ଏଫିସିୟ 3:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ଆଦ୍ କାର୍‍କେ, କ୍ରିଷ୍ଟନ୍‍ ଲୋପେତ୍‌ ବିଷୟ୍‍ତେ ନାନ୍‍ନେ ବାତେଏ ବୁଜେମ୍ ଆତ୍‍ତାନ୍‍, ଆଦ୍ ମିଡ଼୍ ପୁନ୍ଦ୍‍ତିଡ଼୍ ।

ଏଫିସିୟ 3:4 Iomraidhean Croise

ମାତିଉ 13:11

ଜିସୁ ଉତ୍ତର୍ ଇତ୍‍ତନ୍, “ସ୍ୱର୍ଗରାଜ୍ୟତେ ରହସ୍ୟ ବୁଜେମ୍ ଆତ୍‍ତାଙ୍କ୍ ମିଡ଼୍ ବୁଦ୍‍ତେ ଦର୍‍ସ୍‍କି ମିନ୍ଦେଡ଼ି, ଅଡ଼୍‌ ଦର୍‍ସ୍କ୍‍କଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:10

ଆଗେଙ୍କ୍ ଜିସୁ ଇତ୍‌ତନ୍‌, “ଇଶ୍ୱର୍ ତେ ମିଞ୍ଜି ମାନ୍ଦାନ୍‌ ବିଷୟ୍ ପୁନ୍ଦାନ୍ ସେଙ୍ଗେ ମିକିଂଙ୍କ୍ ବୁଦ୍‍ ଇସ୍‌‍ମିନ୍ଦେଣ୍ଡ୍, ବାତେଙ୍କ୍ ଇତ୍କେ ବାଗାତ୍ ନାରୁଡ଼୍‍କ୍ ୱେଷଡ଼୍ ତେ କେତିତଡ଼୍‍, ବେଦ୍ ରକମ୍ ଅଡ଼୍‌‍ ଉଡ଼ଉଡ଼ ନୁ କେଞ୍ଜ କେଞ୍ଜ କେଞ୍ଜଡ଼୍ ।”

ରୋମୀୟ 11:25

ଦାଦାଲଡ଼ି ନୁ ଏଲାସ୍କ୍‍, ଇଦ୍ ବିଷୟ୍‍ତେ ଅଣ୍ଡୟ୍‌ ମିଞ୍ଜ୍‍ତାଦ୍ ନିଜାମ୍ କେତୁତାନ୍‍ । ଆଦ୍ କେଞ୍ଜ୍‍କେ, ମିଡ଼୍ ମେଣ୍ଡେ ନିଜେ ଜ୍ଞାନି ଇଞ୍ଜ ଆଲ୍‍ସ୍‍ୱିଡ଼୍ । ଇଶ୍ରାଏଲୀୟଡ଼୍ ମୁର୍କ ସାର୍ରେଦିନା ମାନ । ଅଣଇହୁଦୀଡ଼୍ ସାର୍‍ରେ ଇଶ୍ୱର୍‌ତେ ବକେତ୍ ୱାଦାନ୍ ଯାକ ଅଡ଼୍‌ ଆଲେକେ ମାନ୍‍ତଡ଼୍ ।

ରୋମୀୟ 16:25

ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ ।

୧ କରନ୍ତିୟ 13:2

ସାୟେ ଗଟ୍‍ତେ ଇଶ୍ୱର୍‌ତେ କାବୁର୍‍ କେତାନଙ୍କ୍ ନାୟାଗ୍ ଶାତ୍‍ୱାମ୍ ମାତ୍‍କେମିକା । ସାର୍‍ରେ ବିଷୟ୍‍ତେ ବୁଦ୍ ମାତ୍‍କେମିକା, ସାର୍‍ରେ ଲୋପେତ୍ ବିଷୟ୍ ବୁଜେମ୍ ଆଦାନଙ୍କ୍ ଶାତ୍‍ୱାମ୍ ମାତ୍‍କେମିକା, ବିଶ୍ୱାସ୍ ତଡ଼୍ ମେଟେତିଙ୍କ୍ ଗୁସ୍‍ପାନଙ୍କ୍ ବପୁ ମାତ୍‍କେମିକା; ଆଗେକ୍‍ବା ନାୟାଦ୍ ପ୍ରେମ୍ ଇଲୁକ୍, ନାନ୍ ବାତ୍ ଆୟନ୍ ।

