ଏଫିସିୟ 2:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ବାତେଙ୍କ୍‍ଇତ୍କେ ଅନୁଗ୍ରହତେ ବିଶ୍ୱାସ୍ ତଡ଼୍ ମିଡ଼୍ ପରିତ୍ରାଣ୍ ଦର୍ସିକି ଆସ୍ ମିନ୍ଦେଡ଼ି; ଆଦ୍ ମିୟାଗାଙ୍କ୍ ନିଜେତ୍ ଲୋପେଙ୍କ୍ ଆୟ୍‍ୟ, ଆଦ୍ ଇଶ୍ୱର୍‌ତେ ଦାନ ।

ଏଫିସିୟ 2:8 Iomraidhean Croise

ମାତିଉ 16:17

ଆଗାଙ୍କ୍ ଅଣ୍ଡ୍‌ କେତ୍‍ତାନ୍, “ହୋ ଯୁନସ୍‍ତେ ମାର୍‍ ଶିମୋନ୍, ନିମ୍‍ ଦନ୍ୟ, ବାତେଙ୍କ୍ ଇତ୍‍କେ ନାରୁଡ଼୍ ପାକେ ଆୱୁଙ୍ଗ୍‍ ନୁ ନେତୁର୍‍ କେଲନ୍, ବେଲାନ୍ ନା ସ୍ୱର୍ଗତେ ବାବାଲ୍ କେସ୍‍ମିନ୍ଦେନ୍ ।”

ମାତିଉ 20:9

ବେନଡ଼୍ ସାରେତିଙ୍କ୍ ମୁନେ ପାଡ଼ିୟିମାଡ଼ାଙ୍କ୍ ୱାୟେତାଗ୍ ୱାତ୍‍ତଡ଼୍, ଅଡ଼ାୱୁ ଡାବ୍‍କ୍ ପେର୍କେ ଇମୁଟ୍ । ପର୍‍ରତ୍ ଅଲ୍ ପାଞ୍ଚଟା ତିଙ୍କ୍ ବେନଡ଼୍ ପାଡ଼୍‍ୟି ତାଗ୍ କାଇଲ୍‍ତଡ଼୍, ଅଡ଼୍‌‍କିଂଙ୍କ୍ ସାରେତଡ଼୍ ୱେର୍‍ର ଲାକା ରୁପା ମୁଦ୍ରା ହିମୁଟ୍ ।

ମାର୍କ 16:16

ବେନ୍‍ ଇଦିଙ୍କି ବିଶ୍ୱାସ ମାଡ଼ି ବାପ୍ତିସ୍ମ ଅଦ୍‍ତଣ୍ଡ୍, ଅଣ୍ଡ୍‌ ପରିତ୍ରାଣ ପାୟେମ୍‍ ଆଦ୍‍ତଡ଼୍ । ବେନ୍‍ ବିଶ୍ୱାସ ମାଡ଼ଣ୍ଡ୍, ଅଡ଼୍‌ ଦୋଷି ଆଦ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 7:50

ବାତେଙ୍କ୍ ଇତ୍କେ ଜିସୁ ଆଦ୍ ନାଟାଡ଼୍‍ତିଙ୍କ୍ କେତ୍ତଣ୍ଡ୍, “ନିୱାଦ୍ ବିଶ୍ୱାସ୍ ନିକିଂଙ୍କ୍ ରକ୍ଷା ମାଡ଼ିତେ; ଶାନ୍ତି ତେ ହାନ୍ ।”

ଯୋହନ୍‌‌ 3:36

ବେନ ମାର୍‍ଦିଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍ ଦର୍ସିକି ଆସ୍‍ମିନ୍ଦେଣ୍ଡ୍, ମାତର୍ ବେନ ମାର୍‍ଦିଙ୍କ୍ ଉର୍‍ଗାଡ଼୍ ମାଡ଼ିତନ୍, ଅଣ୍ଡ୍‌ ଜିୱୁନ୍‍ତିଙ୍କ୍ ଉଡ଼୍‍ଅଣ୍ଡ୍‌, ବାତେଙ୍କ୍ ଇତ୍‍କେ ଅଣ୍ଡ୍‌ ଇଶ୍ୱର୍‌ତେ କପାମ୍ ନାରୁଡ଼୍ ଆଶ୍ ମାନ୍‍ତଣ୍ଡ୍ ।

