Biblia Todo Logo
Bìoball air-loidhne

- Sanasan -




ଗାଲାତୀୟ 2:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

8 ବାତେଙ୍କ୍‍ଇତ୍‍କେ ପିତର୍ ବେଦ୍‍ରକମ୍‍ ଇଶ୍ୱର୍‌ତେ ଶକ୍ତିତଡ଼୍‍ ଇଉଦିଡ଼୍ ସେଙ୍ଗେ ପ୍ରେରିତ୍‍ ଶିଷ୍ୟଡ଼୍‍ ଲେକାମ୍ ନିଯୁକ୍ତି ଆସ୍‍ମାତ୍‍ତଣ୍ଡ୍, ନାନ୍ ମିକା ଟିକ୍ ଆଦେ ପୁଟୁଙ୍ଗ୍ ଇଶ୍ୱର୍‌ତେ ଶକ୍ତିତଡ଼୍ ଅଣଇହୁଦୀଡ଼୍ ସେଙ୍ଗେ ପ୍ରେରିତ୍‍ ଶିଷ୍ୟଡ଼୍ ଲେକାମ୍ ନିଯୁକ୍ତି ଆତ୍‍ତାନ୍ ।

Faic an caibideil Dèan lethbhreac




ଗାଲାତୀୟ 2:8
23 Iomraidhean Croise  

ଇଣ୍ଡ୍‍ ନାରୁଣ୍ଡ୍‍ ଯିହୁଦାନ୍‍ ପଡ଼୍‍ୟେତାଗ୍ ପ୍ରେରତ ଶିଷ୍ୟନ୍ ପାଡ଼୍‍ୟି ମାଡ଼ିତନ୍ ।”


ବାତେଙ୍କ୍ ଇତ୍‍କେ ମିଇ ପର୍‍ର ପବିତ୍ର ଆତ୍ମା ଡିଗ୍‍କେ, ମିଡ଼୍ ଶକ୍ତିଶାଲୀ ଆଦ୍‍ତିଡ଼୍ ନୁ ଜିସୁ, ପୁରା ଯିରୁଶାଲେମ୍‍ ଯିହୁଦା ନୁ ଶମିରୋମ୍ ନୁ ପୃତିବିତାଗ୍ ଶେଷସୀମା ଏୱୁନା ନା ସେଙ୍ଗେ ମିଡ଼୍ ସାକ୍ଷି ଆଦ୍‍ତିଡ଼୍ ।”


ପାଉଲ୍ ନୁ ବର୍ଣ୍ଣବାନ୍ ତଡ଼୍ ଅଣଇହୁଦୀଡ଼୍ ଲୋପେ ଇଶ୍ୱର୍ ବେନ୍‍ସାରେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ମାଡ଼ିମାତ୍‍ତଣ୍ଡ୍, ଅଡ଼୍‌ଆଗାଙ୍କ୍‌ ଆଦିନାଦ୍ ଗଟ୍‍ କେଞ୍ଜି ମାନ୍ଦେତେ ସାରେତଡ଼୍ କଟ ମାତ୍‍ତଡ଼୍ ।


ଇଞ୍ଜେ ଇଣ୍ଡ୍ ପାଉଲ୍ ବାତ୍ ମାଡ଼ୁତଣ୍ଡ୍; ଆଦ୍ ମିଡ଼୍ ନିଜେ ଉଡ଼ୁତିଡ଼୍ ନୁ କେଞ୍ଜୁତିଡ଼୍‍ । ଅଣ୍ଡ୍‌ କେତୁତଣ୍ଡ୍, ନାରୁଡ଼୍ ତିଆର୍ ମାଡ଼୍‍ତେ ଦେୟାକ୍ ସାରେ ବେପଡ଼୍ ଦେୟାକ୍ ଆୟ୍‍ୟ, ମେଣ୍ଡେ ଅଣ୍ଡ୍‌ ଇଗେ ଏପିସସ୍‍ ନୁ ମାତ୍ରମ୍‍ ସାରେ ଏସିଆ ଦେଶ୍‍ତାଗ୍ ନାର୍‍ଗେ ନାରୁଡ଼୍‍କିଂଙ୍କ୍ ଇଦ୍ ବିଷୟ୍ ବୁସା ମାଡ଼ି କେତୁତଣ୍ଡ୍ ।


