ଗାଲାତୀୟ 2:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ଇତ୍‍କେ ମି ସେଙ୍ଗେ ମେଲ୍‍ତା କାବୁର୍‍ତାଗ୍ ମାନ୍ଦାନ୍ ସତ୍‍ତିଙ୍କ୍ ନେଃଏତାନ୍ ସେଙ୍ଗେ ମାମ୍ ଆ ନାରୁଡ଼୍‍କିଙ୍କ୍ ସେନେକ୍‍ତିଙ୍କ୍ ମିକା ପଡ଼ିୟେ ଇୱେମାତ୍‍ତମ୍ ।

ଗାଲାତୀୟ 2:5 Iomraidhean Croise

ପ୍ରେରିତ 15:2

ଇଦ୍ ବିଷୟ୍‍ତିଙ୍କ୍ ପାଉଲ୍ ନୁ ବର୍ଣ୍ଣବା ଅଡ଼୍‌ ତଡ଼୍ ଗାଟି ଯୁକ୍ତିତର୍କ ମାଡ଼୍‍ତାଙ୍କ୍ ଇଦ୍ ତିଆର୍ ମାଡ଼୍‍ତଡ଼୍ ଯେ, ପାଉଲ୍, ବର୍ଣ୍ଣବା ନୁ ଅନ୍‌ଥିୟୋକ୍‌ତେ ମେଣ୍ଡେ ବେସ୍‍କ୍‍ତୁଡ଼୍‍ ନାରୁଡ଼୍ ଯିରୁଶାଲେମ୍‍ତାଗ୍ ଆଞ୍ଜ୍ ପ୍ରେରିତ ଶିଷ୍ୟ ନୁ ମଣ୍ଡଲିତେ ବୟସ୍କା ନେତାଲଡ଼୍ ତଡ଼୍ ଇଦ୍ ବିଷୟ୍‍ତେ ପରାମର୍ଶ ମାଡ଼ିତଡ଼୍ ।

ଗାଲାତୀୟ 1:6

କ୍ରିଷ୍ଟନ୍‍ ମେଲ୍‍ତା କାବୁର୍ ତଡ଼୍ ବେନ ମିକିଙ୍କ୍ କାର୍‍ଙ୍ଗି ମାତ୍‍ତଣ୍ଡ୍, ଇସର୍ ସିଟ୍‍ପାଟ୍ ମିଡ଼୍ ଅଂକିଙ୍କ୍‌ ୱିଡ଼୍‍ସି ମେଣ୍ଡ୍‍ଅଣ୍ଡ୍‌ ମେଲ୍‍ତା କାବୁର୍‍ତିଙ୍କ୍ ଚାୟେମ୍ ଆତ୍‍ତିଡ଼୍, ଆଦିଙ୍କ୍ ନାନ୍ ଗାଟି ଆଶର୍ଯ୍ୟ ଅଦୁତାନ୍‍ ।

ଗାଲାତୀୟ 2:14

ନାନ୍ ଉଡ଼୍‍ତାନ୍ ଯେ ମେଲ୍‍ତା କାବୁର୍‍ତେ ସତ୍‍ ଲେକାମ୍ ଅଡ଼୍‌ ସାୟେ ବ୍ୟବହାର୍‌ ମାଡ଼ଡ଼୍, ନାନ୍ ଅଡ଼୍‌ ମୁନ୍‍ନେ ପିତର୍‍ତିଙ୍କ୍ କେତ୍‍ତାନ୍, “ଯଦି ନିମେ ଇଉଦି ଆସ୍ ଅଣଇହୁଦି ଲେକାମ୍ ବାଦ୍‍କୁତିନ୍, ତ ଇହୁଦିଡ଼୍ ଲେକାମ୍ ବାଦ୍‍କାନଙ୍କ୍ ନିମେ ଅଣଇହୁଦିଡ଼୍‍କ୍ ବେଲା କେତିତିନ୍‍ ?”

ଗାଲାତୀୟ 4:16

ଇତ୍‍କେ ଇଞ୍ଜେ ନାନ୍ ନିଜାମ୍ କେତ୍‍ତାଙ୍କ୍ ବାତ୍ ମି ଶତ୍ରୁ ଆତ୍‍ତାନ୍ ?

