ଏଫିସିୟ 2:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 2:10 Iomraidhean Croise

ମାତିଉ 5:16

ଆଦେପୁଟୁଙ୍କ୍ ମିୱାଦ୍ ୱେସ୍ ସାରେତଡ଼୍ ଗାର୍‍ରେ କେଲିନ୍ । ଆଲେକେ ମିୱାଦ୍ ସତ୍‍କାମ୍ ସାରେ ଉଡ଼ି ଅଡ଼୍‌ ମିଇ ସ୍ୱର୍ଗତଣ୍ଡ୍ ବାବାଲ୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିତଡ଼୍ ।

ଯୋହନ୍‌‌ 3:21

ବାତେଙ୍କ୍ ଇତ୍‍କେ ବେନଆଇ ନିଜାମ୍‍ ପାଡ଼୍‍ୟି ମାଡ଼ିତନ୍, ବେଦ୍‍ପୁଟୁଙ୍କ୍ ଅନ୍‌‍ୱାଦ୍ ପାଡ଼ିୟି ସାରେ ଇଶ୍ୱର୍‌ତାଦ୍, ଇଶ୍ୱର୍‌ତେ ଇଚ୍ଛା ଲେକାମ୍‍ତେ ମାଡ଼୍‍ତଣ୍ଡ୍ ଇଞ୍ଜ ତନ୍ଦିତେ, ଅଣ୍ଡ୍‌ ୱେୟ୍‍ସିନ୍ ଗାର୍‍ରେ ୱାଦ୍‍ତଣ୍ଡ୍ ।

ପ୍ରେରିତ 9:31

ଯିହୁଦା, ଗାଲିଲୀ ନୁ ଶମିରୋତାଗ୍ ମାନ୍ଦାନ୍ କ୍ରିଷ୍ଟୀୟ ମଣ୍ଡଲି ଆଦ୍ ସମୟ୍‍ତେ ଶାନ୍ତି ମାତ୍‍ତେ ନୁ ପବିତ୍ର ଆତ୍ମାତ୍‍ ସାର୍‍ଦେତଡ଼୍ ଅଡ଼ାଦ୍‌ ନାରୁଡ଼୍ ସଂଖ୍ୟା ନାର୍ଗେ ଆତ୍‍ତେ ନୁ ଅଡ଼୍‌ ଶକ୍ତିନଡ଼୍ ଆତ୍‍ତଡ଼୍ । କ୍ରିଷ୍ଟ ବିଶ୍ୱାସୀଡ଼୍ ପ୍ରବୁଙ୍କ୍ ୱେର୍‍ସ୍ ମିକା ବାଦ୍‍କ୍‍ତଡ଼୍ ।

ପ୍ରେରିତ 9:36

ଯୋପାତାଗ୍ ଟାବିଥା ପେଦେର୍‍ତେ ୱେରଡ଼୍ ବିଶ୍ୱାସୀ ନାଟାଡ଼୍ ବାସେ ମାଡ଼ମାତ୍‍ତେ । ଆଦିନାଦ୍ ଗ୍ରୀକ୍ ପେଦେର୍ ଦର୍କାସ୍ ଇତ୍‍କେ ଇଦ୍‍ ଅର୍ତ “ହରିଣୀ,” ମାତ୍‍ତେ । ଆଦ୍ ତାନାଦ୍ ସାରେ ଦିନାମ୍ ସାୟେକାମ୍ ଦାଗ୍ ନୁ ଗରିବ୍ ନାରୁଡ଼୍‍କ୍ ସେବା ମାଡ଼ାନାଗ୍ ହିସମାତ୍‍ତେ ।

ରୋମୀୟ 8:1

ତ ବେନଡ଼୍ କ୍ରିଷ୍ଟ ଜିସୁନାଗ୍ ମିନ୍ଦେଡ଼୍‍, ଅଡ଼୍‌ ସେଙ୍ଗେ ବାତ୍ ତିପାଲ୍ ଇଲ୍‍ଲେ ।

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

୧ କରନ୍ତିୟ 3:9

ବାତେଙ୍କ୍‍ଇତ୍‍କେ ମାମ୍‍ମେ ଇଶ୍ୱର୍‌ତେ ତଡ଼୍ ପାଡ଼୍‍ୟିମାଡ଼ାନମ୍; ମିଡ଼୍‌ ଇଶ୍ୱରନ୍‌ ୱାୟା ନୁ ଇଶ୍ୱରନ୍ ଲୋନ୍‌ ।