ଯୋହନ୍‌‌ 4:10

ଜିସୁ ତାଙ୍କ୍ ଉତ୍ତର୍ ହିତ୍‍ତଣ୍ଡ୍, “ଇଶ୍ୱର୍ ବାତେଏ ହିଦ୍‍ପାର୍‍ତଣ୍ଡ୍ ନିମ୍‍ ଯଦି ପୁଞ୍ଜ୍ ମାନେନି ମେଣ୍ଡେ ବେନ ନି କାଇଦେ କନ୍‍ସ୍ ଉନ୍ଦାନଙ୍କ୍ ତାଲ୍‍କୁତଣ୍ଡ୍ ଆଦ୍ ଯଦି ପୁଞ୍ଜ୍ ମାନେନି ନିମ୍‍ ଅଂକିଙ୍କ୍‌ ତାଲ୍‍କେନି, ମେଣ୍ଡେ ଅଣ୍ଡ୍‌ ନିକିଂଙ୍କ୍ ଜିୱୁନ୍‍ତେ ଏର୍‍ ହିୱେଣ୍ଡ୍ ।”

ଯୋହନ୍‌‌ 5:24

“ସତ୍ ନାନ୍ ମିକିଂଙ୍କ୍ କେତୁତାନ୍, ବେନ ନା ବାକ୍ୟ କେଞ୍ଜି ନା ପ୍ରେରଣାକର୍ତ୍ତାଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍‍ ଦର୍ସିକି ମିନ୍ଦେଣ୍ଡ୍, ମେଣ୍ଡେ ଅଣ୍ଡ୍‌ ବିଚାରିତ ଆୟ୍‍ୟକଟ ବେଲାନ୍ ଡଲାନାଦିଙ୍କ୍ ମେଣ୍ଡନ୍‍ରକମ୍‌ ଆସ୍‌ ଜିୱୁନ୍‍ତାଗ୍‍ ନେଙ୍ଗି ମିନ୍ଦେଣ୍ଡ୍ ।

ଯୋହନ୍‌‌ 6:35

ଆସୁଟେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ନାନେ ଆଦ୍ ଜିୱେମାନ୍ଦାନ୍ କାଦି; ବେନ ନା ଗାର୍‍ରେ ୱାଦ୍‍ତଣ୍ଡ୍ ଅଣ୍ଡ୍‌ ବେସୁଙ୍କେ କାର୍‍ୱିନ୍ ଆୟ୍‍ୟଣ୍ଡ୍, ମେଣ୍ଡେ ବେନ ନାୟାଗେ ବିଶ୍ୱାସ୍ ମାଡ଼ିତନ୍, ଅଂକିଙ୍କ୍‌ ବେସୁଙ୍କେ ବା ଏର୍‍ ହୁନ୍ଦ୍‍ୱାହ୍‍ଓ ।

ଯୋହନ୍‌‌ 6:37

ବାବାଲ୍ ବେନଡ଼୍‍କିଂଙ୍କ୍ ନାକିଂଙ୍କ୍ ଦାନ ମାଡ଼ିତନ୍, ଅଡ଼୍‌ ନା ଗାର୍‍ରେ ୱାଦ୍‍ତଡ଼୍‍; ମେଣ୍ଡେ, ବେନ ନା ଗାର୍‍ରେ ୱାଦ୍‍ତଣ୍ଡ୍, ଅଂକିଙ୍କ୍‌ ନାନ୍ ବେଦ୍‍ଲେକାମ୍ ବାୟିଦେ ପେସ୍‍ପିୱନ୍‍;

