ଏଫିସିୟ 3:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ମୁନେଙ୍କ୍ ନାରୁନ୍ ଗଷ୍ଠିତିଙ୍କ୍‍ ଇ ଲୋପେତ୍‌ ବିଷୟ୍‍ତେ ଲେକକଟ ମାତ୍‍ତଣ୍ଡ୍ । ଇତ୍‍କେ ଇଶ୍ୱର୍ ଇଞ୍ଜେ ଅନାଦ୍‌ ପବିତ୍ର ପ୍ରେରିତ ଶିଷ୍ୟ ନୁ ବାବବାଦିଡ଼୍‍ ଆତ୍ମାତେ ଇଦ୍ ତହଃସ୍‍ ମିନ୍ଦେଣ୍ଡ୍ ।

ଏଫିସିୟ 3:5 Iomraidhean Croise

ମାତିଉ 13:17

ହିଦ୍ ଗଟ୍ ନିଜାମ୍‍ତେ ନାନ୍ ମିକିଂଙ୍କ୍ କେତୁତାନ୍, ନାର୍‍ଗେ ବାବବାଦୀ ନୁ ଦାର୍ମିକ୍ ନାରୁଡ଼୍, ମିଡ଼୍ ବାତେଏ ଉଡ଼ୁତିଡ଼୍; ଆଦ୍ ଉଡ଼ାନଙ୍କ୍; ନୁ ବାତ୍ କେଞ୍ଜୁତିଡ଼୍ ଆଦ୍ କେଞ୍ଜାନ୍ ସେଙ୍ଗେ ଇଚ୍ଛା ମାଡ଼ ମାତ୍‍ତଡ଼୍, ବାତେଙ୍କ୍ ଇତ୍‍କେ ପାର୍‍ୱଡ଼୍ ।”

ମାତିଉ 20:7

ଅଡ଼୍‌ କେତ୍‍ତଡ଼୍, ବେନ ତ ମାକିଂଙ୍କ୍ ପାଡ଼୍‍ୟିଦିଙ୍କ୍ କାର୍‍ଙ୍ଗ୍‍ଗଡ଼୍ । ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତାନ୍, “ଆଲେକେ, ମିଡ଼୍ ସାରେତଡ଼ି ନା ୱାୟେତାଗ୍ ଆଞ୍ଜ୍ ପାଡ଼୍‍ୟି ମାଡ଼ାଟ୍ ।”

ମାତିଉ 23:34

ଆଦିଙ୍କ୍ ଉଡ଼େ, ନାନ୍‍ନେ ମିଇ ଗାର୍‍ରେ ବାବବାଦୀ, ଜ୍ଞାନି ନୁ ଶାସ୍ତ୍ରିଡ଼ିକ୍‍ ରୟ୍‍ସ୍ ମିନ୍ଦେନ୍; ଅଡ଼୍‌ ଲୋପେଙ୍କ୍ ବେନ ବେନଙ୍କ୍ ମିଡ଼୍ ଆୱ୍‍କିତିଡ଼୍‍ ନୁ କ୍ରୁଶତାଗେ ଆୱୁକିତିଡ଼୍, ମେଣ୍ଡେ ବେନ ବେନଙ୍କ୍ ମିଇ ଉପାସନା ଲତ୍‍ତାଗେ କରଡ଼ା ରେହ୍‍ତିତିଡ଼୍‍ ନୁ ନାର୍‍ଦେ ନାର୍ ତାଡ଼ନା ମାଡ଼ିତିଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:24

ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ କେତୁତାନ୍, ମିଡ଼୍ ବାତାବାତା ଉଡ଼୍‍ତିଡ଼୍, ଆୱ୍ ସାରେ ବାବବାଦୀଡ଼୍ ନୁ ରାଜାଲଡ଼୍ ଉଡ଼ାନ୍‍ମାଇଦିଙ୍କ୍ ଇଚ୍ଛା ମାଡ଼ମାତଡ଼୍, ବାତେଙ୍କ୍ ଇତ୍କେ ଉଡ଼ାଙ୍କ୍ ପାର୍‍ୱଡ଼୍; ମେଣ୍ଡେ, ମିଡ଼୍ ବାତା କେଞ୍ଜ୍‍ତିଡ଼୍, ହାଉସାରେ ଅଡ଼୍‌‍ କେଞ୍ଜାନ୍ ଇଚ୍ଛା ମାଡ଼ମାତଡ଼୍, ବାତେଙ୍କ୍ ଇତ୍କେ କେଞ୍ଜେ ପାର୍‍ୱଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:49