୨ କରନ୍ତିୟ 5:17

କ୍ରିଷ୍ଟନ୍‍ ତଡ଼୍ କାଇଲ୍‍କେ, ନାରୁନାଦ୍ ପୁନେ ତିଆର୍ ଆଦ୍‍ତେ । ପାଃନ୍ତେ ବିଷୟସାରେ ମାଇ ଆଦ୍‍ତେ, ପୁନେତାଉ ତିଆର୍ ଆଦ୍‍ତେ ।

୨ କରନ୍ତିୟ 5:5

ଇଶ୍ୱର୍‌ ମାକିଂଙ୍କ୍ ଇଦ୍ ପରିବର୍ତ୍ତନ୍ ସେଙ୍ଗେ ତିଆର୍ ମାଡ଼୍‍ତଣ୍ଡ୍ । ମେଣ୍ଡେ ଇଦିନ୍ ସାରେ ଲେକାମ୍ ତାନ୍ ପବିତ୍ର ଆତ୍ମାତିଙ୍କ୍ ଅଣ୍ଡ୍‌ ମାନ୍‍ ଦାନ ମାଡ଼୍‍ତଣ୍ଡ୍ ।

୨ କରନ୍ତିୟ 9:8

ସାରେଲେକାତ୍ ଦାନ୍‍ତେ ମିକିଂଙ୍କ୍ ଉନ୍ନତି ମାଡ଼ାନ୍ ସେଙ୍ଗେ ଇଶ୍ୱର୍‌ ପାର୍‍ଦ୍‍ତଣ୍ଡ୍; ପେର୍‍କେ ମିଡ଼୍ ସାରେଦାମ୍ ସମ୍ପତିତାଗେ ବାଦ୍‍କେ ପାର୍‍ତିଡ଼୍ ନୁ ସାରେ ଲେକାତ୍ ଲେକେତ୍‍ ପାଡ଼୍‍ୟି ସେଙ୍ଗେ ବେସର୍ ଦର୍‍କାର୍ ଆସର୍ ଦାନ ଇଦ୍‍ଏ ପାର୍‍ତିଡ଼୍ ।

ଗାଲାତୀୟ 6:15

ବାତେଙ୍କ୍ ଇତ୍କେ ସୁନ୍ନତ କି ଅସୁନ୍ନତ ବାତେ ମିକା ଆୟ, ଆଦିଙ୍କ୍ ପୁଃନାଦ୍ ତିଆର୍‍ ଆତ୍‍କେ ସାୟେ ।

ଏଫିସିୟ 1:1

ଇଶ୍ୱର୍‌ତେ ଇଚ୍ଛା ଲେକାମ୍ କ୍ରିଷ୍ଟ ଜିସୁନ୍ ୱେରଣ୍ଡ୍ ପ୍ରେରିତ୍ ଶିଷ୍ୟ ଲେକାମ୍ ନିଯୁକ୍ତି ଆସ୍‍ମାନ୍ଦାନ୍ ପାଉଲ୍, ଜିସୁ କ୍ରିଷ୍ଟନ୍ ତଡ଼୍ କାଇଲି ମିକା ବିଶ୍ୱାସ୍‍ତେ ବାଦ୍‍କମାନ୍ଦାନ୍ ଏଫିସିତେ ଇଶ୍ୱର୍‌ତେ ନାରୁଡ଼୍ ପାକେ ଲେକିମାନ୍ଦାନ୍ ଇଦ୍ ଚିଟି,

ଏଫିସିୟ 1:4

କ୍ରିଷ୍ଟନାଗ୍‍ କାୟ୍‍ଲି ମାନାଡ଼୍‍ ବେଲା ଇଶ୍ୱର୍‌ତେ ନାରୁଡ଼୍‍ ଆଦ୍‍ତାଡ଼୍‍, ଅଦିନ୍‌ ସେଙ୍ଗେ ଜଗତ୍‍ ସୃଷ୍ଟି ଆଦାନ୍‍ ମୁନେଙ୍କ୍‍ ଅଣ୍ଡ୍‌‍ ମାନାଙ୍କ୍‍ ଏଞ୍ଚି ମିନ୍ଦେଣ୍ଡ୍‍ । ଆଦିଙ୍କ୍‍ ଅନ୍‌‍ ପ୍ରେମତେ ମାନାଡ଼୍‍ ଅନ୍‌‍ ମୁନ୍ନେ ପବିତ୍ର ନୁ ନିର୍ଦୋଷ୍‍ ଆତ୍‍ତାଡ଼୍‍ ।

