତ୍ତି ମାଡ଼୍‍ତଣ୍ଡ୍ ।

ରୋମୀୟ 8:9

ଯଦି ନିଜାମ୍ ଇଶ୍ୱର୍‌ତାଦ୍ ପବିତ୍ର ଆତ୍ମା ମିୟାଗେ ମିନ୍ଦେ, ମିଡ଼୍ ମେଣ୍ଡେ ମାନେୟ୍‍ ଲେକାମ୍ ଜିୱୁଣ୍ଡ୍ ବାଦ୍‍କ୍‍ୱିଡ଼୍, ଇତ୍‍କେ ଜିୱୁଣ୍ଡ୍‍ତାଗ୍ ପବିତ୍ର ଆତ୍ମାତେ ଗଟ୍ ପାଲନ୍ ମାଡ଼ୁତିଡ଼୍ । କ୍ରିଷ୍ଟନାଦ୍ ଆତ୍ମା ବେନନ୍ ଗାର୍‍ରେ ଇଲ୍‍ଲେ, ଅଣ୍ଡ୍‌ ବେସୁଟ୍‌ ଅନ୍‌ ନାରୁଣ୍ଡ୍‍ ଆଦାନଙ୍କ୍ ପାର୍‍ୱଣ୍ଡ୍ ।

୧ କରନ୍ତିୟ 15:45

ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, “ମୁନେନ୍ ଆଦମ୍ ଅଣ୍ଡୟ୍‌ ଜିୱେ ପଶୁ ଲେକାମ୍ ତିଆର୍ ଆସ୍ ମାତ୍‍ତଣ୍ଡ୍ ।” ପେର୍କେତ୍‌ ଆଦମ୍ ମାତ୍‍ତଣ୍ଡ୍, ଜିୱେମାନ୍ଦାନ୍‌ ଆତ୍ମା ଆତ୍‌ତନ୍‌।

୨ କରନ୍ତିୟ 1:22

ଅଣ୍ଡ୍‌ ମାନ୍‍ ୱେରେ ମାଡ଼ି ମିନ୍ଦେନ୍ ନୁ ମାନ୍‍ ହୃଦୟତାଗ୍ ତାନ୍ ପବିତ୍ର ଆତ୍ମାତିଙ୍କ୍ ନେଃଏତାଙ୍କ୍ ମାନ୍‍ ପରୁ ମାଲିକ୍ ଆତ୍‍ତଣ୍ଡ୍ । ପବିତ୍ର ଆତ୍ମା ଆଦୁତ୍‍ତେ, ମାନ୍‍ ପରୁ ଇଶ୍ୱର୍‌ତେ ଅଦିକାର୍‌‍ତେ ଚିଃଏନେ ନୁ ବବିଷ୍ୟତ୍‍ତେ ମାନ୍‍ ବାତ୍ ଦର୍‍କିତ୍, ଆଦିନ୍ ଗେରେଣ୍ଟି ଲେକାମ୍ ।

୨ କରନ୍ତିୟ 3:17

ଇଦ୍ ଶାସ୍ତ୍ରାଂଶତାଗ୍ ଲେକାମିନ୍ତେ, “ପ୍ରବୁ,” ଆଦୁତନ୍ “ଆତ୍ମା ।” ବେଗେ ପ୍ରବୁନ୍ ଆତ୍ମା, ଆଗେ ମାନ୍‍ତେ ସ୍ୱାଦିନ୍‍ତା ।

ଏଫିସିୟ 1:13

ମିଡ଼୍ ଆନ୍‌‍ତେ ବେସୁଙ୍କ୍‍ ପରିତ୍ରାଣ୍ ଦର୍ସିକି ଆତ୍‍କେ ଇଦ୍ ସୁସମାଚାର୍‍ତେ ସତ୍‍ଗଟ୍ କେଞ୍ଜ୍‍ତିଡ଼୍, ଆଦ୍ ସମୟ୍‍ତେ ଇଶ୍ୱର୍‍ତଡ଼ି ଆଦ୍‍ତିଡ଼୍ । ମିଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ନାଙ୍କ୍, ଇଶ୍ୱର୍ ତାନ୍ ପ୍ରତିଜ୍ଞା ଲେକାମ୍ ପବିତ୍ରଆତ୍ମାନ୍ ଦାନ ମାଡ଼ି ମିଇ ପରୁ ଅନାଦ୍‌ ସତ୍‍ ଚିଃନେ ମାଡ଼ି ନିଜର୍‍ ମାଡ଼୍‍ତଣ୍ଡ୍ ।

ଏଫିସିୟ 2:18

କ୍ରିଷ୍ଟନ୍ ତଡ଼୍ କେ ଇହୁଦି ନୁ ଅଣଇହୁଦିଡ଼୍ ସାରେତଡ଼୍ ଅଣ୍ଡୟ୍‌ ଆତ୍ମାତେ ବାବାନ୍ ମୁନେ ୱାଦାନ୍ ସେଙ୍ଗେ ସାହାସ୍‍ ଆତ୍‍ତମ୍ ।

ଏଫିସିୟ 4:30

ଇଶ୍ୱର୍‌ତେ ପବିତ୍ର ଆତ୍ମାତିଙ୍କ୍ ଦୁଃକାମ୍‍ ଇମାଟ୍ । ବାତେଙ୍କ୍‍ଇତ୍‍କେ ପବିତ୍ର ଆତ୍ମା ମିଇ ପର୍‍ର ଇଶ୍ୱର୍‌ତେ ନିଜର୍‍ ଅଦିକାର୍‌ ଚିଃଏନେ ରକମ୍ ନୁ ଇଶ୍ୱର୍ ଯେ ଅନ୍‌‍ଦିନେ ମିକିଂଙ୍କ୍ ମୁକ୍ତି ମାଡ଼ିତନ୍, ଇଦିନ୍ ରକମ୍ ।