୧ କରନ୍ତିୟ 4:1

ମା ବିଷୟ୍‍ତେ ନାରୁଡ଼୍‌ ଆଲ୍‌ସାନ୍‌ ୱେଇତିତ୍‍ ଯେ, ମାନାଲ୍‌ କ୍ରିଷ୍ଟନ୍‌ ଦାସ । ପରମେଶ୍ୱର୍ ତାନ୍ ମିଞ୍ଜ୍‍ତାଦ୍‌ ସତ୍‌ସାର୍ରେ ମାୟାଗ୍‌ ଆଶେ ୱାଟି କେସ୍‌ ମିନ୍ଦେଣ୍ଡ୍ ।

୨ କରନ୍ତିୟ 11:6

ନାନ୍ ଅଡ଼୍‌‍ଲେକାମ୍ ବାକ୍‍ପଟୁ ଆଦେ ପାର୍ୱନ୍, ବାତେଙ୍କ୍ ଇତ୍‍କେ ନାନ୍ ବୁଦ୍‍ତେ ନିସ୍‌ଟୁର୍‌ ଆୟନ୍ । ମିକିଂଙ୍କ୍ ଇଦ୍ ଗଟ୍ ମାମ୍‍ମେ ସାରେଦାମ୍ ନୁ ସାରେ ସମୟ୍‍ତେ କେସ ୱାଦୁତମ୍‍ ।

ଏଫିସିୟ 1:9

ଇଶ୍ୱର୍ ତା‍ନ୍ ବୁଦ୍‍ତେ ନୁ ଜିୱୁନ୍‍ତେ ପୁନ୍ଦାନାଦିନ୍ ତଡ଼୍‍ ବାତ୍‍ ଆଲ୍‍ସି ମାଡ଼ିମାତ୍‍ତନ୍, ଆଦ୍ ପୁରା ମାଡ଼୍‍ତଣ୍ଡ୍, ମେଣ୍ଡେ ଆଦ୍ କ୍ରିଷ୍ଟନ୍‍ ସାହାଯ୍ୟତେ ବେନେ ମିଞ୍ଜ୍‍ତାଦ୍‍ ଆଲ୍‍ସି ମାତ୍‍ତଣ୍ଡ୍‍ ଆଦ୍‍ ମାନ୍‍ ଗାର୍ରେ କେସ୍‍ମିନ୍ଦେନ୍ ।

ଏଫିସିୟ 3:3

ଇଶ୍ୱର୍ ଅନାଦ୍‌ ମିଞ୍ଜିମାନ୍ଦାନ୍‍ ଯଜନାତିଙ୍କ୍‍ କେସ୍‍ ନାକିଂଙ୍କ୍ କେସ୍‍ମିନ୍ଦେନ୍‌ ଇ ବିଷୟ୍‍ତେ ନାନ୍‍ନେ ସୁଦୁର୍‍ଇନା ଲେକୁତାନ୍‍ ।