ଏଫିସିୟ 2:13

ଆଦେଲେକାମ୍ ଯେକା ମାତ୍‌ତିଡ଼୍; ଇଞ୍ଜେ ଜିସୁନ୍‍ତଡ଼୍ ଅଣ୍ଡୟ୍‌‍ ଆସ୍ କ୍ରିଷ୍ଟନ୍ ଡଲ୍‍ତାଦ୍ ସେଙ୍ଗେ ଗାର୍‍ରେ ହେଉସ୍ ମିନ୍ଦେ ।

ଏଫିସିୟ 2:15

ଅଡ଼୍‌ ଇହୁଦିନଡ଼୍ ସାରେ ବିଦିବିଦାନ୍ ସାର୍‌ରେ ବ୍ୟବସ୍ଥାତିଙ୍କ୍‍ ଉଚ୍ଛେଦ ମାଡ଼ି ଇହୁଦିଡ଼୍ ନୁ ଅଣଇହୁଦିଡ଼୍ ଆଗାଙ୍କ୍ ଅଡ଼ାଦ୍‌ ସାହାଯ୍ୟ ମାଡ଼ମାନ୍ଦାନ୍ ୱେରଡ଼୍ ପୁଃନେ ମାନବ୍ ଜାତି ତିଆର୍ ମାଡ଼୍‍ତଣ୍ଡ୍ । ଆଗେ ପୃତିବିତାଗ୍ ଶାନ୍ତି ତିଆର୍ ଆଦ୍‍ତେ ।

ଏଫିସିୟ 2:2

ଆଦ୍ ସମୟ୍‍ତେ ମିଡ଼୍, ବେନ୍ ଆତ୍ମା ଇଞ୍ଜେ ମିକା ବୁଦ୍‍ଇଲ୍‍ୱେ ପିଲାନାଗ୍ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ଇଚ୍ଛାଲେକାମ୍ ମିଡ଼୍‍ଆନ୍‌ନ୍ତେ ମୁନେଙ୍କ୍‍କଞ୍ଜ୍ ପାଲନ୍ ମାଡ଼ଡ଼୍‍ ଅପରାଦ୍‌ତେ ନୁ ପାପତେ ଡଲିମାତ୍‍ତିଡ଼୍ ।

ଏଫିସିୟ 2:6

କ୍ରିଷ୍ଟ ଜିସୁନ୍‍ତଡ଼୍ ୱେରଡ଼୍ ଆତ୍‍ତେ ପେର୍‍କେ ଅନ୍‌‍ତଡ଼୍ ସ୍ୱର୍ଗତାଗ୍ ରାଜ୍‍ମାଡ଼ାନ୍ ସେଙ୍ଗେ ଅଣ୍ଡ୍‌ ମାନାଙ୍କ୍‍ ମିକା ତେଏସ୍ ମିନ୍ଦେନ୍ ।

ଏଫିସିୟ 4:1

ପ୍ରବୁନ୍ ସେବା ମାଡ଼ାନ୍ ମାୟ୍‍ଦିଙ୍କ୍ ବନ୍ଦି ଆସ୍‍ମାନ୍ଦାନ୍ ନାନ୍‍ନେ ପାଉଲ ମିକିଂଙ୍କ୍ ଅନୁରୋଦ୍ ମାଡ଼ୁତାନ୍, ବେଦ୍‍ପୁଟୁଙ୍କ୍ ବାଦ୍‍କାନ୍ ମାୟ୍‍ଦିଙ୍କ୍ ଇଶ୍ୱର୍ କାର୍‍ଙ୍ଗି ମିନ୍ଦେଣ୍ଡ୍ ଆଦେ ଲେକାମ୍ ବ୍ୟବହାର୍‌ ମାଡ଼ାଟ୍ ।