ପାଉଲ୍ ଅଡ଼୍‌‍କିଂଙ୍କ୍ ନମସ୍କାର୍ ମାଡ଼ି ତାନ୍ ସେବା ପାଡ଼୍‍ୟିତଡ଼୍ ଇଶ୍ୱର୍ ଅଣଇହୁଦୀଡ଼୍‌କିଂଙ୍କ୍ ବାତ୍ ମାଡ଼ିମାତ୍‍ତଣ୍ଡ୍; ଆଦିନାଦ୍ ସାରେ ବିଷୟ୍‍ କେତ୍‍ତଣ୍ଡ୍ ।


ପ୍ରବୁ ନାକିଂଙ୍କ୍ କେତ୍‍ତଣ୍ଡ୍, ‘ଅନ୍‌, ନାନ୍ ନିକିଂଙ୍କ୍ ଗାଟି ଜେକେ ଅଣଇହୁଦୀଡ଼୍ ବକେତ୍ ରହତିତାନ୍ ।’”


ଇତ୍‍କେ ଅଡ଼୍‌‍ୱାଦ୍‍ ଶିକ୍ଷା କେଞ୍ଜିମାନ୍ଦାନ୍‍ ନାର୍‍ଗେ ନାରୁଡ଼୍ ବିଶ୍ୱାସ୍ ମାଡ଼୍‍ତଡ଼୍ ନୁ ଅଡ଼୍‌‍ୱାଦ୍‍ ସଂକ୍ୟା ନାର୍ଗେ ଅସ୍‍ ମାତ୍ରମ୍‍ ପାଞ୍ଚ୍‍ ହଜାର୍‌ ଆତ୍‍ତେ ।


ପିତର୍ ନୁ ଯୋହନ୍‌ ଅଡ଼୍‌ ପର୍‍ର କାୟି ୱାଟ୍‍ତେ ସାଙ୍ଗେ ସାଙ୍ଗେ ଅଡ଼୍‌ ପବିତ୍ର ଆତ୍ମା ପାଏମ୍‍ଆତ୍‍ତଡ଼୍ ।


ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ଅନ୍‌, ଇସ୍ରାଏଲ୍‍ ନାରୁଡ଼୍ ନୁ ଅଣଇହୁଦୀ ନୁ ରାଜାଲଡ଼୍ ମୁନ୍‍ନେ, ନା ପେଦେର୍ କେତାନଙ୍କ୍ ନୁ ନାୱାଦ୍ ସେବା ମାଡ଼ାନଙ୍କ୍ ନାନ୍ ଅଂକିଙ୍କ୍‌ ହେଞ୍ଚ୍‍ତାନ୍ ।


ଇତ୍‍କେ ଇଞ୍ଜେ ନାନ୍ ବାତ୍ ଆତ୍‍ତାନ୍, ଆଦ୍ ଇଶ୍ୱର୍‌ତେ ଅନୁଗ୍ରହ୍ ମାୟ୍‍ଦିଙ୍କ୍ ଆତ୍‍ତେ ନୁ ନା ସେଙ୍ଗେ ଅନାଦ୍‌ ଅନୁଗ୍ରହ୍ ଆସାମ୍ ଆୟ୍‍ୟ । ଇତ୍‍କେ ମେଣ୍ଡେବାଗାତ୍ ପ୍ରେରିତ୍ ଶିଷ୍ୟଡ଼ାଗାଙ୍କ୍ ନାନ୍ ଗାଟି ପାଡ଼୍‍ୟି ମାଡ଼୍‍ତାନ୍ । ନିଜାତେ ଇୱୁସାର୍ରେ ନାନ୍ ମାଡ଼ନ୍, ଇତ୍‍କେ ନା ସେଙ୍ଗେ ଇଶ୍ୱର୍‌ତାଦ୍ ଅନୁଗ୍ରହ୍ ମାନ୍ଦାନ୍ ମାୟ୍‍ଦିଙ୍କ୍ ଇଦ୍ ସମ୍ଭବ୍ ଆତ୍‍ତେ ।


