ଏଫିସିୟ 3:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ବେଦ୍‍ପୁଟୁଙ୍କ୍ ଇଞ୍ଜେତ୍ ସମୟ୍‍ତେ କ୍ରିଷ୍ଟିୟ ମଣ୍ଡଲିତେ ପାଡ଼୍‍ୟିଦେ ସ୍ୱର୍ଗତେ ଅଦିପତି ନୁ ଶକ୍ତିନଡ଼୍ ଇଶ୍ୱର୍‌ତେ ନାର୍‍ଗେ ବୁଦ୍‍ତେ ବିଷୟ୍‍ତେ ପୁରାପୁରି ବୁଜେମ୍ ଆଦ୍‍ପାର୍‍ଦ୍‍ତଡ଼୍ ।

ଏଫିସିୟ 3:10 Iomraidhean Croise

ରୋମୀୟ 11:33

ଇଶ୍ୱର୍‍ ବେସର୍‍ ବେଡ଼୍‌ୟଣ୍ଡ୍‌ । ଅନ୍‌‍ୱାଦ୍ ଜ୍ଞାନ୍‍ ନୁ ବୁଦ୍ ବେସର୍ ନାର୍‍ଗେ । ଅନ୍‌‍ୱାଦ୍ ନିସ୍ପତିତାଦ୍ ଅର୍ତ ବେନ ବୁଜାମାଡ଼ିତଣ୍ଡ୍ ? ବେନ ଅନ୍‌‍ୱାଦ୍ ଉଡାନାଦ୍ ପୁନ୍ଦାନଙ୍କ୍ ପାର୍‍ଦ୍‍ତଣ୍ଡ୍ ?

ରୋମୀୟ 8:38

ନାନ୍ ନିଜାମ୍ ପୁତ୍‍ତାନ୍ ଜେ ଅନ୍‌ ପ୍ରେମତାଗାଙ୍କ୍ ମାନାଡ଼୍ ବେସୁଟ୍‍ବା ୱେରେ ଆୟ୍‍ୱାଡ଼୍ । ଡଲ୍‍ନାଦ୍ ବା ଜିୱୁଣ୍ଡ୍, ଦୂତ ବା ମୟଲ୍‍ତାଗ୍‍ ମାନ୍ଦାନ୍ ବେନ୍ ରାଜାଲ୍ ବା ଶାତ୍‍ୱାମ୍‍, ଇଞ୍ଜେ ବା ୱାଦାନ୍ ଦିନାତେ,

୧ କରନ୍ତିୟ 1:24

ମାତର୍ ଇହୁଦୀ ଆୟିଡ଼୍ ବା ଅଣଇହୁଦୀ ଆୟିଡ଼୍ ଏଞ୍ଚ୍‍ତେ ସାର୍ରେତଡ଼୍‌କ୍ ମାଇଦି କ୍ରିଷ୍ଟ ଆଦୁତନ୍ ଇଶ୍ୱର୍‌ତେ ଶକ୍ତି ନୁ ଜ୍ଞାନ୍‌ତେ ଅବିବ୍ୟକ୍ତି ।

୧ କରନ୍ତିୟ 2:7

ମାତର୍ ମାମ୍‍ମେ ବିଶ୍ୱାସ୍‌ତେ ଲେକାମ୍‌ ଇଶ୍ୱରତେ ବୁଦ୍‍ତାଦ୍‌ ଗଟି କେତୁତମ୍‌; ଆଦ୍‌ ବୁଦ୍‍ ନାରୁଡ଼ାଗାଙ୍କ୍ ମିସି ନେଃଏତଡ଼୍, ଇଶ୍ୱର୍ ମାନାକିନ୍‌ ଗୌରବ୍ ମାଇଦିଙ୍କ୍‌ ବୁମ୍ ତିୟାର୍‍ ଆତ୍‍ତେ ମୁନେଙ୍କ୍ ଏଞ୍ଚିମାତ୍‍ତଣ୍ଡ୍‌ ।