ଏଫିସିୟ 4:24

ଇଶ୍ୱର୍‌ତେ ଲେକାମ୍ ତିୟାର୍‍ ଆତ୍‍ତେ ପୁନାଦ୍ ନିଜାମ୍‍ ସତ୍‍ ଆତ୍ମା ପୟ୍‍ମୁଟ୍ । ଆଦ୍ ମିୟାଦ୍‍ ପବିତ୍ର ନୁ ସାୟେତାଦ୍ ଜିୱୁଣ୍ଡ୍‍ ତଅନ୍‌ଦି ।

ଫିଲିପିୟ 1:6

ଆଦିଙ୍କ୍ ନାନ୍ ଇଦ୍ ବିଷୟ୍‍ତେ ନିଜାମ୍‍ ଯେ, ବେନ୍ ପ୍ରବୁ ମିୟାଗେ ଇଦ୍ ସାୟେ ପାଡ଼୍‍ୟି ଆରାମ୍ ମାଡ଼୍‍ତଣ୍ଡ୍, କ୍ରିଷ୍ଟ ଜିସୁନ୍ ୱାଦାନ୍ ଦିନାତେ ଇଦ୍ ତେରାନ୍ ଯାକ ଅଣ୍ଡ୍‌ ଆଦ୍ ମାଡ଼ିତନ୍ ।

ଫିଲିପିୟ 2:13

ବାତେଙ୍କ୍ ମିୟାଦ୍ ନୁ ଅନ୍‌‍ଲେକାମ୍ ପାଲନ୍ ମାଡ଼ାନ୍ ସେଙ୍ଗେ ତିଆର୍ ନୁ ସମର୍ତନ୍ ମାଡ଼ାନଙ୍କ୍ ସ୍ୱୟଂ ଇଶ୍ୱର୍ ମିୟାଗେ ସାରେଦାମ୍ ପାଡ଼୍‍ୟି ମାଡ଼ୁତଣ୍ଡ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

କଲସୀୟ 3:10

ମେଣ୍ଡେ ପୁଃନେ ଅବ୍ୟାସ୍‍ ପୟ୍‍ତ୍‍ତିଡ଼୍ । ନାରୁଡ଼ାୱୁ ଇୱୁ ପୁନାୱୁ, ସୃଷ୍ଟିକର୍ତାଲ୍ ଇଶ୍ୱର୍‍ ନିଜେ ନିଜର୍‍ ଲେକାମ୍ ବାରମ୍ବାର୍ ତିୟାର୍ ମାଡ଼ୁତନ୍ । ଇଦିନ୍ ସେଙ୍ଗେ ମିଡ଼୍ ଅନ୍‌ ବିଷୟତେ ସାରେଲେକାତ୍ ଜ୍ଞାନ୍ ପାଏମ୍ ଆଦୁତିଡ଼୍ ।

୨ ଥେସଲନିୟ 2:17

ଅଣ୍ଡ୍‌ ମାନ୍‍ ସାରେଦିନାମ୍ ସାୟେ ପାଡ଼୍‍ୟି ମାଡ଼ାନ୍ ସେଙ୍ଗେ ନୁ ସତ୍‍ ବାକ୍ୟ କେତାନଙ୍କ୍ ରହତନ୍ ନୁ ଶକ୍ତି ଇୱିଣ୍ଡ୍ ।

୧ ତୀମତି 2:10

ମୁତେକି ସାୟେ କାମ୍ ସେଙ୍ଗେ ନିଜେତ୍ ଦର୍ମପରାୟନ୍‍ତେ ପରିଚୟ ହିୱି ।

୧ ତୀମତି 5:10

ପିଲାକିଙ୍କ୍ ଲେକେତ୍ ଯତନ୍ ଆୟନା, ଅବଗତକିଡ଼୍ ଆତିତ୍ୟ ମାଡ଼ିକାଡ଼୍ କ୍ରିଷ୍ଟିୟାନ୍ ଦାଦାଲ୍, ହେଲାସ୍‍କିଙ୍କ୍ ସେଙ୍ଗେ ନମ୍ର ଆଚରନ୍ ମାଡ଼ିକାଡ଼୍, ଗରିବ୍‍ ନାରୁଡ଼୍‍କିଙ୍ଗ୍ ସାହାଯ୍ୟ ମାଡ଼ିକାଡ଼୍ ହିସାରେ ସାୟେକମ୍ ସେଙ୍ଗେ ବେନଡ଼୍ ସମାଜ୍‍ତାଗ୍ କାତି ଲାବ୍ ମାଡ଼ିତଡ଼୍ ।