ଯଦ୍ୟପି ନାନେ ପ୍ରେରିତ ନଡ଼ାଗାଙ୍କ୍‍ ଆରନ୍‌ ରଅତେନନ୍‌ ଆୟନ୍‌, ମିକା ମିୟାଗ୍‌ ନିଜାମ୍‌ ରଅତେନନ୍‌, ବାତେଙ୍କ୍‍ଇତ୍‍କେ ପ୍ରବୁନାଗ୍ ମିଡ଼୍ ନାୟାଦ୍‌ ରଅତାନଣ୍ଡ୍ ଇଞ୍ଜ ଗ୍ରହନ୍ ମାଡ଼ାଟ୍ ।


ମିକିଙ୍କ୍ ନିୟମ୍ ବିଶ୍ୱାସ୍ ମାଡ଼୍‍ତାଙ୍କ୍ ଇଶ୍ୱର୍ ବାତ୍ ତାନ୍ ଆତ୍ମା ଇତ୍‌ତଣ୍ଡ୍‌ ନୁ ମି ଲୋପେ ଆଶର୍ଯ୍ୟ ପାଡ଼୍‍ୟି ସାରେ ମାଡ଼୍‍ତଣ୍ଡ୍, ନା ମିଡ଼୍ ମେଲ୍‍ତା କାବୁର୍ କେଞ୍ଜି ଆଗେ ବିଶ୍ୱାସ୍ ମାଡ଼ୁତିଡ଼୍ ଇଞ୍ଜ ?


ଇଦିଙ୍କ୍ ପୁରା ମାଡ଼ାନ୍‍ ମାୟ୍‍ଦିଙ୍କ୍ ନାୟାଗେ ମାନ୍ଦାନ୍ କ୍ରିଷ୍ଟ ଇତ୍‍ତେ ମହାନ୍ ଶକ୍ତିତିଙ୍କ୍ ବ୍ୟବହାର୍ ମାଡ଼ି ନାନ୍ ଜିୱେ ଅପି ଚେଷ୍ଟା ମାଡ଼ୁତାନ୍‍ ନୁ ପାଡ଼୍‍ୟି ମାଡ଼ୁତାନ୍ ।


ମାନାଡ଼୍ ବାତ୍‍ତିଙ୍କ୍ ସାରେଦାମ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିସମାନ୍‍ତାଡ଼୍ ଆଦିନ୍ ମେଣ୍ଡନ୍ କାରନ୍ ମିନ୍ତେ । ମାମ୍‍ମେ ବେସୁଙ୍କ୍‍ ମିଇ ପାକେ ଇଶ୍ୱର୍‌ତେ ସତ୍‍ କାବୁର୍ ତାସ୍‍ମାତ୍‍ତମ୍, ମିଡ଼୍ ଆଦ୍ ନାରୁନ କାବୁର୍ ହିଞ୍ଜ ହେର୍କା ମାଡ଼କଟ୍, ଇଶ୍ୱର୍‌ତେ କାବୁର୍ ହିନା କେଞ୍ଜ୍‍ତିଡ଼୍ ନୁ ଗ୍ରହନ୍ ମାଡ଼୍‍ତିଡ଼୍ । ମୁନେଙ୍କ୍ କଞ୍ଜ୍ ଆଦ୍ ଇଶ୍ୱର୍‌ତେ କାବୁର୍ ନୁ ମିଇ ଲେକାମ୍ ବିଶ୍ୱାସୀନଡ଼୍ ମନ୍‍ଦାଗ୍ ଆଦ୍ ଗେଲ୍‍ସି ମାନ୍‍ତେ ।


Lean sinn:

Sanasan


Sanasan