ଗାଲାତୀୟ 2:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଆଗ୍ ଆଦାନଙ୍କ୍ ଆଦ୍‍ତେ ଇଞ୍ଜ ଇଶ୍ୱର୍‌ତାଦ୍‍ ଆଦେଶ୍‍ ସେଙ୍ଗେ ନାନ୍ ଆଞ୍ଜ୍‍ ମାତ୍‍ତାନ୍ । ଅଣଇହୁଦୀଡ଼୍ ବକେତ୍ ନାନ୍ ବେନ୍ କାବୁର୍ ପ୍ରଚାର୍ ମାଡ଼୍‍ତାନ୍, ଯିରୁଶାଲେମ୍‍ତେ ନେତାଲଡ଼୍‍କ୍ ଅଣ୍ଡୟ୍‌ ପ୍ରାଇବେଟ୍ ମିଟିଙ୍ଗ୍ ମାଡ଼ି ବୁଜା ମାଡ଼୍‍ତାନ୍ । ନାୟାଦ୍‍ ମୁନେତାଦ୍ ନୁ ଇଞ୍ଜେତାଦ୍ ପାଡ଼୍‍ୟି ବେଲା ଆସାମ୍ ଆନ୍‌‍ମାକି ଆଦିନ୍‌ମାଇଦିଙ୍କ୍ ନାନ୍ ଉଡ଼ମାତ୍‍ତାନ୍ ।

ଗାଲାତୀୟ 2:2 Iomraidhean Croise

ମାତିଉ 10:16

“କେଞ୍ଜାଟ୍, ମେଣ୍ଢାଙ୍କ୍ କୁକାଲ୍‍ ପାୟୁର୍‍ତାଦ୍ ତୁର୍‍ସିତ୍‍ତେ ଲେକାମ୍ ନାନ୍ ମିକିଂଙ୍କ୍ ରତୁତାନ୍ । ଆଦିଙ୍କ୍ ମିଡ଼୍ ତାଡ଼ାମ୍ ଲେକାମ୍ ତିଆର୍‍ତେ ମାନୁଟ୍, ବାତେଙ୍କ୍ ଇତ୍‍କେ ମିଡ଼୍ ବଡେ ବେଲା ବେନଙ୍କ୍ ଇଂସା ମାଡ଼, ମିଡ଼୍ ଆଦ୍‍ଲେକାମ୍ ଆୟ୍‍ମୁଟ୍ ।”

ପ୍ରେରିତ 15:12

ପାଉଲ୍ ନୁ ବର୍ଣ୍ଣବାନ୍ ତଡ଼୍ ଅଣଇହୁଦୀଡ଼୍ ଲୋପେ ଇଶ୍ୱର୍ ବେନ୍‍ସାରେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ମାଡ଼ିମାତ୍‍ତଣ୍ଡ୍, ଅଡ଼୍‌ଆଗାଙ୍କ୍‌ ଆଦିନାଦ୍ ଗଟ୍‍ କେଞ୍ଜି ମାନ୍ଦେତେ ସାରେତଡ଼୍ କଟ ମାତ୍‍ତଡ଼୍ ।

ପ୍ରେରିତ 15:2

ଇଦ୍ ବିଷୟ୍‍ତିଙ୍କ୍ ପାଉଲ୍ ନୁ ବର୍ଣ୍ଣବା ଅଡ଼୍‌ ତଡ଼୍ ଗାଟି ଯୁକ୍ତିତର୍କ ମାଡ଼୍‍ତାଙ୍କ୍ ଇଦ୍ ତିଆର୍ ମାଡ଼୍‍ତଡ଼୍ ଯେ, ପାଉଲ୍, ବର୍ଣ୍ଣବା ନୁ ଅନ୍‌ଥିୟୋକ୍‌ତେ ମେଣ୍ଡେ ବେସ୍‍କ୍‍ତୁଡ଼୍‍ ନାରୁଡ଼୍ ଯିରୁଶାଲେମ୍‍ତାଗ୍ ଆଞ୍ଜ୍ ପ୍ରେରିତ ଶିଷ୍ୟ ନୁ ମଣ୍ଡଲିତେ ବୟସ୍କା ନେତାଲଡ଼୍ ତଡ଼୍ ଇଦ୍ ବିଷୟ୍‍ତେ ପରାମର୍ଶ ମାଡ଼ିତଡ଼୍ ।