ଯୋହନ୍‌‌ 6:40

ବାତ୍‍ତେଙ୍କ୍ ଇତ୍‍କେ ବାବାଲ୍ ଇଚ୍ଛା ମାଡ଼ିତନ୍ ବେନଆଇ ମାର୍‍ଦିଙ୍କ୍ ଦର୍ଶନ୍ ମାଡ଼ି ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଡ଼୍‌ ସାରେଦିନାତ୍ ଜିୱୁନ୍‍ ଦର୍‍କିତ୍‍, ଆଦିନ୍ ମାଇଦିଙ୍କ୍ ଶେଷ ଦିନ୍‍ତେ ନାନ୍ ସାରେତଡ଼୍‌କିଂଙ୍କ୍ ମେଣ୍ଡଅନ୍‌‍ଦାମ୍ ଜିୱୁଣ୍ଡ୍ ମାଡ଼ିତାନ୍ ।”

ଯୋହନ୍‌‌ 6:44

ନା ମାଲ୍‍ସ୍ ୱାଦାନ୍ ବାବାଲ୍ ବେନଙ୍କ୍ ତିଆର୍ ମାଡ଼ିତନ୍, ମାତର୍ ଅଣ୍ଡ୍‌ ନା ଗାର୍‍ରେ ୱାଦ୍‍ପାର୍‍ଦ୍‍ ତଣ୍ଡ୍, ମେଣ୍ଡେ ନାନ୍ ଶେଷ ଦିନ୍‍ତେ ମେଣ୍ଡଅନ୍‌‍ଦାମ୍ ଅଂକିଙ୍କ୍‌ ଜିୱୁଣ୍ଡ୍ ମାଡ଼ିତାନ୍ ।

ଯୋହନ୍‌‌ 6:65

ମେଣ୍ଡେ ଜିସୁ କେତ୍‍ତଣ୍ଡ୍, “ବାବାନାଗାଙ୍କ୍ ମାଲ୍‍ୱେ କଟମାତ୍‍କେ ବେନ ନା ଗାର୍‍ରେ ୱାଦ୍ ପାର୍‍ୱଣ୍ଡ୍ ।”

ପ୍ରେରିତ 13:39

ମୋଶାନ୍‌‌ ନିୟମ୍‍ତଡ଼୍ ପାପ୍‍ କ୍ଷମା ପାଏମ୍ ଆୟ୍‍ୱେନଡ଼୍ ସାରେତଡ଼୍ ଆ ଜିସୁଙ୍କ୍ ବିଶ୍ୱାସ୍ ମାଡ଼୍‍କେନେ ପରିତ୍ରାଣ୍ ଦର୍‍କିତ୍, ଇଦ୍ ମିଡ଼୍‍ ବୁଜେମ୍ ଆଦାନ୍ ଦର୍‍କାର୍ ।

ପ୍ରେରିତ 14:27

ଅଡ଼୍‌ ଅନ୍‌ଥିୟୋକ୍‌ତାଗ୍ ଏୱୁସ୍ ମଣ୍ଡଲିତେ ନାରୁଡ଼୍‍କ୍ ଅଣ୍ଡୟାଗେ ମାଡ଼୍‍ତଡ଼୍ । ଇଶ୍ୱର୍ ସେଙ୍ଗେ ଅଡ଼୍‌ ବାତ୍ ମାଡ଼ିମାତ୍‍ତଡ଼୍ ନୁ ଅଣଇହୁଦୀଡ଼୍ ବିଶ୍ୱାସ୍ ସେଙ୍ଗେ ବେଲା ହାର୍ ତଅସ୍‍ମାତ୍‍ତଡ଼୍‍, ଆୱ୍‍ଚାରେ ଅଡ଼୍‌‍କିଂଙ୍କ୍ କେତ୍‍ତଡ଼୍ ।

ପ୍ରେରିତ 15:11

ହିଲ୍‍ଲେ, ଇଦ୍ ଟିକ୍ ଆୟ୍‍ୟ । ଅଡ଼୍‌ ବେନ୍ ବିଶ୍ୱାସ୍ ମାଡ଼ି ପରିତ୍ରାଣ୍ ପାଏମ୍‍ଆତ୍‍ତଡ଼୍, ମାମ୍‍ମେ ଗାଲା ଟିକ୍ ଆଦେପୁଟୁଙ୍କ୍ ବିଶ୍ୱାସ୍ ମାଡ଼ି ପ୍ରବୁ ଜିସୁନ୍ ଅନୁଗ୍ରହତେ ପରିତ୍ରାଣ୍ ପାଏମ୍‍ଆତ୍‍ତାଡ଼୍ ।”