ଏଫିସିୟ 3:9

ଇଶ୍ୱର୍‌ତେ ଆଦ୍ ମିଞ୍ଜିମାନ୍ଦାନ୍ ଯୋଜନା ବେଦ୍‍ପୁଟୁଙ୍କ୍ ପାଡ଼୍‍ୟି ଆଦେପାର୍‍ଦ୍‍ତେ, ଆଦ୍ ସାର୍ରେତଡ଼୍‍କିଙ୍କ୍ କେତ୍‍ତାନ୍ ମାୟ୍‍ଦିଙ୍କ୍ ସବାଗ୍ୟ ପାଏମ୍ ଆତ୍‍ତାନ୍ । ସାର୍‍ରେ ବିଷୟ୍‍ତେ ତିଆର୍ କର୍ତ୍ତାଲ୍ ଇଶ୍ୱର୍ ମୁନେଙ୍କ୍ ସାର୍‍ରେ ଯୁଗ୍‍ତେ ଅନାଦ୍‌ ମିଞ୍ଜିମାନ୍ଦାନ୍‍ ସତ୍‍ତିଙ୍କ୍ ମିଞ୍ଜ୍‍ସ୍ପି ନେଃଏସ୍‍ ମାତ୍‍ତଣ୍ଡ୍,

ଏଫିସିୟ 5:32

ଶାସ୍ତ୍ରତାଗ୍ ଇଦ୍ ବିଷୟ୍‍ତେ ପେସ୍ପିମିନ୍ଦେ, ଇଦ୍ କ୍ରିଷ୍ଟ ନୁ ମଣ୍ଡଲି ସେଙ୍ଗେ ସାୟେ ଇଞ୍ଜ ନାନ୍ ବୁଜେମ୍‌ ଆଦୁତାନ୍ ।

ଏଫିସିୟ 6:19

ନା ସେଙ୍ଗେ ମିକା ପ୍ରାର୍ତନା ମାଡ଼ାଟ୍, ବେଲାକି ସୁସମାଚାର୍‍ଦେ ଲୋପେତ୍ ବିଷୟ୍ କେତାନଙ୍କ୍ ନୁ ୱେର୍ରେଇଲ୍‍ୱେ ଆଦ୍ କେତାନଙ୍କ୍‌ ଇଶ୍ୱର୍ ନା ପାୟୁର୍‍ତାଗ୍ ଟିକ୍ କବର୍ ଇଦ୍‍ତଣ୍ଡ୍ ।

କଲସୀୟ 1:26

ଆଦ୍ ସୁସମାଚାର୍ ୱେରଡ଼୍ ଲେକେତ୍ ବିଷୟ୍ । ଯୁଗ୍‍ଯୁଗ୍ ପଇସ୍ ଇଶ୍ୱର୍ ସାରେତଡ଼ାଗାଙ୍କ୍ ଇଦ୍ ମିଞ୍ଜିସ୍ପି ନେହେସ୍ ମାତ୍‍ତନ୍, ବାତେଙ୍କ୍‍ଇତ୍କେ ଇଞ୍ଜେ ତାନ୍ ନାରୁଡ଼୍ ପାକେ କେସ୍‍ ମିନ୍ଦେନ୍ ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

କଲସୀୟ 4:3

କ୍ରିଷ୍ଟନାଦ୍ ସାରେ ବାକ୍ୟ ପ୍ରଚାର୍ ମାଡ଼ାନଙ୍କ୍ ବେଲାନ୍ ଇଶ୍ୱର୍ ମାନାଙ୍କ୍ ସୁଯଗ୍ ଇଦ୍‍ତନ୍, ଅଦିନ୍‌ ସେଙ୍ଗେ ମିକା ପ୍ରାର୍ତନା ମାଡ଼ାଟ୍ । ବେନ୍ ଗଟ୍ ପ୍ରଚାର୍ ମାଡ଼୍‍ତାଙ୍କ୍‍ ନାନେ ଇଞ୍ଜେ ବନ୍ଦିଲୋତ୍‍ତାଗ୍‍ ମିନ୍ଦେନ୍,

୧ ତୀମତି 3:16

ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।

୧ ତୀମତି 3:9

ମାନ୍‍ ଦର୍ମବିଶ୍ୱାତେ ପ୍ରକାଶିତ୍ ସତ୍ୟ ଅଡ଼୍‌‍ ନିର୍ମଲ ମନ୍‍ତେ ଗାଡ଼୍‍ସ୍‍ ଆସ୍‍ ବିଶ୍ୱାସ୍ ମାଡ଼ମାନ୍‍ତଡ଼୍‍ ।