ପ୍ରେରିତ 15:4

ଅଡ଼୍‌ ଯିରୁଶାଲେମ୍‍ତାଗ୍ ହେୱୁତ୍‍ତେ ୱେଲେ ମଣ୍ଡଲି, ପ୍ରେରିତ ଶିଷ୍ୟ ନୁ ମଣ୍ଡଲିତେ ନେତାଲଡ଼୍ ଅଡ଼୍‌‍କିଂଙ୍କ୍ ସ୍ୱାଗତ୍ ମାଡ଼୍‍ତଡ଼୍ । ଇଶ୍ୱର୍ ଅଡ଼୍‌ ତଡ଼୍ ମାଡ଼ିମାନ୍ଦାନ୍ ପାଡ଼୍‍ୟି ବିଷୟ୍‍ତେ ପାଉଲ୍ ନୁ ବର୍ଣ୍ଣବା ଅଡ଼୍‌‍କିଂଙ୍କ୍ କେତ୍‍ତଡ଼୍ ।

ପ୍ରେରିତ 18:9

ଅଣ୍ଡୟ୍‌ ନାର୍‍କେ ପାଉଲ୍ ଅଣ୍ଡୟ୍‌ ଦର୍ଶନ୍ ଉଡ଼୍‍ତଣ୍ଡ୍, ଦର୍ଶନ୍‌ତାଗ୍ ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ୱେର୍‍ମା, ପ୍ରଚାର୍ ମାଡ଼ମାନ୍, ଆଦିଙ୍କ୍ ୱିଡ଼୍‍ସ୍‍ମା,

ପ୍ରେରିତ 23:11

ଆଦେନାଣ୍ଡ୍‍ ନାର୍‍କେ ପ୍ରବୁ ପାଉଲ୍‍ତେ ବକେତ୍ ନିଶ୍‍ମିକା କେତ୍‍ତାନ୍, “ସାହାସ୍ ଆୟ୍‍ମ୍‍ ! ନିମ୍‍ ଇଗେ ଯିରୁଶାଲେମ୍‍ତାଗ୍ ନା ସେଙ୍ଗେ ସାକ୍ଷ୍ୟ ହିତ୍‍ତିନ୍ । ରୋମ୍‍ତାଗ୍ ମିକା ନିମ୍‍ ନିଜାମ୍ ସାକ୍ଷ୍ୟ ହିଦ୍‍ତିନ୍ ।”

ପ୍ରେରିତ 5:34

ବାତେଙ୍କ୍ ଇତ୍‍କେ ଗମଲୀୟେଲ୍‍ ପେଦେର୍‍ତଣ୍ଡ୍ ୱେରଣ୍ଡ୍ ପାରୂଶୀ, ଅଣ୍ଡ୍‌ ୱେରଣ୍ଡ୍ ନିୟମ୍‍ ଗୁରୁ ନୁ ସାରେତଡ଼୍‌କିଂଙ୍କ୍ ସାୟେତ୍ ନାରୁଡ଼୍ ମାତ୍‍ତଣ୍ଡ୍, ଅଣ୍ଡ୍‌ ବେଡ଼ିୟେ ମିଟିଙ୍କ୍‍ତାଗ୍ ନିଶ୍‍ ପ୍ରେରିତଡ଼୍‍କିଙ୍କ୍ ବେସ୍‍କେ ଦିନାମ୍‍ତେ ସେଙ୍ଗେ ବାଇଦେ ଆତ୍‍ତାଙ୍କ୍ ଗଟ୍ ହିତ୍‍ତଣ୍ଡ୍,

ରୋମୀୟ 9:16

ଆଦିଙ୍କ୍ ସାର୍‍ରେ ବିଷୟ୍ ଇଶ୍ୱର୍‌ତେ ଅନୁଗ୍ରହ୍ ପର୍‍ର ଆଶେ ମାଡ଼ିତ୍, ମାନେୟ୍‍ତେ ଇଚ୍ଛା ବା ପାଡ଼୍‍ୟି ପର୍‍ର ଆୟ୍‍ୟ ।

୧ କରନ୍ତିୟ 1:23

ମାତର୍ ମାମ୍‍ମେ କ୍ରୁଶତାଗ୍ ଡଲ୍‍ତେ କ୍ରିଷ୍ଟନାଦ୍‌ ଗଟ୍ କେତୁତମ୍ । ଇଦୁ ଇହୁଦୀ ନାରୁଡ଼୍‌କ୍‌ ମାଇଦିଙ୍କ୍‌ ତିପାଲ୍ ଲେକାମ୍ ନୁ ଅଣଇହୁଦୀ ନାରୁଡ଼୍ କଣ୍ଡେତାଗ୍ ପିନ୍ଦ ଆସ୍‌ମାନ୍‌ତା;