ପ୍ରେରିତ 16:14

ଆୱିନ୍‍ ଲୋପେଙ୍କ୍ ତୁୟଟୀରା ଟାୱୁନ୍‍ତେ ଆପାକଲର୍ ତାୱ୍ ସିଲେ ୱାମ ମାନ୍ଦାନ୍ ଲୁଦିଆ ପେଦେର୍‍ତେ ଅଣ୍ଡୟ୍‌ ନାଟାଡ଼୍ ମାତ୍‍ତେ । ଆଦ୍ ଇଶ୍ୱର୍‌ତିଙ୍କ୍ ଉପାସନା ମାଡ଼ମାତ୍‍ତେ ନୁ ପାଉଲ୍ ବାତ୍ କେସମାତ୍‍ତନ୍, ଆଦ୍ ମନ୍‍ଇସ୍‌‍ କେଞ୍ଜି ଗ୍ରହନ୍ ମାଡ଼ାନ୍ ସେଙ୍ଗେ ପ୍ରବୁ ଆଦିଙ୍କ୍ ହୃଦୟ୍‍ତାଗ୍‍ ସୁଯୋଗ୍ ହିତ୍‍ତଣ୍ଡ୍ ।

ପ୍ରେରିତ 16:31

ଅଡ଼୍‌ ଉତ୍ତର୍ ହିତ୍‍ତଡ଼୍, “ପ୍ରବୁ ଜିସୁନାଗ୍ ବିଶ୍ୱାସ୍ ମାଡ଼୍‍କେ ମିଇ ପରିବାର୍‍ତେ ସାରେ ତଡ଼୍‌କିଙ୍କ୍‌ ପରିତ୍ରାଣ୍ ଦର୍‍କିତ୍ ।”

ରୋମୀୟ 10:14

ଇତ୍‍କେ ବେନଙ୍କ୍ ବିଶ୍ୱାସ୍ ମାଡ଼କଟ୍ ଅଡ଼୍‌ ବେଲା ଅଂକିଙ୍କ୍‌ ପ୍ରାର୍ତନା ମାଡ଼ିତଡ଼୍ ? ମେଣ୍ଡେ ଅନ୍‌ ବିଷୟ୍‍ତେ ସୁସମାଚାର୍ କେଞ୍ଜକଟ ଅଡ଼୍‌ ବେଲା ବିଶ୍ୱାସ୍ ମାଡ଼ିତଡ଼୍ ? ମେଣ୍ଡେ ପ୍ରଚାର୍ ମାଡ଼ାନଡ଼୍‍ ବିନା ଆଦ୍ କାବୁର୍ ଅଡ଼୍‌ ବେଲା କେଞ୍ଜିତଡ଼୍ ?

ରୋମୀୟ 10:17

ସୁସମାଚାର୍ କେଞ୍ଜ୍‍କେ ବିଶ୍ୱାସ୍ ତିୟାର୍ ଆଦ୍‍ତେ ନୁ କ୍ରିଷ୍ଟଙ୍କ୍ ପ୍ରଚାର୍ ମାଡ଼ାନାଦେ ଆଦୁତ୍‍ତେ ଆଦ୍ ସୁସମାଚାର୍ ।

ରୋମୀୟ 4:16

ଆଦିଙ୍କ୍ ଇଶ୍ୱର୍‌ତାଦ୍ ପ୍ରତିଜ୍ଞା ବିଶ୍ୱାସ୍‍ତେ ପର୍‍ର ତିଆର୍ ଆତ୍‍ତେ । ବେନଡ଼୍ ନିୟମ୍ ପାଲନ୍ ମାଡ଼ିତଡ଼୍, ମାତର୍ ଅଡ଼୍‌ ସେଙ୍ଗେ ଇଶ୍ୱର୍‌ତାଦ୍ ପ୍ରତିଜ୍ଞା ତିୟାର୍ ଆୟ୍‍ୟ । ଅବ୍ରାହାମ୍‌ତେ ଲେକାମ୍ ବିଶ୍ୱାସ୍ ମାଡ଼ମାନ୍ଦାନ୍ ସାର୍‍ରେ ନାରୁଡ଼୍ ସେଙ୍ଗେ ତିୟାର୍ ଆତ୍‍ତେ, ବାତେଙ୍କ୍ଇତ୍‍କେ ଅବ୍ରାହାମ୍ ଅଡ଼୍‌ ଆତ୍ମିକ୍‍ ବାବାଲ୍ ।