ପରମେଶ୍ୱର୍ ଆନ୍‌‍ତେ ନିଜର୍ ବୁଦ୍‍ତେ କେସ୍‍ମିନ୍ଦେଣ୍ଡ୍, ନାନେ ଅଡ଼୍‌‍ ଗାର୍‍ରେ ବାବବାଦୀନଡ଼କ୍ ନୁ ପ୍ରେରିତ୍‍ ଶିଷ୍ୟଡ଼୍‍କ୍ ରହ୍‍ତିତାନ୍, ଅଡ଼୍‌‍ ଲୋପେଙ୍କ୍ ବେସ୍‍କ୍‍ତୁଡ଼୍‍କିଂଙ୍କ୍ ଅଡ଼୍‌‍ ଆୱ୍‍କିତଡ଼୍ ନୁ ମେଣ୍ଡେ ବାଗାତଡ଼୍‍କିଙ୍କ୍ ତାଡ଼ନା ମାଡ଼ିତଡ଼୍,

ଯୋହନ୍‌‌ 14:26

ଆଦ୍ ସାହାଯ୍ୟୟକାରି ବେନ୍ ପବିତ୍ର ଆତ୍ମାତିଙ୍କ୍ ବାବାଲ୍ ନା ପେଦେର୍ ତେ ମାଲ୍‍ପିତନ୍, ଅଣ୍ଡ୍‌ ସାରେ ବିଷୟ୍‍ତେ ମିକିଂଙ୍କ୍ ବାତେଏ କେସ୍‍ମିନ୍ଦେନି, ଆଦ୍‍ ସାରେ ମିକିଂଙ୍କ୍ ଏର୍କା ମାଡ଼ିଦ୍‍ତଣ୍ଡ୍‌ ।”

ଯୋହନ୍‌‌ 16:13

ବାତେଙ୍କ୍ ଇତ୍‍କେ ଅଣ୍ଡ୍‌, ଇତ୍‍କେ, ସତ୍ କେତାନାଦ୍ ଆତ୍ମା ୱାତ୍‍କେ, ଅଣ୍ଡ୍‌ ହାର୍ ତଅସ୍ ମିକିଂଙ୍କ୍ ସାରେ ସତ୍ ବିଷୟ୍ କେତିତଣ୍ଡ୍, ବାତେଙ୍କ୍ ଇତ୍‍କେ ଅଣ୍ଡ୍‌ ନିଜେତାଦ୍ ଗଟ୍ କେଲଣ୍ଡ୍, ଅଣ୍ଡ୍‌ ବାତେଏ କେଞ୍ଜିତଣ୍ଡ୍, ଆଦେ ଆ ମିକିଂଙ୍କ୍ କେତିତଣ୍ଡ୍, ମେଣ୍ଡେ ୱାଦାନ୍ ଦିନାକ୍ ବିଷୟତାଦ୍ ଗଟ୍ ମିକିଂଙ୍କ୍ କେତିତଣ୍ଡ୍ ।

ପ୍ରେରିତ 10:28

ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ସାୟେ ପୁଞ୍ଜ୍ ମାନୁଟ୍, ୱେରଣ୍ଡ୍ ଇହୁଦୀ ନାରୁଡ଼୍ ତାନ୍ ବିଶ୍ୱାସ୍ ଲେକାମ୍ ଅବିଶ୍ୱାସୀ ନାରୁଡ଼୍ ତଡ଼୍ କାଇଲାନଙ୍କ୍ ପାର୍‍ୱଣ୍ଡ୍ । ଇତ୍‍କେ ଇଶ୍ୱର୍ ନାକିଂଙ୍କ୍ କେତ୍‍ତଣ୍ଡ୍, ବେନଙ୍କ୍ ବା କାରାପ୍ ବା ଅପବିତ୍ର ହେର୍କା ମାଡ଼ାନାଦ୍ ଅଶୁଚି ଆୟ୍‍ୟ ।