୧ କରନ୍ତିୟ 2:2

ମିଇ ସାଙ୍ଗ୍‌ ମାନ୍ଦାନ୍‌ୱେଲେ ମାତର୍ ଜିସୁ କ୍ରିଷ୍ଟ ନୁ କ୍ରୁଶତ୍ ପର୍‍ର ଅନ୍‌‍ୱାଦ୍ ଡଲ୍‍ନାଦ୍ ୱିଡ଼୍‍ସ୍‍କେ ମେଣ୍ଡେ ବାତା ବିଷୟ ବା ପୁନ୍ଦାନ୍‌ ମାଇଦିଙ୍କ୍‌ ଇଷ୍ଟାମ୍‌ ଇଲ୍‌ୱାମାତ୍‌ତା ।

୧ କରନ୍ତିୟ 9:24

ମିଡ଼୍ ବାତ୍ ପୁନ୍‍ୱିଡ଼୍ ଜେ, କାର୍‍ସାନାଗ୍ ନାର୍‍ଗେ ମୁଲ୍ ବାଗ୍‍ ଆଦ୍‍ତଡ଼୍, ଇତ୍‍କେ ୱେରଣ୍ଡେ ପୁରସ୍କାର୍ ପାଏମ୍ ଆଦ୍‍ତନ୍ ? ମିଡ଼୍ ଇଦ୍‍ରକମ୍ ମିରାଟ୍, ବେଲାକି ପୁରସ୍କାର୍ ପାଏମ୍ ଆଦ୍‍ତିଡ଼୍ ।

୧ କରନ୍ତିୟ 9:26

ଆଦିନ୍ ସେଙ୍ଗେ ନାନ୍ ସିଦା ଏୱୁଦାନ୍ ବକେତ୍ ମିରିତାନ୍, ନାନ୍‍ ୱେରଣ୍ଡ୍ ମୁଷ୍ଟି ବୀର ଲେକାମ୍ ନାନ୍ ନିଜେତ୍ ମୁଟେତେ ରେଏତାନଙ୍କ୍ ଆସାମ୍ ୱିଡ଼୍‍ସାନଙ୍କ୍ ମାନ୍‍ ମାଡ଼ନ୍ ।

୨ କରନ୍ତିୟ 12:1

ବାତେଏ ଲାବ୍ ଆୟକ୍‍ ମିକା ନାକିଂଙ୍କ୍ ନିଜାମ୍ ଦର୍ପ ମାଡ଼ାଙ୍କ୍ ଆଦ୍‍ତେ । ବାତେଙ୍କ୍ ଇତ୍‍କେ ପ୍ରବୁ ନାକିଂଙ୍କ୍ ବେନ୍‍ସାରେ ବିଦ୍ୟା ଇତ୍‍ତନ୍ ନୁ ପ୍ରତ୍ୟାଦେଶ୍‍ ଇତ୍‍ତନ୍, ହାଉସାରେ ଇଞ୍ଜେ ନାନ୍ ଲେକିତାନ୍ ।

ଗାଲାତୀୟ 1:12

ନାନ୍ ବେନେ ନାରୁନାଗାଙ୍କ୍ ଆଦ୍ ପାଏମ୍ ଆୟନ୍, କି ବେନ ନାକିଙ୍କ୍ ଆଦ୍ ଶିକ୍ଷା ଇୱଣ୍ଡ୍ । ଜିସୁ କ୍ରିଷ୍ଟ ନିଜେ ଆଦ୍ ନା ବକେତ୍ କେତ୍‍ତଣ୍ଡ୍ ।

ଗାଲାତୀୟ 1:16

ଅଣଇହୁଦୀଡ଼୍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ବେସୁଟ୍‌ ନା ବକେତ୍ ଅଣ୍ଡ୍‌ ତାନ୍ ମାର୍‍ଦିଙ୍କ୍ କେତ୍‍ତଣ୍ଡ୍, ଇଦ୍ ବିଷୟ୍ କେତାନ୍ ସେଙ୍ଗେ ନାନ୍ ମେଣ୍ଡେ ବେନନ୍ ବକେତ୍ ଅନ୍‌‍ୱେ ମାତ୍‍ତାନ୍ ।