୧ ତୀମତି 5:25

ଆଦେପୁଟୁଙ୍କ୍ ବେସ୍‍କ୍‍ତଡ଼କ୍ ଦର୍ମକର୍ମ ସହଜତେ ସାରେତଡ଼୍ ଉଡ଼୍ ପାର୍‍ତଡ଼୍ । କିନ୍ତୁ ମେଣ୍ଡେ ବେସ୍‍କ୍‍ତଡ଼୍ ସତ୍‍କର୍ମ ଆଦେପୁଟୁଙ୍କ୍ ପ୍ରକାଶ୍ ପାହେମ୍, ଆୟକଟ ମାତ୍‍କେ ସାରେଦିନା ମିଞ୍ଜି ମାନ୍ଦେପାର୍‍ୱଡ଼୍ ।

୧ ତୀମତି 6:18

ମେଣ୍ଡେ ଅର୍‍ତୁଡ଼୍ ସାହାଯ୍ୟତେ ସାରେତଡ଼୍ ସତ୍‍କାମ୍‍ଦେ ସାଉକାର୍ ଆଦ୍‍ତଡ଼୍; ମେଣ୍ଡେ ମୁକ୍ତ କାଇଦେ ନୁ ଉଦାର୍‍ତେ ଦାନ ମାଡ଼ିତନ୍, ଅଦିନ୍‌ ସେଙ୍ଗେ ଅଡ଼୍‌‍କିଂଙ୍କ୍ ଆଜ୍ଞା ଇମୁଟ୍;

୨ ତୀମତି 2:21

ବେନଆଇ ସାରେ ପାପ କାରାପ୍ ତାଗାଙ୍କ୍ ନିଜେତିଙ୍ଗ୍ ଶୁଚି ନେହେତିତନ୍, ଅଣ୍ଡ୍‌ ପ୍ରବୁନ୍ କାମ୍‍ଦାଗ୍ ବ୍ୟବହୃତ୍ ଆଦ୍‍ତେ, ଅଣ୍ଡ୍‌ ପ୍ରବୁନାଗେ ଅନୁରକ୍ତ, ଅନ୍‌ ସେଙ୍ଗେ ଆଦ୍ ଦର୍‍କାର୍ । ବେନ ବାତେଆଇ ଲେକେତ୍‍ କାମ୍‍ତାଗ୍ ବିନିଯୁକ୍ତ ଆଦାନ୍ ଅଣ୍ଡ୍‌ ତିଆର୍‍ ।

୨ ତୀମତି 3:17

ବେଲାନ୍ କି ଇଶ୍ୱର୍‍ ନାରୁଡ଼୍, ସିଦ୍ଦ ଆସ୍ ସାରେତ୍ ସାୟେ କାମ୍ ସେଙ୍ଗେ ତିଆର୍‍ ଆଦ୍‍ତେ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ତୀତସ୍‌ 2:7

ମିଡ଼୍ ନିଜେ ନିଜେତ୍ ବ୍ୟବହାର୍‌ ତଡ଼୍ ସାୟେତ୍ ପାଡ଼୍‍ୟି ତଅମୁଟ୍, ଶିକ୍ଷାତାଗ୍ ନିଜାତାଦ୍ ନୁ ଲୋପେତ୍ ଇଚ୍ଛା ନୁ ଲେକାମ୍ ବାକ୍ୟ କେଲ୍‍ମୁଟ୍ ।

ତୀତସ୍‌ 3:1

ଶାସନ୍‍ କର୍ତ୍ତାଲ୍ ନୁ ଦାୟିତ୍ୱବାନ୍ ନାରୁଡ଼୍‍କିଂଙ୍କ୍ ମାନେମ୍‍ ଆଦାନାଦ୍, ମେଣ୍ଡେ ସାର୍‍ରେ ରକମ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ତିଆର୍ ଆଦାନଙ୍କ୍, ତିଆର୍ ଆସ୍ ମାନ୍ଦାନଙ୍କ୍ ସବ୍ୟଡ଼୍‍କିଙ୍କ୍ ଏର୍କା ମାଡ଼ିମୁଟ୍ ।