ରୋମୀୟ 16:25

ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ ।

୧ କରନ୍ତିୟ 2:10

ବାତେଙ୍କ୍ ଇତ୍‍କେ ଇଶ୍ୱର୍ ତାନ୍ ଆତ୍ମାତେ ତଡ଼୍ ଆଦ୍ ମିଞ୍ଜ୍‍ତାୱ୍ ବିଷୟ ମାକିଂଙ୍କ୍ କେସ୍‌ମିନ୍ଦେଣ୍ଡ୍ । ଆଦ୍‌ ପରମଆତ୍ମା କେ ଇଶ୍ୱରତାଦ୍ ଲୋପେତ୍ ଏର୍କାତିଙ୍କ୍ ମେଦ୍‌କି ମିନ୍ଦେଣ୍ଡ୍ ।

ଏଫିସିୟ 2:20

ମିଡ଼୍ ଆନ୍‌‍ତେ ପ୍ରେରିତ୍ ଶିଷ୍ୟ ନୁ ବାବବାଦିନଡ଼୍ ତଡ଼୍ ତିଆର୍ ଆଶେ ମାନ୍ଦାନ୍ ବିତ୍ତିମୁଲ ପରୁ ତିଆର୍‍ତେ ଲେକାମ୍ । ଆଦ୍ ଲୋତେ ମୁଲେତ୍‍ କାଲ୍‍ ନିଜେ ଜିସୁ କ୍ରିଷ୍ଟ ।

ଏଫିସିୟ 3:9

ଇଶ୍ୱର୍‌ତେ ଆଦ୍ ମିଞ୍ଜିମାନ୍ଦାନ୍ ଯୋଜନା ବେଦ୍‍ପୁଟୁଙ୍କ୍ ପାଡ଼୍‍ୟି ଆଦେପାର୍‍ଦ୍‍ତେ, ଆଦ୍ ସାର୍ରେତଡ଼୍‍କିଙ୍କ୍ କେତ୍‍ତାନ୍ ମାୟ୍‍ଦିଙ୍କ୍ ସବାଗ୍ୟ ପାଏମ୍ ଆତ୍‍ତାନ୍ । ସାର୍‍ରେ ବିଷୟ୍‍ତେ ତିଆର୍ କର୍ତ୍ତାଲ୍ ଇଶ୍ୱର୍ ମୁନେଙ୍କ୍ ସାର୍‍ରେ ଯୁଗ୍‍ତେ ଅନାଦ୍‌ ମିଞ୍ଜିମାନ୍ଦାନ୍‍ ସତ୍‍ତିଙ୍କ୍ ମିଞ୍ଜ୍‍ସ୍ପି ନେଃଏସ୍‍ ମାତ୍‍ତଣ୍ଡ୍,

୨ ପିତର୍‌ 3:2

ନାର୍ଗେ ମୁନେଙ୍କ୍ ପବିତ୍ର ବାବଦାଦିନଡ଼୍ ବେନ୍ ସାରେ ବାବବାଣି କେସ୍‍ ମାତ୍‍ତଡ଼୍ ନୁ ତ୍ରାଣକର୍ତ୍ତାଲ୍ ପ୍ରବୁନାଦ୍ ବେନ୍ ସାରେ ଆଜ୍ଞା ମିକିଙ୍କ୍ ପ୍ରେରିତ ଶିଷ୍ୟଡ଼୍ ରହସ୍‍ ମିନ୍ଦେଡ଼୍, ଆଦ୍ ମିକିଙ୍କ୍ ଏର୍କା ମାଡ଼ିଦାନଙ୍କ୍ ନାୟାଦ୍ ଇଚ୍ଛା ।

ଯିହୁଦା 1:17

ହୋ ପ୍ରିୟ ସାଙ୍ଗନଡ଼ି, ପ୍ରବୁ ଜିସୁ କ୍ରିଷ୍ଟଟନ୍ ପ୍ରେରିତ ଶିଷ୍ୟଡ଼୍ ମିକିଂଙ୍କ୍ ବାତ୍ କେସ୍ ଆତ୍‍ତଡ଼୍, ଆଦ୍ ସାରେ ଏର୍କା ମାଡ଼ାଟ୍ ।