ରୋମୀୟ 4:5

ଇତ୍‍କେ ବେନ ନିଜର୍‍ ପର ବିଶ୍ୱାସ୍‍ ମାଡ଼କଟ ଇଶ୍ୱର୍‌ତାଗ୍‍ ବିଶ୍ୱାସ୍‍ ମାଡ଼ିତଣ୍ଡ୍‍, ଆଦ୍‍ ଅନ୍‌‍ ଅପରାଦି‍ତିଙ୍କ୍‍ ୱିଡ଼୍‍ସି ତାନ୍‍ ବିଶ୍ୱାସ୍‍ତେ ସେଙ୍ଗେ ଅଂକିଙ୍କ୍‌ ଦାର୍ମାମ୍ ମାଡ଼ିତ୍‍ ।

ରୋମୀୟ 9:16

ଆଦିଙ୍କ୍ ସାର୍‍ରେ ବିଷୟ୍ ଇଶ୍ୱର୍‌ତେ ଅନୁଗ୍ରହ୍ ପର୍‍ର ଆଶେ ମାଡ଼ିତ୍, ମାନେୟ୍‍ତେ ଇଚ୍ଛା ବା ପାଡ଼୍‍ୟି ପର୍‍ର ଆୟ୍‍ୟ ।

ଗାଲାତୀୟ 3:14

ଇଶ୍ୱର୍ ଅବ୍ରାହାମ୍‍ତିଙ୍କ୍ ବେନ୍ ଆର୍ଶିବାଦ୍‌ ଇଦାନଙ୍କ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, ଅଣଇହୁଦୀଡ଼୍ ଗାଲା ବେଲା ଆଦ୍ ପାଏମ୍ ଆଦ୍‍ତଡ଼୍, ଆଦିନ୍ ସେଙ୍ଗେ କ୍ରିଷ୍ଟ ଇଦ୍ ପାଡ଼୍‍ୟି ମାଡ଼୍‍ତଣ୍ଡ୍ । ଆଦିଙ୍କ୍ ବିଶ୍ୱାସ୍ ମାଡ଼୍‍କେ ମାମ୍ ଗାଲା ଇଶ୍ୱର୍ କେତାନ୍ ଲେକାମ୍ ପବିତ୍ର ଆତ୍ମା ପାଏମ୍ ଆଦ୍‍ତମ୍ ।

ଗାଲାତୀୟ 3:22

ଇତ୍‍କେ ଦର୍ମଶାସ୍ତ୍ରତାଗ୍ ଲେକା ମିନ୍ଦେ, ସାରେ ନାରୁଣ୍ଡ୍ ପାପ୍ ଅଦିନ୍‌ତେ ମିନ୍ଦେଡ଼୍, ଆଦିଙ୍କ୍ ବେଲା ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ି ପ୍ରତିଜ୍ଞା ଆର୍ଶିବାଦ୍‌ କ୍ରିଷ୍ଟ ବିଶ୍ୱାସୀଡ଼୍ ପାଏମ୍ ଆଦ୍‍ତଡ଼୍ ।

ଏଫିସିୟ 1:19

ଅନ୍‌ ନାରୁନ୍ ସେଙ୍ଗେ ଅନାଦ୍‌ ପ୍ରତିଜ୍ଞାତ ମହତ୍ ଆର୍ଶିବାଦ୍‍ତଡ଼୍ ଯେ ବେସର୍ ନାର୍‍ଗେ ନୁ ମା ଲେକାମ୍ ବିଶ୍ୱାସୀନଡ଼୍ ପାକେ ଅନାଦ୍‌ ସକ୍ରିୟ ଶକ୍ତି ଯେ ବେସର୍ ମହାନ୍, ଆଦ୍ ମିଡ଼୍ ପୁନ୍‍ତିଡ଼୍ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 2:5