ତୀତସ୍‌ 3:14

ମାନ୍‍ ନାରୁଡ଼୍ ଗାଲା ଦର୍‍କାର୍ ସେଙ୍ଗେତ୍ ଉପ୍‍କାର୍ ମାୟ୍‍ଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସିଡ଼୍, ବେଲାକି ଅଡ଼୍‌ ମୁଲ୍ୟହିନ୍ ଆୟ୍‍ମାକିଡ଼୍ ।

ତୀତସ୍‌ 3:8

ଇଦ୍ ୱେରଡ଼୍ ନିଜାମ୍ ଗଟ୍, ମେଣ୍ଡେ ବେଲା ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼ାନଡ଼ି ସାର୍ରେତଡ଼୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ମାନ୍‍ ମାଡ଼ିତଡ଼୍, ଇଦିନ୍ ସେଙ୍ଗେ ଇଦ୍ ସାର୍‍ରେ ବିଷୟ୍‍ତେ ଗାଡ଼୍‍ସ୍ ଆସ୍ ଶିକ୍ଷା ଇମୁଟ୍ ଇଞ୍ଜ ନାୟାଦ୍ ଇଚ୍ଛା । ଇଦ୍ ସାର୍‍ରେ ନାରୁଡ଼୍‍କିଂଙ୍କ୍ ପାଡ଼ିୟିଦାଗ୍ ଆଦ୍‍ତେ ।

ଏବ୍ରୀ 10:24

ୱାରାଟ୍‌, ମାନାଡ଼୍‍ ୱେରେତଡ଼୍‍କିଙ୍କ୍‍ ଏର୍କା ମାଡି ଅଡ଼୍‌‍କ୍ ସାହାଯ୍ୟ ମାଡ଼ିକାଲ୍; ଇଦେଲେକାମ୍ ପ୍ରେମ୍‌ତେନେ ସତ୍ କାମ୍ ମାଡ଼ିକାଲ୍ ।

ଏବ୍ରୀ 13:21

ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।

୧ ପିତର୍‍ 2:12

ଅଣଯିହୁଦୀଡ଼ାଗାଙ୍କ୍ ମିୟାଦ୍ ସାୟେତ୍‍ ବ୍ୟବହାର୍‌ ସାରେଦାମ୍ ପ୍ରାକଶ୍ ଆୟି; ଆଲେକେ, ଅଡ଼୍‌ ମିକିଙ୍କ୍ କାରାପ୍‍ ପାଡ଼୍‍ୟି ମାଡ଼ାନଡ଼୍‍ ଇଞ୍ଜ୍ ଅପ୍‍ମାନ୍ ଇସ ମାତ୍‍ତେ ମିକା, ମିୟାଦ୍ ସତ୍‍କାମ୍ ଉଡ଼ି କ୍ରିଷ୍ଟନ୍ ୱାଦାନ୍ ଦିନାତେ ଇଶ୍ୱର୍‌ତିଙ୍କ୍‍ ପ୍ରସଂଶା ମାଡ଼ିତଡ଼୍ ।

୧ ଯୋହନ୍‌‌ 1:7

ବାତେଙ୍କ୍‍ଇତ୍କେ ଇଶ୍ୱର୍‌ତେ ଲେକାମ୍ ମାନାଡ଼୍ ଯଦି ୱେସିନାଗ୍ ମାନ୍‍ତାଡ଼୍, ମାନାଡ଼୍ ନିଜେ ନିଜର୍‍ ଲୋପେ ସାହାଯ୍ୟ ଦର୍କିତ୍ ନୁ ତାନ୍ ମାର୍‍ ଜିସୁନ୍ ନେତୁର୍ ମାନଙ୍କ୍ ସାରେତ୍ ପାପତାଗାଙ୍କ୍ ପରିଷ୍କାର୍ ମାଡ଼ିତେ ।

୧ ଯୋହନ୍‌‌ 2:6

ବେନ ଇଶ୍ୱର୍‌ତାଗ୍‍ ମିନ୍ଦେନ୍‍ ଇଞ୍ଜ କେତିତଣ୍ଡ୍‍, ଅଣ୍ଡ୍‌ କ୍ରିଷ୍ଟ ଜିସୁନ୍ ଲେକାମ୍ ଜୀବନ୍ ଯାପନ୍ ମାଡ଼ିଣ୍ଡ୍‍ ।