ଏଫିସିୟ 1:21

କ୍ରିଷ୍ଟ ସାରେତଡ଼୍ ସ୍ୱର୍ଗତେ ଶାସକ, କ୍ଷମତା ଅଦିକାରି, ଶକ୍ତିତଡ଼୍ ନୁ ଅଦିପତିନଡ଼୍ ପରୁ ଶାସନ୍‍ ମାଡ଼ିତନ୍, ଆଦ୍ ନାରୁଡ଼୍ ନୁ ୱେରେ ନାରୁଡ଼୍‍ତେ କ୍ଷମତା ଇଦାନ୍ ସାରେତଡ଼୍ ପାଡ଼୍‍ୟି ୱିଡ଼୍‍ସି ଅନାଦ୍‌ ପାଡ଼୍‍ୟି ସାରେତିଙ୍କ୍‍ ବେଡ଼୍‍ୟେ ।

ଏଫିସିୟ 1:23

ମଣ୍ଡଲି କ୍ରିଷ୍ଟନ୍ ମେନ୍ଦୁଲ୍; ମଣ୍ଡଲି ତଡ଼୍ କ୍ରିଷ୍ଟନ୍ କାମ୍‍ତେ ସାରେ ପୁରା ଆଦ୍‍ତେ; ମେଣ୍ଡେ କ୍ରିଷ୍ଟ ସାରେ ବିଷୟ ପୁରା ମାଡ଼ିତନ୍ ।

ଏଫିସିୟ 1:3

ଦନ୍ୟ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ । ବାତେଙ୍କ୍‍ଇତ୍କେ ଅଣ୍ଡ୍‌ ମାନ୍‍ କ୍ରିଷ୍ଟନ୍‍ତଡ଼୍ କାଲ୍‍ପି ସ୍ୱର୍ଗ ନାରିନ୍ ସାରେ ଆତ୍ମିକ୍ ଆର୍ଶିବାଦ୍ ମାଡ଼୍‍ତନ୍ ।

ଏଫିସିୟ 1:8

ଆଦ୍ ଅଣ୍ଡ୍‌ ମାନାଙ୍କ୍‍ ନାର୍ଗେ ଇତ୍‌ତଣ୍ଡ୍‌‍ ।

ଏଫିସିୟ 6:12

ବାତେଙ୍କ୍‍ଇତ୍‍କେ ମାନାଡ଼୍ ସ୍ୱର୍ଗତେ ନାରୁଡ଼୍ ବିରୁଦ୍‍ତେ ଯୁଦ୍‌ ମାଡ଼୍‍ୱାଡ଼୍; ମାନାଡ଼୍ ଶୂନ୍ୟତେ ଶୟ୍‍ତାନ୍‍ ଶକ୍ତି ନୁ ଇଦ୍ ଯୁଗ୍‍ତେ ଶାସନ୍‍ମାଡ଼ାନଡ଼୍, ରାଜାଲଡ଼୍‍ ନୁ ସାର୍‍ରେ ବିଶ୍ୱଶକ୍ତି ବିରୁଦ୍‍ତେ ଯୁଦ୍‌ ମାଡ଼ୁତମ୍ ।

କଲସୀୟ 1:16

ବାତେଙ୍କ୍ଇତ୍କେ ଅନ୍‌‍ତଡ଼୍ ଇଶ୍ୱର୍‍ ସ୍ୱର୍ଗତାଗ୍ ନୁ ପୃତିବିତାଗ୍ ସାରେ ଦୃଶ୍ୟ ନୁ ଆଦୃଶ୍ୟ ଜିନିଷ୍, ତେର୍‍ୱେ ଲେକାତ୍ ନାର୍ଗେଶକ୍ତି, କର୍ତ୍ତାଲଡ଼୍, ଶାସନ୍‍ ମାଡ଼ାନଡ଼୍ ନୁ ସାରେତଡ଼୍ ଅଦିକାରିଡ଼୍‍କ୍ ତିଆର୍ ମାଡ଼୍‍ତନ୍ । ଅନ୍‌‍ ତଡ଼୍ ନୁ ଅନ୍‌ ସେଙ୍ଗେ ଇଶ୍ୱର୍‍ ସାରେ ବିଶ୍ୱତିଙ୍କ୍ ତିଆର୍ ମାଡ଼୍‍ତନ୍ ।