ଆଦିନ୍ ସେଙ୍ଗେ ମିକିଂଙ୍କ୍ କ୍ରିଷ୍ଟନ୍ ତଡ଼୍ ଜିୱେ ମାଡ଼୍‍ତନ୍, ଅନୁଗ୍ରହ ତଡ଼୍‍ ମିକିଂଙ୍କ୍‍ ପରିତ୍ରାଣ୍ ପାଏମ୍‍ ଆତ୍‍ତିଡ଼୍ ।

ଫିଲିପିୟ 1:29

ମାତର୍ କ୍ରିଷ୍ଟନାଗେ ବିଶ୍ୱାସ୍ ମାଡ଼ାନାଦ୍ ଆୟ୍‍ୟ, ଅନ୍‌ ସେଙ୍ଗେ ଦୁଃକାମ୍ କଷ୍ଟ ମାଡ଼ାନ୍ ସେଙ୍ଗେ ମିକିଂଙ୍କ୍ କ୍ରିଷ୍ଟନାଦ୍ ସେବା ମାଡ଼ାନ୍ ସେଙ୍ଗେ ସୁଜଗ୍ ଇତ୍‍ତଣ୍ଡ ।

କଲସୀୟ 2:12

ବାତେଙ୍କ୍ଇତ୍କେ ଏର୍‍ମୁଡ଼୍‍ନ୍ଦ୍‍କେ ମିଡ଼୍ କ୍ରିଷ୍ଟନ୍‍ ତଡ଼୍ ସମାଦି ପାଏମ୍ ଆସ୍‍ମାତ୍‍ତିଡ଼୍ ନୁ ଜିସୁ କ୍ରିଷ୍ଟଙ୍କ୍ ତେଏସ୍ ‍ମାନ୍ଦାନ୍ ଇଶ୍ୱର୍‌ତେ ଶକ୍ତିତାଦ୍‍ ବିଶ୍ୱାସ୍ ମାଡ଼ାନ୍ ତଡ଼୍ କ୍ରିଷ୍ଟନ୍ ତଡ଼୍ ମିଡ଼୍‍ମିକା ତେଏଦ୍‍ତିଡ଼୍ ।

୨ ଥେସଲନିୟ 1:9

ଆଦ୍ ନାରୁଡ଼୍ ପ୍ରବୁନ୍ ଶାନ୍ତି, ପରାକ୍ରମ୍ ନୁ ଗୌରବ୍ ତାଗାଙ୍କ୍ ୱେରେ ଆସ୍ ସାରେଦିନାତ୍ ସେଙ୍ଗେ ବିନଷ୍ଟ ଆଦ୍‍ତଡ଼୍ ।

ଏବ୍ରୀ 6:4

ବେନଡ଼୍‍ ବିଶ୍ୱାସ୍ ୱିଡ଼୍‍ସ୍‍ତଡ଼୍‍ ଅଡ଼୍‌‍ ଏର୍କାମାଡ଼ି ମେଣ୍ଡେ ୱାଦା ପାର୍ଦିତଡ଼୍‍ କି ? ଅଡ଼୍‌‍ ଆସୁଙ୍କ୍ ଇଶ୍ୱରନ୍‌ ୱେସ୍‌ତେ ବାଦ୍‌କ ମାତ୍‍ତଡ଼୍‍, ସ୍ୱର୍ଗତାଦ୍ ଦାନାମ୍‌ ନାକି, ପବିତ୍ର ଆତ୍ମା ଦର୍ସ୍କିମାତ୍‍ତଡ଼୍‍ ।

୧ ପିତର୍‍ 1:5

ତେରାନ୍ ଦିନେତେ ବେନ୍ ପରିତ୍ରାଣ ସାରେ ଆଦ୍‍ତେ, ଆଦ୍ ପାଏମ୍ ଆଦାନ୍ ସେଙ୍ଗେ ମିଡ଼୍ ବିଶ୍ୱାସ୍‍ ତଡ଼୍‍ ଇଶ୍ୱର୍‌ତେ ଶକ୍ତିତେ ସୁରକ୍ଷିତ୍‍ ଆତ୍‍ତିଡ଼୍ ।