ଏଫିସିୟ 1:13

ମିଡ଼୍ ଆନ୍‌‍ତେ ବେସୁଙ୍କ୍‍ ପରିତ୍ରାଣ୍ ଦର୍ସିକି ଆତ୍‍କେ ଇଦ୍ ସୁସମାଚାର୍‍ତେ ସତ୍‍ଗଟ୍ କେଞ୍ଜ୍‍ତିଡ଼୍, ଆଦ୍ ସମୟ୍‍ତେ ଇଶ୍ୱର୍‍ତଡ଼ି ଆଦ୍‍ତିଡ଼୍ । ମିଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ନାଙ୍କ୍, ଇଶ୍ୱର୍ ତାନ୍ ପ୍ରତିଜ୍ଞା ଲେକାମ୍ ପବିତ୍ରଆତ୍ମାନ୍ ଦାନ ମାଡ଼ି ମିଇ ପରୁ ଅନାଦ୍‌ ସତ୍‍ ଚିଃନେ ମାଡ଼ି ନିଜର୍‍ ମାଡ଼୍‍ତଣ୍ଡ୍ ।

କଲସୀୟ 1:5

ବେସୁଙ୍କ୍‍ ସୁସମାଚାର୍‍ତେ ନିଜାମ୍‍ତାଦ୍‍ କାବୁର୍ ମିଇପାକେ ମୁନେଙ୍କ୍ ୱାତ୍‍ତେ, ମିଡ଼୍‍ ଆଦିନ୍ ତଡ଼୍ ଇତ୍‍ତାୱୁ ବର୍‍ସାତାଉ ଗଟି କେଞ୍ଜିମାତ୍‍ତିଡ଼୍ । ମିଡ଼୍ ବାତ୍‍ ବର୍‍ସା ମାଡ଼ିତିଡ଼୍, ବାତ୍‍ ମିଇ ସେଙ୍ଗେ ସ୍ୱର୍ଗତାଗ୍‍ ସୁରକ୍ଷିତ୍, ଆଦିନ୍ ପରୁ ମିଇୟାଦ୍ ବିଶ୍ୱାସ୍ ନୁ ପ୍ରେମ ମିନ୍ଦେ ।

୧ ଥେସଲନିୟ 2:13

ମାନାଡ଼୍ ବାତ୍‍ତିଙ୍କ୍ ସାରେଦାମ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିସମାନ୍‍ତାଡ଼୍ ଆଦିନ୍ ମେଣ୍ଡନ୍ କାରନ୍ ମିନ୍ତେ । ମାମ୍‍ମେ ବେସୁଙ୍କ୍‍ ମିଇ ପାକେ ଇଶ୍ୱର୍‌ତେ ସତ୍‍ କାବୁର୍ ତାସ୍‍ମାତ୍‍ତମ୍, ମିଡ଼୍ ଆଦ୍ ନାରୁନ କାବୁର୍ ହିଞ୍ଜ ହେର୍କା ମାଡ଼କଟ୍, ଇଶ୍ୱର୍‌ତେ କାବୁର୍ ହିନା କେଞ୍ଜ୍‍ତିଡ଼୍ ନୁ ଗ୍ରହନ୍ ମାଡ଼୍‍ତିଡ଼୍ । ମୁନେଙ୍କ୍ କଞ୍ଜ୍ ଆଦ୍ ଇଶ୍ୱର୍‌ତେ କାବୁର୍ ନୁ ମିଇ ଲେକାମ୍ ବିଶ୍ୱାସୀନଡ଼୍ ମନ୍‍ଦାଗ୍ ଆଦ୍ ଗେଲ୍‍ସି ମାନ୍‍ତେ ।

ଯିହୁଦା 1:3

ଆ ପ୍ରିୟ ସାଙ୍ଗଡ଼ି, ନାନ୍ ମାନାଦ୍‍ ପରିତ୍ରାଣ ବିଷୟ ମିଇ ବକେତ୍ ସୁଦୁଟ୍ ଲେକାନଙ୍କ୍ ମାନ୍‍ ମାଡ଼ିମାତ୍‍ତାନ୍ । ଇତ୍‍କେ ତିନ୍ ଲୋପେ ଇଶ୍ୱର୍ ତାମ୍ ନାରୁଡ଼୍‍କିଂଙ୍କ୍ ସାରେ ଦିନେତ୍ ମାୟ୍‍ଦିଂଙ୍କ୍ ଇସ୍ ମାନ୍ଦାନ୍ ବିଶ୍ୱାସ୍‍ତଡ଼୍ ଯୁଦ୍ ମାଡ଼ାନ୍ ସେଙ୍ଗେ ମିକିଂଙ୍କ୍ ସାର୍ଦେ ମାଡ଼ାନ୍ ଦର୍‍କାର୍ ଇଞ୍ଜ ମାନ୍‍ ମାଡ଼୍‍ତାନ୍ ।