ଏଫିସିୟ 6:18

ଇଶ୍ୱର୍‌ତେ ସାହାଯ୍ୟ ବିକ୍ୟାତାଲ୍‍କି ପ୍ରାର୍ତନା ତଡ଼୍ ଇୱୁସାର୍ରେ ମାଡ଼ାଟ୍ । ସାର୍‍ରେ ଅସୁବିଦା ୱେଲେ ପବିତ୍ର ଆତ୍ମାତେ ଚାଲାମାଡ଼ାନ୍‍ ଲେକାମ୍ ପ୍ରାର୍ତନା ମାଡ଼ାଟ୍ । ତିଆର୍‍ତେ ମାନୁଟ୍; ବେସୁଟ୍‌ ଆୟ୍‍ୱିମାଟ୍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ସାରେଦାମ୍ ପ୍ରାର୍ତନାତାଗ୍ ମନ୍ ଇସ୍‍ମାନୁଟ୍ ।

ଫିଲିପିୟ 1:19

ବାତେଙ୍କ୍ଇତ୍କେ, ନାନ୍ ପୁତ୍‍ତାନ୍ ମିୟାଦ୍ ପ୍ରାର୍ତନା ନୁ ଜିସୁ କ୍ରିଷ୍ଟନ୍ ଆତ୍ମାତେ ସାହାଯ୍ୟ ତଡ଼୍ ନାନ୍ ମୁକ୍ତି ଲାବ୍ ମାଡ଼ିତାନ୍ ।

୧ ଥେସଲନିୟ 4:8

ଆଦିଙ୍କ୍ ବେନ୍ ମାୟାଦ୍‌ ଇଦ୍ ଶିକ୍ଷାତିଙ୍କ୍‍ ଗ୍ରହନ୍ ମାଡ଼ନ୍, ଅଣ୍ଡ୍‌ ନାରୁଙ୍କ୍ ପବିତ୍ରଆତ୍ମା ଦାନ ମାଡ଼ିମାନ୍ଦାନ୍ ଇଶ୍ୱର୍‌ତିଙ୍କ୍ ଅବମାନନା ମାଡ଼ିତନ୍ ।

୧ ପିତର୍‍ 1:11

ଆଦ୍ ଦାନ ମିଡ଼୍ ବେସୁଙ୍କ୍‍ ନୁ ବେଲାନ୍ ପାଏମ୍ ଆଦ୍‍ତିଡ଼୍, ପୁନ୍ଦାନ୍ ସେଙ୍ଗେ ଅଡ଼୍‌ ଚେଷ୍ଟା ମାଡ଼ିମାତ୍ତଡ଼୍ । ଇଦ୍ ସମ୍ପର୍କତେ ପବିତ୍ରଆତ୍ମା ସାହାଯ୍ୟତେ ଅଡ଼୍‌ କ୍ରିଷ୍ଟଙ୍କ୍ ଦୁଃକାମ୍ ନୁ ମେଣ୍ଡନ୍‍ ଲେକେତ୍ ଗୌରବ୍‍ ବିଷୟତେ ସୂଚନା ଇସ୍‍ ମାତ୍‍ତଡ଼୍ ।

ଯିହୁଦା 1:20

ଆଦିଙ୍କ୍ ପ୍ରିୟ ସାଙ୍ଗଡ଼ି, ମିଡ଼୍ ପବିତ୍ର ଦର୍ମଶାସ୍ତ୍ରତେ ନିତିତଡ଼୍ ନିଜର୍‍ ଜିୱୁଣ୍ଡ୍ ତିଆର୍ ମାଡ଼ାନଙ୍କ୍ ଲାଗେମ୍ ଆସ୍ ମାନୁଟ୍; ପବିତ୍ର ଆତ୍ମାନ୍ ଶକ୍ତିତଡ଼୍ ପ୍ରାର୍ତନା ମାଡ଼ମାନୁଟ୍ ।

ପ୍ରକାଶିତ୍‌ ବାକ୍ୟ 19:10

ଆଦ୍ ଦୂତତିଙ୍କ୍ ପୁଜା ମାଡ଼ାନ୍‍ ସେଙ୍ଗେ ନାନେ ତାନ୍ ଡେକାନ୍‍ ମଦଲ୍ ରାଲ୍‍ତାନ୍ । କିନ୍ତୁ ଆଦ୍ ନାକିଙ୍କ୍ କେତ୍‍ତେ, “ଆଦ୍‍ଲେକାମ୍ ନେଏମା । ନି ଲେକାମ୍ ନୁ ମୀଇ ତାମୁଡ଼୍‍ ଲେକାମ୍ ନାନେ ୱେରନ୍ ଜିସୁନ୍ ୱେରନ୍ ସେବକ୍‍ ମାତର୍ । ମୀଇ ଲେକାମ୍ ନାନେ ମିକା ଜିସୁନ୍‍ କେସ୍‍ମାନ୍ଦାନ୍ ସତ୍ତିଙ୍କ୍ ଗ୍ରହନ୍‌ ମାତ୍‍ତାନ୍ । ମାତର୍ ଇଶ୍ୱର୍‌ତେ ପୁଜା ମାଡ଼ାଟ୍ । ମାତର୍ ଜିସୁନ୍‍ କେସ୍‍ ମାନ୍ଦାନ୍ ସତ୍‍, ବାବବାଦିନଡ଼କ୍ ପ୍ରେରଣା ଇମୁଟ୍ ।”