ଗାଲାତୀୟ 1:6

କ୍ରିଷ୍ଟନ୍‍ ମେଲ୍‍ତା କାବୁର୍ ତଡ଼୍ ବେନ ମିକିଙ୍କ୍ କାର୍‍ଙ୍ଗି ମାତ୍‍ତଣ୍ଡ୍, ଇସର୍ ସିଟ୍‍ପାଟ୍ ମିଡ଼୍ ଅଂକିଙ୍କ୍‌ ୱିଡ଼୍‍ସି ମେଣ୍ଡ୍‍ଅଣ୍ଡ୍‌ ମେଲ୍‍ତା କାବୁର୍‍ତିଙ୍କ୍ ଚାୟେମ୍ ଆତ୍‍ତିଡ଼୍, ଆଦିଙ୍କ୍ ନାନ୍ ଗାଟି ଆଶର୍ଯ୍ୟ ଅଦୁତାନ୍‍ ।

ଗାଲାତୀୟ 2:6

ବେନଡ଼୍ ନେତାଲଡ଼୍ ଇଞ୍ଜ ଏଞ୍ଚି ମାତ୍‍ତଡ଼୍, ଅଡ଼୍‌ ବେନ ଆୟି ଆୟିଣ୍ଡ୍, ଆଗେ ନାୟାଦ୍ ବାତ୍ ଆନ; ବାତେଙ୍କ୍‍ଇତ୍‍କେ ବ୍ୟବହାର୍‌ ଉଡ଼ି ଇଶ୍ୱର୍ ବେନଡ଼୍‍କ୍ ବିଚାର୍ ମାଡ଼ଣ୍ଡ୍, ଆ ନେତାଲଡ଼୍ ନାକିଙ୍କ୍ ବାତ୍ ପୁନାଦ୍ ଶିକ୍ଷା ଇୱଡ଼୍ ।

ଗାଲାତୀୟ 2:9

ଗୁଞ୍ଜେ ଇନା ପୁଞ୍ଜ୍‍ମାନ୍ଦାନ୍ ଯାକୁବ, ପିତର୍ ନୁ ଯୋହନ୍‌ ସ୍ୱୀକାର୍ ମାଡ଼୍‍ତଡ଼୍ ଯେ, ଇଶ୍ୱର୍ ନାକିଙ୍କ୍ ଇଦ୍ ପାଡ଼୍‍ୟି ମାଡ଼ାନଙ୍କ୍ ଦାୟିତ୍ୱ ଇସ୍‍ମିନ୍ଦେଣ୍ଡ୍ । ଆଦିଙ୍କ୍ ଅଡ଼୍‌ ନାକିଙ୍କ୍ ନୁ ବର୍ଣ୍ଣବାଙ୍କ୍ ସାହାଯ୍ୟ ମାଡ଼ାନଡ଼୍ ଇଞ୍ଜ ପ୍ରେମତେ ଗ୍ରହନ୍‍ ମାଡ଼ିମାତଡ଼୍ । ବର୍ଣ୍ଣବା ନୁ ନାନ୍ ଅଣଇହୁଦିଡ଼୍ ଲୋପେ ମେଣ୍ଡେ ଅଡ଼୍‌ ଇଉଦିଡ଼୍ ଲୋପେ ପାଡ଼୍‍ୟି ମାଡ଼ିତଡ଼୍ ଇଞ୍ଜ ମାମ୍ ରାଜି ଆସ୍‍ମାତ୍‍ତମ୍ ।

ଗାଲାତୀୟ 5:7

ମିଡ଼୍ ସାୟେ ଲେକାମ୍ ପାଡ଼ିୟି ମାଡ଼ମାତ୍‍ତିଡ଼୍, ସତ୍‍ ଆର୍‍ତାଗ୍‍ ଆଦାନ୍‍ୱେଲେ ବେନ ମିକିଙ୍କ୍ ମନାମାଡ଼୍‍ତଣ୍ଡ୍ ? ଅଣ୍ଡ୍‌‍ ବେଲା ସତ୍ ଆର୍‍ଦାଗ୍ ଆନ୍‌‍ମାଟ୍ ଇଞ୍ଜ କେତ୍‍ତଣ୍ଡ୍‍ ?

ଫିଲିପିୟ 2:16

ବାଗାତଡ଼୍ ପାକେ ଜିୱେଇଦାନ୍ ଗଟି ପ୍ରଚାର୍ ମାଡ଼ାନ୍‍ୱେଲେ ମିଇ ବାଗାତାଗ୍ ୱେସ୍‍ଇଦାନ୍ ଉକାକିନ୍ ଲେକାମ୍ ୱେସ୍‍ ଆଦାନାଦ୍ ସାୟେ । ମିଡ଼୍ ଯଦି ଇଦ୍‍ଲେକାମ୍ ଆଦ୍‍ତିଡ଼୍, “କ୍ରିଷ୍ଟନ୍‍ ଦିନାତେ,” ମିଇ ବିଷୟ୍‍ତେ ନାନ୍ ଗର୍ବ ମାଡ଼ିତା‍ନ୍, ବାତେଙ୍କ୍ ଇତ୍‍କେ ଇଗାଙ୍କ୍ ପ୍ରମାଣ୍ ଆଦିକାଡ଼୍ ଯେ, ନାୟାଦ୍ ତାଲେ ଉଦ୍ୟାମ ନୁ ପାଡ଼୍‍ୟି ଆଙ୍ଗ୍‌ଡ଼ାମ୍ ଆୟ୍‍ୟ ।