କଲସୀୟ 2:10

ଅନ୍‌‍ ତଡ଼୍ କାଇଲି ମାନ୍ଦାନ୍ ମାୟ୍‍ଦିଙ୍କ୍ ମୀଡ଼୍ ଜିୱେତାଦ୍ ପୁରା ଲାବ୍ ମାଡ଼୍‍ତିଡ଼୍‍ । ବାଗାତ୍ ସାରେ ଶକ୍ତି ନୁ ଶାସନ୍‍ ପରୁ କ୍ରିଷ୍ଟନାଦ୍ ଶାସନ୍‍ କେ ସାରେତିଙ୍କ୍ ବାଡ଼୍‍ୟେ ।

କଲସୀୟ 2:15

ମେଣ୍ଡ୍ ଆଦ୍ କ୍ରୁଶ ପରୁ କ୍ରିଷ୍ଟ ସାରେଲେକାମ୍ ଶକ୍ତି ନୁ ଅଦିକାର୍‌‍ ତାଗାଙ୍କ୍ ନିଜେତିଙ୍କ୍ ମୁକ୍ତି ମାଡ଼୍‍ତନ୍ ନୁ ଅଡ଼୍‌‍କିଂଙ୍କ୍ ବନ୍ଦି ମାଡ଼ି ନିଜେ ଜିଡ଼ି ଆଦାନ୍‍ୱେଲେ ସାରେତଡ଼୍ ମୁନେ ଅଡ଼୍‌‍କିଂଙ୍କ୍ ସିଗ୍ ୱେର୍‍ସ୍ପ୍‍ତଣ୍ଡ୍‍ ।

୧ ତୀମତି 3:16

ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।

୧ ପିତର୍‍ 1:12

ଇଶ୍ୱର୍‍ ଆ ବାବବାଦୀଡ଼୍ ପାକେ କେତ୍‍ତନ୍ ଯେ, ଅଡ଼୍‌ ନିଜେତ୍‍ ସେବା ମାଡ଼୍‍ୱେ ମାତ୍‍ତଡ଼୍ । ଅଡ଼୍‌‍ ବାତେ କେସମାତ୍‍ତଡ଼୍, ଆଦ୍ ମୀଇ ସେଙ୍ଗେ ଟିକ୍‍ ମାତ୍‍ତେ । ସ୍ୱର୍ଗତାଗାଙ୍କ୍ ୱାଦାନ୍ ପବିତ୍ରଆତ୍ମାନ୍ ଶକ୍ତିତେ ଇଞ୍ଜେ ବେନ୍ ଗଟି କେତ୍‍ତାନ୍‍ଡ଼୍ ସୁସମାଚାର୍ ପ୍ରଚାର୍ ମାଡ଼ୁତଡ଼୍, ମିଇଡ଼୍ ଇଞ୍ଜେ ଅଡ଼୍‌‍ଆଗାଙ୍କ୍ ଆୱୁସାରେ ଗଟି କେଞ୍ଜୁତିଡ଼୍ ଇଦ୍ ସାରେ ବିଷୟତେ ଅର୍ତ ବୁଜେମ୍ ଆଦାନ୍ ସେଙ୍ଗେ ସ୍ୱର୍ଗଦୂତକି ମିକା ତିଆର୍ ।

୧ ପିତର୍‍ 3:22

ଅଣ୍ଡ୍‌ କ୍ରିଷ୍ଟ ଇଞ୍ଜେ ସ୍ୱର୍ଗତାଗ୍ ଇଶ୍ୱର୍‌ତେ ତିନ୍ଦେ ପାକେ କୁଦିମିକା ଦୂତ ନୁ ସାରେ ସ୍ୱର୍ଗତାଉ ଅଦିପତି ନୁ ସାରେ ଶକ୍ତିତିଙ୍କ୍‍ ଶାସନ୍‍ ମାଡ଼ୁତଣ୍ଡ୍‍ ।