ଫିଲିପିୟ 2:29

ଆଦିଙ୍କ୍ ୱେରଣ୍ଡ୍ କ୍ରିଷ୍ଟ ବିଶ୍ୱାସ୍ ଦାଦାନ୍ ଲେକାମ୍ ମିଡ଼୍ ଅଂକିଙ୍କ୍‌ ୱେଡ଼୍‍କେତେ ଗ୍ରହନ୍ ମାଡ଼ାଟ୍ ନୁ ଇଦ୍‍ ଲେକାମ୍ ସାରେ ଗୁଣତଡ଼୍ ନାରୁଡ଼୍‍କ୍ ବକ୍ତି ମାଡ଼ାଟ୍,

୧ ଥେସଲନିୟ 3:5

ଆଦିଙ୍କ୍ ତୀମତିଙ୍କ୍ ରତ୍‍ତାନ୍ । ନାନ୍ ମେଣ୍ଡେ ସତ୍ ଆସ୍‍ମାନ୍ଦେ ପାର୍ୱନ୍ । ମିଡ଼୍ ନିଜେ ବିଶ୍ୱାସ୍‍ତେ ମିନ୍ଦେଡ଼ି କି ଇଲେ, ପୁନ୍ଦାନ୍ ସେଙ୍ଗେ ନାନ୍ ଅଂକିଙ୍କ୍‌ ରତ୍‍ତାନ୍ । ଶୟ୍‍ତାନ୍‍ ମିକିଂଙ୍କ୍ ପ୍ରଲୋବିତ୍ ମାଡ଼ିମାନ୍ତେ ନୁ ମାନାଦ୍‍ ସାରେ ପାଡ଼୍‍ୟି ଆଙ୍ଗ୍‌ଡ଼ାମ୍ ଆସ୍‍ମାନ୍ତେ ? ଇଲେ ହିଦ୍ ବେସୁଙ୍କ୍‍ ନିଜାମ୍ ଆୟ୍‍ୟ ।

୨ ତୀମତି 4:7

ନାନେ ସାୟେ ଯୁଦ୍‌ତାଗେ ପ୍ରାଣପନ୍ ମାଡ଼୍‍ତାନ୍ । ଜିୱେତ୍ ମିରାନାଗ୍ ନାନେ ନିରୂପିତ ଆର୍ ଅଦିକ୍‌ ଲେକେତ୍‍ ମାଡ଼ିମିନ୍ଦେନ୍; ନାୟାଦ୍ ବିଶ୍ୱାସ୍‍ତେ ନାନେ ଦୃଡ଼ ମାତ୍‍ତାନ୍ ।

ଏବ୍ରୀ 12:1

ଇଦ୍‌ଲେକେନ୍‌ ସାକ୍ଷିନଡ୍ ଅଣ୍ଡୟ୍‌ ବାଡ଼ିୟା ମାନ୍ଦେ ମାନ୍‍ ନାଲୁପାକା କେପିମିନ୍‌ତେର୍ । ଆଦିନ୍‌ମାଇଦିଙ୍କ୍ ୱାଡାଟୁ, ବେନ୍‍ ସାର୍ରେ ବିଷୟ ମାନାଲ୍ ଆଦାନ୍‌ ଆର୍ଦିନ୍ ବାନ୍ଦ୍‌ ମାଡ଼ ମିନ୍ଦେ ମେଣ୍ଡେ ବେନ୍ ସାର୍ରେ ପାପାମ୍‌ ମାନାଙ୍କ୍ ଲାଗି ପଇସ୍‌ ମିନ୍ଦେ, ଆୱ୍‌ ସାର୍ରେ ୱିଡ଼୍‍ସି ମେଣ୍ଡ୍ ଗାଡ଼୍‍ସ୍‍ ଆସ୍‌ ମାନ୍‍ ମାଇଦିଙ୍କ୍ ତିଆର୍‌ ଆଦାନାଦିନ୍‌ ମୁନେ ମିରି ଆନ୍‌ଦିକାଲ୍‌ ।